ကောဏ္ဍဓာနမထေရ်ႏ
"ကောဏ္ဍဓာနမထေရ်ႏဝတ္ထု" ၁၃၃။ ဂါႏထာႏပြန်ႏပအိုဝ်ႏခြေင်ခြေင်- ငေါဝ်းကျံꩻထံꩻယို ရိုꩻမွုန်းဒွုမ် ဝင်ꩻတဖြာꩻဖြာꩻဟုဲင်း၊ ကခံႏဗာႏအရိုꩻသားဖုံႏနဝ်ꩻ အရိုꩻချာလွနာꩻဒျာႏရင်ꩻ၊ မွေးဒျာႏ ငေါဝ်းရိုꩻဆာ လို့ဝင်ꩻဖုံႏနဝ်ꩻ ထွာအီထာꩻဒုက္ခတန်ဒျာႏ၊ ဝင်ꩻကရိုꩻပြန်ႏ ငေါဝ်းတံႏဖုံႏနဝ်ꩻ နာႏခံႏဗာႏချာဒျာႏသွူ။
၁၃၄။ ဂါႏထာႏပြန်ႏပအိုဝ်ႏခြေင်ခြေင်- မာꩻထဲ့ထိုꩻ အငွဉ်ꩻရဲစ်ꩻ (တကွို့ꩻ)မာꩻကီ ထီတကောက်ꩻတောင်ꩻနဝ်ꩻ အငေါဝ်းတသင်ႏတဝ်းဒွုမ်၊ နာꩻဖြောင်းနာꩻပေ့ꩻ နာꩻအုံတေ့ꩻသွော့ထာꩻနုဲင်းနဝ်ꩻဟုဲင်း၊ နာꩻဖြောင်းနာꩻပေ့ꩻ နာꩻမဉ်ႏအုံတေ့ꩻနွောင်ꩻနုဲင်းနဝ်ꩻနဝ်ꩻ တွမ်ႏနာꩻကတွိုႏ နိဗ္ဗာန်ႏနဝ်ꩻဗွန်ဝင်ꩻ၊ ငေါဝ်းရိုꩻဆာနာနောဝ်ꩻ အမျိုꩻအဝ်ႏဒွုမ်နဲ့။
ဟော်ꩻထွားသွဉ်ဗာႏ "ကောဏ္ဍဓာနမထေရ်ႏ"ဝတ္ထုယိုတဲင် "လꩻဗဟုသုတ၊ လꩻသတိꩻနုဲင်းယို"
၁။ လူꩻ (တာႏဝတိံႏသာႏ) ခန်းတဲ့ယောဝ်း လူꩻဟောဝ်အောဝ်ႏ၊ လူꩻကုဲင်အဝ်ႏ-
၂။ ပေါႏမာꩻပꩻ ဝင်ꩻလွောင်ႏဗူႏ၊ ပေါႏမာꩻဟူႏ ဝင်ꩻမေတ္တာႏ၊ ပေါႏဗျာႏလို့ ဝင်ꩻထာꩻရက်နောဝ်ꩻ ယူႏပက်ဒုက္ခဆုဲင်ꩻ၊ ထဲ့ဗာႏငါးရုဲင်ꩻ-
၃။ "ဝွဋ်"ကရိုꩻနဝ်ꩻ- နီကမာꩻဝင်ꩻပွုံႏစံႏအတွိုင်ꩻ ခံႏချာဗာႏနဝ်ꩻအတွိုင်ꩻ-
၄။ ရဟန်ꩻကရိုႏသေႏ သီႏလသိက္ခာႏသားဖုံႏနဝ်ꩻ ငမ်းငါႏဂွုဏ်ႏသိက္ခာႏလင်ꩻ၊ ငမ်းငါႏ ဝင်ꩻထီႏဖွီ-
၅။ ခွန်(လိုꩻတန်)ကရိုꩻနဝ်ꩻ ကိစ္စအမျိုꩻမုဲင်ꩻတဲ့ယဝ်း နမ်းလွေꩻစဲစ်ဆေꩻ စဲင်းစဲင်းစဲ့စဲ့နဝ်ꩻမꩻ လꩻအမဲဉ်ႏတရာꩻ-
၆။ ခါးလား ကရိုꩻလျားလို့ဝင်ꩻနဝ်ꩻ အုံတေ့ꩻတေ့ꩻဗော့ꩻနောဝ်ꩻ အပဲစ်ဆေ့ꩻထဲင်း-စတဲင်နုဲင်းနဝ်ꩻ သေထွꩻ လꩻအီသတိꩻအာတန်သွူ။[၁][၂][၃]