ခြွိုင်ႏသန်ꩻသုတ

"ခြွိုင်ႏသန်ꩻသုတ" ခြွိုင်ႏသန်ꩻသုတ အခန်ꩻကိုယိုနဝ်ꩻ ပွိုင်းဝွို့တွမ်ႏခြွိုင်ႏသန်ꩻရေꩻတဲင် ကလိုႏသေထွိုက် သေသင်ꩻဒါႏ အကျောင်ꩻခရာႏဖုံႏယို နီပအိုဝ်ႏသီးတာႏ တဲမ်းနယ်လွေꩻဗာႏ တလဲင်ႏတစိꩻစိꩻသွူ။

ဟန်ႏထွိုင်းတွမ်ႏတငါဆာ

ဟန်ႏထွိုင်ႏကရိုꩻနဝ်ꩻ နီပအိုဝ်ႏသီး လိုꩻတသေငါꩻတဝ်းနဝ်ꩻ အလွိုးတအဲန်ထဝ်းသွူ။ ဒုံကိုလမ်းခါႏတရိုꩻတဝ်း၊ ဒုံသောင်ဒုံထျꩻတရိုꩻတဝ်း၊ ခြံကိုခြံဖူꩻတရိုꩻတဝ်း အဝ်ႏဒေါ့ꩻလို့ဒျာႏသွူ။ ဟန်ႏထွိုင်းယိုနဝ်ꩻ ခမ်းခွꩻခမ်းလျားတရွေꩻတဝ်း အဝ်ႏလို့ဒျာႏသွူ။ ဟန်ႏထွိုင်းစော့ꩻလာႏယို မီႏကဉ်ႏအံႏတသဉ်နေးနဝ်ꩻ အရသာႏ ဟံးပေါင်းဆျာႏတဖွတ်ꩻထာꩻသွူ။ အတုဲင်နဝ်ꩻ အရောင်ႏတသီႏ၊ အတုဲင်မော့ငါနဝ်ꩻ ဟံႏတမွန်ꩻမွန်ꩻသွူ။ မီႏထွားထုဲင်ႏ အထောင်ꩻအလာႏနဝ်ꩻ ဟန်ႏထွိုင်ႏဗွိုန်တဝ်းဝင်ꩻသွူ။ ကွဲႏတွော့ꩻ ဖက်ꩻပိုမ်းကောင်နဝ်ꩻ အတုဲင်မဲ့ငါတွောင်းဒျာႏ၊ အတုဲင်ရောင်ႏဗာဒျာႏသွူ။ ဟန်ႏထွိုင်းယိုနဝ်ꩻ "မီႏသေလဲ့ ထွာတသီႏ၊ မီႏသေတဝ်း ထွာထာꩻအီႏ"ကရိုꩻဒါႏ ပအိုဝ်ႏငဝ်းအတွိုင်ꩻ မီႏသေနဝ်ꩻ ထွာတသီႏအငိုꩻတန်ႏ အဖိုꩻတန်ႏငါႏသွူ။ ဟန်ႏထွိုင်းယိုနဝ်ꩻ တငါသေ့ꩻအဲင်ႏတွော့ꩻ ဆာတရိုꩻတဝ်း၊ ဆာဒျာႏအဲင်ႏဒျာႏတွမ်ႏအကျောင်ꩻအလင်တရိုꩻတဝ်း ဟန်ႏထွိုင်းစော့ꩻလာႏ၊ ဟန်ႏထွိုင်းတန်ယို စုဲင်ပဲစ်ꩻပသာႏထွူတွော့ꩻ အွဉ်ႏပယ်အွဉ်ႏပြောက်တငါ ကအဝ်ႏဆာနဝ်ꩻ တညတဝ်း အဆာသက်သာႏလွဉ်ဒျာႏ ရိုꩻနဝ်ꩻသွူ။ တငါကကုဲင်းဆာဒါႏ တငါသေ့ꩻအို ကအဝ်ႏဒါႏလိုꩻနဝ်ꩻ တင်ꩻကျွစ်တထိန်ႏလာ ဟန်ႏထွိုင်းတုဲင်ခိန်ႏနဝ်ꩻ ထူႏအွဉ်သဲင်ထွူတွော့ꩻ ထောင်းဖွန်ႏသိမ်ꩻဟဝ်ခါꩻ၊ တငါဆာမုဲင်ꩻခါလဲ့ သူႏအွဉ်ႏပြောက် (အိုမ်)ဖေႏနဝ်ꩻ ဟဝ်ဒျာႏသွူ။

မေ့အကျိုꩻဟော်ꩻ

နီပအိုဝ်ႏသီး ဒွိုႏဟန်ႏအိုထာꩻမုဲင်ꩻမုဲင်ꩻတယဝ်း ကအဝ်ႏသော့ꩻပါဒါႏဆေ့ꩻဆေ့ꩻနဝ်ꩻ မေ့ဖွန်ႏသွူ။ မေ့နဝ်ꩻ ဟန်ႏအိုတွိုင်ꩻ အဝ်ႏသော့ꩻပါစွဉ်ႏလဲ့ ဝွေꩻအကျိုꩻဟော်ꩻ ကထွာအီဒါႏတသီႏနဝ်ꩻ တသေတဝ်းကဲန်းအာအာသွူ။ နဝ်ꩻတွော့ꩻ မေ့ယို ထွာတသီႏအမျိုꩻနဲးကရိုꩻနဝ်ꩻ တဲမ်းနယ်လွေꩻနုဲင်းဆꩻငါဖုံႏယိုအတွိုင်ꩻသွူ။ ၁။ မေ့နဝ်ꩻ ကာႏကွဲႏဖေႏနွောင်ꩻ ကေန်ဆောရောႏဂါႏအမျိုꩻမျိုꩻဖုံႏသွူ။ ၂။ လိုꩻကထွာဒါႏ အဆာႏခြုံရောႏဂါႏနဝ်ꩻ အံႏကုဲင်းကုဲင်းဖေႏမေ့ဖွန်ႏနဝ်ꩻလဲ့ ဟဝ်သက်သာႏအီဒျာႏနေနေသွူ။ ၃။ မေ့ယို မီႏအံႏကုဲင်းကုဲင်းနဝ်ꩻ သွီႏယာႏစင်ႏကြယ်ႏ၊ သွီႏယာႏတရေꩻသွူ။ ၄။ သွီႏကို အဗဲ့ꩻဓာတ်ကအာဒါႏလိုꩻနဝ်ꩻ ထွာဒါႏဆွတ်ꩻဆွုမ်ႏယော့ꩻရောႏဂါႏစတဲင် ရောႏဂါႏအမျိုꩻမျိုꩻတဲင် မီႏအံႏကုဲင်းကုဲင်းမေ့ဖွန်ႏနဝ်ꩻ သွီႏကိုအဗဲ့ꩻဓာတ်ယိုလဲ့ မာꩻယွမ်ꩻအီဒျာႏသွူ။ ၅။ မီႏထွာလဲန်းသွူ ဆွတ်ꩻဆွုမ်ႏယော့ꩻရောႏဂါႏလဲ့ အံႏကုဲင်းကုဲင်းမေ့ဖွန်ႏနဝ်ꩻ ဟဝ်သက်သာႏနွောင်ꩻအီဒျာႏသွူ။ ၆။ မေ့နဝ်ꩻ သွုန်ႏယော့ꩻရောႏဂါႏ၊ သွုန်ႏအဗဲ့ꩻလွမ် (အသဲအဆီဖုံး)ရောႏဂါႏဖုံႏလဲ့ ဟဝ်သက်သာႏနွောင်ꩻအီသွူ။ ၇။ မေ့နဝ်ꩻ နာႏရွိုး (ပန်းနာရင်ကြပ်)ရောႏဂါႏယိုလဲ့ ဟဝ်သက်သာႏအီသွူ။ ၈။ မေ့နဝ်ꩻ သꩻရာႏသွီႏအိုအဲန်ႏ (နှလုံးသွေးကြောကျဉ်း)ရောႏဂါႏယိုလဲ့ ဟဝ်သက်အီဒျာႏသွူ။ ၉။ လိုꩻယဟန်ႏနဝ်ꩻ ပြင်အော့ꩻတသိုꩻမဉ်ႏထန်ႏနဝ်ꩻ နွုမ်ꩻကုဲင်နွုမ်ꩻဟေ့ꩻသွူ။ မီႏအံႏကုဲင်းကုဲင်း မေ့တသဉ်တယဝ်း၊ မေ့ဖွန်ႏတယဝ်းနဝ်ꩻ ပြေင်အော့ꩻနွုမ်ꩻကုဲင်လဲ့ ဟဝ်အီရိုꩻနဝ်ꩻသွူ။ ၁၀။ မေ့ဖွန်ႏနဝ်ꩻ ထာꩻကဲင်တသဉ်ဖုံႏယို နွတ်ရော်ꩻတွမ်ႏထွန်အိုမ်ပြူးတွော့ꩻ အွဉ်ႏပယ်ဖေႏနဝ်ꩻ ထာꩻဆာဟဝ်ယိုꩻငါႏရိုꩻနဝ်ꩻသွူ။ ၁၁။ မေ့နဝ်ꩻ အဲင်ႏတလီꩻတဲင် တလီꩻကမာꩻထွာဒါႏ ဟို့ꩻခြေ့၊ ဟို့ꩻတအွောင်ႏဖုံႏနဝ်ꩻ အံႏမေ့ဖွန်ႏတွမ်ႏတသာႏဖို့ꩻနဝ်ꩻ ဟဝ်ဒျာႏရိုꩻနဝ်ꩻသွူ။ ၁၂။ မေ့နဝ်ꩻ နွောင်ꩻအစွူႏ၊ နွောင်ꩻအညော်ႏဖုံႏတဲင် မန်းလိုꩻမျိုꩻသီး လိုꩻမူႏမီႏလွူးပိုထွူနဝ်ꩻ နမ်းတဗာႏလုမ်း သူႏဖြွꩻလွ မေ့ဖွန်ႏဖုံႏသွူ။ ၁၃။ မေ့ယို ထွာတဝ်းမုဲင်ꩻမုဲင်ꩻတယဝ်း မီႏအံႏဖေႏစုမ်ႏနီꩻနီꩻ၊ တနီꩻတလဲင်ႏနီလဲင်ႏငါနဝ်ꩻ ထွာတသီႏသက်ဆွာꩻ၊ သွီႏယာႏတရေꩻ၊ ရောႏဂါႏဖုံႏ ထွာကြွို့ꩻတဝ်းသွူ။

လူးထီနယ်ꩻ

ထီကရိုꩻယိုနဝ်ꩻ မာꩻကြောင်း၊ မာꩻခြီအီထာꩻတဲင် လိုꩻသီးနမ်းလောင်း၊ နမ်းကို ကအဝ်ႏဗွို့ꩻခြꩻဒါႏ တခြီႏဖုံႏ၊ တသိုꩻဖုံႏ၊ အလွီးနွုမ်ꩻဟေ့ꩻနွုမ်ꩻကုဲင်ဖုံႏယို ဖေႏကထိုꩻမားနဝ်ꩻ မညမမွိုင် လူးဖေႏဗာႏထီသွူ။ စွုမ်ႏနီꩻလူးဖေႏဗာႏထီမꩻ အုံထာꩻဟဝ် လိုꩻနုဲင်းနဝ်ꩻလဲ့ အဝ်ႏသွူ။ ထာꩻလိုပ်ꩻထာꩻမာꩻသားဖုံႏနဝ်ꩻ လိုပ်ꩻမာꩻထာꩻ တနီꩻလုမ်းလုမ်းတွော့ꩻ ဝွေႏတဗော့ꩻငါႏတဲင် ပေါႏမွူးဟာဟာနဝ်ꩻ ထာꩻမဲန်ခွꩻခွꩻ အဝ်ႏလူးဗာႏဒျာႏထီဖုံႏသွူ။ လူးမီႏဗွုန်ႏတဝ်းလဲ့ ဟွာႏဗာႏနေးမꩻ အုံထာꩻဟဝ်သွူ။ နဝ်ꩻတွော့ꩻ ပွိုင်းဝွို့တွမ်ႏလူးထီတဲင် အမာႏဖေႏကတွမ်ႏအဝ်ႏဗာႏပုဲင်ႏ၊ လူးထီတဲင် ဖေႏကထွာဗာႏပုဲင်ႏ ထꩻဆော့ထာꩻဆာနဝ်ꩻ တဲမ်းနယ်လွေꩻဗာႏ လူးထီနယ်ꩻ နုဲင်းလယိုအတွိုင်ꩻသွူ။ - မီႏအီႏလူးထီနဝ်ꩻ "ပေါ့သောက်ချိုး"ကရိုꩻဒါႏ မန်းငဝ်းအတွိုင်ꩻ "ပေါ့"နဝ်ꩻ စွဉ်ꩻအွဉ်ဗာႏခွဉ်ႏပေႏသွူ။ "သောက်"နဝ်ꩻ အွꩻသော့ꩻအွဉ်ဗာႏထီသွူ။ - ခါးလားကလူးထီ မီႏပွစ်အွဉ်ဖေႏ ခင်ႏယာꩻတွမ်ႏတသာႏနဝ်ꩻ ဟဝ်ငါႏသွူ။ - မီႏလူးထီနဝ်ꩻ ထီခွꩻငါႏလဲ့နဝ်ꩻ၊ ထီလျားလွဉ်ꩻငါႏလဲ့နဝ်ꩻ လိုႏလူးတဝ်းသွူ။ - မီႏအဝ်ႏဖုဲင်ႏတန်ꩻနဝ်ꩻ ထီယိုမီႏလူးဒျားမွူးရဝ်ꩻခိုႏ တဲႏ(၉)နားရီႏ ဗꩻနားရီႏ(၁၁)အခါႏနဝ်ꩻ ဟဝ်သွူ။ - မီႏလူးထီနဝ်ꩻ လွေꩻထာꩻအဝ်ႏရွိုးနေ၊ တသိုꩻအဝ်ႏထန်ႏနေတွင်ꩻနဝ်ꩻ လိုႏလူးတဝ်းသွူ။ - မီႏလူးထီနဝ်ꩻ ထီနောင်ထီယွိုင်းဖုံႏယို နွို့လူးစိုပ်ꩻစွော့ꩻ၊ ငိုပ်စွော့ꩻနေးနဝ်ꩻ လိုႏလူးတဝ်းသွူ။ - မီႏလူးထီနဝ်ꩻ မာꩻစဝ်ႏအွဉ်ဗာႏ ခင်ႏအဝ်ႏဖဲ့ꩻလထင်ႏသွူ။ မာꩻစဝ်ႏအွဉ်ခင်ႏခိုႏ၊ ထွူမꩻ ခင်ႏလောင်ꩻဖုံႏ၊ ထွူမꩻ ကီႏလေင်း၊ ထွူမꩻ ကီႏ၊ ထွူမꩻ ငင်းဒေင်၊ ထွူမꩻ မာꩻစဝ်ႏငွဉ်ꩻ၊ ထွူမꩻ အဆုဲင်ꩻသွတ်ꩻနဝ်ꩻ မာꩻစဝ်ႏ (ထောက်ꩻစဝ်ႏ)ဗာႏကတူႏသွူ။ အဝ်ႏအွိုးလ မီႏမာꩻစဝ်ႏထင်ႏလဲင်ႏစိꩻစိꩻနုဲင်းယိုနဝ်ꩻ ဟဝ်သွူ။ - လူးထီမီႏထွူနဝ်ꩻ ဒွုတ်သဲင်ꩻသဲင်ချာဒျာႏ ထီကအဝ်ႏစဝ်ႏ နီနမ်းလောင်းနဝ်ꩻမꩻ ကွဉ်ကꩻခွမ်ꩻလာꩻနဝ်ꩻ ဟဝ်သွူ။ - လူးမီႏထွူ ထီခွꩻငါႏလဲ့ အံႏပါဗာႏ တသီႏယာႏလိုမ်ꩻတမျိုꩻမျိုꩻသွူ။

ခြွိုင်ႏသန်ꩻသုတ(၂)

ခြွိုင်ႏသန်ꩻသုတ-အခန်ꩻကိုယိုနဝ်ꩻ ပွိုင်းဝွို့တွမ်ႏခြွိုင်ႏသန်ꩻရေꩻတဲင် ကလိုႏသေထွိုက်သေသင်ꩻဒါႏ ရောႏဂါႏအကျောင်ꩻ၊ တသီႏအကျောင်ꩻဖုံႏယို နီပအိုဝ်ႏလိုꩻမျိုꩻတာႏ တဲမ်းနယ်လွေꩻဗာႏ တလဲင်ႏတစိꩻစိꩻသွူ။

ယာမွိုင်ꩻဟံႏ(ဗိစပ်ပင်)အကျောင်ꩻ

ယာမွိုင်ꩻဟံႏ-ကရိုꩻယိုနဝ်ꩻ ဖြဝ်ꩻငဝ်းဒျာႏသွူ။ မီႏထွာပအိုဝ်ႏနဝ်ꩻ "တသီႏခမ်းရ့ꩻ"အဓိပ္ပါယ်ႏလꩻနုဲင်းနဝ်ꩻသွူ။ ကွယ်ႏတွော့ꩻ မီႏဒေါ့ꩻမီႏဟဲ့ꩻဒျာႏ "ယာမွိုင်ꩻဟံႏ"မꩻ လိုꩻအီႏသေနာႏအာသွူ။ ယာမွိုင်ꩻဟံႏ-ကရိုꩻယိုနဝ်ꩻ မုဲင်းကောင်ကွဉ်ႏသား ကဟဲ့ꩻဒါႏ "နံႏဂျပန်"နဝ်ꩻမွေးတဝ်း၊ ဝွေꩻယိုနဝ်ꩻ ခမ်းခွꩻကောင်ထိုကိုဒေါ့ꩻတဝ်း၊ ဒေါ့ꩻဒျာႏ ခမ်းလျား ထာꩻတုံးထာꩻဖွိုႏကိုသွူ။ မုဲင်းကောင်ကွဉ်ႏသား ကဟဲ့ꩻဒါႏ "နံႏဂျပန်"နဝ်ꩻ ဒေါ့ꩻအာဒျာႏ ခမ်းခွꩻကောင်ထိုကို၊ ခမ်းလျားထာꩻဖွိုႏနဝ်ꩻ အဝ်ႏနေနေလဲ့ အဝ်ႏဆေ့ꩻလွုမ်ꩻသွူ။ နံႏဂျပန်နဝ်ꩻ အမွူးတတန်ထွꩻတဝ်း၊ တထိုထွꩻတဝ်း ယာမွိုင်ꩻဟံႏသွူ။ နံႏဂျပန်နဝ်ꩻ အထောင်ꩻလဲ့နဝ်ꩻ၊ အလာႏလဲ့နဝ်ꩻ အရောင်ႏဟံးတမေန်မေန်ဒျာႏ၊ ယာမွိုင်ꩻဟံႏနဝ်ꩻ အထောင်ꩻလဲ့နဝ်ꩻ၊ အလာႏလဲ့နဝ်ꩻ အရောင်ႏဟံးဗွာချိုဒျာႏထာꩻသွူ။ ကွယ်ႏတွော့ꩻ နံႏဂျပန်လဲ့နဝ်ꩻ၊ ယာမွိုင်ꩻဟံႏလဲ့နဝ်ꩻ အတုဲင်နဝ်ꩻ အရောင်ႏဗွာဒျာႏလွဉ်းလွဉ်းသွူ။ ယာမွိုင်ꩻဟံႏနဝ်ꩻ အမွူးတန်လဲန်း၊ အမွူးထိုလဲန်း၊ အပင်အာလဲန်း နံႏဂျပန်သွူ။ ဟိုပုံꩻတခြောင်ႏ နဝ်နဝ်ထင်ꩻထင်ꩻ၊ တွို့ꩻတွို့ꩻကွဉ်ႏကွဉ်ႏကိုနဝ်ꩻ ဒုံသောင်ဒုံထျꩻ၊ လံးသောင်လမ်းထျꩻ၊ ခြံကူခြံနားကိုနဝ်ꩻ ယာမွိုင်ꩻဟံႏစွဉ်ႏလွဉ်းလွဉ်းသွူ။ ယာမွိုင်ꩻဟံႏယိုနဝ်ꩻ မန်းလိုꩻမျိုꩻနဝ်ꩻ ကဲန်းအာအာဟဲ့ꩻ"ဗိစပ်ပင်"သွူ။ ယရပ်ရပ်နဝ်ꩻ "ကျာႏမနိုင်ပင်၊ ဂျာမနီပင်၊ တောရှုပ်ပင်၊ နတ်ဆေးပင်"နုဲင်းနဝ်ꩻလဲ့ အဝ်ႏဟဲ့ꩻသွူ။ ဗိစပ်ပင်အလာႏယိုနဝ်ꩻ အွဉ်ႏသဲင်ခြွုတ်ဖွန်ႏ၊ လုံꩻတွမ်ႏစက်တွော့ꩻ ဝင်ꩻကစာ တခမ်းလုမ်းလဲ့အဝ်ႏသွူ။ တိုင်းရင်းဆေးတသီႏဆဲင်ႏကို "ဗိစပ်ဆေးလုံး"မီႏရီနုဲင်းနဝ်ꩻနဝ်ꩻ ဆဲင်ႏသားစာဖေႏဒျာႏသွူ။ ဗိစပ်လာႏယိုနဝ်ꩻ အကျိုꩻဟော်ꩻလꩻစွုမ်ႏငါႏတဲင် "မြင့်ရွှေမေတ္တာ ဆေးဝါးလုပ်ငန်း"ကထေစာဒါႏ ဗိစပ်တသီႏလုံꩻအကျေိုꩻဟော်ꩻမန်းနဝ်ꩻ နုဲင်းဆꩻလယိုအတွိုင်ꩻသွူ။

မြင့်ရွှေစင်မေတ္တာ ဗိစပ်ဆေးပြား

(HIV.AIDS)၊ ကင်ဆာအမျိုးမျိုး၊ ဆီးချို၊ သွေးတိုး၊ လေးဘက်နာရောဂါ၊ နှလုံးရောဂါ၊ အသက်ရှူကြပ်ခြင်း၊ မောပန်းခြင်း၊ ရင်ကြပ်ခြင်း၊ အသဲရောဂါ (ဘီပိုး၊စီပိုး) ဆီးရောဂါများ၊ ဆီးနည်းခြင်း၊ ဆီးကျဉ်ခြင်း၊ ဆီးကျိတ်ရောင်ခြင်း၊ အစာအိမ်ရောဂါ၊ အစာမကြေခြင်း၊ အစားမှား၍ဝမ်းပျက်ခြင်း၊ လိပ်ခေါင်းရောဂါ၊ ကျောက်ကပ်ရောဂါ၊ အမျိုꩻသ္မီးများသားအိမ်ရောဂါ၊ အဖြူဆင်းခြင်း၊ ကိုယ်တွင်းအဖု၊ အကျိတ်၊ အလုံးအနာများ သက်သာပျောက်ကင်းစေပါသည်။ ခွန်ကုဝေသွꩻ စင်ꩻမန်းတပါꩻနဝ်ꩻရိုꩻ "ဗိစပ်ဟာ ကိုးဆယ့်ခြောက်ပါးသော ရောဂါဝေဒနာတို့ကို အကုန်ပျောက်စေတယ်လို့-မှတ်ကွာ"နုဲင်းနဝ်ꩻသွူ။ ပွိုင်းဝွို့တွမ်ႏယာမွိုင်ꩻဟံႏတဲင် ခွေသတစွိုး နာꩻသေတမျိုꩻတွော့ꩻ ကဒင်ႏဒါႏဖစ်ဘုတ်လောင်းနဝ်ꩻ ခွန်ကုဝေထီႏဗာႏ လစ်ꩻလဲင်ႏပဉ်သွူ။ လစ်ꩻလဲင်ႏအကို စုပေါင်ꩻမီႏတဲမ်းစုတဝင်ꩻ အကျိုꩻဟော်ꩻနဝ်ꩻ အဝ်ႏနုဲင်းဆꩻလဖုံႏယိုအတွိုင်ꩻသွူ။

ယာမွိုင်ꩻဟံႏ (ဗိစပ်)အကျိုꩻဟော်ꩻဖုံႏ

၁။ ယာမွိုင်ꩻဟံႏလာႏယို ပသေကြောင်းကြောင်း တနီႏပဲစ်ꩻ စေ့ꩻအထီတွော့ꩻ မီႏသူႏထာဆာကဲင်ဖုံႏနဝ်ꩻ ဟဝ်ယိုꩻ၊ သဲင်ယိုꩻ၊ အိုမ်တဝ်းအမိဉ်ရိုꩻနဝ်ꩻသွူ။ နံႏဂျပန်လဲ့ နုဲင်းနဝ်ꩻနေနေ မီႏတနီႏပဲစ်ꩻ စေ့ꩻအထီသူႏထာꩻဆာကဲင်ဖုံႏနဝ်ꩻ သဲင်ယိုꩻ၊ အိုမ်တဝ်းအမဉ်ရိုꩻနဝ်ꩻသွူ။ ၂။ ယာမွိုင်ꩻဟံႏလာႏ ပသေကြောင်းကြောင်း စေ့ꩻအထီတွော့ꩻ မီႏအွꩻနဝ်ꩻ သွုန်ႏကင်ဆာ (အသဲကင်ဆာ)ရောႏဂါႏဟဝ်နွောင်ꩻအီရိုꩻနဝ်ꩻသွူ။ ၃။ ယာမွိုင်ꩻဟံႏလာႏထီနဝ်ꩻ အဆာႏခြုံကင်ဆာ၊ ငွဉ်ꩻကင်ဆာဖုံႏလဲ့ ဟဝ်အီနွောင်ꩻရိုꩻနဝ်ꩻသွူ။ ၄။ ယာမွိုင်ꩻဟံႏစော့ꩻလာႏယို အထီတသဉ် တရိုꩻတဝ်း၊ ခြွူအွꩻနေးတရိုꩻတဝ်း အေအိုင်ဒီအဲစ်ရောႏဂါႏဖုံႏလဲ့ ဟဝ်အီနွောင်ꩻရိုꩻနဝ်ꩻသွူ။ ခွန်ကုဝေ ကသေငါꩻဒါႏ ပါꩻမူႏဟိုပုံꩻဝင်ꩻနီနဝ်ꩻ အဝါꩻထွာအေအိုင်ဒီအဲစ်ရောႏဂါႏတဲင် သီထိုꩻနုဲင်းနုဲင်းဝင်ꩻလဲ့ အဝ်ႏကုဲင်ဝွေꩻသီးနဝ်ꩻ ခြွူအွꩻယာမွိုင်ꩻဟံႏလာႏတွော့ꩻ အဝ်ႏတွိုႏဒျာႏယိုခါ ထွာတဝ်းမုဲင်ꩻမုဲင်ꩻသွူ။ ၅။ ယာမွိုင်ꩻဟံႏလာႏခြွူထီနဝ်ꩻ ကထောင်ꩻကင်ဆာ၊ ကထောင်ꩻဒီႏဖုံႏ၊ ဆီႏတဖူꩻခြောင်ꩻ (ဆီးလမ်းကြောင်း)ကိုကပေါႏဒါႏ ထာꩻဆာနာႏကုဲင်ဖုံႏနဝ်ꩻ ဟဝ်အီနွောင်ꩻရိုꩻနဝ်ꩻသွူ။ ၆။ ယာမွိုင်ႏဟံႏလာထီနဝ်ꩻ လိုꩻဖြော့ꩻသွီႏ၊ အော့ꩻသွီႏထာꩻလဲ့ မီႏအွꩻဖေႏမဲန်ႏမဲန်ႏနဝ်ꩻ ဟဝ်နွောင်ꩻအီပါဒျာႏရိုꩻနဝ်ꩻသွူ။ ၇။ ယာမွိုင်ꩻဟံႏလာႏယို သွယ်ꩻပဲစ်ꩻအွဉ်ႏလိုသဲင်ထွူတွော့ꩻ မꩻနေင်းသဲင် မီႏအွꩻဖေႏစွုမ်ႏနီꩻနီꩻနဝ်ꩻ ခြောက်တဲႏရောႏဂါႏဖုံႏ၊ ဆီႏရောႏဂါႏအမျိုꩻမျိုꩻဖုံႏယို ကာႏကွယ်ႏဖေႏနွောင်ꩻ၊ ဟဝ်အီနွောင်ꩻရိုꩻနဝ်ꩻသွူ။ ၈။ ယာမွိုင်ꩻဟံႏလာႏခြွူထီနဝ်ꩻ သွုန်ႏကိုကအဝ်ႏဒါႏ ဘီပိုး၊ စီပိုးဖုံႏယိုလဲ့ ဟဝ်နွောင်ꩻအီရိုꩻနဝ်ꩻသွူ။ ဘီပိုး၊ စီပိုးလွုမ်ꩻတကာႏတဝ်း လိုꩻနံးကိုကအဝ်ႏဒါႏ ရောႏဂါႏမန်ႏသမျယို ဟဝ်အီနွောင်ꩻလို့ရိုꩻနဝ်ꩻသွူ။ ၉။ ယာမွိုင်ꩻဟံႏလာႏခြွူထီယိုနဝ်ꩻ သွုန်ႏရောႏဂါႏအမျိုꩻမျိုꩻ၊ သွုန်ႏအဗဲ့ꩻလွမ်၊ သွုန်ႏယော့ꩻ၊ သွုန်ႏသဲင်၊ နာႏဟို့ꩻဗုတ်ꩻ (ရေဖျဉ်း)ရောႏဂါႏဖုံႏလဲ့ ဟဝ်နွောင်ꩻအီရိုꩻနဝ်ꩻသွူ။ ယာမွိုင်ꩻဟံႏလာႏသဲင်ယို သော့ꩻခါꩻဓာတ်ဗူးနုဲင်းနေင်းသဲင်နဝ်ꩻတွော့ꩻ ဟို့ꩻခိုးထီမုဲင်ꩻခါလဲ့ အွꩻနွောင်ꩻဒျာႏသွူ။ ၁၀။ ခွန်ကုဝေ ကသေငါꩻဒါႏ ဆရာႏတဖြာꩻနဝ်ꩻ ယာမွိုင်ꩻဟံႏလာႏ အယာႏခဉ်ႏလစ်ꩻငတ်ꩻစွဲယို တဒွေါ့ꩻပဲစ်ꩻပဲစ်ꩻထွူတွော့ꩻ ခြွူလꩻလꩻ၊ ခြွူညည၊ ပေါႏရလꩻသွူတဲ့ စဲစ်ကြောင်းကြောင်းတွော့ꩻ ဒွိုႏသေ့ꩻအောက်ꩻနေး၊ မီႏလꩻသွူအအောက်ꩻနဝ်ꩻ လိုမ်ꩻလာꩻအီကင်ဆာရောဂါႏ၊ ကင်ဆာရောႏဂါႏအမျိုꩻမုဲင်ꩻတယဝ်း တသီႏတစားနေင်းထီနွိုး၊ တွမ်ႏတဝတ်ꩻထီ (တမူထီ) တစေားအံႏဟန်ႏအိုယို ရော်ꩻတဝင်ꩻတွော့ꩻ ဖေႏအံႏတနီꩻ ၂-လဲင်ႏနဝ်ꩻ မီႏတဖြဲ့ꩻကဲင်ဗာႏတဝ်းဒွိုန်းနဝ်ꩻ အာႏမခံႏအဟဝ် ရိုꩻနဝ်ꩻသွူ။ ၁၁။ ကွယ်ႏတွော့ꩻ အွဉ်ႏသတိꩻဗာႏတစွိုးနဝ်ꩻ ယာမွိုင်ꩻဟံႏယို မီႏအံႏအာ အွꩻအာငါႏနဝ်ꩻ အာႏကုဲင်အာႏယွမ်ꩻဒါႏ ရိုꩻနဝ်ꩻတဲင် မီႏအွꩻစွယ်ꩻယာမွိုင်ဟံႏခြွူထီနဝ်ꩻ အံႏတွယ်ꩻပါဗာႏ တသီႏအာႏတစွိုးရိုꩻနဝ်ꩻသွူ။ ပွိုင်းဝွို့တွမ်ႏယာမွိုင်ꩻဟံႏ အကျိုꩻဟော်ꩻနဝ်ꩻ တဲမ်းနယ်ဗာႏတခွိုင်းယိုသွူ။

တသီႏမွန်ꩻကာꩻဟဝ်

လိုꩻယဟန်ႏနဝ်ꩻ ပေါႏထိုမ်းကာꩻ မွန်ꩻဒါႏကာꩻတဲင် ယူႏပက်ငါႏသွူ။ ခေတ်ယိုခါနဝ်ꩻ လွေꩻမုဲင်ꩻမုဲင်ꩻတယဝ်း ထိုမ်းနေးကာꩻကဲန်းအာအာတဲင် ပေါႏမွန်ꩻဒါႏကာꩻနဝ်ꩻ မဲန်လွေꩻနုဲင်းဝင်ꩻတဲ့ လွေꩻဗာႏတဝ်းသွူ။ မွန်ꩻကာꩻနဝ်ꩻ ယဟန်ႏလဲ့ရိုꩻ 'ပေါႏအီႏထိုမ်းသွူကာꩻတဲ့ အံႏအဲင်ႏသေꩻခါꩻ အေင်ဆေ့ꩻဆေ့ꩻနဝ်ꩻ မွန်ꩻတဝ်း'ရိုꩻနဝ်ꩻသွူ။ မွေးတမွေးတဝ်းနဝ်ꩻ စံꩻဗာႏတဝ်းတဲင် သေတဝ်းသွူ။ ယဟန်ႏတဲ့ရိုꩻ 'ပေါႏအီႏထိုမ်းကာꩻလဲ့ မျောႏသေꩻခါꩻအွဉ် တသီႏဘီစိတ် ၂-၃ဖြုံႏငါနဝ်ꩻ မွန်ꩻတဝ်း'ရိုꩻနဝ်ꩻသွူ ယိုတနယ်ꩻလဲ့ စံꩻဗာႏတဝ်းတဲင် မွေးတမွေးတဝ်း သေတဝ်းနေနေသွူ။ တသီႏမွန်ꩻတဝ်းကာꩻနယ်ꩻ ထဲင်းတနယ်ꩻနဝ်ꩻ ခွန်ကုဝေ ထီႏဒျာႏဖစ်ဘုတ်လောင်းသွူ။ အနယ်ꩻယိုနဝ်ꩻ ယိုꩻလဲ့ယိုꩻ ဟဝ်လဲ့ဟဝ်ငါႏရိုꩻနဝ်ꩻတဲင် တဲမ်းနယ်ပါဗာႏသွူ။ ဖယောင်ꩻတဲင်ႏနီလီးယို သဲမ်သော့ꩻဆဲင်ꩻဖြဲင်ႏ ကအဝ်ႏပယ်ဒါႏနဲန်းနဝ်ꩻ တဖဲ့ꩻတလီးလီးနဝ်ꩻ ထိုမ်းကာꩻမွန်ꩻတဝ်း ရိုꩻနဝ်ꩻသွူ။ ဆဲင်ꩻဖြဲင်ႏမီႏအဲန်ထဝ်းလဲ့နဝ်ꩻ၊ အဝ်ႏတဖဲ့ꩻလွုမ်ꩻလဲ့နဝ်ꩻ ဖယောင်ꩻတဲင်ႏယို သော့ꩻစေးကောႏတွော့ꩻ မတ်ꩻဆွိုင်ꩻတနꩻနꩻဗာႏနဲန်းနီဖဲ့ꩻ နဝ်ꩻလဲ့ လꩻဒျာႏရိုꩻနဝ်ꩻသွူ။ ခြွိုင်ႏသန်ꩻသုတ-အခန်ꩻကိုယိုနဝ်ꩻ ပွိုင်းဝွို့တောမ်ႏ ခြွိုင်ႏသန်ꩻရေꩻတဲင် ကလိုႏသေထွိုက်သေသင်ꩻဒါႏ အကျောင်ꩻခရာႏဖုံႏ၊ တသီႏနဲꩻဖုံႏယို တဲမ်းလွေꩻဖေႏ လဲင်ႏစိꩻစိꩻသွူ။

ယာလွုမ်ꩻတန်

ယာလွုမ်ꩻတန်-ကရိုꩻယိုနဝ်ꩻ ပအိုဝ်ႏအဟဲ့ꩻတဲင် မန်းနဝ်ꩻ ဟဲ့ꩻ"မုယားကြီး"သွူ။ မန်းနဝ်ꩻ ယရပ်ရပ်လဲ့ ဟဲ့ꩻ"မိုးလွာရွက်"နုဲင်းနဝ်ꩻသွူ။ ယာလွုမ်ꩻတန်ကရိုꩻယိုနဝ်ꩻ ခမ်းခွꩻခမ်းလျား အဝ်ႏလို့ဒျာႏသွူ။ ခွန်ကုဝေသီး မုဲင်းကောင်အဗꩻကွောန်ႏနဝ်ꩻ ခြံဖွောင်ꩻမွန်အနေႏ ဆို့ꩻလွေꩻခြံကူဖုံႏသွူ။ ထာꩻလျားရပ်နုဲင်းဟိုပုံꩻကိုလဲ့ အဝ်ႏဒျာႏနေနေသွူ။ ယာလွုမ်ꩻတန်ယိုနဝ်ꩻ အမွူးတန်ငါႏ နုဲင်းသေင်ႏနဝ်ꩻလဲ့ တမွေးတဝ်း၊ အမွူးပေႏ အဝ်ႏလိုꩻငင်းဒေင်မာꩻလ နုဲင်းနဝ်ꩻလဲ့ တမွေးတဝ်း၊ ယာလွုမ်ꩻတန် မွူးအထိုသွတ်ꩻနဝ်ꩻ အဝ်ႏလိုꩻတထွိုင်ႏလွိုလွို၊ နီထွိုင်ႏရပ်နဝ်ꩻလွုမ်ꩻသွူ။ အတုဲင်နဝ်ꩻ အရောင်ႏဗွာတဲင် ခေါင်ꩻဖုံႏ၊ တမူတဝတ်ꩻဖုံႏ ကုဲင်းစိုက်ꩻငါႏသွူ။ ယာလွုမ်ꩻတန်ယိုနဝ်ꩻ နွို့တသီႏအမျိုꩻမုဲင်ꩻ၊ ဟဝ်အီရောႏဂါႏအမျိုꩻမုဲင်ꩻကရိုꩻယို ခွိုꩻပအိုဝ်ႏသီး ယံကသေစဲင်းတဲင် တဲမ်းနယ်လွေꩻဗာႏနုဲင်းဆꩻငါယိုအတွိုင်ꩻသွူ။

ယာလွုမ်ꩻတန်တွမ်ႏ အဆုတ်ကေန်ဆာ

တွိုင်ႏမကွေး ဝေင်ꩻအောင်လံ ဗွေႏဗွန်တပါꩻနဝ်ꩻ "အဆုတ်ကင်ဆာ"ရောႏဂါႏတဲင် ထင်ႏဆေးရုံလဲ့ ဆရာႏဝွန်ႏသီး လိုမ်ꩻလာꩻတဒါႏတဝ်းတွော့ꩻ အွောန်ႏလင်ꩻထိုꩻခန်းဒျာႏဆေးရုံသွူ။ ဗွေႏဗွန်နဝ်ꩻ စင်းမာꩻတဝ်း နုဲင်းမုဲင်ꩻမုဲင်ꩻတဲင် သီခန်းတဲ့တယဝ်း အွောန်ႏသꩻနုဲင်းနဝ်ꩻတွော့ꩻ လင်ꩻထိုꩻခန်းဒျာႏ ဆေးရုံသွူ။ ဗွေႏဗွန်နဝ်ꩻ ထွိုင်ႏသဲင်ꩻအဝ်ႏကျောင်ꩻနဝ်ꩻ တကာႏဖြားတဖြာꩻ အွောန်ႏခြွူအွꩻ ယာလွုမ်ꩻလာႏတဲင် ဗွေႏဗွန်လဲ့ အွောန်ႏတကာႏခြွူဖေႏတွော့ꩻ အွꩻလွေꩻခန်းဒျာႏ စုမ်ႏနီꩻနီꩻသွူ။ အွꩻယာလွုမ်ꩻခြွူထီ ထွိုင်ႏလꩻနီသိုမ်နီꩻနဝ်ꩻ နုဲင်းစွောန်ႏထာꩻဆာသက်သာႏယောင်ႏယောင်ႏတဲင် အွꩻထဲင်းထဲင်းလွေꩻတွော့ꩻ ထွိုင်ႏလꩻ တလာရပ်နဝ်ꩻ အုံထာꩻမနဲးဟဝ်အာတန်၊ ထာꩻတဟေလဲ့ သက်သာႏအာတန်သွူ။ ခြွူအွꩻလွေꩻထဲင်းထဲင်းတွော့ꩻ ထွိုင်ႏလꩻနီလာလွိုနဝ်ꩻ လွေꩻတွမ်ႏပျꩻဓာတ်မန်ႏ၊ စဲစ်ဆေꩻဖျင် တရိတ်ဆေးရုံကိုနဝ်ꩻ ရောႏဂါႏအဲန်ထဝ်းဒွုမ်၊ ဟဝ်ထိုꩻလဲန်းတွော့ꩻ ဆရာႏဝွန်ႏသီး အံႏအောꩻမွေးစွဉ်ႏသွူ။ ဗွေႏဗွန်ယိုနဝ်ꩻ ယာလွုမ်ꩻလာႏယို အတကာႏခြွူဖေႏ သိုမ်ထီတထီထွူတဲင် အွꩻတလဲင်ႏတဝန်ႏနေင်းထီ၊ အဆေ့ꩻသွတ်ꩻ အွꩻလေꩻတနိꩻသိုမ်လဲင်ႏသွူ။ ထွိုင်ႏဟဝ်သွူတဝ်ꩻ ယာလွုမ်ꩻလာႏယို အွောန်ႏသဲင်သွူ ထာꩻဟေ့ꩻကိုတွော့ꩻ မာꩻနေင်းသဲင် အဝ်ႏအွꩻလွေꩻထဲင်းထဲင်းဒျာႏသွူ။ မီႏမဲန်ဒေါ့ꩻရီ ဗွေႏဗွန်ယိုနဝ်ꩻ ဖုန်းနံပတ်လယိုအတွိုင်ꩻ ဒေါ့ꩻရီနွောင်ꩻဒျာႏသွူ။ ၀၉-၆၈၃၇၅၂၆၆၂ ယာလွုမ်ꩻတန်ယိုနဝ်ꩻ အဆုတ်ကေန်ဆာလွုမ်ꩻတကာႏတဝ်း သွီႏတိုꩻရောႏဂါႏ၊ တဟေသွီႏရောႏဂါႏ၊ တဟေရိုꩻရိုꩻ၊ နာႏရွိုးရောႏဂါႏ (ပန်းနာရင်ကြပ်) အဆုတ်ကိုထီနွို့၊ အဆုတ်ကို တလီꩻခိုႏစတဲင် ပွိုင်းဝွို့တွမ်ႏအဆုတ်ဆဲင်ႏရာꩻ ရောႏဂါႏမန်ႏသမျဖုံႏယို ဟဝ်အီနွောင်ꩻသွူ။ ခြွူသိုမ်ထီတထီတဲင် အွꩻဗာႏအဆေ့ꩻသွတ်ꩻ တနီꩻသိုမ်လဲင်ႏ၊ တလဲင်ႏတဝန်ႏနေင်းသွူ။ ယာလွုမ်ꩻတန်လာႏယို အွောန်ႏသဲင်မာꩻဖွန်ႏထွူတွော့ꩻ အံႏနေးအဖွန်ႏလဲ့ လꩻဒျာႏသွူ။ လိုꩻမဉ်ꩻ ဝေင်ꩻမဉ်ꩻ အွောန်ႏဒေါ့ꩻတဝ်း ပါꩻတဖြာꩻနဝ်ꩻ တဟေညငါႏထာꩻတဲင် ထွိုင်ႏလွေꩻအွဉ်ႏနယ် ဆရာႏဝွန်ႏနဝ်ꩻ ဆရာႏစံꩻထွားဖေႏ အမျိုꩻမျိုꩻတွော့ꩻ အဆုတ်ကုဲင်ထိုꩻလဲန်းတခဝ်၊ အဝ်ႏကုဲင်တခဝ်လွုမ်ꩻ၊ မီႏလိုမ်ꩻလာꩻတဝ်းနဝ်ꩻ အုံဗာႏထဲင်း ၂-လာလွုမ်ꩻ၊ ဆရာႏဝွန်ႏရိုꩻဖေႏဝွေꩻ နုဲင်းနဝ်ꩻသွူ။ ပါꩻနဝ်ꩻနဝ်ꩻ အီႏလိုမ်ꩻလာꩻအီတာႏ ရွဉ်တအဝ်ႏတဝ်းတဲင် "သီခန်းတယဝ်း"အွဉ်ႏသꩻနုဲင်းနဝ်ꩻတွော့ꩻ သဲင်ꩻချာလံး၊ အုံပွေါးဗော့ꩻမွူးနီꩻသီလွုမ်ꩻသွူ။ ယိုအတွင်ꩻ ဝွေꩻသွꩻတဖြာꩻလွောန်လယ်ႏတဲင် အွောန်ႏဝွေꩻခြွူအွꩻ ယာလွုမ်ꩻလာႏနေနေသွူ။ ဝွေꩻလဲ့ အွောန်ႏအဖူးဝေး ထိုမ်ႏထူႏလွောန် ယာလွုမ်ꩻတန်လာႏတွော့ꩻ ခြွူအွꩻခန်းဒျာႏ စွုမ်ႏနီꩻနီꩻသွူ။ ထွိုင်ႏခြွူအွꩻယာလွုမ်ꩻတန်လာႏနဝ်ꩻ ထာꩻတဟေသက်သာႏလွောန် တနီꩻတစိꩻစိꩻတွော့ꩻ ညညနဝ်ꩻ ဟဝ်လွစ်တငါထိုꩻခန်းဒျာႏနဝ်ꩻသွူ။

အယိုꩻသွတ်ꩻ တသီႏအာႏနယ်ꩻ

အဝ်ႏလွိုႏလွိုႏကာႏကာႏ အာႏတအဲန်ထဝ်း၊ အုံထာꩻယလဲင်ႏလဲင်ႏလဲ့ တမူꩻစွော့ꩻဒါႏထာꩻ၊ နုဲင်းဗေင်ႏထာꩻကွို့ꩻတဝ်းယောင်ႏယောင်ႏ၊ သွီႏအာႏမီႏပေႏ၊ သွီႏပေါင်မီႏလင်ꩻနဝ်ꩻ မာꩻအံႏသွော့ တသီႏနုဲင်းလယိုနေား။ ကလိုႏအပ်ဒါႏ အမျိုꩻဖုံႏနဝ်ꩻ- ၁။ ဆျာဒီႏတသဉ် တဒီႏ ၂။ မောက်ꩻဖါးရာႏမဉ်တဖြုံႏ ၃။ တသာႏသိကျာꩻ စောအံႏဟန်ႏအို ၂-စေား၊ ဆျာဒီႏယို ဖောက်သော့ꩻဝန်ႏကိုထွူတဲင် သော့ꩻလွဉ်ꩻ တသာႏသိကျာꩻ ၂-စေားနဝ်ꩻနေား၊ ထွူနဝ်ꩻ မောက်ꩻဖါးရာႏယို ဖꩻနီခဝ်တဲင် စေ့ꩻသော့ꩻရော်ꩻတွော့ꩻ ကွယ်ညီꩻသွော့တဝင်ꩻနေား၊ ထွူနဝ်ꩻ အံႏလꩻလဲန်း၊ ထွာလဲန်း တသီႏအာႏတဝန်ႏသွူ။ ဆျာဒီႏယို မီႏမော့ꩻဆျာꩻတော်ꩻဒီႏနဝ်ꩻ ယိန်းဟဝ်ဟဝ်သွူ။ တသာႏသိကျာꩻခင်ႏလံးယို သော့ꩻတဝ်းတသာႏသိကျာꩻတွော့ꩻ မီႏသော့ꩻတမူ(တဝတ်ꩻ)ထီနဝ်ꩻ ယိန်းဟဝ်ဟဝ်သွူ။

အယိုꩻသွတ်ꩻ တသီႏတလီꩻဖျတ်နယ်ꩻ

တလီꩻဖျတ်တသီႏနယ်ꩻနဝ်ꩻ တသီႏအံႏ၊ တသီႏအို၊ တသီႏသူႏဖြွꩻ-အဝ်ႏအမျိုꩻမျိုꩻသွူ။ တသီႏနယ်ꩻအာစွောန်ႏလဲ့ တလီꩻကဖျတ်ဖုံႏယို တဖြာꩻတွမ်ႏတဖြာꩻ တဗွိုန်တဝ်းတဝင်ꩻတဲင် တဟဝ်အီတွိုင်ꩻတဝ်းသွူ။ အနယ်ꩻယိုနဝ်ꩻ တလို့တဝ်းအနီꩻရင်ꩻ၊ လိုႏစေားတောင်ꩻတဗာႏလွုမ်ꩻတဲင် ယိုꩻဟဝ်ငါႏ ရိုꩻဗာႏနုဲင်းနဝ်ꩻသွူ။ တလီꩻဖျတ်သားယို "သွင်ꩻဖေႏဗာႏတောင်ꩻ"ရိုꩻနဝ်ꩻသွူ။ သွင်ꩻဖေႏဗာႏတောင်ꩻ-ကရိုꩻနဝ်ꩻ လိုꩻတဖြာꩻ ပထဝီႏတသာႏဖြွီꩻကပေါႏဒါႏ ခင်ႏယာႏကဲန်ယို ပွစ်ဖေႏဗာႏ တွမ်ႏစေားတောင်ꩻသွူ။ ပွစ်ဖေႏဗာႏ တနီꩻခွိုင်းမုဲင်ꩻလဲင်ႏ၊ ပွစ်တလဲင်ႏနဝ်ꩻ ညဗာႏခွိုင်းမုဲင်ꩻ မိနေစ်-ကရိုꩻနဝ်ꩻ အခန်ꩻတွိုင်ꩻ အပဲင်ꩻချာꩻတအဲန်ထဝ်း ယိန်းပွစ်ည၊ ယိန်းပွစ်အာအာလဲ့ ယိန်းဟဝ်ယိုꩻဒျာႏသွူ။ ပွစ်ဖေႏသားယို တဖြာꩻမီႏလွꩻသွူလဲ့ တဖြာꩻပွစ်သော့ꩻလုဲင်ႏလဲ့ အဝ်ႏလꩻဒျာႏသွူ။ အနယ်ꩻယိုနဝ်ꩻ တသီႏထာꩻမုဲင်ꩻမုဲင်ꩻ တလိုႏတဝ်း၊ လိုႏစေားတောင်ꩻလွုမ်ꩻတဲင် ယုံႏယုံႏကေႏကေႏ အဝ်ႏလိုႏအွောန်ႏရေꩻမာꩻဖေႏသွူ။ ပါꩻကဒင်ႏနယ်ဒါႏ တသီႏနယ်ꩻယိုနဝ်ꩻ စံꩻထွားလိုꩻဝင်ꩻနီလဲ့ ဟဝ်လို့ဒျာႏဝင်ꩻနီရိုꩻနဝ်ꩻသွူ။ ကွပ်နဝ်ꩻမꩻ ဝွေꩻအွောန်ႏသေဝင်ꩻ၊ ဝွေꩻဒင်ႏနယ်ဝင်ꩻသွူ။