ငဝ်းကပ်လူႏအီ အမျိုꩻမျိုꩻ

အဝ်ႏ ဝီခီပီးဒီးယား ကို

ငေါဝ်းကပ်သွမ်ꩻတောႏ[မွဉ်းဖျင် | မွဉ်းဖျင်အရွီးခိုႏ]

ဂုဏ်ႏတောႏကွတ်ꩻစွိုး၊ စာင်ဖြွိုးလꩻခါꩻ၊ ဗွေႏဘုရာꩻယို၊ သꩻကိုရေႏမတ်၊ ယံမျတ်ဟောဝ်ငါႏ၊ ရသာႏမျိုꩻအွီႏ၊ စွုမ်ႏစီႏအာစား၊ ကားသွမ်ꩻတောႏယို၊ သန်ထိုစေႏတနာႏ၊ သဒ္ဓါႏကြောင်းဗွာ၊ ယောင်းငါလောင်ꩻကပ်၊ ဘုရာꩻမျတ်ဗွေႏဩ။ ယံခေါသေႏချာႏ၊ လောင်ꩻဗာႏသွမ်ꩻယို၊ တန်ထိုလꩻပိုႏ၊ ကုသိုလ်ႏယိုနဝ်ꩻ၊ အွဉ်ႏသဝ်ꩻဟို့ꩻခိုး၊ ယွုတ်ꩻဆွိုးလောဘ၊ ငိမ်ꩻခွꩻငိုꩻတန်ႏ၊ (နိဗ္ဗာန်ႏချံꩻသာႏ၊ ယံလꩻဗာႏဗွေႏဩ) ( နိဗ္ဗာန်ႏရသာႏ၊ ယံခံႏစာꩻဗာႏဗွေႏဩ)။

ငေါဝ်းကပ်ထီ[မွဉ်းဖျင် | မွဉ်းဖျင်အရွီးခိုႏ]

ဂုဏ်ႏတောႏကွတ်ꩻစွိုး၊ စာင်ဖြွိုးလꩻခါꩻ၊ ဗွေႏဘုရာꩻယို၊ သꩻကိုရေႏမတ်၊ ယံမျတ်ဟောဝ်ငါႏ၊ ရသာႏစုံခွꩻ၊ ထီအွꩻဖုံႏယို၊ သန်ထိုစေႏတနာႏ၊ သဒ္ဓါႏကြောင်းဗွာ၊ ယောင်းငါလူႏကပ်၊ ဘုရာꩻမျတ်ဗွေႏဩ။ ယံခေါသေႏချာႏ၊ လူႏဗာႏထီယို၊ တန်ထိုလꩻပိုႏ၊ ကုသိုလ်ႏယိုနဝ်ꩻ၊ အွဉ်ႏသဝ်ꩻအလျား၊ ထိုꩻမားအတဗော့ꩻ၊ တွိုႏသော့ꩻစာင်ကြောင်း၊ ခွꩻရောင်းငိုꩻတန်ႏ၊ (နိဗ္ဗာန်ႏချံꩻသာႏ၊ ယံလꩻဗာႏဗွေႏဩ) ( နိဗ္ဗာန်ႏထီခွꩻ၊ ယံအွꩻဗာႏဗွေႏဩ)။

ငေါဝ်းကပ်ကောဝ်ႏ[မွဉ်းဖျင် | မွဉ်းဖျင်အရွီးခိုႏ]

ဂုဏ်ႏတောႏကွတ်ꩻစွိုး၊ စာင်ဖြွိုးလꩻခါꩻ၊ ဗွေႏဘုရာꩻယို၊ သꩻကိုရေႏမတ်၊ ယံမျတ်ဟောဝ်ငါႏ၊ ကဝ်ႏလာႏမိုမ်ꩻတုဲင်၊ တကုဲင်တဝ်းရင်ꩻ၊ ယောင်ꩻဆင်ꩻဖုဲင်ႏထွား၊ ခွုင်းကားကဝ်ႏယို၊ သန်ထိုစေႏတနာႏ၊ သဒ္ဓါႏကြောင်းဗွာ၊ ယောင်းငါလူႏကပ်၊ ဘုရာꩻမျတ်ဗွေႏဩ။ ယံခေါသေႏချာႏ၊ လူႏဗာႏကဝ်ႏယို၊ တန်ထိုလꩻပိုႏ၊ ကုသိုလ်ႏယိုနဝ်ꩻ၊ အွဉ်ႏသဝ်ꩻယွုတ်ꩻဆွိုး၊ ကုဲင်တဗွိုးနွုမ်ꩻသူႏ၊ ထူႏဒူမ်အွဉ်ႏချꩻ၊ ငိမ်ꩻခွꩻငိုꩻတန်ႏ၊ (နိဗ္ဗာန်ႏချံꩻသာႏ၊ ယံလꩻဗာႏဗွေႏဩ) ( နိဗ္ဗာန်ႏကဝ်ႏလာႏ၊ ယံကဉ်ႏဗာႏဗွေႏဩ)။

ငေါဝ်းကပ်မေႏ[မွဉ်းဖျင် | မွဉ်းဖျင်အရွီးခိုႏ]

ဂုဏ်ႏတောႏကွတ်ꩻစွိုး၊ စာင်ဖြွိုးလꩻခါꩻ၊ ဗွေႏဘုရာꩻယို၊ သꩻကိုရေႏမတ်၊ ယံမျတ်ရောင်ႏလေꩻ ထီႏသေလို့စွဉ်ႏ၊ တွို့ꩻကွဉ်ႏနဝ်ထင်ꩻ၊ ထင်ႏလင်ꩻကီလ၊ ယံကျလေဖေႏ၊ မေႏတေန်ꩻဖုံႏယို၊ သန်ထိုစေႏတနာႏ၊ သဒ္ဓါႏကြောင်းဗွာ၊ ယောင်းငါလူႏကပ်၊ ဘုရာꩻမျတ်ဗွေႏဩ။ ယံခေါသေႏချာႏ၊ လူႏဗာႏမေႏယို၊ တန်ထိုလꩻပိုႏ၊ ကုသိုလ်ႏယိုနဝ်ꩻ၊ အွဉ်ႏသဝ်ꩻမောဟ၊ အွဉ်ႏချꩻအဝိဇ္ဇာႏ၊ နေးဒျာႏဉာဏ်ႏမဲ့၊ စဲင်းစဲ့သေထွꩻ၊ ငိမ်ꩻခွꩻငိုꩻတန်ႏ၊ (နိဗ္ဗာန်ႏချံꩻသာႏ၊ ယံလꩻဗာႏဗွေႏဩ) ( နိဗ္ဗာန်ႏရောင်ႏသာႏ၊ ယံထီႏဗာႏဗွေႏဩ)။

ငေါဝ်းကပ်လူႏနံႏသာႏ[မွဉ်းဖျင် | မွဉ်းဖျင်အရွီးခိုႏ]

ဂုဏ်ႏတောႏကွတ်ꩻစွိုး၊ စာင်ဖြွိုးလꩻခါꩻ၊ ဗွေႏဘုရာꩻယို၊ သꩻကိုရေႏမတ်၊ ယံမျတ်ဟောဝ်ငါႏ၊ မေႏနံႏသာႏယို၊ သန်ထိုစေႏတနာႏ၊ သဒ္ဓါႏကြောင်းဗွာ၊ ယောင်းငါလူႏကပ်၊ ဘုရာꩻမျတ်ဗွေႏဩ။ ယံခေါသေႏချာႏ၊ လူႏနံႏသာႏယို၊ တန်ထိုလꩻပိုႏ၊ ကုသိုလ်ႏယိုနဝ်ꩻ၊ အွဉ်ႏသဝ်ꩻအနွုမ်ꩻကုဲင်၊ ယားပြုဲင်အနွုမ်ꩻသူႏ၊ ထူႏဒွုမ်အွဉ်ႏချꩻ၊ ငိမ်ꩻခွꩻငိုꩻတန်ႏ၊ (နိဗ္ဗာန်ႏချံꩻသာႏ၊ ယံလꩻဗာႏဗွေႏဩ) ( နိဗ္ဗာန်ႏဟွမ်သာႏ၊ ယံဒင်ႏဗာႏဗွေႏဩ)။

ကပ်ငီꩻလို့ဝင်ꩻ တလဲင်ႏချင်ꩻ[မွဉ်းဖျင် | မွဉ်းဖျင်အရွီးခိုႏ]

ဂုဏ်ႏတောႏကွတ်ꩻစွိုး၊ စာင်ဖြွိုးလꩻခါꩻ၊ ဗွေႏဘုရာꩻယို၊ သꩻကိုရေႏမတ်၊ ယံမျတ်ဟောဝ်ငါႏ၊ ရသာႏမျိုꩻအွီႏ၊ စွုမ်ႏစီႏအာစား၊ ကားသွမ်ꩻတောႏယိုႏ။ ရသာႏစုံခွꩻ၊ ထီအွꩻဖုံႏယို။ ယောင်ꩻဆင်ꩻဖုဲင်ႏထွား၊ ခွုင်းကားကဝ်ႏယို။ ယံကျလေဖေႏ၊ မေႏတေန်ꩻဖုံႏယို။ ဟွမ်မျတ်ဟဝ်ငါႏ၊ မေႏနံႏသာႏယို၊ သန်ထိုစေႏတနာႏ၊ သဒ္ဓါႏကြောင်းဗွာ၊ ယောင်းငါလူႏကပ်၊ ဘုရာꩻမျတ်ဗွေႏဩ။ ယံခေါသေႏချာႏ၊ လူႏဗာႏနုဲင်းယို၊ တန်ထိုလꩻပိုႏ၊ ကုသိုလ်ႏယိုနဝ်ꩻ၊ အွဉ်ႏသဝ်ꩻလောဘ၊ ငိမ်ꩻခွꩻငိုꩻတန်ႏ၊ နိဗ္ဗာန်ႏချံꩻသာႏ၊ ယံလꩻဗာႏဗွေႏဩ။

ဖန်းဖေႏကုသိုလ်ႏ[မွဉ်းဖျင် | မွဉ်းဖျင်အရွီးခိုႏ]

ကမာꩻကျိုꩻလိုႏ၊ ကုသိုလ်ႏပွန်းဆꩻ၊ ယံလꩻတွာတွာ၊ မွိုးဖါဆရာႏ၊ ယိုꩻယာႏဖူးဝေး၊ ပွေါးမွေးနီနမ်း၊ ကမ်းဖေႏနီဒုံ၊ ပွေါးအုံနီရပ်၊ လူꩻမျတ်တနံ၊ လူꩻတန်လစ်ꩻဖြာꩻ၊ နီနာꩻထိန်ꩻတီ၊ လူꩻထီလူꩻဟံႏ၊ အဝ်ႏခံႏမို့ꩻနာ၊ ပွေါးတခြာသေင်ႏဝါႏ၊ လူꩻဒါႏလူꩻမျတ်၊ အရပ်လစ်ꩻဖဲင်ႏ၊ အစဲင်ႏလစ်ꩻနား၊ ခွုင်းကားကီလ၊ ဒေသဗော့ꩻညာꩻ၊ သီကျာꩻဗြဟ္မာႏ၊ ဒေဝါႏယက္ခ၊ ယမခွန်ဖီ၊ သွံဆီတဒုံ၊ အဝ်ႏအုံသော့ꩻဒါႏ၊ သတ္တဝါႏလူꩻလိုꩻ၊ နီကကျိုꩻလိုႏ၊ ကုသိုလ်ႏပွန်းဆꩻ၊ ယံလꩻတွာတွာ၊ ဖန်းပါဖေႏယောင်း၊ အင်ဖြောင်းသာႏဓု၊ စုစုဗူႏဗူႏ၊ မူႏမူႏခိုခို၊ ထူႏတွာတွာသွော့၊ ကုသိုလ်ႏယိုနေား ဗွေႏသီးဩ။ ၁၃၄၄-ဗာႏ၊ လာတင်ꩻကျွစ်ဆန်ꩻ (၁၁)နီꩻ၊ (၂၈-၁၀-၈၂) [၁]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. ဘုရာꩻလောင်ꩻမျတ် ခွန်သီႏထတ်လိတ်ဖွူꩻ (စင်ꩻတန်-သီႏသဲင်ႏတဲမ်း)