ငဝ်ႏဆျာꩻထီဝွေႏအမျ

အဝ်ႏ ဝီခီပီးဒီးယား ကို

၁။ ခိန်ႏခါႏကာႏလ ယိုခါတွင်ꩻ၊ ခွေသွဉ်းယိုရင်ꩻ ကန္တော့ꩻဗာႏ၊ သွံပါꩻရတနာႏကုသိုလ်ႏကျိုꩻ။ ခွေသွဉ်းယိုရင်ꩻ လူႏတန်ꩻဗာႏ၊ မေႏတေန်ꩻပဒေႏသာႏ ကုသိုလ်ႏကျိုꩻ။ ခွေသွဉ်းယိုရင်ꩻ လူႏတန်ꩻဗာႏ၊ သေင်ႏရောင်ꩻသေင်ႏရာႏ ကုသိုလ်ႏကျိုꩻ။ ခွေသွဉ်းယိုရင်ꩻ လူႏတန်ꩻဗာႏ၊ ကောဝ်ႏသဉ်ပုပ္ဖါႏ ကုသိုလ်ႏကျိုꩻ၊ ခွေသွဉ်းယိုရင်ꩻ လူႏတန်ꩻဗာႏ၊ သွုံꩻဆောင်ႏခရာႏ ဒါႏနမျိုꩻ၊ ခွေသွဉ်းယိုရင်ꩻ ထိန်ꩻတီဗာႏ၊ သီႏလအတာႏ ကုသိုလ်ႏကျိုꩻ၊ ခွေသွဉ်းယိုရင်ꩻ ပသာဗာႏ၊ တရာꩻမတ္တောႏ ကုသိုလ်ႏကျိုꩻ။ ခွေသွဉ်းယိုရင်ꩻ ပွါꩻမျာꩻဗာႏ၊ တရာꩻဘာႏဝနာႏ ကုသိုလ်ႏကျိုꩻ။

လူꩻယိုတွမ်ႏလိုꩻ အီႏဝွေႏဖ၊ ရီးအွဉ်အစ မွိုးတွမ်ႏဖါ၊ လွိုထဲင်းဒွိုန်းခြာ ဗွေႏဆရာႏ၊ ဖူးဝေးညာꩻတိကာႏ ဗော့ꩻတွမ်ႏညာꩻ၊ သွꩻပေႏစွုမ်ႏဖြာꩻဝွေႏလို့ဩ။ ခွေသွဉ်းနမ်းနော အောဝ်ႏထိန်ꩻတီ၊ ခွေသွဉ်းလမ်းကီ ကအဝ်ႏအုံ၊ ခွေသွဉ်းသီးဒုံ ကအောဝ်ႏဒါႏ၊ တနံဒေႏဝါႏ လူꩻမျိုꩻပေါင်ꩻ၊ ကုသိုလ်ႏယိုလောင်ꩻဝွေႏဒျာႏဩ။ လွိုထဲင်းဒွိုန်းနော လူꩻသွံမျိုꩻ၊ အာကာသစိုꩻ၊ ဘုမ္မစိုꩻ၊ ရုက္ခစိုꩻယို ဝင်ꩻဟဲ့ꩻဖန်၊ ဝင်ꩻလစ်ꩻလူꩻတန် အောဝ်ႏနေက၊ ဓတရဋ္ဌ၊ ဝိရူဠက၊ ဝိရူပက္ခ၊ ကုဝေရ၊ ကုသိုလ်ႏအမျ ဝွေႏဖဒျာႏ၊ ငါးရုဲင်ꩻဆရာႏ ယမမင်ꩻ၊ လူꩻတန်ထွာလင်ꩻ ခွန်သိကျာꩻ၊ နီဆီနောဝ်ꩻရာꩻ သင်ဗြဟ္မာႏ၊ ဝွေႏဖဖန်းဒျာႏ ကုသိုလ်ႏဖို့၊ လွုံႏစွုံႏလို့လို့ လူꩻတွမ်ꩻလိုꩻ၊ ထီဖူꩻမရိုꩻကောင်လောင်းပါ၊ သွဉ်းကုသိုလ်ႏခါ ဝွေႏဖလင်ꩻ၊ ယံသာႏဓုဝင်ꩻ စွုမ်ႏဖြာꩻဖြာꩻ၊ ယံနေထူႏဝင်ꩻ စွုမ်ႏဖြာꩻဖြာꩻ၊ ယံချမ်ꩻသာႏဝင်ꩻ စွုမ်ႏဖြာꩻဖြာꩻနော၊ လိုꩻလူꩻဗြဟ္မာႏ၊ သတ္တဝါႏသီးယာ၊ လိုꩻအာတဖုံႏ အားလုံတဉ်ဟွေး။

တောင်ꩻသေꩻ = ငေါဝ်းဝွေႏအမျ ယိုတပုဒ်နဝ်ꩻ ရေႏဖေႏ မာꩻအလူႏအတန်ꩻ ပွယ်ꩻတန်လံꩻတန်မွေးတောဝ်း၊ လမ်းကိုပါႏဖူꩻ၊ ကျောင်ꩻကိုကန်ႏဖူꩻ၊ မွူးဟာမွူးရောဝ်ꩻ ကလူႏဒါႏ၊ မေႏတေန်ꩻစတဲင် အမျိုꩻမျိုꩻထွူတဲင် ဝုဲင်ႏဘုရာꩻနေးသီလ၊ ပသာမေတ္တာႏ၊ ပွါꩻမျာꩻဘာႏဝနာႏထင်ႏထွူ ဝွေႏအီအမျတာႏဒျာႏသွူ။ ကပါဒါႏ ကုသိုလ်ႏမဉ်ꩻဖုံႏနောဝ်ꩻ နီမဉ်ႏတမာꩻဗာႏတောဝ်းလဲ့၊ သော့ꩻပါတောဝ်း(ရွစ်ပါတောဝ်း) နုဲင်းနောဝ်ꩻလွုမ်ꩻသွူ။

၂။ မမ ပုညဘာဂံ သဗ္ဗေ သတ္တာ သမံ လဘန္တု။

  • အနက်ပအိုဝ်ႏ။ ။ မေ - ခွေသွဉ်း၊ ဣဒံ ပုညံ - ကလူႏတန်ꩻဗာႏ၊ ဒါႏနကုသိုလ်ႏ၊ ကကံကျင်ꩻဆောက်တဲႏဗာႏ၊ သီႏလကုသိုလ်ႏယိုနဝ်ꩻ ၊ အာသဝက္ခယာ - အာသဝေါလစ်ꩻပါꩻ ကလို့ရာꩻအမန်ႏ၊ ခမ်းနိဗ္ဗာန်ႏသူꩻ၊ ဝဟံ ဝဟန္တော - တွိုႏစူꩻအီနွောင်ꩻ၊ အကျောင်ꩻတရာꩻယို၊ ဟောတု - ယံထွာသွော့ ဗွေႏဩ။
  • မေ - ခွေသွဉ်း၊ ဣဒံ ပုညံ - ကုသိုလ်ႏယိုနောဝ်ꩻ၊ နိဗ္ဗာနဿ - နိဗ္ဗာန်ႏချမ်ꩻသာႏ၊ ပစ္စယော - အထောက်အပံးနောဝ်ꩻ၊ ဟောတု - ယံထွာသွော့ ဗွေႏဩ။ မေ - ခွေသွဉ်း၊ ဣဒံ သီလံ - ကကံကျင်ꩻဆောက်တဲႏဗာႏ သီႏလကုသိုလ်ႏယိုနောဝ်ꩻ၊ နိဗ္ဗာနဿ - နိဗ္ဗာန်ႏချမ်ꩻသာႏ၊ ပစ္စယော - အထောက်အပံးနောဝ်ꩻ၊ ဟောတု - ယံကထွာသွော့ ဗွေႏဩ။
  • မေ - ခွေသွဉ်း၊ ပုညဘာဂံ - ဒါႏနကုသိုလ်ႏ၊ သီႏလကုသိုလ်ႏ၊ အပွန်းအတာႏယိုနောဝ်ꩻ၊ သဗ္ဗေ - လို့လို့စင်စင်၊ သတ္တာ - လိုꩻလူꩻဗြဟ္မာႏ၊ သတ္တဝါႏသီး၊ သမံ - ညီႏညီႏမျမျ၊ တရျားရျား တတွာတွာ၊ လဘန္တု - ယံလꩻလွဝင်ꩻဖုံႏနော။

တောင်ꩻသေꩻ ။ ။ ငေါဝ်းကွီဆုꩻတွမ်ႏ ငေါဝ်းဝွေႏအမျ အဒွေါင်ႏစားယိုနောဝ်ꩻ မီႏထွာထီရေႏစက္ချတပါတဝ်း၊ (ထီဆေ့ ထီပလဲင်ꩻမီႏတပါတဝ်း)နဝ်ꩻ သွဉ်ပါရွစ်ပါနဝ်ꩻ ဟဝ်သွူ။ ထီရေႏစက္ချမီႏပါ နာႏအကျိုꩻမီႏထွူ၊ မီႏအီႏရွစ်ချာလွေꩻ ငေါဝ်းဆျာꩻထီ အဆွာꩻစားနောဝ်ꩻ သွဉ်ပါရွစ်ပါတဝ်းလဲ့ အောဝ်ႏလꩻဒျာႏ၊ မီႏရွစ်ပါနဝ်ꩻ၊ အဓိပ္ပာယ်ႏထပ်(ဗွိုန်)လွဝင်ꩻတဲင် အခိန်ႏလို့ပိုႏသွူ။[၁]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. တရာꩻဟော်ꩻပါခဲတ် (ပထမတွယ်ꩻ)၊ ဗွေႏကုဝေရ