စီမေးလ်

ကဟဲ့ꩻဒါႏ စီမေးလ်(Gmail) ဂူဂွေါးလ်မေးလ် (Goodle Mail)ယို အဝ်ႏဂူဂွေါးလ်ကုမ္ပဏီႏ ခွုမ်မာꩻဖေႏခြေင် အီးမေးလ်တမျိုꩻဒျာႏသွူ။ ထွာဒျာႏခွုမ်မာꩻဖေႏ ဂူဂွေါးလ်ဝဲဘ်အခင်ႏမွဉ် အီးမေးလ်တမျိုꩻဒျာႏ၊ တရာꩻဝင်ႏ ၂၀၀၄-ဗာႏနေင်ႏကိုနဝ်ꩻသွူ။ ၂၀၀၄-ဗာႏနေင်ႏ၊ မတ်လာတွင်ꩻ နယူးယောက်ထုဲင်း (New York Times) လိတ်လွီးလယ်ႏ (သတင်ꩻစာႏ)အကို "မဉ်ႏတွိုႏဧပြီလာ ၁-နီꩻငါယို အီႏသွုပ်ဆွိုက်နယ်စသွူ စီမေးလ်အကျောင်ꩻ"ကေႏညာႏခါꩻနုဲင်းနဝ်ꩻ၊ အတွင်ꩻနဝ်ꩻခါသော့ꩻတွမ်ႏနွောင်ꩻ ပမာဏ ဖေႏဗꩻ ၁ GB လွုမ်ꩻ ဗွောင်နယ်တရာꩻဝင်ႏနုဲင်းနဝ်ꩻတဲင် လိုꩻဖုံႏကဲဉ်းအာအာ ထွာဒျာႏကွို့ꩻ ကုမ္ပဏီႏပေႏတဗာႏ ဧပြီဖူး (April Fool)ထာꩻတယွို့ခရာႏတဗာႏ လက်ခံႏလွကွို့ꩻနုဲင်းနဝ်ꩻလွုမ်ꩻ။ ကွဲႏတွော့ꩻ သပမ်း (Spam)ဆေ့ꩻလွဉ်ꩻငါႏ၊ စီမေးလ်နဝ်ꩻ သုံꩻအီဒျာႏ အဆင်းရန်းထိုစား အေစဲစ် (Ajax)အနယ်ꩻပညာႏတဲင် အ၀်ႏဖိစ်ဟွုန်ချက် (invite)တဲႏကလက်ခံႏထွူချာနဝ်ꩻ ကမ္ဘာႏလောင်းတခြောင်ႏလိုမ်း စီမေးလ်ယို ကျောႏထင်ႏစွဉ်ႏဟုင်ဟုင်၊ လိုꩻဖုံႏလဲ့ သေအာလွဉ်ခန်းဒျာႏနဝ်ꩻသွူ။

၂၀၀၅-ဗာႏ

၂၀၀၅-ဗာႏနေင်ႏ၊ ဇွန်လာတွင်ꩻ ဟက်ကာဖုံႏ နွို့ဒိုသော့ꩻလꩻယိုꩻယိုꩻလွုမ်ꩻ-ကရိုꩻဒါႏ လိုမ်းဗဉ်ႏရေꩻ အခါႏတကွက်ꩻယို အွဉ်ႏနယ်ထေ့ခန်း Slsh dot ကိုတဲင် ကရိုꩻဒါႏပျဿနာႏနဝ်ꩻနဝ်ꩻ ထွိုင်ႏနွို့ဖျင်ချာယင်း သမ်းအဝ်ႏယိုꩻယိုꩻမာꩻမာꩻဒျာႏတွော့ꩻ Google နဝ်ꩻ အနမ်းတွမ်ႏအနမ်း ဝင်ꩻလိုꩻအာဖုံႏ သꩻဝင်ႏစာꩻ ဝွေꩻသီး Service အကျောင်ꩻ ယွုမ်းအံႏထိုꩻခန်းနုဲင်းနဝ်ꩻသွူ။ ၂၀၀၅-ဗာႏနေင်ႏ၊ ဧပြီလာကို သော့ꩻဖေႏကတွမ်ႏဗꩻလꩻ 2 GB အွဉ်ႏတိုꩻသမ်းယင်းထွူတဲင် ကပသာလိတ်ခင်ႏလမ်း အဝ်ႏ Plain Text အရန်းနဝ်ꩻ ဒင်ႏထိုထင်ႏဖေႏလုဲင်ႏ HTML အရန်း၊ ပြောင်ꩻနွောင်ꩻဖေါင့် (Font) လွုမ်ꩻတကာႏတဝ်း သော့ꩻပါသမ်းဖေႏစွဉ်ႏ Feature တသာဖုံႏယင်သွူ။ ၂၀၀၅-ဗာႏနေင်ႏ၊ မေလာတွင်ꩻ Gmail ဖေႏကသုံꩻလꩻနွောင်ꩻပါ ပျင်တိစ်၊ ဂျာမန်၊ အီတလီ၊ ဂျပန်၊ ကိုးရီးယား-စတဲင်ဘာႏသာႏငဝ်းဖုံႏလဲ့ ဝွေꩻသီးမာꩻဖေႏနွောင်ꩻပါစွဉ်ႏနဝ်ꩻသွူ။ ၂၀၀၅-ဗာႏနေင်ႏ၊ ဇွန်လာတွင်ꩻ တကမ္ဘာႏလိုမ်း Gmail Account အဝ်ႏလွဉ်စွဉ်ႏ 1.2 အကျောင်ꩻ ကျောႏကမ္ဘာႏ Popular Science မဂ္ဂသိဉ်းတန်နဝ်ꩻ တွမ်ထူႏစဲစ်ထွား Gmail ထွတ်ထေမန်နေဂျာထွူတွော့ꩻ အွဉ်ႏနယ်ထန်ႏခါꩻနုဲင်းနဝ်ꩻသွူ။ လာꩻထွိုင်ႏလို့ခိန်ႏနဝ်ꩻ သော့ꩻသမ်းထဲင်းစွဉ်ႏ ဖိန်လန်၊ ပိုလန်တွမ်ႏ သွီဒိန်ဘာႏသာႏငဝ်းငွါဖုံႏယင်သွူ။ ၂၀၀၅-ဗာႏ၊ ဇူလုဲင်လာအကို ကအ၀်ႏသုံꩻ Gmail ခိန်ႏ အဝ်ႏ Inbox အကို ဖေႏကသုံꩻနွောင်ꩻ Google Search Engine Service သော့ꩻပါသမ်းထွူတဲင် Gmail အကို သော့ꩻတွမ်ႏနွောင်ꩻပမာဏနဝ်ꩻလဲ့ ဗꩻလꩻစွဉ်ႏ 2 GB လွို၊ တနီꩻအကို တဲႏစ 14 MB သော့ꩻတွမ်ႏနွောင်ꩻ ပမာဏနဝ်ꩻ အွဉ်ႏလွိုလွေꩻဖေႏ တလဲင်ႏတစိꩻစိꩻ သုံꩻလွေꩻစွဉ်ႏအနယ်ꩻနုဲင်းနဝ်ꩻသွူ။ ၂၀၀၅-ဗာႏ၊ ဩဂွေါတ်လာတွင်ꩻ ကောသုံꩻသားယင်ဟန်ႏအတာႏ ဖိစ်ဟွုန်လိုꩻတသာခွင်ꩻနဝ်ꩻ ဖေႏဗꩻစွဉ်ႏအဖြာꩻတရျာꩻနဝ်ꩻသွူ။ ယွုမ်းအံႏကလꩻဒါႏ Developer သားတွမ်ႏ ပရိုဂရမ်မာသားဖုံႏအတာႏ ဖိစ်လိုꩻတသာခွင်ꩻ ရနွောင်ꩻစွဉ်ႏ အဖြာꩻ(၁၀၀၀)သွူ။ ထဲမ်သော့ꩻပါသမ်းစွဉ်ႏ ဂရိ၊ ဟန်ဂေရီ၊ အိဉ်ဒိုနီးဆျား၊ ဗဲတ်နမ်-စတဲင် ဘာႏသာႏငဝ်းငွါ ၁၂-မျိုꩻယင်သွူ။ ဩဂွေါတ်လာ ၂၄-နီꩻတွင်ꩻနဝ်ꩻ Mobile ဖိုန်းဖုံႏအကို ဖေႏနေးပသာလိတ် Text Message အတွက် အဝ်ႏအွိုးစီမေးလ် (Gmail) ဖေႏကသုံꩻလꩻငါလွေꩻတရန်းနဝ်ꩻ ဝွေꩻသီးမာꩻဖေႏပါသွူ။ အမေႏရိကန်ႏခမ်းကိုနဝ်ꩻ တွမ်ႏInvitationကုတ်တဲင် ပသာတဲက်မဲစ်သေက် (Tex Message) Gmail Mobile ဖုံႏကိုလꩻနွောင်ꩻစွဉ်ႏနဝ်ꩻသွူ။ Googlemail ယို တွိုႏ ၂၀၀၅-ဗာႏ၊ အောက်တိုဗာ ၁၉-နီꩻ သုံꩻပြောင်ꩻလုဲင်ႏစလုဲင်ႏ UK နဲင်ႏငန်ႏကိုနဝ်ꩻ၊ ၂၀၀၅-ဗာႏနေင်ႏ၊ သဲတ်တဲမ်ဗာလာအကို ထဲမ်သော့ꩻသမ်းယင်း ဆဲစ်၊ ဟိဉ်ဒီ၊ ထုဲႏ၊ တူရကီ-စတဲင်ဘာႏသာႏငဝ်းငွါ ၉-မျိုꩻနဝ်ꩻသွူ။ Username@gmail.com ခင်ႏလမ်းနဝ်ꩻ Username@google.com ယထွောင်းထွောင်း ဖေႏကသုံꩻအီႏလꩻ သဘော်ꩻဗိုန်ခန်းလို့ဝင်ꩻနဝ်ꩻသွူ။ ၂၀၀၆-ဗာႏ (အဝ်ႏကုဲင်နေဒွိုန်း (ဗꩻ ၂၀၁၀) ၂၀၂၆-ဗာႏ၊ ဇန်နဝါရီလာကို Google သားနဝ်ꩻ ကမာꩻထိုꩻမားနွောင်ꩻဒါႏ အင်္ဂါႏနီဗာႏ Gmail ယို လွောင်ႏဗူႏတသာလွေꩻယင်း လိတ်မဲ့ငါအစွဲးအကမ်း၊ လိုꩻကသုံꩻစီမေးလ်သားဖုံႏကဲဉ်းအာ ပထမဗာႏကထွာဒါႏ ခြဲ့ꩻလုဲင်း Gmailify တွမ်ႏဒုတိယဗာႏ အဝ်ႏပရိုတောကော POP တရန်း ထူႏသုံꩻအီချာယင်း အီးမေးလ်ဖုံႏ-နုဲင်းနဝ်ꩻသွူ။

အွဉ်ႏသွတ်ꩻထိုꩻ Gmailify

သွုပ်ဆွိုက်နယ် ၂၀၂၆-ဗာႏကိုတဲင် Yahoo မွေးတဝ်းလဲ့ Outlook အီးမေးလ်အကောင့်အထန်ႏဖုံႏလဲ့ မာꩻထိုထင်ႏသမ်းအရန်းနဝ်ꩻသွူ။ ဥပမာႏ- ယွုမ်းအံႏကလꩻဒါႏ စဲစ်ထန်ႏထိုꩻ spam လွုမ်ꩻတကာႏတဝ်း စီမေးလ် Gmail တခြိုꩻလွိုဖုံႏ၊ အွဉ်ႏထွာထိုꩻ လိတ်နွို့အနေႏဖုံႏ အဝ်ႏလွိုႏလွိုႏ ဝွေꩻစီႏခြပ်လွေꩻဒျာႏ၊ စမတ်ဖုန်းဖုံႏအကို ထွာထိုꩻဖေႏသတိꩻချက် ယိန်းယံယံစားဖုံႏ၊ ပါတွမ်ႏအထူးအော်ပရေတာဖုံႏ ခြဲ့ꩻလုဲင်းထိုမ်ႏခွုမ်မာꩻနွောင်ꩻထဲင်းအချက်ဖုံႏ ပါသော့ꩻနဝ်ꩻသွူ။ စားနဝ်ꩻဖုံႏနဝ်ꩻ ၂၀၂၆-ဗာႏ၊ ဇန်နဝါရီလာအကို သုံꩻတလꩻတဝ်းဒွုမ်နဝ်ꩻသွူ။ ကွပ်နဝ်ꩻမꩻ စီမေးလ်အကို လိုꩻကသုံꩻဒါႏ စီမေးလ်အလင်သားဖုံႏအနေႏ တဲႏစနေင်ႏ (၂၀၂၆)မာꩻငါ ထာꩻမာꩻစားနဝ်ꩻဖုံႏ အီႏတအဝ်ႏတဝ်းဒွုမ်တွော့ꩻ သုံꩻလွေꩻဗာႏနုဲင်းပွိုင်းလဲင်ႏအတွိုင်ꩻသွူ။ POP ကစွဲးကမ်းကိုဖေႏဒါႏ စီမေးလ် Gmail နဝ်ꩻလဲ့ အွဉ်ႏဆွိုးထိုꩻ၊ အဝ်ႏပရိုတောကော POP တရန်း ကထူႏချာနွောင်ꩻလꩻယင်း အီးမေးလ်ဖုံႏနဝ်ꩻလဲ့ ဆွိုးပါထိုꩻခန်းဒျာႏနဝ်ꩻသွူ။ လိုꩻကသုံꩻစီမေးလ် Gmail အရီးသားအနေႏနဝ်ꩻ အီးမေးလ်အကောင့်လောင်ႏလင်ကို ကအဝ်ႏဒါႏ မဲစ်ဆေ့ဖုံႏနဝ်ꩻ ထဲမ်သော့ꩻသွူးစွဉ်ႏ စီမေးလ် Gmail ကိုတဲ့ လꩻဒျာႏနဝ်ꩻသွူ။ ကရိုꩻဒါႏ "အဝ်ႏအကောင့်လောင်ႏလင် ထူႏထန်ႏအီ မဲစ်ဆေ့ဖုံႏတာႏ" ခွုမ်မာꩻချက်နဝ်ꩻနဝ်ꩻ တဲႏဇန်နဝါရီလာမာꩻငါ မာꩻအီထာꩻမာꩻ တလꩻတဝ်းဒွုမ်နဝ်ꩻသွူ။ နဝ်ꩻနမ်းခြောင်ꩻအနေႏ Google နဝ်ꩻ မဲ့ꩻအီႏယီးနယ်ဖေႏလုဲင်ႏ IMAP ထွူတဲင် ကခွုမ်မာꩻဖေႏဒါႏ အီးမေးလ်သား ကဲဉ်းအာအာ ဝွေꩻစွဲးကမ်းဖေႏတထွူလဲဉ်းဒျာႏတွော့ꩻ အွဉ်ႏထွော့ခါꩻဖေႏ စနိစ်ထွꩻခေတ်စားတန်နဝ်ꩻသွူ။ ကောကသုံꩻသားနဝ်ꩻ သွင်ꩻသော့ꩻဖေႏ IMAP အသက်ထွူတဲင် အဝ်ႏ POP အမွိုင်သွတ်ꩻတဗာႏ အပြောင်ꩻလွေꩻ IMAP ကို တွိုႏတတွိုႏတဝ်း ဖေႏကသေနဝ်ꩻ ထွားစဲစ်ဆေꩻဗာႏလုဲင်ႏ ကခွုမ်မာꩻဖေႏဝွေꩻသီး အီးမေးလ်ထာꩻသား သဲစ်တိဉ်မꩻလꩻနဝ်ꩻသွူ။