ဆန္နတ္ထေရ

အဝ်ႏ ဝီခီပီးဒီးယား ကို

"ဆန္နတ္ထေရ"

၇၈။ ဂါႏထာႏပြန်ႏပအိုဝ်ႏခြေင်ခြေင်- သွꩻယွုတ်ဖုံႏယို ဟောဝ်အုံထေ့တောဝ်း ဟောဝ်ဆယ်ꩻကပ်တောဝ်း၊ လိုꩻတဟောဝ်တောဝ်းဖုံႏယို ဟဝ်တရေ့တောဝ်း ဟောဝ်ဆယ်ꩻကပ်တောဝ်း၊ သွꩻဟောဝ်ဖုံႏယို အုံထေ့ဆယ်ꩻကပ်လွသွော့လုဲင်း၊ လိုꩻဟဝ်လိုꩻမျတ်ဖုံႏယို တရေ့ဆယ်ꩻကပ်လွသွော့ဟုဲင်း။

"ဟော်ꩻထွားသွဉ်ဗာႏ ဆန္နမထေရ်ႏဝတ္ထုယိုတဲင် လꩻဗဟုသုတ၊ လꩻသတိꩻနုဲင်းယို"

၁။ ပေါႏအာႏကွိုꩻသန်ငါႏ ပုဂ္ဂိုလ်ႏတပါꩻပါꩻနဝ်ꩻ ထင်းတန်ချာဒျာႏအနမ်း၊ ငမ်းတောဝ်းပါꩻတစိꩻစိꩻ၊ တစျꩻစျꩻ ဆွုံꩻမꩻတလꩻတောဝ်းအကျောင်ꩻ၊

၂။ ဝွေꩻကအာႏကွိုꩻဒါႏ ပုဂ္ဂိုလ်ႏနဝ်ꩻ မဉ်ႏတအဲဉ်ထဝ်း တနီꩻခါ နွို့ဝင်ꩻခြာလꩻတဝ်း၊ ဝင်ꩻပယ်ႏဟွံထိုꩻဒါႏ၊ ကော့ꩻမာႏ မော့ꩻဒါႏထာꩻဒုက္ခအကျောင်ꩻ၊

၃။ ပေါႏခံႏဗာႏ ဝင်ꩻအမျာꩻပယ်ႏထိုꩻနောဝ်ꩻ မဲ့ငါပေႏဗာႏငါႏအကျောင်ꩻ၊

၄။ ထင်းဖွီမွိုန်းဝင်ꩻ၊ ခွန်းထွမ်သွမ်ꩻသဲ့ꩻ ကဲ့ꩻရဲ့ꩻမွိုန်းဝင်ꩻမꩻ လꩻယိုꩻတရာꩻအကျောင်ꩻ-စတဲင်နုဲင်းနဝ်ꩻ သေထွꩻလꩻအီသတိꩻအာတန်သွူ။

"မဟာကပ္ပိနမထေရ်ႏ"

၇၉။ မဂ်ဖိုလ်ႏနိဗ္ဗာန်ႏ လꩻတန်ႏအတွက် ကနစ်သက်တရာꩻ ပါꩻတဖြာꩻနဝ်ꩻ ဗေင်ႏဗာႏချမ်ꩻချမ်ꩻသာႏသာႏသွူ၊ ပညာႏသျိနဝ်ꩻ အရိယာႏသီး ကဟော်ꩻခါꩻတရာꩻအလောင်း နေးတွမ်ႏသꩻကြောင်းထွူခါ မုဲင်ꩻခါတဲ့ယဝ်း အဲဉ်ထဝ်းထွူသေ ခေ့ꩻလေစွဉ်ႏဒျာႏ ပျောႏငါႏနဝ်ꩻသွူ။

"လꩻဗဟုသုတ၊ လꩻအီသတိꩻနုဲင်းယို" ဟော်ꩻထွားသွဉ်ဗာႏ မဟာႏကပ္ပိနမထေရ်ႏဝတ္ထုယိုတဲင်-

၁။ လိုꩻကအွဉ်မာꩻ ကုသိုလ်ႏသားနဝ်ꩻ ဘဝမုဲင်ꩻတဲ့ယဝ်း အဆင်းအရန်းထိုလဲဉ်းဝင်ꩻ၊ ချမ်ꩻသာႏလဲဉ်းဝင်ꩻအကျောင်ꩻ၊

၂။ မာꩻတဝ်းအကုသိုလ်ႏ၊ ပေါႏမာꩻဒျာႏကုသိုလ်ႏနဝ်ꩻ တတွိုႏဗာႏတဝ်း အပါယ်ႏ၊ ဘွုံႏနယ်ႏလူꩻလိုꩻ စိုꩻစံႏသုခ စွုမ်ႏဘဝထွူခါ ထွာဗာႏရဟန္တာႏအကျောင်ꩻ၊

၃။ ဟွိုန်ဗာႏ "ဘုရာꩻ-တရာꩻ-သံဃာႏ"ငေါဝ်းမင်္ဂလာႏနောဝ်ꩻ အငိုꩻတန်ႏငါႏ၊ မဉ်ႏတရေ့ဆယ်ꩻကပ်နဝ်ꩻ ယိန်းမျတ်ငါႏအကျောင်ꩻ၊

၄။ မဉ်ႏယွုမ်းသီ ယွုမ်းပဲစ်ꩻမွေး ဘုရာꩻ တရာꩻ သံဃာႏရတနာႏမျတ်သွံပါꩻဂွုဏ်ႏတောႏနဝ်ꩻ တွူႏဖါႏကာႏဗꩻနွောင်ꩻ အယပ်ꩻအခုဲင်ႏအမျိုꩻမျိုꩻအကျောင်ꩻ၊

၅။ လူႏညီꩻတန်ꩻဖက် သွꩻရက်ဖုံႏနဝ်ꩻ သဲင်ꩻလူႏညီꩻတန်ꩻညီꩻဗာႏယင်းလို့ဝင်ꩻအကျောင်ꩻ၊

၆။ "ဓမ္မရသ-တရာꩻအရသာႏနဝ်ꩻ ယံလဲဉ်းက"၊ "ဓနရသ-ဥစ္စာႏရသာႏ"အကျောင်ꩻ-စတဲင်နုဲင်းနဝ်ꩻ သေထွꩻလꩻအီသတိꩻအာတန်သွူ။

"ဧဟိဘိက္ခု-အဓိပ္ပါယ်ႏ" "ဧဟိဘိက္ခု-လွဉ်ဟုဲင်းရဟန်ꩻ"ပေါႏနီဗွေႏဘုရာꩻ ဟဲ့ꩻနုဲင်းနဝ်ꩻငါတဲ့ ထွာစွဉ်ရဟန်ꩻ (အီတွမ်ႏသင်္ကန်ꩻ ပရိက္ခရာႏ ထင်ႏဗာႏသိမ်ႏ၊ ဖတ်ဗာႏနေး ကမ္မဝါႏ မွေးတောဝ်း။)[၁][၂][၃]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. ပအိုဝ်ႏလိတ်လုဲင်ꩻစွစ်ꩻလီꩻတာႏအစွိုꩻ
  2. ဗွေႏဗွန်ကောဝိဒ(ဇဝနာရာမ)
  3. ဓမ္မပဒအမုဲင်(၆)