တထာ လိန်းလီ

တထာ လိန်းလီ
ကိုဩဒိနိတ်	19.9910°N 96.6163°E / 19.9910; 96.6163
တဖူꩻ	နေပျည်တော်-ပင်လောင်ꩻ တဖူꩻ (နီကြုဲင်စား)၊ ပါတွမ်ႏ လိုꩻလွေꩻတာႏ ခင်ႏလမ်း ၂ ဖဲ့ꩻ
ကာႏလွေꩻ	ပေါင်ႏလောင်ႏခြောင်
အောဝ်ႏခင်ႏလမ်း	ဖြောဝ်ꩻခမ်း အခေါဝ်နောဝ်
အမဉ်ꩻ	လိန်းလီတံတား
ဖျင်ထွေသား	နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ၊ ပို့ဆောင်ရေး ဝန်ကြီးဌာန
တထာအင်္ဂါႏဖုံႏ
တထာဒီသုဲန်း	Steel သတီးလ် သံမဏိ
အဆွာꩻခြွောန်း	၁၇၆၀ ခင်ႏယာꩻ
အလုဲင်း	၂၈ ခင်ႏယာꩻ
အထို	၂၇၄ ခင်ႏယာꩻ
သမဲင်ꩻခြောင်ꩻ
ကဗွောင်ဖေႏနီꩻ	၅ နိုဝဲင်ဗာ ၂၀၁၀ (၂၀၁၀-၁၁-၀၅)

တထာ လိန်းလီ ယို ထွာ တထာ ပသီႏ သံမဏိဖြွီꩻနေးစား ကကာႏဒါႏ ပေါင်ႏလောင်ႏခြောင် ကအောဝ်ႏ ဖြောဝ်ꩻခမ်း အခေါဝ်နောဝ်ကိုသွူ။ အောဝ်ႏ နေပျည်တော်-ပင်လောင်ꩻ တဖူꩻလောင်း။ တထာ လိန်းလီယို တထာ ပသီးဖြွီꩻနေးသား ကအောဝ်ႏ မန်းခမ်းကို ထွာ အဆွာꩻလွို၊ အထိုလွိုသွူ။

ယွိုင်ႏဖုဲင်ကင်း

တထာ လိန်းလီယို မာꩻထွူလꩻ ၂၀၁၀ ဗာႏနေင်ႏကို၊ လို့ရွောန် ဒေါ်လာ ၃.၄၇၆ သန်း တွမ်ႏယင်း မန်းရွောန် ၁၄၅၀ ကုဋေ။ ခါးလားတထာကအောဝ်ႏခါနောဝ်ꩻ နေပျည်တော်တွမ်ႏ ပင်လောင်ꩻယို ဖြေꩻစာ ကူꩻကားထာꩻ ယပ်ꩻတန်၊ လွေꩻဗာႏ ဆင်ကောင်တဖူꩻဖဲ့ꩻထွူ ကာႏဗာႏ ပေါင်ႏလောင်ႏခြောင် တွမ်ႏဖြီ။

ဖြေꩻစာ ကူꩻကာႏအီထာꩻ ဖေႏနေးကယိုꩻတဲင် မန်းခမ်းလိုꩻတန် ခမ်းထီခွꩻရျူႏ ပြွူႏဖြိုတာႏ ကောင်သယ် တာႏဝန်ႏအောဝ်ႏသား ယင်း P.T. Waagner-Brio Indonesia ဂုမ်ပဏီ မာꩻငီꩻဝင်ꩻ တထာတန် ပေါင်ႏလောင်ႏခြောင်ဆကီ။ ဝေꩻသီးလွိုက်လွေꩻ ခင်ႏလမ်းကအောဝ်ႏ မဲင်ႏထွန်ႏအမုဲင် ၄၂/၅ ကအောဝ်ႏဒါႏ နေပြည်တော်-ပင်လောင်ꩻ တဖူꩻတန်လောင်း။ အအောဝ်ႏ ဖြောဝ်ꩻခမ်း အခေါဝ်နောဝ်ꩻ၊ ဝေင်ꩻပင်လောင်ꩻနယ်ႏ၊ လိန်းလီဒုံထျꩻ။

အောဝ်ႏလိုꩻ ခယ်ႏခမ်းသား သမ္မတနဲင်ႏငံႏ ကတဲမ်းထေဖေႏ ဒီသုဲန်းကို ကထွာလွောန်ဒါႏ တထာယိုနောဝ်ꩻ ဗွောင် ၂၀၁၀ ဗာႏနေင်ႏ၊ လာနိုဗဲမ်ဘာ ၅ နီꩻကိုထွူ ဖေႏကာႏစလွေꩻ ခမ်းသားဖုံႏ။ တထာနမ်းနောဝ်ꩻ အဆွာꩻအောဝ်ႏ ခင်ႏယာꩻခြွောန်း ၁၀၀၀၊ တဖူꩻ ကခြꩻလွေꩻ တထာနမ်းနောဝ်ꩻ တဖဲ့ꩻတဖဲ့ꩻ အောဝ်ႏ ၃၈၀ ခင်ႏယာꩻ (380 ft)။ တထာနောဝ်ꩻ အထိုကီအောဝ်ႏ ၈၄ မီတာ (၂၇၄ ပေ)၊ တထာအလုဲင်းနောဝ်ꩻ အောဝ်ႏ ၂၈ ခင်ႏယာꩻ။ တထာယိုဗာႏ ကတေင်းဖေႏနွောင်ꩻ အယာႏခေန်ႏထွူႏဖွီနောဝ်ꩻ တေင်းနွောင်ꩻ ၇၅ တန် (75-tons loads) သွူ။

အစဲင်းခြာ

ကမာꩻ တထာယိုဗာႏနောဝ်ꩻ မော့ꩻဗာႏ ပထဝီဖဲ့ꩻ ခင်ႏလမ်းအောဝ်ႏ အယပ်ꩻအခုဲင်ႏတွမ်ႏ အထျꩻအသောင် အယပ်အခုဲင်ႏဖုံႏ၊ တွမ်ႏ တထာကအီးထွူဗာႏ အနေင်ႏမုဲင်ꩻ အလာမုဲင်ꩻကို ဖေႏကထွူထွꩻထွꩻဗာႏ ဝင်ꩻကရွောန်းခါꩻနောဝ်ꩻတန်တဲ့ ပနဲးယပ်ꩻသꩻဗာႏ ရိုꩻနုဲင်းနောဝ်ꩻသွူ။ အဓိကကထွာဒါႏ တထာစွောတ်နောဝ်ꩻ စျွိုင်သဲးခါꩻနေးတွမ်ႏ အဖောဝ်ႏအောဝ်ႏတဒဲင်ႏကီလဖုံႏ။ တထာစွောတ် အမော့နီဖဲ့ꩻကို အဆို့ꩻဖေႏခါꩻ တာဝါ ထာꩻထွန်ႏသွောင်း၊ တာဝါထွန်ႏအနာဖဲ့ꩻ နီထွောင်းခါႏကိုနောဝ်ꩻ အွောန်ႏတဒဲင်းလွေꩻခါꩻ သတီးလ်ပသီႏ။ တထာမော့ နီဖဲ့ꩻထျꩻ တယ်ႏခါꩻနေး ကွန်ကရစ်တခေါဝ်၊ သတီးလ်ပသီတခေါဝ်ကပါဒါႏ ခင်ႏလမ်းဗာႏသဲန်ꩻခါꩻ တထာဖြွီꩻဖုံႏ။ ထာꩻခင်ႏလမ်း ဗာႏသဲန်ꩻခါꩻ တထာဖြွီꩻဖုံႏ ကသဲန်ꩻခါꩻဒါႏ အဓိက ကေဘယ်ဖြွီꩻနောဝ်ꩻ ထွာ 24 nos 91-φ5.2 mm ကအောဝ်ႏဒါႏ သတီးလ် ပသီႏအဟောဝ်စားဖုံႏ။ ကမာꩻတထာယိုနောဝ်ꩻ မာꩻနေးဗာႏတွမ်ႏ ကရိန်း ထရက်ကား သွူ။(truck crane lifting, cable-supported hoisting, and installation on scaffolding)