ထာꩻဗေင်ႏမင်းတန်၅-မျိုꩻ

အဝ်ႏ ဝီခီပီးဒီးယား ကို

"မဟာသုပိနသုတ် (ထာꩻဗေင်ႏမင်းတန် ၅-မျိုꩻ)" ရဟန်ꩻသီးဖုံႏဟွေး- ခါးလားခွေကထွာဘုရာꩻ (ဗော့ꩻဗော့ꩻထွာသွူဘုရာꩻ)တွင်ꩻနဝ်ꩻ ခွေဗေင်ႏမင်းဆန်ꩻထာꩻ အဝ်ႏငတ်ꩻမျိုꩻ၊ ငတ်ꩻမျိုꩻကရိုꩻနောဝ်ꩻ- ၁။ ပထမထာꩻဗေင်ႏမင်း ဟံႏတဗီႏလုမ်း ထွာထာꩻဒါ၊ ဟိမဝန္တာႏကောင် ထွာမွဉ်၊ စူပင်စေႏနဝ်ꩻ အွဉ်ႏဒင်ႏကွဉ်ႏ ထီသမုဒ္ဒရာႏ၊ စူပင်ထွေနဝ်ꩻ အွဉ်ႏဒင်ႏတွို့ꩻ ထီသမုဒ္ဒရာႏ၊ ခင်ႏနဝ်ꩻ ယောင်းနဝ်လွေꩻ ထီသမုဒ္ဒရာႏလောင်း၊ ပထမထာꩻဗေင်ႏမင်းယိုနဝ်ꩻ အီႏလꩻ'အရဟတ္တမဂ်ဉာဏ်ႏ'အဓိပ္ပါယ်ႏထန်ႏနုဲင်းနောဝ်ꩻသွူ။ ၂။ ဒုတိယထာꩻဗေင်ႏမင်း မီꩻ(တိရိယ)ဒေါ့ꩻဒင်ႏပဒေလောင်း၊ ဗꩻကီထင်ႏစွဉ်ႏမို့ꩻ၊ ဒုတိယထာꩻဗေင်ႏမင်းယိုနဝ်ꩻ အီႏသေဖြောင် 'မဂ္ဂင်ႏတရာꩻသွစ်ꩻပါꩻ'နောဝ်ꩻသွူ။ ၃။ တတိယထာꩻဗေင်ႏမင်း အကတူႏနဝ်ꩻဖြေင်း၊ အနမ်းနဝ်ꩻဗွာ၊ သေ့ꩻဖုံႏနဝ်ꩻ ဟိုမ်ထင်ႏကီခွေခင်ႏ၊ ဗꩻထင်ႏစွဉ်ႏ ခင်ႏလေင်းတူႏထျꩻ၊ တတိယထာꩻဗေင်ႏမင်းယိုနဝ်ꩻ 'လိုꩻခွမ်ꩻလာꩻဗွာ လိုꩻဟဝ်သီးဖုံႏ အီႏလွဉ်ပြုံႏဆယ်ꩻကပ် ဗွေႏဘုရာꩻမျတ်'နောဝ်ꩻသွူ။ ၄။ စတုတ္ထထာꩻဗေင်ႏမင်း အဆွဉ်ႏအစားစား၊ ဝါးအမျိုꩻမျိုꩻဖုံႏနောဝ်ꩻ အောဝ်ႏအရပ်ဆတွို့ꩻ ကျောင်ႏကွဉ်ႏ၊ အဝ်ႏအရပ်ဆကွဉ်ႏကျောင်ႏလွဉ်၊ အဝ်ႏအရပ်ဆနဝ် ကျောင်ႏလွဉ်၊ အဝ်ႏအရပ်ဆထင်ꩻ ကျောင်ႏလွဉ်၊ ကထွိုင်ႏတွိုႏလွဉ် ခွေခင်ႏထျꩻနဝ်ꩻ ဝါးကားကအဝ်ႏ ထွာလို့စွဉ်ႏ ဝါးဗွာလွဉ်းလွဉ်းနောဝ်ꩻသွူ။ စတုတ္ထထာꩻဗေင်ႏမင်း အဓိပ္ပါယ်ႏနဝ်ꩻ- ခွန်မျိုꩻ၊ ပုဏ္ဏာꩻမျိုꩻ၊ ကွုန်ႏသယ်ႏမျိုꩻ၊ လိုꩻခြောမျိုꩻ ကွဉ်ကꩻလွဉ် ခွမ်ꩻလာꩻအမျိုꩻမျိုꩻ၊ အဝ်ႏအရပ်ဆတွို့ꩻလွဉ် ဗွေႏဘုရာꩻထျꩻ၊ အဝ်ႏဆကွဉ်ႏလွဉ် ဗွေႏဘုရာꩻထျꩻ၊ အဝ်ႏဆနဝ်လွဉ် ဗွေႏဘုရာꩻထျꩻ၊ အဝ်ႏဆထင်ꩻလွဉ် ဗွေႏဘုရာꩻထျꩻ၊ ကွဉ်ကꩻလွဉ် ခွမ်ꩻလာꩻအမျိုꩻမျိုꩻတဲ့ယဝ်း တွိုႏဗွေႏစောဝ်းဘုရာꩻထျꩻနဝ်ꩻ ဗုဲင်သင်္ကန်ꩻနုဲင်းနုဲင်းဝင်ꩻ၊ ကားကအဝ်ႏ ထွာလို့ရဟန်ꩻ၊ ထွာရဟန္တာႏဖုံႏနောဝ်ꩻသွူ။ ၅။ ပဉ္စမထာꩻဗေင်ႏမင်း ဗေင်ႏမင်း 'ထင်ႏအေႏပွုမ်ႏကောင်'၊ တရန်ႏထွူတရန်း ဗꩻစွဉ်ႏလစ်ꩻရန်း၊ အရန်းမုဲင်ꩻ အရန်းမုဲင်ꩻတဲ့ယဝ်း အေႏဗွို့ꩻတောဝ်း ခွေခင်ႏတစိꩻစိꩻ၊ ခင်ႏအဝ်ႏစင်ကြောင်းဒျာႏ၊ အေႏလွီးတနွုမ်ꩻသေင်တောဝ်း တစိꩻစိꩻနောဝ်ꩻသွူ။ ပဉ္စမထာꩻဗေင်ႏမင်းယို အဓိပ္ပါယ်ႏနဝ်ꩻ- နီဗွေႏဘုရာꩻ ကသွုံꩻဆောင်ႏ 'သင်္ကန်ꩻ၊ သွမ်ꩻ၊ ကျောင်ꩻ၊ တသီႏ'ပစ္စေꩻလစ်ꩻပါꩻယိုနဝ်ꩻ ထွိုက်ထွိုက်တန်ႏတန်ႏဒျာႏ၊ အပဲ့စ်တဗွို့ꩻတဝ်း တစိꩻစိꩻ၊ ထွိုက်တန်ႏတဝ်း ငေါဝ်းနွုမ်ꩻသေင်မွိုꩻ ဟွူန်တဝ်းတစိꩻစိꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဉ္စကနိပါတ်၊ မဟာသုပိနသုတ်)[၁][၂]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၂၀၉)