ဓာရဏပရိတ်

ဓာရဏပရိတ်(ပအိုဝ်ႏ) ပူႏဇောႏထွိုက်ငါႏ ဆရာႏအဲဉ်ထဝ်း ဗွေႏစဝ်းနမ်းဒျာႏ သေနာႏတရာꩻ ဘုန်ꩻသူပါꩻဗွေႏ ရိုႏသေႏခေါက်ဝုဲင်ႏဒျာႏဩ။ ၁။ ဗုဒ္ဓါနံ ဇီဝိတဿ န သက္ကာ ကေနစိ အန္တရာယော ကာတုံ၊ တထာ မေ ဟောတု (တထာ တေ ဟောတု)။ ပါꩻတဖြာꩻဖြာꩻ ကအီႏမာꩻထွာနွောင်ꩻ နီဗွေႏဘုရာꩻသီး အသက်အန္တရာယ်ႏနဝ်ꩻ တအဲဉ်ထဝ်း၊ ခွေသွဉ်း(နာꩻ)အတာႏ ယံဗိုန်ပီသွော့နုဲင်းနဝ်ꩻ(ဩ) နေား။ ၂။ အတီတံသေ ဗုဒ္ဓဿ ဘဂဝတော အပ္ပဋိဟတံ ဉာဏံ။ ဘုန်ꩻတောႏသူပါꩻ ဗွေႏဘုရာꩻသီး ကထွူထိုꩻလဲဉ်းအတိတ်ခဝ်ကို ဉာဏ်ႏတောႏနဝ်ꩻ အဆီꩻအပါႏ ကအီႏပေ့ꩻခါꩻဒါႏနဝ်ꩻ အဲဉ်ထဝ်းသွူ။ အနာဂတံသေ ဗုဒ္ဓဿ ဘဂဝတော အပ္ပဋိဟတံ ဉာဏံ။ ဘုန်ꩻတောႏသူပါꩻ ဗွေႏဘုရာꩻသီး တလꩻတွိုႏလွဉ်ဒွိုန်း အနာႏဂတ်အခဝ်ကို ဉာဏ်ႏတောႏနဝ်ꩻ အဆီꩻအပါႏ ကအီႏပေ့ꩻခါꩻဒါႏနဝ်ꩻ အဲဉ်ထဝ်းသွူ။ ပစ္စုပ္ပန္နံသေ ဗုဒ္ဓဿ ဘဂဝတော အပ္ပဋိဟတံ ဉာဏံ။ ဘုန်ꩻတောႏသူပါꩻ ဗွေႏဘုရာꩻသီး ယိုခါမဲ့ဆငါအခဝ်ကို ဉာဏ်ႏတောႏနဝ်ꩻ အဆီꩻအပါႏ ကအီႏပေ့ꩻခါꩻဒါႏနဝ်ꩻ အဲဉ်ထဝ်းသွူ။ ၃။ ဣမေဟိ တီဟိ ဓမ္မေဟိ သမန္နာဂတဿ ဗုဒ္ဓဿ ဘဂဝတော - တွမ်ႏတရာꩻဖုံႏယိုသိုမ်ပါꩻ ကဗွေသေꩻခါꩻဒါႏ ဘုန်ꩻတောႏသူပါꩻ ဗွေႏဘုရာꩻသီး သဗ္ဗံ ကာယကမ္မံ ဉာဏပုဗ္ဗင်္ဂမံ ဉာဏာနုပရိဝတ္တံ ၊ တွမ်ႏနမ်းကမာꩻဒါႏ ထာꩻမာꩻကားကအဝ်ႏ ဉာဏ်ႏအွဉ်ငါရီးလွဉ်းလွဉ်း၊ ထွေလွဉ်ꩻဒျာႏ ဉာဏ်ႏတောႏဆꩻချာလွဉ်းလွဉ်း။ သဗ္ဗံ ဝစီကမ္မံ ဉာဏပုဗ္ဗင်္ဂမံ ဉာဏာနုပရိဝတ္တံ ၊ တွမ်ႏဖြောင်းကဒေါ့ꩻ(ကမာꩻ)ဒါႏ ထာꩻမာꩻကားကအဝ်ႏ ဉာဏ်ႏအွဉ်ငါရီးလွဉ်းလွဉ်း၊ ထွေလွဉ်ꩻဒျာႏ ဉာဏ်ႏတောႏဆꩻချာလွဉ်းလွဉ်း။ သဗ္ဗံ မနောကမ္မံ ဉာဏပုဗ္ဗင်္ဂမံ ဉာဏာနုပရိဝတ္တံ ။ တွမ်ႏသꩻကယူႏ(ကကျံႏ/ကမာꩻ)ဒါႏ ထာꩻမာꩻကားကအဝ်ႏ ဉာဏ်ႏအွဉ်ငါရီးလွဉ်းလွဉ်း၊ ထွေလွဉ်ꩻဒျာႏ ဉာဏ်ႏတောႏဆꩻချာလွဉ်းလွဉ်း။ ၄။ ဣမေဟိ ဆဟိ ဓမ္မေဟိ သမန္နာဂတဿ ဗုဒ္ဓဿ ဘဂဝတော - တွမ်ႏတရာꩻဖုံႏယိုသူပါꩻ ကဗွေသေꩻခါꩻဒါႏ ဘုန်ꩻတောႏသူပါꩻ ဗွေႏဘုရာꩻသီး- နတ္ထိ ဆန္ဒဿ ဟာနိ ၊ ဆန္ဒတောႏ ကမိဉ်လꩻဒါႏ သတ္တဝါႏသီးအကျိုꩻစီꩻပွာꩻ ကအီႏယောမ်ꩻထိုꩻနဝ်ꩻ တအဲဉ်ထဝ်း၊ နတ္ထိ ဓမ္မဒေသနာယ ဟာနိ ၊ ဟော်ꩻတရာꩻ ကအီႏယောမ်ꩻထိုꩻနုဲင်းနဝ်ꩻတဲ့ အဲဉ်ထဝ်းသွူ၊ နတ္ထိ ဝီရိယဿ ဟာနိ ၊ ကျိုꩻစာꩻသောင်ႏသာဒျာႏ သတ္တဝါႏသီးအကျိုꩻတာႏ ထာꩻဝီရိယနဝ်ꩻတဲ့ ကအီႏယောမ်ꩻထိုꩻ တအဲဉ်ထဝ်းသွူ။ နတ္ထိ ဝိပဿနာယ ဟာနိ ၊ သင်္ခါႏရတရာꩻဖုံႏအလောင်း ယူႏထွားအနိစ္စစတဲင်လက္ခဏာႏကရိုꩻဒါႏ ဝိပဿနာႏဉာဏ်ႏ ကအီႏယောမ်ꩻထိုꩻနဝ်ꩻတဲ့ အဲဉ်ထဝ်းသွူ။ နတ္ထိ သမာဓိဿ ဟာနိ ၊ သꩻစွူဖြွိုးကရိုꩻဒါႏ သမာႏဓိ ကအီႏယောမ်ꩻထိုꩻနဝ်ꩻတဲ့ အဲဉ်ထဝ်းသွူ။ နတ္ထိ ဝိမုတ္တိယာ ဟာနိ ။ နွို့စံႏစာꩻသော့ꩻ အရဟတ္တဖိုလ်ႏ (လွစ်ထန်ႏသင်္ခါႏရ) အီႏယောမ်ꩻထိုꩻနဝ်ꩻတဲ့ အဲဉ်ထဝ်းရင်ꩻသွူ။ ၅။ ဣမေဟိ ဒွါဒသဟိ ဓမ္မေဟိ သမန္နာဂတဿ ဗုဒ္ဓဿ ဘဂဝတော - တွမ်ႏတရာꩻဖုံႏယိုတဆီနီပါꩻ ကဗွေသေꩻခါꩻဒါႏ ဘုန်ꩻတောႏသူပါꩻ ဗွေႏဘုရာꩻသီး - နတ္ထိ ဒဝါ ၊ ကအီႏမာꩻ' ကအီႏဒေါ့ꩻတယွို့တယထာꩻနဝ်ꩻ အဲဉ်ထဝ်း၊ နတ္ထိ ရဝါ ၊ ထာꩻမာꩻ' ထာꩻဒေါ့ꩻအလောင်း သတိꩻကအီႏလွစ်နဝ်ꩻ အဲဉ်ထဝ်း၊ နတ္ထိ အပ္ဖုဋံ ၊ ဉာဏ်ႏတောႏတခွေါင်းတတွိုႏတဝ်း' တသေတဝ်းတရာꩻနဝ်ꩻ အဲဉ်ထဝ်း၊ နတ္ထိ ဝေဂါယိတတ္တံ၊ တွမ်ႏဉာဏ်ႏတဆင်ႏချင်ႏတဝ်းတွော့ꩻ ကအီႏမာꩻနဲစ်နတ်ထာꩻနဝ်ꩻ အဲဉ်ထဝ်း၊ နတ္ထိ အဗျာဝဋာမနော ၊ သတ္တဝါႏသီးအတာႏ သꩻကမဲဉ်အုံခွꩻကဒဲ့ꩻ(သာႏယာႏ)ဒါႏထာꩻနဝ်ꩻ အဲဉ်ထဝ်း၊ နတ္ထိ အပ္ပဋိသင်္ခါနုပေက္ခာ ၊ တွမ်ႏဉာဏ်ႏတဆင်ႏချင်ႏတဝ်းတွော့ꩻ ထာꩻမာꩻကအီႏထွားလွိုထိုꩻအမျိုꩻနဝ်ꩻ အဲဉ်ထဝ်းနဝ်ꩻသွူ။ ၆။ ဣမေဟိ အဋ္ဌာရသဟိ ဓမ္မေဟိ သမန္နာဂတဿ ဗုဒ္ဓဿ ဘဂဝတော၊ နမော သတ္တန္နံ သမ္မာသမ္ဗုဒ္ဓါနံ။ တွမ်ႏတရာꩻဖုံႏယို တဆီသွစ်ꩻပါꩻ ကဗွေသေꩻခါꩻဒါႏ ဘုန်ꩻတောႏသူꩻပါꩻ ဗွေႏဘုရာꩻသီးယို ခေါက်ဝုဲင်ႏဒျာႏသွူဩ၊ ဘုရာꩻနွုတ်ꩻဆူႏသီးဖုံႏယို(လဲ့) ခေါက်ဝုဲင်ႏဒျာႏသွူဩ။ (ဝိပဿီ၊ သိခီ၊ ဝေဿဘူ၊ ကကုသန္ဓ၊ ကောဏာဂမန၊ ကဿပ၊ ဂေါတမ)။ နတ္ထိ တထာဂတဿ ကာယဒုစ္စရိတံ ၊ ဗွေႏမျတ်ဘုရာꩻသီး တွမ်ႏနမ်းကမာꩻဒါႏ ထာꩻကုဲင်ကာယဒုစရဲက်နဝ်ꩻ အဲဉ်ထဝ်းသွူ၊ နတ္ထိ တထာဂတဿ ဝစီဒုစ္စရိတံ၊ ဗွေႏမျတ်ဘုရာꩻသီး တွမ်ႏဖြောင်းကဒေါ့ꩻ(ကမာꩻ)ဒါႏ ထာꩻကုဲင်ဝစီဒုစရဲက်နဝ်ꩻ အဲဉ်ထဝ်းသွူ၊ နတ္ထိ တထာဂတဿ မနောဒုစ္စရိတံ၊ ဗွေႏမျတ်ဘုရာꩻသီး တွမ်ႏသꩻကယူႏ(ကမာꩻ)ဒါႏ ထာꩻကုဲင် မနောဒုစရဲက်နဝ်ꩻ အဲဉ်ထဝ်းရင်ꩻသွူ။ နတ္ထိ အတီတံသေ ဗုဒ္ဓဿ ဘဂဝတော ပဋိဟတံ ဉာဏံ ၊ ဘုန်ꩻတောႏသူꩻပါꩻ ဗွေႏဘုရာꩻသီး ကလဲဉ်းထွူလဲဉ်းအတိတ်ခဝ်အကို ကအီႏပေ့ꩻခါꩻဒါႏ အဉာဏ်ႏတောႏနဝ်ꩻ အဲဉ်ထဝ်းသွူ၊ နတ္ထိ အနာဂတံသေ ဗုဒ္ဓဿ ဘဂဝတော ပဋိဟတံ ဉာဏံ ၊ ဘုန်ꩻတောႏသူပါꩻ ဗွေႏဘုရာꩻသီး တလꩻတွိုႏတဝ်းလွဉ်ဒွိုန်း အနာႏဂတ်အခဝ်ကို ကအီႏပေ့ꩻခါꩻဒါႏ အဉာဏ်ႏတောႏနဝ်ꩻ အဲဉ်ထဝ်းရင်ꩻသွူ၊ နတ္ထိ ပစ္စုပ္ပန္နံသေ ဗုဒ္ဓဿ ဘဂဝတော ပဋိဟတံ ဉာဏံ ၊ ဘုန်ꩻတောႏသူပါꩻ ဗွေႏဘုရာꩻသီး မဲ့ဆငါ ပစ္စုပ္ပန်ႏယိုခါခါ ကအီႏပေ့ꩻခါꩻဒါႏ အဉာဏ်ႏတောႏနဝ်ꩻ အဲဉ်ထဝ်းရင်ꩻရင်ꩻသွူ ။ နတ္ထိ သဗ္ဗံ ကာယကမ္မံ ဉာဏာပုဗ္ဗင်္ဂမံ ဉာဏံ နာနုပရိဝတ္တံ၊ ဗွေႏဘုရာꩻသီး ကားတဲင်တွမ်ႏနမ်းကမာꩻဒါႏ ထာꩻမာꩻနဝ်ꩻ ဉာဏ်ႏအွဉ်ငါတဝ်းအဲဉ်ထဝ်း၊ တထွေꩻလွဉ်ꩻတဝ်းဉာဏ်ႏဆချာနဝ်ꩻ အဲဉ်ထဝ်း(လာꩻလာꩻ)သွူ၊ နတ္ထိ သဗ္ဗံ ဝစီကမ္မံ ဉာဏာပုဗ္ဗင်္ဂမံ ဉာဏံ နာနုပရိဝတ္တံ ၊ ဗွေႏဘုရာꩻသီး ကားတဲင်တွမ်ႏဖြောင်းကမာꩻ(ကဒေါ့ꩻ)ဒါႏထာꩻမာꩻနဝ်ꩻ ဉာဏ်ႏအွဉ်ငါတဝ်းအဲဉ်ထဝ်း၊ တထွေꩻလွဉ်ꩻတဝ်းဉာဏ်ႏဆချာနဝ်ꩻ အဲဉ်ထဝ်း(လာꩻလာꩻ)သွူ၊ နတ္ထိ သဗ္ဗံ မနောကမ္မံ ဉာဏာပုဗ္ဗင်္ဂမံ ဉာဏံ နာနုပရိဝတ္တံ၊ ဗွေႏဘုရာꩻသီး ကားတဲင်တွမ်ႏသꩻကယူႏ(ကမာꩻ)ဒါႏ ထာꩻမာꩻနဝ်ꩻ ဉာဏ်ႏအွဉ်ငါတဝ်းအဲဉ်ထဝ်း၊ တထွေꩻလွဉ်ꩻတဝ်းဉာဏ်ႏဆချာနဝ်ꩻ အဲဉ်ထဝ်း(လာꩻလာꩻ)သွူ ။ ဣမံ ဓာရဏံ အမိတံ အသမံ သဗ္ဗသတ္တာနံ တာဏံ လေဏံ သံသာရဘယဘီတာနံ အဂ္ဂံ မဟာတေဇံ။ ကအီပါယိုနဝ်ꩻ (တနဲꩻ) ကအီပါသေႏသေႏဒါႏ ဓာရဏပရိတ်ယိုနဝ်ꩻ တဲက်အီတလꩻတဝ်း၊ ကအီႏဗိုန်ပီဒါႏဝွေꩻလဲ့ တအဲဉ်ထဝ်း၊ ကားတဲင်သတ္တဝါႏသီး ထွာထာꩻကိုꩻကွယ်ႏအုံနောင်ခင်ႏလမ်းတဲ့ မွေးမွေး၊ အုံနို့ꩻသော့ꩻအီ ထာꩻအောင်တဲ့မွေးမွေး၊ ထွာကေားကငမ်းဒါႏ သံႏသရာႏဘေꩻသားသီး အမျတ်သွတ်ꩻပရိတ်၊ ထွာတံꩻခိုꩻအနုဘောႏတန် ပရိတ်တဲ့မွေးမွေးနဝ်ꩻသွူ။ ၇။ ဣမံ အာနန္ဒ ဓာရဏပရိတ္တံ ဓာရေဟိ ဝါရေဟိ ပရိပုစ္ဆာဟိ။ ဖူးခို အာနန္ဒာႏဟွေး- ရွစ်သွော့၊ တောင်ꩻခါꩻသွော့၊ ရီရွောင်ထိုမ်ႏစမ်ꩻသွော့ ဓာရဏပရိတ်ယိုနေား။ တဿ ကာယေ ဝိသံ န ကမေယျ၊ ဥဒကေ န လဂ္ဂေယျ၊ အဂ္ဂိ န ဍဟေယျ၊ နာနာဘယဝိကော၊ န ဧကာဟာရကော၊ န ဒွိဟာရကော၊ န တိဟာရကော၊ န စတုဟာရကော၊ န ဥမ္မတ္တကံ၊ န မူဠှကံ၊ မနုဿေဟိ အမနုဿေဟိ န ဟိံသကာ။ ကေားကရွစ် ကေားကမတ်တောင်ꩻ ကရီရွောင်ထိုမ်ႏစံꩻသားနမ်းလောင်းနဝ်ꩻ ရူးစတဲင်အစွူႏ ထဲ့လူးနွောင်ꩻတဝ်း၊ တနေက်ꩻဗိမ်ဒါႏတဝ်းထီကို၊ မေႏတခိုးနွောင်ꩻတဝ်း၊ ဘေꩻရန်ႏပေါင်ꩻအာဖုံႏ တထွာဗာႏတဝ်း၊ ပါꩻတဖြာꩻဖြာꩻ ကျံႏတကုဲင်တနီꩻလဲ့ တလꩻတဝ်း၊ ကျံႏတကုဲင်နီနီꩻလဲ့ တလꩻတဝ်း၊ ကျံႏတကုဲင်သိုမ်နီꩻလဲ့ တလꩻတဝ်း၊ ကျံႏတကုဲင်လိစ်ꩻနီꩻလဲ့ တလꩻတဝ်း၊ ထာꩻဆာဗေန်းဗားလဲ့ ထွာဗာႏတဝ်း၊ ထာꩻဆာအွူ တငွူတငွဉ်ႏလဲ့ ထွာနွောင်ꩻတဝ်း၊ လိုꩻဖုံႏ' ဘီပလူꩻဖုံႏလဲ့ မာꩻယူႏပက်' နိက်စက်နွောင်ꩻတဝ်းနဝ်ꩻသွူ။ ၈။ တံ ဓာရဏပရိတ္တံ ယထာ ကတမေ- ဓာရဏပရိတ်တောႏနဝ်ꩻနဝ်ꩻ တမုဲင်ꩻခိꩻဖုံႏဟောင်း? ဇာလော ၊ လဲင်ꩻခိုးကျောမ်ꩻနွောင်ꩻလꩻအီ စကျာဝဠာႏတသောင်ꩻ ဗိုန်ပီနုဲင်းမွူးနွုတ်ꩻဖြုံႏသီး အစိုန်ꩻအာႏနဝ်ꩻအတွိုင်ꩻ ခိုးကျောမ်ꩻနွောင်ꩻအီစွဉ်ႏ ဘေꩻရန်ႏအန္တရာယ်ႏမျိုꩻမျိုꩻသွူ၊ မဟာဇာလော ၊ ဗိုန်ပီနုဲင်းခြယ်ပသီႏ ရဲးနွောင်ꩻအီစွဉ်ႏ လူꩻ၊ သိကျာꩻ၊ နဂါꩻ၊ ဂဠုန်ႏ၊ ကုမ္ဘဏ်ႏ၊ ဘီပလူꩻ-စတဲင်ဖုံႏနဝ်ꩻသွူ။ ဇာလိတ္တေ - ရဲးခါꩻနွောင်ꩻအီစွဉ်ႏ ထီ၊ မေႏ၊ ခွန်၊ တခွန်ꩻ၊ တရက်တနိက်သက်တဝ်းလိုꩻကရိုꩻဒါႏ ရန်ႏသူႏအန္တရာယ်ႏဖုံႏနဝ်ꩻသွူ။ မဟာဇာလိတ္တေ - လွစ်နွောင်ꩻအီစွဉ်ႏ ရောဂန္တရကပ်၊ သတ္ထန္တရကပ်၊ ဒုဗ္ဘိက္ခန္တရကပ်ကရိုꩻဒါႏ ကပ်သိုမ်ဖုံႏယင်သွူ။ ပုဂ္ဂေ - အဝ်ႏအုံသန္ဓေႏမွိုးဟို့ꩻကိုအတွင်ꩻနဝ်ꩻလဲ့ တအာႏ၊ (ငဝ်း)ကက်ꩻ၊ နားအွိုင်၊ ဗေန်းဗာႏမျိုꩻဖုံႏ ထွာဗာႏတဝ်းနဝ်ꩻသွူ။ မဟာပုဂ္ဂေ - မိဉ်ႏထဲ့စိင်ႏစွော့ꩻ သေင်ႏ၊ ကောင်၊ လဲင်း၊ ခြောက်ꩻဖုံႏလဲ့ သီနွောင်ꩻတဝ်းနဝ်ꩻသွူ။ သမ္ပတ္တေ - တလꩻတဝ်းဒွိုန်း စေꩻစိင်ႏချမ်ꩻသာႏ ရတနာႏအမျိုꩻမျိုꩻဖုံႏနဝ်ꩻလဲ့ လꩻနွောင်ꩻအီသွူ။ မဟာသမ္ပတ္တေ - ကလꩻထွူလဲဉ်းဒါႏ စေꩻစိင်ႏချမ်ꩻသာႏ ရတနာႏမျိုꩻမျိုꩻဖုံႏနဝ်ꩻ ယိင်းလွိုင်ႏကွုန်ꩻ' ယိင်းပြန်ꩻပြော်ꩻ' ယိင်းအာလွဉ်စွဉ်ႏနဝ်ꩻသွူ။ ဘူတင်္ဂမှိ တမင်္ဂလံ - မွေးမန်ႏဟဝ်ငါႏ ထာꩻခေ့ꩻထိုꩻပြေ ရောင်ႏတင်ႏလေလွဉ်ဗာႏနဝ်ꩻသွူ။ ဣမံ ခေါ ပနာနန္ဒ ဓာရဏပရိတ္တံ သတ္တသတ္တတိသမ္မာသမ္ဗုဒ္ဓကောဋီဟိ ဘာသိတံ - ဖူးခိုအာနန္ဒာႏဟွေး- အမဲန်ႏနဝ်ꩻတဲး၊ နွုတ်ꩻဆီနွုတ်ꩻကုဋေႏ ဗွေႏဘုရာꩻသီးဖုံႏ ဟော်ꩻသေꩻခါꩻဒျာႏ ဓာရဏပရိတ်တရာꩻတောႏယိုသွူ။ ဝတ္တေ - အဝ်ႏဆွိုင်ꩻဒျာႏ တွမ်ႏအကျိုꩻဟဝ်၊ အဝတ္တေ - တအဝ်ႏဆွိုင်ꩻတဝ်း တွမ်ႏအကျိုꩻကုဲင်။ ဂန္ဓဝေ - အီထွာႏဒျာႏ တရာꩻအရသာႏ အလွီးဟဝ်၊ အဂန္ဓဝေ - အီထွာႏတဝ်း တရာꩻအရသာႏ အလွီးကုဲင်။ နောမေ - အီဒျာႏသွုန်ႏသꩻဟဝ်၊ အနောမေ - အီတဝ်းသွုန်ႏသꩻကုဲင်။ သေဝေ - ပေါင်ꩻကွိုက်ꩻဗာႏဒျာႏ တွမ်ႏသူႏတောႏကောင်ꩻသီး၊ အသေဝေ - တပေါင်ꩻကွိုက်ꩻဗာႏတဝ်း တွမ်ႏလိုꩻယုတ်သီးနဝ်ꩻသွူ။ ကာယေ - မာꩻဟဝ်အီဒျာႏဖေႏဒျာႏနမ်း၊ အကာယေ - မာꩻကုဲင်အီဖေႏတဝ်းနမ်း။ ဓာရဏေ - မာꩻအီဒျာႏ ကုသိုလ်ႏထာꩻမာꩻ၊ အဓာရဏေ - မာꩻအီတဝ်း အကုသိုလ်ႏထာꩻမာꩻ။ ဣလ္လိ - ဗေင်ႏမင်းဒျာႏအဟဝ်၊ မိလ္လိ - ဗေင်ႏမင်းတဝ်းအကုဲင်နဝ်ꩻသွူ။ တိလ္လိ - ထီႏဗာႏဒျာႏအတိက်နိမိက်ဟဝ်၊ မိလ္လိ - ထီႏတဝ်း အတိတ်နိမိက်ကုဲင်နဝ်ꩻသွူ။ ယောရုက္ခေ - သေင်ႏကသဲင်(သီ)ထိုꩻလဲဉ်းလဲ့ မာꩻမွန်ချာဖေႏနွောင်ꩻ၊ မဟာယောရုက္ခေ - သေင်ႏကအဝ်ႏမွန်ထွူလဲဉ်းနဝ်ꩻတဲ့ အပင်အလာႏ အရာႏဖုံႏ ယိင်းကွုန်ꩻ' ယိင်းဖုံꩻလွဉ်နွောင်ꩻအီ၊ မွေးမန်ႏဟဝ်ငါႏ ထာꩻခေ့ꩻထိုꩻပြေ ရောင်ႏတင်လေလွဉ်ဗာႏနဝ်ꩻသွူ။ ၉။ ဣမံ ခေါ ပနာနန္ဒ ဓာရဏပရိတ္တံ၊ နဝနဝုတိယာ သမ္မာသမ္ဗုဒ္ဓကောဋီဟိ ဘာသိတံ - ဖူးခိုအာနန္ဒာႏဟွေး- အမဲန်ႏနဝ်ꩻတဲး ကုတ်ꩻဆီကုတ်ꩻကုဋေႏ ဗွေႏဘုရာꩻသီး ဟော်ꩻသေꩻခါꩻဒျာႏ ဓာရဏပရိတ်တောႏယိုသွူ။ ဒိဋ္ဌိလာ - ထီႏသေနွောင်ꩻစွဉ်ႏ ပါꩻဖုံႏကအဝ်ႏကျံႏတကုဲင်နီသား အထာꩻကျံႏ၊ ဒဏ္ဍိလာ - နꩻ၊ ဗင်၊ စူခွုမ်၊ ခြီႏ၊ ပြာႏ၊ မီႏကဝ်ႏ၊ တနတ်တန်စတဲင် ဘေꩻမျိုꩻဖုံႏလဲ့ ထဲလူးနွောင်ꩻတဝ်း၊ မန္တိလာ - မန္တန်ႏ၊ မန္တရာႏ၊ ဂါႏထာႏ၊ တေန်ꩻအင်ꩻဖုံႏလဲ့ အစိုန်ꩻပုတ်ꩻထိုꩻနွောင်ꩻစွဉ်ႏ (မန်းကိုနဝ်ꩻ- အဝ်ႏ"ထက်မြက်နိုင်၏")၊ ရောဂိလာ - ရောႏဂါႏအန္တရာယ်ႏအမျိုꩻမျိုꩻလဲ့ ပယ်ႏထိုꩻနွောင်ꩻအီ၊ ခရလာ - ထာꩻဆာကျမ်ꩻထံꩻမျိုꩻဖုံႏလဲ့ မော့ꩻဗာႏတဝ်း၊ ဒုဗ္ဘိလာ - တဖြွီꩻ၊ စူခတ်ꩻ၊ ခင်ႏခတ်ꩻ၊ (တကြွေႏခါꩻစူ- မန်းဟဲ့ꩻလက်ထိတ်)၊ ထာꩻအောင်ပိစ်ꩻတလိစ်ꩻ၊ တဖြွီꩻကြွေႏငွဉ်ꩻ-စတဲင်လဲ့ လွစ်နွောင်ꩻစွဉ်ႏသွူ။ ဧတေန သစ္စဝဇ္ဇေန သောတ္ထိ မေ (တေ) ဟောတု သဗ္ဗဒါ - ကွပ်ပွိုးရိုꩻဗာႏ ငဝ်းသစ္စာႏ(နုဲင်းယို)တဲင် ခွေသွဉ်း(နာꩻ)အတာႏ နီပါꩻနမ်းသꩻ ချမ်ꩻသာႏလꩻတသေႏသေႏသွော့(ဩ)နေား။