ပအိုဝ်ႏမူႏပေႏ

အဝ်ႏ ဝီခီပီးဒီးယား ကို

"ပအုဝ်ႏမူႏပေႏ ရော်ꩻတဝ်းဝင်ꩻ" ၁၃၃၀-နေင်ႏ ကလေ့လာ ကစဲစ်ဆေꩻ ကထီႏမော့ꩻဗာႏ နီပအိုဝ်ႏမူႏ အလိုႏဆန္ဒကစ အအုံအအဝ်ႏနဝ်ꩻ နုဲးယိုနဝ်ꩻသွူ။ ကွဲႏတွော့ꩻ စွုမ်ႏရပ် စွုမ်ႏနယ်ႏ တမွေးတဝ်းနေနေ။ ယိုနဝ်ꩻ အွိုးကတွိုႏဗာႏ အရပ်ဒေႏသတထွောင်းနဝ်ꩻသွူ။ ကထီႏဗာႏ ကမော့ꩻဗာႏ လိတ်သွဉ်ကျောင်ꩻတကျောင်ꩻနဝ်ꩻ နီပအိုဝ်ႏမူႏပေႏ ကအုံညီꩻ ကအဝ်ႏရဝ်းဝင်ꩻနဝ်ꩻခါ ထွာဒျာႏနာꩻအုပ်စု၊ ခွေအုပ်စု၊ နာꩻဒုံခွေဒုံ၊ တွိုႏမဉ်ႏအွꩻနဝ်ꩻလဲ့ အပီနုဲးနဝ်ꩻနေနေ၊ အလွေꩻအသဲင်ꩻလဲ့နဝ်ꩻ တရော်ꩻတဝ်းဝင်ꩻ၊ အဒေါ့ꩻအဖြဝ်ႏလဲ့နဝ်ꩻ နာꩻမီႏဒေါ့ꩻ ဝွေꩻအုပ်စုလဲ့ ဝွေꩻအုပ်စု တခံႏတဝ်း၊ ခွေမီႏဒေါ့ꩻ နာꩻအုပ်စုလဲ့ နာꩻအုပ်စု တမဲဉ်ခံႏတဝ်းဝင်ꩻနဝ်ꩻသွူ။ လိုꩻပေႏကထွာဗာႏနုဲင်းနဝ်ꩻခါနဝ်ꩻ တဲႏစလွဉ်အွိုးမုဲင်ꩻထွာ ကထင်ႏထောင်လွဉ်ꩻ အထျꩻအထောင်ꩻနဝ်ꩻ အမွိုးအဖါထျꩻ၊ ဒုံဆောင်ႏလိုꩻတန်ထျꩻနဝ်ꩻသွူ။ သေဗာႏနုဲးမုဲꩻနဲး နီပအိုဝ်ႏယိုလဲင်ႏခါ နာꩻဒုံ ခွေဒုံ၊ နာꩻဆောင်ႏ ခွေဆောင်ႏ၊ နာꩻအုပ်စု ခွေအုပ်စု ထွာနုဲးနဝ်ꩻသွူ။ လိုꩻတန်သီး ဒုံမွိုးဒုံဖါ ဖါဖြားဒုံသီးနဝ်ꩻလဲင်ႏခါ နာꩻလဲ့ နာꩻအွဉ်ႏစွဉ်ႏနာꩻအုပ်စု၊ ခွေလဲ့ ခွေအွဉ်ႏစွဉ်ႏခွေအုပ်စုတဲင် တဒုံတွံႏတဒုံ၊ တရပ်တွံႏတရပ် ဒေါ့ꩻဝင်ꩻတလꩻတဝ်း၊ အုပ်စုမာႏနထောင်ႏလွခန်း ပငါပရာꩻ၊ ပဒေသရာဇ်ကတဲႏစနဝ်ꩻ အဝ်ႏဖါဖြားဒုံနဝ်ꩻ တဲႏစနဝ်ꩻသွူ။ ညဖြာꩻဖြာꩻ တွံႏအလိုꩻတန် ဖါဖြားဒုံနဝ်ꩻ ထာꩻဒေါ့ꩻထာꩻဖြဝ်ႏ ကထင်ႏတဲ့ꩻတဝ်းဝင်ꩻ၊ တမဲဉ်နာႏတဝ်း ဖါဖြားဒုံဩဇာႏတဲင် စုတွံႏအသွꩻ တလမ်းနီလမ်းတဲင် ထိုꩻထန်ႏ၊ အုံခေါ်တောတောဒျာႏနဝ်ꩻလဲ့ အဝ်ႏထီႏဗာႏနဝ်ꩻသွူ။ ကွပ်နဝ်ꩻမꩻ လိုꩻမူႏပေႏသီး တရော်ꩻတဝ်းဝင်ꩻတဲင် ကထွာနာꩻအုပ်စု ခွေအုပ်စု အထျꩻအထောင်ꩻနဝ်ꩻ အဝ်ႏနဝ်ꩻထွာနဝ်ꩻသွူ။ နယ်ꩻနုဲးနဝ်ꩻခါ နယ်ꩻဟဝ်/တဟဝ်တဝ်း အဝ်ႏလိုႏခွဲꩻချာꩻဝွေႏဖန်ႏလဲဉ်းဒျာႏနဝ်ꩻသွူ။ ကထင်ႏထွာ ခွေအုပ်စု၊ နာꩻအုပ်စုနဝ်ꩻခါ ဝင်ꩻခွဲꩻလိုꩻလဲ့ယိုꩻနဝ်ꩻသွူ။ ပါꩻမီႏခွဲꩻလꩻနဝ်ꩻလဲင်ႏခါ နီပအိုဝ်ႏအချင်ꩻင်ꩻ သွီႏကွဲꩻပျာꩻဒါႏ၊ သွီႏမီႏကွဲꩻပျာꩻနဝ်ꩻ တနီꩻခါ ခံႏဗာႏပါꩻနိစ္စက်နဝ်ꩻ တလွစ်တဝ်းနဝ်ꩻသွူ။ မဲဉ်ဖေႏသတိꩻနဝ်ꩻ နာꩻအုပ်စု ခွေအုပ်စု မဲဉ်အဝ်ႏအမျိုꩻမုဲꩻအဝ်ႏ လိုꩻမျိုꩻရေꩻသꩻ တဒုံတွံႏတဒုံ ရော်ꩻဝင်ꩻမာꩻညီꩻဝင်ꩻ ဒေါ့ꩻရီဝင်ꩻခွဲးဗာႏ၊ တရော့ꩻတဝ်း ယံကရော့ꩻ၊ တခွဲးတဝ်း ယံကခွဲးနဝ်ꩻ ကထွာလိုꩻတန် သားနဝ်ꩻ အွဉ်ႏလိုꩻမျိုꩻသꩻ၊ အွဉ်ႏလိုꩻမျိုꩻသွီႏ လွောင်ႏဗူႏညီႏညွတ်မုꩻ သဘော်ꩻတရာꩻတဲင် ရွက်ဆောင်ႏဗာႏနဝ်ꩻသွူ။ လိုꩻမျိုꩻသꩻ လိုꩻမျိုꩻသွီႏ မီႏတအွဉ်ႏတဝ်းနဝ်ꩻခါ အတန်လဲ့ကွယ်ꩻ၊ အပေႏလဲ့ လဲဉ်းနီခဝ်၊ အမူႏလဲ့ခေါ်ခေါ်၊ အခိုလဲ့ တထွောင်းတဲင် ကအုပ်ချုပ်သားလဲ့ ယပ်ꩻဒျာႏ၊ လွောင်ႏဗူႏရေꩻလဲ့ တထွာတဝ်းနဝ်ꩻသွူ။ နဝ်ꩻမꩻ လိတ်သွဉ်ကျောင်ꩻဆရာႏနဝ်ꩻ လိုꩻပေႏတရော်ꩻတဝ်းဝင်ꩻနဝ်ꩻ ယံကရော်ꩻနဝ်ꩻ ကျိုꩻစာꩻဒေါ့ꩻဟော်ꩻဗာႏ၊ အွဉ်ႏရော်ꩻဗာႏ၊ မဉ်ႏခွုမ်ပဆိုးထာꩻလဲ့ လွိုက်တဒုံတဖြာꩻနီဖြာꩻတဲင် ရော်ꩻဝင်ꩻ၊ အွဉ်ႏခွုမ်ဆိုး ညီꩻဝင်ꩻတဲင် နီပအိုဝ်ႏအချင်ꩻင်ꩻ မူႏခိုတရွေꩻတဝ်း သꩻသဖော်ꩻအွဉ်ႏပီဗာႏဝင်ꩻ၊ နာႏဗာႏလိုꩻတန်အငဝ်း၊ ဆရာႏသမာꩻ မွိုးဖါအငဝ်း၊ မဉ်ႏနာႏလို့ဝင်ꩻငဝ်းနဝ်ꩻမꩻ ထင်ႏထိုကီꩻပွာꩻဒါႏ၊ ဝင်ꩻလိုꩻမျိုꩻလင်လဲ့ နိစ္စက်လꩻတဝ်း၊ လွောင်ႏဗူႏဝင်ꩻတဲင် မီႏခွုမ်မာꩻနဝ်ꩻ ထာꩻမာꩻအမျိုꩻမုဲင်ꩻတရိုꩻတဝ်း အောင်ႏမျင်ႏလꩻအကျောင်ꩻ အွဉ်ႏနယ်စွဉ်ႏ ဝတ္ထုသက်သေႏတဲင် ဟော်ꩻပျော်ꩻဒေါ့ꩻဗာႏ၊ ယံဖေႏမဲ့နားကဗွောင်နဝ်ꩻ သျင်ꩻပျꩻနယ်ဗာႏနဝ်ꩻသွူ။[၁][၂]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. စင်ꩻတန်ဓမ္မသာမိတဲမ်း
  2. အမာႏအဝ်ႏမꩻ ပျုပျင်ႏလꩻ