ပအိုဝ်ႏအက္ခရာႏ
"ပအိုဝ်ႏအက္ခရာႏလိတ်မွူးတသာစောင်ႏ" "အငင်းဒို့ꩻလောင်း လိတ်ကျေႏညာႏ" ယောယိုငခါ အွဉ်ႏဒေါ့ꩻဗာႏ၊ ပုံႏနိပ်ခရာႏ လဝ်းဟွိုန်ချာ၊ တကာႏအမျာꩻ သင်္ဃာႏစဝ်း၊ တွမ်ႏနယ်ꩻမွိုန်းတဝ်း ပုံႏနိပ်သား၊ ပွိုးစွဉ်ႏရွဉ်ကား အခရာႏ၊ အွဉ်ႏကုဲင်သေꩻဗာႏ လိတ်သင်းဟန်ႏ၊ လꩻငါအင်းတန်ႏ မွေးလဲဉ်းသွူ၊ လွိုယိုမအဝ်ႏ နီဘာႏသာႏ၊ ပအိုႏအက္ခရာႏ လုမ်းကုမ်ႏလဲဉ်း၊ ယံဖေႏသေစဲင်း အွဉ်ႏဒေါ့ꩻဗာႏ၊ ဆုဲင်ꩻချာအတာႏ တဲမ်းဖေႏက၊ အဘိဓာန ကျမ်ꩻတစောင်ႏ၊ ယံဖေႏထွားချောင်ႏ မတ်သေꩻဝင်ꩻ၊ အဘိဓာန်ႏကျမ်ꩻ ဝင်ꩻဟဲ့ꩻဟောင်၊ အုံမောင်ꩻပွေါးထွား မဲ့ꩻအီႏထန်ႏ၊ အဘိဓာန်ႏတဲ့ ကျမ်ꩻမဉ်ꩻယို၊ ပေႏတန်မူႏခို ယံသေနာႏ၊ ပအိုဝ်ႏဘာႏသာႏ လိတ်တသာ၊ မဉ်ႏထွားဗာႏနဝ်ꩻ သေနာႏမွိုင်၊ လိုꩻတွိုင်ꩻစွုမ်ႏဖြာꩻ နားလယ်ႏလို့၊ ဗဟုသုတ ယံပြဲ့ꩻစွုံႏ၊ ထွားဆွုမ်ႏဝင်ꩻနေား အီႏထန်ႏလွဉ်၊ လိုႏဒျာႏရွဉ်လွုမ်ꩻ တညတဝ်း၊ စဝ်းဗွန်ဉာဏ် တဲမ်းထွတ်ထန်ႏ၊ အဘိဓာန်ႏကျမ်ꩻတဲ့ရိုꩻ ပအိုဝ်ႏလိုꩻအာ တဖုံႏတဉ်ဟွေး။
နိဒါန်း[မွဉ်းဖျင် | မွဉ်းဖျင်အရွီးခိုႏ]
- (--ုဲင်)အုဲင်ယို မန်းငဝ်းအဲဉ်ထဝ်း၊ အဲ-သရတွမ်ႏ ဥ-သရ င်-ကာရန် မတြာထဝခဝ်၊ သွံဗာႏစပ်လꩻဝင်ꩻ၊ ထွာလွဉ်ခန်း တာလု၊ ဩဋ္ဌ၊ ကဏ္ဌ အငဝ်းထန်ႏသွံမျိုꩻသွူ။
- (--ံ) အံ ယို ဟဲ့ꩻသေးသေးတင်၊ နိဂ္ဂဟိတ်လဲ့ အဝ်ႏဟဲ့ꩻ၊ အငဝ်းအဲန်ထဝ်း၊ သွုံꩻပီ မသတ် လက္ခဏာႏနဝ်ꩻသွူ။
- (--း) ယို ဝစ္စပေါက်၊ ပေါဆꩻငါ၊ ဝိသဇ္ဇနီ၊ ဟဲ့ꩻဗာႏသွံမျိုꩻ၊ ဝစ္စပေါက်မဉ်ႏပါနဝ်ꩻ ဖတ်ဗာႏဟမ်းဆွာꩻ။
- (--့)အမြစ် အောက်မြစ်တဲ့၊ ပေါက်ဆလ၊ ဟဲ့ꩻဗာႏနီမျိုꩻ၊ ပေါက်ဆလမဉ်ႏအဝ်ႏပါ ဖတ်ဗာႏဟမ်းဒွေါင်ႏဒွေါင်ႏ။
- (--) လာဆန်ꩻစသွံဟာ ဥပမာႏ အက္ခရာႏသင်္ကေတ၊ ပုဗ္ဗနိမိတ်၊ အတိတ်ထွာလွဉ်၊ အွဉ်ႏသေꩻခါꩻသင်္ကေတသွူ။
- (--) သင်္ကေတယို မဉ်ႏလွေꩻသွဉ်းလွဉ်ꩻ အက္ခရာႏလင်တမျိုꩻမျိုꩻ ပအိုဝ်ႏငဝ်း ထန်ႏလွဉ်အထူꩻ၊ ပွိုးနဝ်ꩻမꩻ ဟဲ့ꩻဗာႏ ဝိသေသသင်္ကေတ အက္ခရာႏ မဉ်ꩻဗာႏနုဲင်းနဝ်ꩻနေား။
နိဂုံးချုပ်[မွဉ်းဖျင် | မွဉ်းဖျင်အရွီးခိုႏ]
- = ပအိုဝ်ႏစထွိုင်ႏ ခေတ်တသာ၊ တရေင်သွံရျာꩻ လွိုတကီ၊ ဆီပုဲင်တဗာႏ လာဝါႏခေါင်ႏ၊ လောင်းလာငတ်ꩻနီꩻ အယံတွင်ꩻ၊ ပအိုဝ်ႏအရင်ꩻ ကတဲႏစ၊ ဗꩻစွဉ်ႏဟန်ႏနီꩻ ဖြွမ်းလွဝင်ꩻ၊ နဝ်နဝ်ထင်ꩻထင်ꩻ တွို့ꩻတွမ်ႏကွဉ်ႏ၊ ဖူးဝေးလွဉ်းလွဉ်း ပအိုဝ်ႏချင်ꩻ၊ လွောင်ႏဗူႏလွဝင်ꩻ ကကျိုꩻစာꩻ၊ အာႏကွဲးတန်တန် နုဲင်းလာဆန်ꩻ၊ သဏ္ဌာန်ႏလာမင်ꩻ သွံဟာပေါႏ၊ တောႏတောႏမွေးတဝ်း ဆုဲင်ꩻချာတာႏ၊ ပအိုဝ်ႏအက္ခရာႏ သင်္ကေတ၊ လခြမ်း-လာခဝ် ကအွဉ်ႏဗာႏ၊ ပညာႏသျိပုဂ္ဂိုလ်ႏဒါႏ ကအွဉ်ႏသေꩻ၊ ပအိုဝ်ႏအရေꩻ အီႏဟဝ်လွဉ်၊ ထွာစွဉ်ႏပုဗ္ဗ နိမိတ်ဒျာႏ၊ ဗီးအက္ခရာႏ လာတခဝ်၊ အီႏထွာနုဲင်းနဝ်ꩻ မွေးအမန်ႏ၊ သဏ္ဌာန်ႏလာဆန်ꩻ သင်္ကေတ၊ ပွိုးထွာပအိုဝ်ႏ နိမိတ်ဟဝ်၊ လာဆန်ꩻတခဝ် သင်္ကေတ၊ ကျိုꩻစာꩻလွဝင်ꩻ သွဉ်ဒါႏဒါႏ၊ ဆုဲင်ꩻချာအတာႏ ပအိုဝ်ႏရင်ꩻ၊ အီႏစီꩻပွာꩻထင်ႏ မကင်ꩻဖို၊ ပအိုဝ်ႏပိုသီး အားလုံးတဉ်ဟွေး။
- = ပအိုဝ်ႏအက္ခရာႏ၊ လိုႏမွိုင်ငါႏ၊ မာꩻဗာႏအအဲဉ်ႏစား။
- = ရွဉ်သမ်းလို့အာ၊ တွိုႏဆုဲင်ꩻချာ၊ မာꩻဖျင်ယင်းတစား။
- = သမ်းလိုႏထွူမွိုင်၊ မာꩻဖေႏပြွိုင်၊ အမွိုင်ယိုတစား။
- = ပအိုဝ်ႏအက္ခရာႏ၊ လိုꩻစွုမ်ႏဖြာꩻ၊ ယံဖေႏကဒါႏဗာႏ။
- = မဉ်ႏဒါႏယိုမꩻ၊ တဲမ်းတွိုင်ꩻလꩻ၊ သွဉ်လွသွော့စွုမ်ႏဖြာꩻ။
- = စွုမ်ႏဖြာꩻမဉ်ႏဒါႏ၊ သွုံꩻကမ္ဘာႏ၊ ယံကဒါႏလွဝင်ꩻ။
- = ပအိုဝ်ႏအက္ခရာႏ၊ နိဋ္ဌိတာ၊ အနာသွတ်ꩻသွူနေား။[၁]
အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]
- ↑ ဗွေႏဗွန်သုနန္ဒ-ထီသိမ်ႏ၊ ပအိုဝ်ႏအက္ခရာႏလိတ်မွူးတသာစောင်ႏ