ပါဝေယျကာဇီဝကဝတ္ထု
"ဂါႏထာႏ ၅၁။ ဂါႏထာႏပြန်ႏပအိုဝ်ႏခြေင်ခြေင်"
ဝင်ꩻဒေါ့ꩻခတ်ꩻနား၊ ငေါဝ်းလျားဖုံႏနဝ်ꩻ သယ်ꩻခံႏယံယွိုန်း၊ အွဉ်ႏမွိုးသꩻကို၊ ဝင်ꩻမာထာꩻ မွေးနဲ့- မွေးတဝ်းနဲ့ ကရိုꩻနဝ်ꩻ ကဲ့ꩻရဲ့ꩻကျံႏယား တွမ်ႏထွားမွိုန်းတဝ်း၊ နီမာꩻထာꩻမွေးနဲ့၊ မွေးတဝ်းနဲ့ အဝ်ႏလိုႏစဲစ်ထွားချာဒျာႏ နီအမွေးအမာႏယိုလွုမ်ꩻသွူ။
"လꩻဗဟုသုတ၊ လꩻအီꩻသတိꩻနုဲင်းယို"
"ဟော်ꩻထွားသွဉ်ဗာႏ ပါဝေယျကာဇီဝကဝတ္ထုယိုနဝ်ꩻ"-
၁။ ကိုꩻကွယ်ႏဆရာႏ၊ ထွားလွိုက်ဗာႏ၊ ဆရာႏမာႏ ဆရာႏမွိုက်အငေါဝ်းနဝ်ꩻ အဝ်ႏလိုႏနာႏတဝ်း၊ အကျိုꩻအဝ်ႏရာꩻနဝ်ꩻ မာꩻရုဲင်းရုဲင်း၊ မာꩻထွာထွာဗာႏ အကျောင်ꩻ။
၂။ ငေါဝ်းခတ်ꩻနား၊ ငေါဝ်းခိုးလျားဖုံႏယို အွဉ်ႏသော့ꩻမွုန်းသꩻကို၊ ထွားမွိုန်းဝင်ꩻအမာႏ-ထွားချာနီထာꩻမာꩻအကျောင်ꩻစတဲင်နုဲင်းနဝ်ꩻ သထွေꩻ-လꩻအီသတိꩻ အာတန်။
"၅၂။ ဂါႏထာႏ ပြန်ႏပအိုဝ်ႏခြေင်ခြေင်"
တင်ႏတယ်ႏဒျာႏ၊ တရေꩻဒျာႏ၊ အလွီး(ဟွမ်)တဲ့ အဝ်ႏဒျာႏ၊ ကောဝ်ႏနဝ်ꩻနဝ်ꩻ ကေဒျꩻသားအတွက်တာႏ မာꩻဟွမ်ဖေႏဒါႏယိုꩻယိုꩻ အကျိုꩻအဝ်ႏအာ ထွာနုဲင်းနဝ်ꩻအတွိုင်ꩻ ပွုံႏခွိုင်ꩻတဲက်အီ ဗွန်ပီနုဲင်းနဝ်ꩻနေနေ ကဟော်ꩻယံယံခါꩻဒါႏ ဘုရာꩻငေါဝ်းမျတ် ပိဋကတ်သွံဖွုံႏနဝ်ꩻ လွောက်ꩻနာႏလွဉ်ꩻသား အတွက်တာႏ မာꩻချမ်ꩻသာႏဖေႏဒါႏအမျိုꩻမျိုꩻ အကျိုꩻအဝ်ႏအာ ထွာနုဲင်းနဝ်ꩻသွူ။
လꩻဗဟုသုတ၊ လꩻအီသတိꩻနုဲင်းယို" ဟော်ꩻထွားသွဉ်ဗာႏ ဆတ္တပါဏိဥပါသကာႏဝတ္ထုယိုနဝ်ꩻ-
၁။ လိုꩻလမ်းဒါႏအွံ ပိဋကတ်သွံဖွုံႏတဲ့အဝ်ႏ၊ နင်ꩻမိဖုရာꩻသီး သွဉ်ပိဋကတ်သွံဖွုံႏတဲ့ အဝ်ႏအကျောင်ꩻ၊
၂။ ဘုရာꩻငေါဝ်းမျတ် ပိဋကတ်အတွိုင်ꩻ လွောက်ꩻနာႏလွဉ်ꩻမꩻ အကျိုꩻအဝ်ႏ၊ ပေါႏလွောက်ꩻနာႏလွဉ်ꩻတဝ်းနဝ်ꩻ အကျိုꩻအဲဉ်ထဝ်းအကျောင်ꩻ-စတဲင်နုဲင်းနဝ်ꩻ သေထွꩻလꩻအီသတိꩻအာတန်။[၁][၂][၃]