ပုဂ္ဂိုလ်ႏအမျိုꩻတဆီ

"မိဂသာလာသုတ် (ပုဂ္ဂိုလ်ႏအမျိုꩻတဆီ)" အာႏနန္တာႏ- လောကကိုယို ပုဂ္ဂိုလ်ႏအဝ်ႏအမျိုꩻတဆီ၊ တဆီကရိုꩻနဝ်ꩻ- ၁။ လိုꩻယင်ဟန်ႏနဝ်ꩻ "သီႏလ"အဲဉ်ထဝ်း၊ ထာꩻသေပညာႏတဲ့ အဲဉ်ထဝ်း၊ နာႏတဝ်းတရာꩻ၊ ထွားနုဲင်းတဝ်းဝင်ꩻ၊ သေမာꩻတဝ်းကုသိုလ်ႏ၊ လꩻတဝ်းကုသိုလ်ႏ၊ ဝွေꩻမဉ်ႏသီထွူနဝ်ꩻ အဝ်ႏအဆွုတ်ယွုတ်လွုမ်ꩻ၊ မျတ်ခရာႏအဲဉ်ထဝ်း၊ အီႏတွိုႏလွေꩻ အညမ်းဖဲ့ꩻလွုမ်ꩻ၊ အဟောဝ်ဖဲ့ꩻနဝ်ꩻ တတွိုႏနွောင်ꩻတဝ်း။ ၂။ လိုꩻယင်ဟန်ႏနဝ်ꩻ "သီႏလ"အဲဉ်ထဝ်း၊ ကွဲႏတွော့ꩻ ဆုဲင်ꩻနဝ်ꩻ သူႏသေယင်းထာꩻ၊ နာႏတရာꩻ၊ ထွားနုဲင်းဝင်ꩻ၊ သေမာꩻကုသိုလ်ႏ၊ လꩻကုသိုလ်ႏ၊ ဝွေꩻမဉ်ႏသီထွူနဝ်ꩻ အဝ်ႏအမျတ်လွုမ်ꩻ၊ ဆွုတ်ယွုတ်ခရာႏအဲဉ်ထဝ်း၊ အီႏတွိုႏလွေꩻ အဟောဝ်ဖဲ့ꩻလွုမ်ꩻ၊ အကုဲင်ဖဲ့ꩻနဝ်ꩻ တတွိုႏနွောင်ꩻတဝ်း။ ၃။ လိုꩻယင်ဟန်ႏနဝ်ꩻ "သီႏလ"အဝ်ႏ၊ ကွဲႏတွော့ꩻ ဆုဲင်ꩻနဝ်ꩻ သူႏသေတဝ်းထာꩻ၊ နာႏတဝ်းတရာꩻ၊ ထွားနုဲင်းတဝ်းဝင်ꩻ၊ သေမာꩻတဝ်းကုသိုလ်ႏ၊ အဗာႏလꩻသွူကုသိုလ်ႏတဲ့ လꩻတဝ်း၊ ဝွေꩻနဝ်ꩻနဝ်ꩻ မဉ်ႏသီထွူနဝ်ꩻ အဝ်ႏအဆွုတ်ယွုတ်လွုမ်ꩻ၊ မျတ်ခရာႏအဲဉ်ထဝ်း၊ အီႏတွိုႏလွေꩻ အညမ်းဖဲ့ꩻလွုမ်ꩻ၊ အဟောဝ်ဖဲ့ꩻနောဝ်ꩻ တတွိုႏနွောင်ꩻတဝ်း။ ၄။ လိုꩻယင်ဟန်ႏနဝ်ꩻ "သီႏလ"အဝ်ႏ၊ ဆုဲင်ꩻနဝ်ꩻ ယိန်းသူႏသေထာꩻ၊ နာႏတရာꩻ၊ ထွားနုဲင်းဝင်ꩻ၊ သေမာꩻကုသိုလ်ႏ၊ လꩻကုသိုလ်ႏ၊ ဝွေꩻမဉ်ႏသီသူꩻနဝ်ꩻ အဝ်ႏအမျတ်လွုမ်ꩻ၊ ဆွုတ်ယွုတ်ခရာႏအဲဉ်ထဝ်း၊ အီႏတွိုႏလွေꩻ အဟောဝ်ဖဲ့ꩻလွုမ်ꩻ၊ အကုဲင်ဖဲ့ꩻနဝ်ꩻ တွိုႏနွောင်ꩻတဝ်း။ ၅။ လိုꩻယင်ဟန်ႏနဝ်ꩻ "ရာႏဂအာႏတလာ"၊ ထာꩻသေပညာႏအဲဉ်ထဝ်း၊ နာႏတဝ်းတရာꩻ၊ ထွားနုဲင်းတဝ်းဝင်ꩻ၊ သေမာꩻတဝ်းကုသိုလ်ႏ၊ လꩻတဝ်းကုသိုလ်ႏ၊ ဝွေꩻမဉ်ႏသီထွူနဝ်ꩻ အဝ်ႏအဆွုတ်ယွုတ်လွုမ်ꩻ၊ မျတ်ခရာႏအဲဉ်ထဝ်း၊ အီႏတွိုႏလွေꩻ အကုဲင်ဖဲ့ꩻလွုမ်ꩻ၊ အဟောဝ်ဖဲ့ꩻနဝ်ꩻ တွိုႏနွောင်ꩻတဝ်း။ ၆။ လိုꩻယင်ဟန်ႏနဝ်ꩻ "ရာႏဂအာႏတလာ"၊ ကွဲႏတွော့ꩻ ဆုဲင်ꩻချာနဝ်ꩻ သူႏသေယင်းထာꩻ၊ နာႏတရာꩻ၊ ထွားနုဲင်းဝင်ꩻ၊ မာꩻကုသိုလ်ႏ၊ လꩻကုသိုလ်ႏ၊ ဝွေꩻမဉ်ႏသီထွူနဝ်ꩻ အဝ်ႏအမျတ်လွုမ်ꩻ၊ ဆွုတ်ယွုတ်ခရာႏအဲဉ်ထဝ်း၊ အီႏတွိုႏလွေꩻ အဟောဝ်ဖဲ့ꩻလူမ်ꩻ၊ အကုဲင်ဖဲ့ꩻနဝ်ꩻ တွိုႏနွောင်ꩻတဝ်း။ ၇။ လိုꩻယင်ဟန်ႏနဝ်ꩻ "ဒေါသထန်ႏ-သꩻလျားထာꩻ"၊ ထာꩻသေပညာႏအဲဉ်ထဝ်း၊ နာႏတဝ်းတရာꩻ၊ ထွားနုဲင်းတောဝ်းဝင်ꩻ၊ မာꩻတဝ်းကုသိုလ်ႏ၊ လꩻတဝ်းကုသိုလ်ႏ၊ ဝွေꩻမဉ်ႏသီထွူနဝ်ꩻ အဝ်ႏအဆွုတ်ယွုတ်လူမ်ꩻ၊ မျတ်ခရာႏအဲဉ်ထဝ်း၊ အီႏတွိုႏလွေꩻ အကုဲင်ဖဲ့ꩻလူမ်ꩻ၊ အဟောဝ်ဖဲ့ꩻနဝ်ꩻ တွိုႏနွောင်ꩻတဝ်း။ ၈။ လိုꩻယင်ဟန်ႏနောဝ်ꩻ "ဒေါသထန်ႏ-သꩻလျားထာꩻ"၊ ကွဲႏတွော့ꩻ ဆုဲင်ꩻချာနဝ်ꩻ သူႏသေယင်းထာꩻ၊ နာႏတရာꩻ၊ ထွားနုဲင်းဝင်ꩻ၊ မာꩻကုသိုလ်ႏ၊ လꩻကုသိုလ်ႏ၊ ဝွေꩻမဉ်ႏသီထွူနဝ်ꩻ အောဝ်ႏအမျတ်လူမ်ꩻ၊ ဆွုတ်ယွုတ်ခရာႏအဲဉ်ထဝ်း၊ အီႏတွိုႏလွေꩻ အဟောဝ်ဖဲ့ꩻလူမ်ꩻ၊ အကုဲင်ဖဲ့ꩻနဝ်ꩻ တွိုႏနွောင်ꩻတဝ်း။ ၉။ လိုꩻယင်ဟန်ႏနဝ်ꩻ "သꩻလော်လယ်တန်"၊ ထာꩻသေပညာႏအဲဉ်ထဝ်း၊ နာႏတဝ်းတရာꩻ၊ ထွားနုဲင်းတဝ်းဝင်ꩻ၊ မာꩻတဝ်းကုသိုလ်ႏ၊ လꩻတဝ်းကုသိုလ်ႏ၊ ဝွေꩻမဉ်ႏသီထွူနဝ်ꩻ အဝ်ႏအဆွုတ်ယွုတ်လူမ်ꩻ၊ မျတ်ခရာႏအဲဉ်ထဝ်း၊ အီႏလွေꩻအကုဲင်ဖဲ့ꩻလူမ်ꩻ၊ အဟောဝ်ဖဲ့ꩻနဝ်ꩻ တွိုႏနွောင်ꩻတဝ်း။ ၁၀။ လိုꩻယင်ဟန်ႏနဝ်ꩻ "သꩻလော်လယ်တန်"၊ ကွဲႏတွော့ꩻ ဆုဲင်ꩻချာနဝ်ꩻ သူႏသေယင်းထာꩻ၊ နာႏတရာꩻ၊ ထွားနုဲင်းဝင်ꩻ၊ မာꩻကုသိုလ်ႏ၊ လꩻကုသိုလ်ႏ၊ ဝွေꩻမဉ်ႏသီထွူနဝ်ꩻ အဝ်ႏအမျတ်လူမ်ꩻ၊ ဆွုတ်ယွုတ်ခရာႏအဲဉ်ထဝ်း၊ တွိုႏလွေꩻ အဟောဝ်ဖဲ့ꩻလူမ်ꩻ၊ အကုဲင်ဖဲ့ꩻနဝ်ꩻ တွိုႏနွောင်ꩻတဝ်း။ (တောင်ꩻခါꩻ-လိုꩻတွိုင်ꩻဖေႏကသေနာႏ တဲမ်းဗာႏနုဲင်းယိုသွူ)(သုတ္တန်ႏပိဋကတ်၊ အင်္ဂုတ္တရပါဠိ၊ ဒသကနိပါတ်၊ မိဂသာလာသုတ်)