ပွယ်ꩻလေပ်မေႏဗို

ပွယ်ꩻလေပ်မေႏဗို
ပွယ်ꩻလေပ်မေႏဗို ဝေင်ꩻဟိုပုံꩻကို
မိဉ်ꩻတရာႏဝင်ႏ	ပွယ်ꩻလေပ်မေႏဗို
ရဲဉ်ꩻမာꩻဒါႏခမ်းထီ	မျန်မာခမ်းထီ
အစွိုးအမျိုꩻ	ထာꩻယေန်ႏငဲး၊ ဘာႏသာႏဖဲ့ꩻရာ
ထင်ႏသျာꩻအီ	ရိုႏသေႏဂါရဝ ရပ်ဆုမ်ႏဗွေႏဘုရာꩻ
Observances	ရိုႏသေႏဂါရဝ ကန်ႏတော့ဆုမ်ႏ ဗွေႏဘုရာꩻ
မွူးနီꩻ	တယ်ႏတင်ႏကျွောတ်လာဗွေဟာ၊ ဗꩻတထိန်ႏလာဗွေဟာ
စပ်ဆွိုင်ꩻ	Chotrul Duchen (တိဘဲတ်ခမ်းကို) Daeboreum (ကိုးရီးယားခမ်းကို) Koshōgatsu (ဇျပန်ခမ်းကို) Magha Puja (ထုဲင်ႏ၊ သီရိလင်္ကာ၊ ကမ္ဘောဒီးယား၊ လောဝ်ꩻခမ်းကိုဖုံႏ) Têt Nguyên Tiêu (ဗီကဲတ်နမ်ခမ်းကို)

ပွယ်ꩻလေပ်မေႏဗို (ဟဲ့ꩻ) ပွယ်ꩻလာခေ့ꩻ ကရိုꩻနောဝ် ထွာနေး လဲ့ꩻမေႏတဉ်ꩻ ကအောဝ်ႏသော့ꩻခါꩻဒါႏ မေႏဗိုကိုထွူတွော့ လေပ်ပူႏဇောႏလွေꩻဝင်ꩻ ဘုရာꩻစေႏတီႏဖုံႏ၊ ကျောင်ꩻတန်ဖုံႏသွူ။ မော့ꩻအာ ဖြောဝ်ꩻခမ်းအခေါဝ်နောဝ်ဖဲ့ꩻ။ မာꩻအာ တင်ႏကျွတ်လာတွမ်ႏ တထိန်ႏလာကို။ စောက်ꩻတနျာႏခမ်းတွမ်ႏ မကွေးတွိုင်ꩻဒေသတန်ဖဲ့ꩻ ကအောဝ်ႏဒါႏ ဝေင်ꩻနယ်ႏယဟန်ႏကိုတဲ့ အွောန်ႏပွယ်ꩻလေပ်မေႏဗိုဖုံႏ အောဝ်ႏနေနေသွူ။ လာဗွေလာမား မွူးနီꩻကိုမွေးတောဝ်းယောဝ်း အွောန်ꩻမာꩻဝင်ꩻ ကပ်လူႏ သင်္ကန်ꩻကထိန်ႏတွော့ အွောန်ႏပါ ပွယ်ꩻလေပ်မေႏဗို အောဝ်ႏအာဩတန်နေနေ။ ရပ်ဒုံဆောင်ႏဖဲ့ꩻကို မာꩻနေးမေႏဗိုမွူး တဲးတဲးဝါးဝါးတွော့ꩻ ထမ်ႏမေႏဗိုမွူးထွူ ဒုံႏတွမ်ႏထုံမောင်း ကျူႏဗျာႏလွဝင်ꩻထာꩻတဲ့ အောဝ်ႏထီႏအာနေနေသွူ။ လေပ်ချာငါတာႏ ငမ်းသꩻ အောဝ်ႏဖွိုင်းမေႏဖရွီꩻဖုံႏတွော့ꩻ ဝေင်ꩻတန်ကိုဖဲ့ꩻနောဝ်ꩻ မာꩻထိုတောဝ်းဝင်ꩻ မေႏဗိုမွူးဖုံႏ။ မာꩻအာဒျာႏ တဖြာꩻအီစား၊ ဝင်ꩻငတ်ꩻဝင်ꩻသူ ထမ်းတာႏ မေႏဗိုမွူးအဖွိုႏစားဖုံႏ။

စောက်ꩻတနျာႏခမ်း မယ်စဲ့ဝေင်ꩻနယ်ႏကို ကအုံအောဝ်ႏဒါႏ ဖြောဝ်ꩻဖုံႏတဲ့ မာꩻပွယ်လေပ်မေႏဗိုနေနေ။ မကွေးတိုင်းဒေသတန်၊ ဆေားဝေင်ꩻနယ်ႏဖဲ့ꩻကို ကအောဝ်ႏဒါႏ ယေားလိုꩻမျိုꩻဖုံႏဒုံကိုကယ်ႏ မာꩻပွယ်ယ်ꩻလေပ်မေႏဗိုအောဝ်ႏ။ ကေားအီမေႏဗိုသား လိုꩻမူႏပေႏဖုံႏ၊ မူးနမ်ꩻဖုံႏ မဉ်ႏတွိုႏလွောန် ကျောင်ꩻထျꩻနောဝ်ꩻ ကေားဒင်းဆုမ်ႏဖေႏ သနပ်ခါꩻ မွန်းသားတဲ့အောဝ်ႏ။

19 October 2025 ပွယ်ꩻ သင်္ကန်ꩻကထိန်ႏ အကျိုႏဟာ လေပ်မေႏဗို၊ ဝေင်ꩻပင်လောင်ꩻနယ်ႏ၊ ထီဗိꩻကျောင်ꩻ

ပွယ်ꩻလေပ်မေႏဗို ဝေင်ꩻဟိုပုံꩻ