ဗွောင်နယ်သꩻရာႏ

အဝ်ႏ ဝီခီပီးဒီးယား ကို

"ဗွောင်ထေ့နယ်လွေꩻသꩻရာႏ/ဖေႏထေ့လွေꩻလိတ် ပအိုဝ်းခမ်းသားထျꩻ"

နိတန်ꩻ[မွဉ်းဖျင် | မွဉ်းဖျင်အရွီးခိုႏ]

ထွိုင်ႏဟော်ꩻထွားဗာႏ ဗွေႏဆရာႏတောႏ ဗွေႏဗွန်ကောဝိဒ၊ ဇဝနာရာမလိတ်သွဉ်တွိုက်၊ ဝေင်ꩻသီႏသဲင်ႏ လိတ်တုတ်ꩻဖြေ့ꩻစောင်ႏ ၁၃၇၅-ဗာႏ၊ ဒဲဉ်ရုတ်ꩻဆန်ꩻ(၂)နီꩻ (၁၁-၅-၂၀၁၃) "ဖေႏကျံႏဉာဏ်ႏ ဒင်ႏပျꩻထေ့ ပအိုဝ်ႏလိတ်လုဲင်ꩻပညာႏသျင်ႏ"နဝ်ꩻ သꩻရေꩻဟွုန်ဟဝ်ငါႏတဲင် သာႏဓုစွဉ်ႏအလဲင်ႏလဲင်ႏအခြွိုက်ခြွိုက်တွော့ꩻ နီသွဉ်းသီးပအိုဝ်ႏဟံႏပြင်ႏသားအနေႏ ဟံႏပြင်ႏသားစွိုꩻသီး ထာꩻခံႏထူႏချက်ယို ကောင်ရွေꩻဟံႏပြင်ႏပအိုဝ်ႏသီးဖုံႏ အဝ်ႏလိုႏအွဉ်ႏသေလဲဉ်း ယူႏနုဲင်းနဝ်ꩻမꩻ ဒင်ႏပျꩻနယ်ဗာႏနုဲင်းလယိုအတွိုင်ꩻသွူ။

သမဲင်ꩻတွမ်ႏပအိုဝ်ႏကထွာယိုခါအခေႏအနေႏ[မွဉ်းဖျင် | မွဉ်းဖျင်အရွီးခိုႏ]

ပအိုဝ်ႏအမျိုꩻသာꩻနဝ်ꩻ ကလဲဉ်းလဲဉ်းနေင်ႏပေါင်ꩻအရေင်တွင်ꩻနဝ်ꩻကာႏ တွမ်ႏဟော်တွမ်ႏနန်ꩻ တွမ်ႏခမ်းတွမ်ႏထီ နမ်းတွမ်ႏနမ်း တင်ႏတင်ႏတယ်ႏတယ်ႏ ကမ္ဘာႏအလောင်းကီ အဝ်ႏအုံဗာႏဖိုဒျာႏ၊ ကွဲႏတွော့ꩻ တဲႏစွဉ်ႏဒျာႏ ကတဲႏထောင်ႏလွေꩻစ ပထမ၊ ဒုတိယ၊ တတိယမန်းနဲင်ႏငံႏတောႏနဝ်ꩻမာꩻငါ ကွပ်ပွိုးရွိုင်ꩻကျမ်ꩻလွဉ်ꩻငါႏ ကံႏကျမ္မာႏတဲင် ယိုခါနဝ်ꩻ လီလာစွစ်ꩻစဲစ်ꩻထိုꩻမန်းခမ်းအကိုတဲင် ထွာထိုꩻဗာႏ စုဗူႏအာႏလွောင်ႏဗူႏအာႏတအဲဉ်ထဝ်းလိုꩻမျိုꩻတမျိုꩻနဝ်ꩻသွူ။ ထွာထိုꩻကီနုဲင်းနဝ်ꩻလဲ့ ခေတ်အသွုပ်သွုပ် ကွပ်စွဉ်ႏအွဉ်ငါသား အမျိုꩻသာꩻသꩻဓာတ်တလာငါႏနဝ်ꩻမꩻ ပြေင်တတသွုန်ထွꩻလꩻတဝ်းစွဉ်ႏဝင်ꩻလင်ရိုꩻကီလဲ့ ခွိုꩻထိုꩻမားသွတ်ꩻသတ်ꩻစွဉ်ႏတဲး တမွေးတဝ်းသွူ၊ ကွပ်စွဉ်ႏ ထွာဒျာႏဟံႏယာႏတရပ်တစပ် ဒေႏသတဗာႏအကို ကအုံလွောင်ႏလွောင်ႏဗူႏဗူႏလွꩻဒါႏ ကောင်ရွေꩻလောင်းပအိုဝ်ႏတွမ်ႏ အွဉ်ငါယံသီး အွဉ်ငါဖေႏနဝ်ꩻမꩻ ယိုခါနဝ်ꩻ လꩻခါꩻလဲဉ်းသွူ နမ်းပဲင်ႏအုပ်ချုပ်ခွင်ꩻလꩻဒေႏသတဲင် ကျက်သရေႏအဝ်ႏမွေးငါႏနဝ်ꩻသွူ။

ကွဲႏတွော့ꩻ ဗꩻစွဉ်ႏကမ္ဘာႏကကုဲင် ပအိုဝ်ႏအမျိုꩻသာꩻသီး ဖေႏနေးကတဉ်ႏခြွော့၊ ကမ္ဘာႏကအဝ်ႏဒါႏပအိုဝ်ႏသီး ဖေႏကထွာတအိုဝ်ႏနဝ်ꩻ အရေꩻယိန်းတန်တန် ကွပ်ထွာအခင်ႏမွဉ်နဝ်ꩻမꩻ ပအိုဝ်ႏစွိုးခွိုꩻအစွိုꩻချုပ် (P.N.O)ဗဟိုႏတောင်ႏကီꩻ အွဉ်ငါသားဖုံႏနဝ်ꩻ သွုပ်ဆွိုင်ႏတွိုင်ႏပင်ႏတွမ်ႏ ပအိုဝ်ႏသွီႏကအဝ်ႏဒါႏ ဟံႏပြင်ႏသားဖုံႏထွူတဲင် မဲင်ꩻခမ်းနယ်ႏကိုကအဝ်ႏဒါႏ သထုံႏတန်၊ နောင်ကလာꩻဒုံကိုနဝ်ꩻ နေးထူႏထဲင်းယင်း ဟံႏပြင်ႏကိုသား စင်္ကာပူဆရာႏတောႏ အွဉ်ငါထပ်ထွူတွော့ꩻ (၂၀၁၁)ဗာႏနေင်ႏကိုနဝ်ꩻ ဗွောင်ခါꩻလꩻသေꩻစွဉ်ႏ ပအိုဝ်ႏအမျိုꩻသာꩻသီးသွုန်ႏမောင်ꩻ (P.N.O)ဗဟိုႏဌာႏနခွယ်ꩻရွုမ်ꩻနဝ်ꩻသွူ။ ဆွန်ꩻစူငီႏငီႏ ခွုမ်မာꩻလွေꩻလွတဲင် ယိုခါနဝ်ꩻ သထုံႏတန်အကို (P.N.O)အစွိုꩻ၊ လိတ်/ယေန်ႏအစွိုꩻ၊ ခွန်တန်နွယ်ႏပအိုဝ်ႏလိုꩻယွဲးကွန်ယက်စွိုꩻဖုံႏ ပေါႏလွဉ်တွော့ꩻ ဖေႏနေးကထွာတအိုဝ်ႏအတာႏ (တဝ်းလဲ့) ကောင်ရွေꩻတွမ်ႏဟံႏပြင်ႏ ပအိုဝ်ႏသီးဖုံႏ သွီႏထီꩻသင်ꩻမုꩻနဝ်ꩻ လꩻလွဉ်စလဲဉ်းနဝ်ꩻသွူ။

ပအိုဝ်ႏလိတ်လုဲင်ꩻနီမူအလောင်း အွဉ်ႏသဘော်ꩻ[မွဉ်းဖျင် | မွဉ်းဖျင်အရွီးခိုႏ]

ကမ္ဘာႏအလောင်း လိုꩻမျိုꩻနမ်းပဲင်ႏလိတ်လုဲင်ꩻကအဝ်ႏသားနဝ်ꩻ တင်ႏတယ်ႏမွေးစွဉ်ႏသွူ။ နမ်းပဲင်ႏလိတ်လုဲင်ꩻယို နေးတွမ်ႏကမ္ဘာႏသတ္တဗေဒ၊ ဝေါဟာရသဒ္ဒါႏနယ်ႏတဲင် မဉ်ႏမာꩻယံနွောင်ꩻ၊ မဉ်ႏမာꩻတိုꩻတက်(ထင်ႏထို)နွောင်ꩻမꩻ ခွိုꩻဂုဏ်ႏဇာတိဂုဏ်ႏလဲ့ အီႏတန်အီသွူ။ လိတ်လုဲင်ꩻသီးအထျꩻထျꩻအချက်နဝ်ꩻ ထွာလိုꩻမျိုꩻသီးအသက်နဝ်ꩻသွူ။ ကထွိုင်ႏလွူꩻပအိုဝ်ႏဖုံႏနဝ်ꩻ ကွပ်စွဉ်ႏဒျာႏ ကံႏကျမ္မာႏရွိုင်ꩻကျမ်ꩻငါႏတဲင် ကအုံအဝ်ႏလီလာထိုꩻဗာႏ ဒေႏသစွစ်ꩻစဲစ်ꩻနဝ်ꩻ ထွာအထျꩻ၊ ကကာႏလွဉ်ဗာႏဒါႏ ခေတ်စနစ်သီး ကအဝ်ႏဒါႏဥပဒေႏယိုအလꩻတဲ့သင်၊ ဥပဒေႏနဝ်ꩻ ဗွန်ပီဒျာႏရိုꩻလဲ့ ဥပဒေႏအကျိုꩻတွိုႏခြောင်ꩻမုꩻ အဆေ့ꩻအအာ ကမာꩻထွာအီနွောင်ꩻဒါႏ ဟံႏပထဝီႏဒေႏသအဝ်ႏရာꩻအလꩻတဲ့သင်၊ ဥပမာႏ- (မဉ်ႏအဝ်ႏဗော့ꩻ ဝေင်ꩻတန်နဝ်ꩻ ဥပဒေႏအကျိုꩻခြေင်းတွော့ꩻ မဉ်ႏညာꩻထိုꩻဝေင်ꩻတန်နဝ်ꩻ ဥပဒေႏလဲ့ အခေႏအနေႏအလꩻ စေတသွာႏထိုꩻတွော့ꩻ အာႏဆေ့ꩻလင်ꩻထိုꩻဗာႏဒျာႏနဝ်ꩻသွူ။) အတွင်ꩻနုဲင်းနဝ်ꩻနဝ်ꩻ ပအိုဝ်ႏသီးကအဝ်ႏစွစ်ꩻစဲစ်ꩻယို ကအီႏမာꩻလွောင်ႏဗူႏဗာႏနဝ်ꩻ ညာꩻယော့တန်၊ အွဉ်ငါသားဖုံႏနဝ်ꩻ မာꩻဗာႏလွကွို့ꩻဒျာႏ ဆဲင်ႏရာꩻဆဲင်ႏရာꩻ ပအိုဝ်ႏအမျိုꩻသာꩻဖုံႏ ကအဝ်ႏဒါႏဒေႏသကို ဖေႏကတဉ်ႏခြွော့တွမ်ႏ ဖေႏကထိုꩻမားဗာႏမွုန်းအရန်းလွုမ်ꩻသွူ။

နဝ်ꩻမꩻ ယိုခါကထွိုင်ႏတွိုႏလွဉ် ဒီမိုကရေသီခေတ်ခိန်ႏ ပအိုဝ်ႏလိတ်အဝ်ႏထွာနေကနီမူနဝ်ꩻ ဒေါ့ꩻအပဲစ်တလꩻတဝ်းနေနေ၊ ပွိုင်းဝွို့တွမ်ႏလိတ်နီမူနဝ်ꩻတဲင် ပုဂ္ဂိုလ်ႏယဟန်ႏနဝ်ꩻ "ယိုနဝ်ꩻ ထွာမူအထျꩻ၊ လိတ်သူꩻနဝ်ꩻ ထန်ႏဆုဲင်ꩻ၊ လိတ်ယိုနဝ်ꩻ အစဲစ်၊ လိတ်သူꩻနဝ်ꩻ တစဲစ်တဝ်း"ရိုꩻလွဖျင်ယင်းနုဲင်းနဝ်ꩻသွူ။ နီသွဉ်းသီး ကယူႏခံႏနဝ်ꩻ ဗွန်ပီနုဲင်းဒျာႏ ဗွေႏဆရာႏတောႏ ဗွေႏဗွန်ကောဝိဒခံႏထူႏချက်၊ လိတ်ကရိုꩻနဝ်ꩻ မူအထျꩻ၊ ထန်ႏဆုဲင်ꩻ၊ အစဲစ်၊ အတု-နုဲင်းနဝ်ꩻ တလိုႏအဝ်ႏတဝ်း၊ တလိုႏရိုꩻတဝ်း၊ လိတ်လုဲင်ꩻယို အဝ်ႏလိုႏအွဉ်ႏဗွန်ပီဒျာႏ တွမ်ႏကအဝ်ႏတိုꩻတက်(ထင်ႏထို)သေႏသေႏဒါႏ သိပ္ပံပညာႏသဘောꩻတရာꩻထွူတဲင် ခြွဉ်းလို့ဝင်ꩻ ဖေႏကတိုꩻတက်၊ ဖေႏကယိန်းယံ မဉ်ႏတဲႏထွင်ႏနွောင်ꩻမꩻ ထွာပင်ႏထိုအမျိုꩻသာꩻသီးဂုဏ်ႏအမွေးအမဲဉ်ႏ ယူႏခံႏနုဲင်းနဝ်ꩻသွူ။

ယိုခါ ကလꩻသေꩻခါꩻထွူလဲဉ်းဒါႏ ကောင်ရွေꩻတွမ်ႏဟံႏပြင်ႏ ထာꩻလွောင်ႏဗူႏအာႏတသုဲင်ယို ကွပ်စွဉ်ႏလိတ်ဒျာႏ လိတ်လုဲင်ꩻယိုတွော့ꩻ တမဉ်ဖေႏဆွိုးထိုꩻတဝ်း၊ မဉ်ဖေႏတခေင်ႏထိုꩻတဝ်းသွူ။ ကွပ်စွဉ်ႏဒျာႏလိတ်လုဲင်ꩻ အဖဲက်ꩻယိုတဲင် တမဉ်ဖေႏခွေါင်းတဝ်း ၂၀၁၅-ဗာႏအင်းမိုးချက်သွူ၊ ယိုခါ ဖေႏကထွာတအိုဝ်ႏအတွက် အထွာတဗာႏ ကအဝ်ႏလိုႏမာꩻဒါႏ လိတ်လုဲင်ꩻဖေႏကထွာတမူအကို နေးအီတွမ်ႏ ဗွေႏဘုရာꩻသီးအလိုႏ၊ သူႏတောႏကောင်ꩻသီးထုံꩻ၊ ဗြဟ္မစိုရ်ႏတရာꩻဖုံႏ ကနွို့သော့ꩻဗဲဉ်လွမ်ခါꩻဒါႏ ဗွေႏဆရာႏတောႏ ဗွေႏဗွန်ကောဝိဒ မူ(၉)ချက်တဲင် အမျိုꩻသာꩻရေꩻတာႏ တွမ်ႏစေႏတနာႏတွော့ꩻ ရိုꩻရိုꩻသာꩻသာꩻ နီဖဲ့ꩻပညာႏသျင်ႏသီး မဉ်ႏတွိုင်ႏပင်ႏတဲက်ခြိꩻမာꩻလွေꩻနဝ်ꩻ ဖေႏကထွာတပအိုဝ်ႏကရိုꩻဒါႏ ကဝ်ႏထွန်ႏကိစ္စယို အောင်ႏတဝ်းမျိုꩻအဝ်ႏနဲ့ဟွေး-ခံႏနွမ်ꩻဒျာႏတဲင် တဲမ်းဒင်ႏပျꩻဗာႏနဝ်ꩻသွူ။ (ဝွန်ႏခံႏချက်- အဗွေႏနမ်းကတဲမ်းနဝ်ꩻ တဲမ်းမန်းနေးဒျာႏတဲင် ယိုနဝ်ꩻ လွောက်ꩻရာꩻပြန်ႏပအိုဝ်ႏဖေႏနေးဒျာႏအကျောင်ꩻ၊ အနာနဝ်ꩻ ကဗျာပါကပုဒ်၊ ကဗျာနဝ်ꩻ ပြန်ႏပါတဝ်းဒွုမ်)[၁]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. အလဲဗဲန်းဒီသဲမ်ဗာ-ခွန်သန်းဝေ၊ သထုံႏ(သုဝဏ္ဏခမ်း)