ဘုဲင်နရီ သေင်ႏမွူး

ကုမ်ပျူတာသိပ္ပံကို ဘုဲင်နရီ သေင်ႏမွူးယို ထွာ အွောန်ႏသျဒေတာ အမွူးတဗာႏ၊ နောဝ်ꩻကို အတဲက်ꩻတဗာႏဗာႏလောင်း အပေႏ အာသွတ်ꩻ အောဝ်ႏပါသော့ꩻဒါႏ ၂ ဗာႏ၊ ရိုꩻခါꩻ အစေႏဗာႏ တ္ွမ်ႏယင်း အထွေဗာႏသွူ။ ထာꩻယို ထွာနေး k-ary မွူးတဗာႏ၊ ထွာ k = 2 သွူ။ တရွꩻဝင်ꩻ ထာꩻအွောန်ႏထော့ (recursive definition) နေးတ္ွမ်ႏ ထာꩻဗူႏတီအိုရီ (set theory) ကခြုဲင်းနယ်နောဝ်ꩻ ဘုဲင်နရီ သေင်ႏမွူးတမွူးယို ထွာ ၃ စဲင်ႏသာႏသီး (L, S, R)၊ L တွမ်ႏ Rနောဝ်ꩻ ထွာ ဗလာအဗူႏ ဘုဲင်နရီသေင်ႏမွူး၊ S နောဝ်ꩻ ထွာ အရွီးကပါဒါႏ တဗာႏစွို့ꩻ အဗူႏကိုတဲ့ရိုꩻ။

အောဝ်ႏဂရပ်တီအိုရီဖဲ့ꩻ မဉ်ႏထွားနောဝ်ꩻ ဘုဲင်နရီသေင်ႏမွူးယို အပင်အဖ ကအောဝ်ႏဒါႏထာꩻ အွောန်ႏထော့ꩻဖေႏခါꩻ အဓိပ္ပယ်နုဲင်းနောဝ်ꩻ။ ဘုဲင်နရီသေင်ႏမွူးယို ဝင်ꩻဖေႏမဉ်ꩻခါꩻ bifurcating arborescence နုဲင်းနောဝ်ꩻစားသားတဲ့အောဝ်ႏ၊ ခါးလားခေတ်တသာ အဟဲ့ꩻအဟောဝ်ကကြွော့လꩻခိန်ႏ အောဝ်ႏပါသော့ꩻဖို လိတ်စောင်ႏ တဲမ်းပရိုဂရမ်ခရာႏဖုံႏ အစောဝ်းဖဲ့ꩻကိုခါ။