ဘေꩻလစ်ꩻမျိုꩻ-နီလိုꩻဟဝ်ငမ်း

အဝ်ႏ ဝီခီပီးဒီးယား ကို

"အတ္တာနုဝါဒသုတ် (ဘေꩻလစ်ꩻမျိုꩻ-နီလိုꩻဟောဝ်ငမ်းငါႏ)" နီဗွေႏဘုရာꩻဟော်ꩻဖေႏ ဗွေႏရဟန်ꩻသီးဖုံႏ တရာꩻနုဲင်းယို- ရဟန်ꩻသီးဖုံႏဟွေး- ဘေꩻအဝ်ႏလစ်ꩻမျိုꩻ၊ လစ်ꩻမျိုꩻကရိုꩻနဝ်ꩻ- ၁။ အတ္တာနုဝါဒဘေꩻ - ငမ်းထီႏဖွီချာနမ်း ၂။ ပရာနုဝါဒဘေꩻ - ငမ်းဝင်ꩻသဲ့ꩻသွမ်ꩻ ၃။ ဒဏ္ဍဘေꩻ - ငမ်းမော့ꩻဘေꩻတံႏ ၄။ ဒုဂ္ဂတိဘေꩻ - ငမ်းလွေꩻဗာႏအပါယ်ႏခမ်း၊ ဘေꩻအဝ်ႏလစ်ꩻမျိုꩻနုဲင်းနောဝ်ꩻသွူ။ ရဟန်ꩻသီးဖုံႏဟွေး- ၁။ လောကကိုယို ပုဂ္ဂိုလ်ႏယင်ဟန်ႏနဝ်ꩻ ယူႏနုဲင်းယို- ခွေမဉ်ႏမာꩻ နမ်းကျင်ꩻကုဲင်-ကာယဒုစရဲက်၊ ဖြောင်းကျင်ꩻကုဲင်-ဝစီဒုစရဲက်၊ သꩻကျင်ꩻကုဲင်-မနော်ꩻဒုစရဲက်နဝ်ꩻ ခွေနမ်း ခွေအဝ်ႏသေချာတဲင် မဲ့ꩻထီႏဖွီချာခွေနမ်း၊ ငမ်းသꩻထီႏဖွိချာနမ်းတဲင် မာꩻတဝ်းဒုစရဲက်၊ မာꩻဒျာႏ နမ်းကျင်ꩻဟောဝ်-ကာယသုစရဲက်၊ ဖြောင်းကျင်ꩻဟောဝ်-ဝစီꩻသုစရဲက်၊ သꩻကျင်ꩻဟောဝ်-မနော်ꩻသုစရဲက်၊ နဝ်ꩻနဝ်ꩻ ဟဲ့ꩻ'အတ္တာနုဝါဒဘေꩻ'နောဝ်ꩻသွူ။ ရဟန်ꩻသီးဖုံႏဟွေး- ၂။ လောကကိုယို ပုဂ္ဂိုလ်ႏယင်ဟန်ႏနဝ်ꩻ ယူႏနုဲင်းယို- ခွေမဉ်ႏမာꩻ ကာယဒုစရဲက်၊ ဝစီဒုစရဲက်၊ မနော်ꩻဒုစရဲက်နဝ်ꩻ မဲ့ꩻဝင်ꩻကဲ့ꩻရဲ့ꩻ သဲ့ꩻသွမ်ꩻခွေ၊ ယူႏလꩻငမ်းသꩻ ဝင်ꩻသဲ့ꩻသွမ်ꩻတဲင် မာꩻတောဝ်းဒုစရဲက်၊ မာꩻဒျာႏ ကာယသုစရဲက် (နမ်းကျင်ꩻဟောဝ်)၊ ဒေါ့ꩻဒျာႏ ဝစီꩻသုစရဲက် (ဖြောင်းကျင်ꩻဟောဝ်)၊ ယူႏဒျာႏ မနော်ꩻသုစရဲက် (သꩻကျင်ꩻဟောဝ်)၊ နဝ်ꩻနဝ်ꩻ ဟဲ့ꩻ'ပရာနုဝါဒဘေꩻ'နောဝ်ꩻသွူ။ ရဟန်ꩻသီးဖုံႏဟွေး- ၃။ လောကကိုယို ပုဂ္ဂိုလ်ႏယင်ဟန်ႏနဝ်ꩻ ယူႏနုဲင်းယို- ခွေမဉ်ႏမာꩻ ဒုစရဲက်ထာꩻကုဲင်မျိုꩻနဝ်ꩻ မဲ့ꩻဝင်ꩻဆွမ်ꩻခွေ၊ ဆွမ်ꩻထွူတဲင် မဲ့ꩻဝင်ꩻတွဲႏနက်၊ မဲ့ꩻဝင်ꩻနိစ္စက်ခွေ၊ ဝင်ꩻတွဲႏယူႏပက်၊ ဝင်ꩻနိစ္စက်အမျိုꩻမျိုꩻတဲင် အီႏလော့ဗာႏသွီႏ၊ အီႏငွိုးအွီႏဗာႏထာꩻ၊ စူဝင်ꩻစွိုင်တွမ်ႏပသီႏ၊ ခင်ႏဝင်ꩻစွိုင်တွမ်ႏပသီႏ၊ ဝင်ꩻထီႏစွုမ်ႏဖြာꩻ၊ ဝင်ꩻသꩻငါႏပါꩻ၊ အပဲ့စ်မဉ်ႏတန်၊ မဉ်ႏအဝ်ႏခံထောင်ႏနဝ်ꩻ ဝင်ꩻအံႏထွဉ်ႏလိုꩻနုဲင်းဖိုး နုဲင်းပနား၊ ခိုးလျားဒုက္ခ-စတဲင် ငမ်းဘေꩻငမ်းတံႏ နုဲင်းနောဝ်ꩻတွော့ꩻ မာꩻတဝ်းထာꩻကုဲင် ဒုစရဲက်၊ မာꩻဒျာႏ ထာꩻဟောဝ်သုစရဲက်၊ နဝ်ꩻနဝ်ꩻ ဟဲ့ꩻ'ဒဏ္ဍဘေꩻ'နောဝ်ꩻသွူ။ ရဟန်ꩻသီးဖုံႏဟွေး- ၄။ လောကကိုယို ပုဂ္ဂိုလ်ႏယင်ဟန်ႏနဝ်ꩻ ယူႏနုဲင်းယို- ခွေမဉ်ႏမာꩻ ကာယဒုစရဲက်၊ ဝစီꩻဒုစရဲက်၊ မနော်ꩻဒုစရဲက်နဝ်ꩻ ဘဝယိုတဲ့ မော့ꩻဒါႏထာꩻဒုက္ခ၊ ဘဝငါသူꩻတဲ့ အီႏလင်ꩻထဲ့ငါးရုဲင်ꩻ၊ အီႏလွေꩻထွာဗာႏ တိရစ္ဆာန်ႏ၊ ပိတ္တာႏ၊ 'ဟွူန်ငမ်း ဒုဂ္ဂတိဘဝ-အပါယ်ႏခမ်း'တဲင် မာꩻတဝ်းဒုစရဲက်၊ မာꩻတဝ်းအကုသိုလ်ႏ၊ မာꩻဒျာႏသုစရဲက်၊ မာꩻဒျာႏကုသိုလ်ႏ၊ နဝ်ꩻနဝ်ꩻ ဟဲ့ꩻ'ငမ်းဒုဂ္ဂတိဘေꩻ'နဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ အတ္တာနုဝါဒသုတ်)[၁][၂]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၁၅၃)