မန်းစဲ့ꩻတက္ကသိုလ်ႏ
| စဲ့ꩻတက္ကသိုလ် | |
 | |
| ဆောင်ႏအွံ | နောင်တစ်ခေတ်၏ အောင်စစ်သည်များ |
|---|---|
ဆောင်ႏအွံ အဲင်းကလေတ်ဘာႏသာႏ | The Triumphant Elites of the Future |
| တယ်ႏထောင်ႏ | ၁၉၅၄[၁] |
| ဆွိုက်သွုပ်ဒါႏအစွိုꩻအဗူႏဖုံႏ | ရဲးကမ်းတာႏ ဝန်ႏတန်ဌာန (ကာကွယ်ရေး ဝန်ကြီးဌာန) ၊ လိုꩻတန် ရုမ်ꩻအထျꩻ မာꩻကျင်ꩻဖေႏစဲ့ꩻ (တပ်မတော်လေ့ကျင့်ရေး အရာရှိချုပ်ရုံး) |
| ဒုအဓိပတိ | (ပိုလ်ႏတန်ကဲꩻ)ဗိုလ်မှူးချုပ် အောင်ဝင်းဌေး |
| ပါမောက္ခချုပ် | ဗိုလ်မှူးချုပ် သိန်းလွင် (စာပေညွှန်ကြားရေးမှူး) |
| ကျောင်းအုပ်တန် | ဗိုလ်ချုပ် စိုးမြတ်ထွဋ် |
ဆရာႏဖြာꩻခြွဉ်း | ၃၀၀ |
| သွဉ်တန်ꩻသား | ၇၅၀၀ |
| ဘွဲ့ကြိုသားဆေ့ꩻအာ | ၅၀၀၀ |
| ဘွဲ့လွန်သားဆေ့ꩻအာ | ၁၅၀၀ |
ပါရဂူသွဉ်တန်ꩻသား | ၅၀ |
| အဝ်ႏဒါႏခင်ႏလမ်း | ဝေင်ꩻပျဉ်ဦးလွေင်, မန္တလေꩻတွိုင်ꩻဒေသတန်, မျန်မာခမ်းထီ ကိုဩဒိနိတ်: 22°01′26.68″N 96°26′55.27″E / 22.0240778°N 96.4486861°E |
| |
စဲ့ꩻတက္ကသိုလ်ႏ (Defence Services Academy - DSA) ယို ထွာ တက္ကသိုလ်ႏ လွူးထန်ႏဖေႏ စဲ့ꩻပညာႏတွမ်ႏ တက္ကသိုလ်ႏပညာႏတဗာႏ၊ အာဆျတွိုက် အခေါဝ်ကွောန်ႏနောဝ်ကို အောဝ်ႏဗော့ꩻဒျာႏ မန်းခမ်းတထွောင်းလုမ်ꩻသွူ။ အောဝ်ႏ မန္တလေꩻတွိုင်ꩻဒေသတန်၊ ဝေင်ꩻပျဉ်ဦးလွီင်ကို။ ဗာႏသွောန်ဖေႏသား အောဝ်ႏအဖြာꩻ (၂၀၀) ရပ်၊ ကေားသွောန်ထူႏသား စဲ့ꩻပိုႏလောင်ꩻ စဲ့ꩻပိုႏခြွီဖုံႏ အောဝ်ႏ (၆၅၀၀) ရပ်။ ငေါဝ်းအီခါꩻနောဝ်ꩻ ထွာ နောင်တစ်ခေတ်၏ အောင်စစ်သည်များသွူ။ ၂၀၂၀ ဗာႏနေင်ႏကို သွောန်တန်ꩻ အမုဲင် ၆၂ ထွူလꩻ။ အစောဝ်းခါနောဝ်ꩻ ထင်ႏဗာႏ လစ်ꩻနေင်ႏ၊ ထွိုင်ႏတွိုႏ ၁၉၉၈ ဗာႏနေင်ႏ၊ သွောန်တန်ꩻအမုဲင် ၄၂ နောဝ်ꩻ အွောန်ႏထွူတွမ်ႏ ၃ နေင်ႏ။ သွောန်ဖေႏ ဖေႏယောင်းဖေႏဖို ဝိဇ္ဇာ၊ သိပ္ပံတွမ်ႏ ကူမ်ပျူတာဘွဲ့ဖုံႏ။ ဆချာယို ဖေႏပါဒုမ် ဘီအေဘွဲ့။ အောဝ်ႏဗွောင်ဖေႏပါ မဟာဘွဲ့တန် သွောန်တန်ꩻဖုံႏ။ လိုꩻမူႏတဲ့ သွောန်ဖေႏတောဝ်း။ ပညာႏ အီစူခုမ်တနတ်ဖုံႏ၊ ခꩻဝင်ꩻခရာႏ၊ ဗျူဟာ၊ ထေနယ်စဲ့ꩻလွေꩻထာꩻခရာႏဖုံႏတဲ့ အောဝ်ႏသွောန်ဖေႏပါ။ တယ်ႏအမုဲင် ၅၆ ကိုယို သွောန်တန်ꩻကာလ ညဖျင်ယင်းလဲန်း လစ်ꩻနေင်ႏသွူ။
အအွောန်ႏဖေႏခါꩻ ပိုလ်ႏခြွီ တပ်အထျꩻ ၃ ထွောင်း၊ တထွောင်းတထွောင်းနောဝ်ꩻ ဖခါꩻယင်း တပ်ဖ ၇ ခင်ႏလမ်းတွော့ꩻ တပ်ထျꩻအောဝ်ႏ ၂၁ ခင်ႏလမ်း။ အွောန်ႏမဉ်ꩻခါꩻ အနော်ရထာ(အတနျာႏ)၊ ဘယဉ့်နောင်(အတသောမ်ႏ)၊ အောင်ဇေယျ(အတသီး)၊ ပိုလ်ႏခြွီဖုံႏယို အွောန်ႏသျခါꩻဖေႏ သီနီယာ-ဇျူနီယာ (Senior-Junior) ထွူ အရဲပ်တဉ်ႏတွော့ꩻခါꩻနေးသွူ။ ပိုလ်ႏခြွီဖုံႏတာႏ အဟဲ့ꩻလိုꩻပေႏ ကအောင်ႏလꩻ အတန်ꩻနွို့တက္ကသိုလ်ႏသားကို၊ တဲမ်းကေႏညာႏနေး လိတ်သတင်ꩻကိုဟဲ့ꩻ၊ ကမဉ်နွို့သားတဲ့ ရော့ꩻရာႏတွိုင်ꩻ စဲ့ꩻဌာနတန်ကို လွေꩻစေဗာႏ၊ ဖြေႏဗာႏယင်း လိတ်ရီတလဲင်ႏ နောဝ်ꩻထွူ အထွားလွောန်ꩻ လိုꩻခြွိုင်ႏ ခြွိုင်းတောဝ်းထွူ လွိုက်ဟဲ့ꩻလွေꩻ လိုꩻခြွိုင်ႏသားဖုံႏ။ သွောန်ထူႏပညာႏမဉ်ႏထွူနောဝ်ꩻ ဖေႏအပ်လွေꩻ တာႏဝန်ႏထာꩻမာꩻ အွိုး ဟမ်ႏလောင်းသားစွိုꩻ၊ ထီကိုသားစွိုꩻ၊ ထာꩻကွင်ႏသားစွိုꩻ တစွိုꩻစွိုꩻကို၊ အွောန်ႏထွာ ဒုတိယပိုလ်ႏ အခင်ႏလမ်းဖဲ့ꩻ။
စဲ့ꩻတက္ကသိုလ်ႏကိုနောဝ်ꩻ အသွောန်ဖေႏ သိပ္ပံပညာႏအထျꩻ၊ သိပ္ပံပညာႏ ကမာꩻအီစဲ့ꩻထာꩻမာꩻဖဲ့ꩻဖုံႏ၊ လိုꩻခရာႏသိပ္ပံဘာႏသာႏဖုံႏရာသွူ။ စဲ့ꩻပညာႏဖဲ့ꩻရာကို အသွောန်ဖေႏ၊ အမာꩻကျင်ꩻစူꩻဖေႏ စဲ့ꩻထာꩻနယ်ꩻဖုံႏ၊ စဲ့ꩻသားဒျာႏတာႏတွမ်ႏ စဲ့ꩻလိုꩻလမ်းသီးအတာႏ သွောန်ကျင်ꩻထာꩻဖုံႏ၊ စဲ့ꩻသဘောꩻ အထျꩻထျꩻခရာႏဖုံႏ။ အဖပန်းခါꩻဖေႏနေး ပဉ်နေင်ႏနေင်ႏတာစား။ စဲ့ꩻတက္ကသိုလ်ႏသွောန်တန်ꩻခါးလားကထွူ အောဝ်ႏကုဲင်သူလာကိုနောဝ်ꩻ အသွောန်ဖေႏ အီးအွောန်ခꩻဗာႏ စဲ့ꩻသားဖုံႏနုဲင်းမုဲင်ꩻ၊ အီးရဲပ်ဗာႏစဲ့ꩻသားဖုံႏနုဲင်းမုဲင်ꩻဖုံႏခရာႏသွူ။
လိတ်မွောန်
[မွဉ်းဖျင် | မွဉ်းဖျင်အရွီးခိုႏ]- ↑ Helen James (2005)။ Governance and Civil Society in Myanmar။ Routledge။ p. 102။ ISBN 978-0-415-35558-2။