မဟာသုဒဿနဇာတ်

"မဟာသုဒဿနဇာတ်" အနိစ္စာ ဝတ သင်္ခါရာ-ပြန်ႏပအိုဝ်ႏ သင်္ခါႏရတရာꩻဖုံႏနဝ်ꩻ အသေႏအမယ်ꩻ အဲဉ်ထဝ်းမွေးမွေးစွဉ်ႏ၊ အမျိုꩻထွာဒါႏ' ကုဲင်ဒါႏတန်ဖုံႏဒျာႏ၊ ထွာလွဉ်ထွူတဲင် ကုဲင်ချာလွဉ်းလွဉ်း၊ သင်္ခါႏရဖေ့ငိမ်ꩻ (ရို့ပ်သီမ်ꩻရုပ်နာမ်ႏ) မျတ်နိဗ္ဗာန်ႏနောဝ်ꩻ ချမ်ꩻသာႏငါႏသွူ။

ထွားသွဉ်ဟော်ꩻကျပ် မဟာသုဒဿနဇာတ်ယိုတဲင် "ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနောဝ်ꩻ"

၁။ ဘုရာꩻရဟန္တာႏသီးခန်းတဲ့ယဝ်း တလွစ်နွောင်ꩻတဝ်း ထာꩻသီ၊ မော့ꩻပီပီဗာႏဒျာႏ၊ ကွဲႏတွော့ꩻ ဘုရာꩻရဟန္တာႏသီးနဝ်ꩻ ဒုက္ခသောဝ်ꩻထိုꩻလဲဉ်း၊ တကွုတ်ချာတောဝ်းဒွုမ်-

၂။ ခွန်စကျာႏဝေင်ꩻ တန်မရမက၊ ယံမရမကတဲ့ယဝ်း တလွိုနွောင်ꩻတဝ်း အနိစ္စ၊ ယဗာႏဗာႏ၊ သူႏဗာႏဗာႏ၊ ဆေ့ꩻဗာႏဗာႏ၊ ခေ့ꩻဗာႏဗာႏ-

၃။ ခွေခမ်း၊ ခွေလမ်း၊ ခွေပိုခွေမာ၊ ခွေလိုꩻခွေတခြိုꩻစတဲင် သံယော်ꩻဇဉ်ႏအမျိုꩻနဝ်ꩻ စွိုင်တဉ်ႏခါꩻဒါႏလိုꩻ၊ တခြိုꩻအစဲစ်မွေးတဝ်း၊ တခြိုꩻစဲစ်စဲစ်နဝ်ꩻ ကုသိုလ်ႏကံႏတွမ်ႏ အကုသိုလ်ႏကံႏဒျာႏ-

၄။ မာꩻထာꩻမာꩻအမျိုꩻမုဲင်ꩻတဲ့ယဝ်း ယူႏကောဝ်းရီးခါꩻဗာႏ၊ ပေါႏယူႏကောဝ်းရီးတဝ်းနဝ်ꩻ အမာႏဒါႏ-

၅။ မာꩻထာꩻမာꩻ အမျိုꩻမုဲင်ꩻတဲ့ယဝ်း ထာꩻရေႏမိုးချက် အဝ်ႏဗာႏ၊ ကရေႏအတွိုင်ꩻ ကျိုꩻစာꩻမာꩻဗာႏ-စတဲင်နုဲင်းနဝ်ꩻဖုံႏသွူ။