မဉ်ႏလွိုက်အွဉ်ငါ

အဝ်ႏ ဝီခီပီးဒီးယား ကို
(အဝ်ႏ မဥ်ႏလွိုက်အွဥ်ငါ ယီးနယ်ချာခါꩻဒျာႏသွူ)

"မဉ်ႏလွိုက်အွဉ်ငါ(ခေါင်းဆောင်)နောဝ်ꩻ-" လိုꩻယို အုံခေါ်နေးတဖြာꩻလꩻတောဝ်း၊ အောဝ်ႏနေးတွမ်ႏအစွိုꩻအဗူႏ၊ အောဝ်ႏတွမ်ႏအလိုꩻမျိုꩻ၊ အောဝ်ႏတွမ်ႏအခွိုꩻ၊ အောဝ်ႏတွမ်ႏဟံႏနယ်ႏ၊ အောဝ်ႏတွမ်ႏစွိုးခွိုꩻအင်္ဂါႏလက္ခဏာႏသွူ၊ ခမ်းထီရေꩻရာႏ၊ စွိုးခွိုꩻထာꩻမာꩻကိစ္စ၊ ဝေင်ꩻနယ်ႏထာꩻမာꩻရေꩻကိစ္စ၊ အစွိုꩻအဗူႏထာꩻမာꩻကိစ္စ၊ ဒုံဆောင်ႏရပ်ရာႏကိစ္စ၊ တလမ်းစီႏထာꩻမာꩻကိစ္စနုဲင်းယိုဖုံႏနောဝ်ꩻ အီႏအွဉ်သား မဉ်ႏအဲဉ်ထောဝ်း၊ နာꩻတစွိုး ခွေတမျိုꩻမဉ်ႏမာꩻနောဝ်ꩻ အဟောဝ်အကုဲင်၊ အီႏထွာလွေꩻဒျာႏ အကုဲင်ဖဲ့ꩻနောဝ်ꩻ ကဲဉ်းအာအာသွူ။ တဖြာꩻစီႏထာꩻယူႏ ခံႏထူႏချက်ယို အီႏဗွိုန်ဗာႏဝင်ꩻနောဝ်ꩻ တယိုꩻတောဝ်း၊ အမျာꩻကိစ္စတဗာႏ ဖေႏကအောင်ႏမျင်ႏမွိုင်နောဝ်ꩻ အွဉ်ငါသားယို မဉ်ႏအောဝ်ႏမꩻ အဆင်ႏပြေႏလꩻသွူ။ ယိုခါ မြန်မာခမ်းတခမ်းလွုမ်း အကဲႏအတန်နောဝ်ꩻ ထွာသမ္မတဦးဝင်းမြင့်၊ ဝွေꩻဆꩻလနောဝ်ꩻ ဆဲင်ႏရာꩻအရန်းရန်း အွဉ်ငါနောဝ်ꩻ အောဝ်ႏနေကနောဝ်ꩻသွူ၊ ခမ်းထီထာꩻမာꩻ အဆင်ႏဖေႏကပြေႏ၊ အုပ်ချုပ်ခမ်းထီ အဆင်ႏဖေႏကပြေႏနောဝ်ꩻ အွဉ်ႏလွေꩻဗာႏနေး အွဉ်ငါအရန်းရန်း အွဉ်ငါသားဖုံႏနောဝ်ꩻသွူ၊ ခမ်းပေါင်ꩻဗူႏအရန်း၊ ခမ်းနယ်ႏ/တွိုင်ႏတန်အရန်း၊ နမ်းပဲင်ႏအုပ်ချုပ်ခွင်ꩻလꩻတွိုင်ႏ/ဒေႏသအရန်း၊ ခရဲင်ႏအရန်း၊ ဝေင်ꩻနယ်ႏ/ရပ်ကွက်/အွိုင်ႏ၊ ဒုံအရန်း အောဝ်ႏလွေꩻနုဲင်းနောဝ်ꩻစားတဲင် ဆဲင်ႏရာꩻအရန်းရန်းယိုလဲ့ အကဲႏအတန် အောဝ်ႏဗာႏဒျာႏနေနေသွူ၊ နောဝ်ꩻမꩻ မဉ်ႏလွိုက်အကဲႏအတန်ယို လွိုက်မဉ်ႏဒါႏနောဝ်ꩻ နီခမ်းထီ၊ နီရပ်ရာႏ၊ နီဒေႏသ တိုꩻတက်ထင်ႏထိုမွိုင်ဒါႏ၊ နီမဉ်ႏဒေါ့ꩻရီလဲ့ အဆင်ႏပြေႏနောဝ်ꩻသွူ။ နောဝ်ꩻမꩻ ဆဲင်ႏရာꩻအရန်းရန်း၊ ဆဲင်ႏရာꩻလိုꩻတန်တွမ်ႏ နီကပွိုင်းဝွို့ဒါႏ ခင်ႏလမ်းဖုံႏယို နီအောဝ်ႏလိုႏလွိုက်ဒါႏငါႏ၊ နီမဉ်ႏလွိုက်လိုꩻတန်နောဝ်ꩻ- လိုꩻတန်တဖြာꩻ အထီအသွီႏ အောဝ်ႏလိုႏနုဲင်းမုဲင်ꩻ၊ နီကလွိုက်ဒါႏ လိုꩻတန်ယိုနောဝ်ꩻ ပွိုင်းဝွို့တွမ်ႏ နီရပ်ရာႏ ထာꩻမာꩻကိစ္စဖုံႏယို ဖေႏကမာꩻဖေႏတွော့ꩻ ဒင်ႏလွိုက်တဲင် ကမာꩻနွောင်ꩻဒါႏထာꩻမာꩻ၊ ကအွဉ်နွောင်ꩻဒါႏဉာဏ်ႏပညာႏယို အောဝ်ႏနဲ့ အောဝ်ႏတောဝ်းနဲ့ နီအောဝ်ႏလိုႏသေသွူ။ အွဉ်ငါ(ခေါင်းဆောင်)ယို ပညာႏမဉ်ႏအဲဉ်ထောဝ်း၊ မဉ်ႏတလုမ်းကုမ်ႏတောဝ်းနောဝ်ꩻ နီရပ်ရာႏယို ဆာတခွိုင်းမုဲင်ꩻ၊ နီရပ်နီရာႏ အောဝ်ႏလိုႏလꩻ အခွင်ꩻအရေꩻယိုလဲ့ လꩻဗာႏတောဝ်း၊ မာꩻဒါႏတောဝ်း မဲ့ꩻအထွာလွဉ်ဒါႏနုဲင်းနောဝ်ꩻသွူ။ ပညာႏယို အရေꩻတန်ငါႏသွူ၊ ရပ်ရာႏတာႏ စီႏမံႏဖန်းဖြယ်အွဉ်ငါနွောင်ꩻဒါႏ ပညာႏယို အရေꩻတန်ငါႏသွူ။ နောဝ်ꩻမꩻ နီမဉ်ႏလွိုက်လိုꩻတန် အွဉ်ငါသားနောဝ်ꩻ အောဝ်ႏလိုႏထွားဒါႏဒါႏငါႏ ပညာႏအောဝ်ႏနဲ့ အောဝ်းတောဝ်းနဲ့ကရိုꩻနောဝ်ꩻ- ပညာႏအောဝ်ႏသွူလဲ့ သꩻဓာတ်မဉ်ႏတစွို့ꩻစွဉ်ႏတောဝ်း၊ အကျင်ꩻမဉ်ႏတဟောဝ်တောဝ်းနောဝ်ꩻလဲ့ တမွေးတောဝ်းဒွိုန်းသွူ၊ မဉ်ႏထွာလဲဉ်းသွူ အွဉ်ငါသားနောဝ်ꩻ သꩻဓာတ်ယို အောဝ်ႏလိုႏစွို့ꩻစွဉ်ႏငါႏ၊ သꩻဓာတ်ယို မဉ်ႏတစွို့ꩻစွဉ်ႏတောဝ်းနောဝ်ꩻ နီရပ်နီရာႏ ဆာဒါႏ၊ မဉ်ႏရော့ꩻတောဝ်းမဲ့ꩻ အကုဲင်းစာအံႏချာဒါႏ နီသွဉ်းသီး ဟံႏယာႏနောဝ်ꩻမꩻ နီသွဉ်းသီး မဉ်ႏလွိုက်လိုꩻတန်နောဝ်ꩻ အောဝ်ႏလိုႏသတိꩻငါႏသွူ၊ လိုꩻတန်ယဖြာꩻဖြာꩻနောဝ်ꩻ အမျာꩻတာႏနောဝ်ꩻ မာꩻဆေ့ꩻဆေ့ꩻ၊ အံႏစေ့ꩻလိုꩻဒုံ၊ အံႏစေ့ꩻခမ်းသားနောဝ်ꩻ ပေါင်းအာအာ၊ လိုꩻနုဲင်းယိုနောဝ်ꩻ အောဝ်ႏလိုႏလွိုက်တောဝ်း၊ အောဝ်ႏလိုႏဒင်ႏ/တောဝ်းအရာႏသွူ။ အသꩻဓာတ်ယို ယံနဲ့ ယံတောဝ်းနဲ့ကရိုꩻနောဝ်ꩻ အောဝ်ႏလိုႏရိက္ခေႏ ထွားစဲင်းစဲင်းငါႏသွူ၊ သꩻဓာတ်ဟောဝ်ကရိုꩻယိုနောဝ်ꩻ ဆဲင်ႏရာꩻခင်ႏလမ်း ခမ်းသားအမျာꩻယို ထာꩻသညင်ꩻကရုဏာႏယို အောဝ်ႏဗာႏ၊ သꩻရက်ခမ်းသားအမျာꩻယို အောဝ်ႏဗာႏ၊ သꩻမဲက်မာꩻအမျာꩻအကျိုꩻယို အောဝ်ႏဗာႏ၊ ဒေႏသတွမ်ႏလိုꩻမျိုꩻအလောင်း သစ္စာႏတရာꩻအောဝ်ႏဗာႏ၊ ယိုဖုံႏနောဝ်ꩻ အောဝ်ႏလိုႏငါႏသွူ။ နောဝ်ꩻမꩻ ပညာႏအောဝ်ႏသွူ၊ သꩻဓာတ်တဲ့ ဟောဝ်သွူလဲ့ အောဝ်ႏလိုႏထဲင်းတမုဲင်ꩻကရိုꩻနောဝ်ꩻ အောဝ်ႏလိုႏမာꩻမွေးမွေးဖေႏ ဒေႏသရပ်ရာႏအကျိုꩻနောဝ်ꩻသွူ။ အောဝ်ႏလေႏကွို့ꩻ အဒေါ့ꩻအဖြောဝ်ႏ၊ အောဝ်ႏလေႏကွို့ꩻ ထာꩻယူႏနုဲင်းနောဝ်ꩻတဲ့ တထွူထွာတောဝ်း၊ အောဝ်ႏလိုႏမာꩻထွိုက်မာꩻသင်ꩻ ထာꩻမာꩻဖုံႏယို ဝီရိယအာႏတလာလာ အွဉ်ငါသောင်ႏသာလွေꩻဖေႏမꩻ တိုꩻတက်ထင်ႏထိုမုꩻယို မွိုင်ကြွိုင်လွဉ်နောဝ်ꩻသွူ။ နောဝ်ꩻမꩻ အွဉ်ငါ(ခေါင်းဆောင်)ကရိုꩻယို အောဝ်ႏအရန်းရန်းတဲင် ဆဲင်ႏရာꩻခင်ႏလမ်း ဆဲင်ႏရာꩻပညာႏယို အောဝ်ႏလိုႏဒါႏငါႏသွူ၊ သမ္မတတဲ့ သမ္မတအလွောက်ꩻ၊ ဝွန်ႏတန်ချုပ်၊ လွတ်တောႏနမ်းခြောင်ꩻတင်၊ ခရဲင်ႏအုပ်ချုပ်ရေꩻစစွဉ်ႏ ဆဲင်ႏရာꩻခင်ႏလမ်းအလွောက်ꩻ ကအောဝ်ႏလိုႏဒါႏထွိုက်ဒါႏသင်ꩻ ပညာႏဖုံႏယို ဒါႏခါꩻဗာႏ၊ သꩻဓာတ်ယိုတဲ့ ဟောဝ်ဗာႏ၊ မာꩻတဲ့ မာꩻမွေးအမျာꩻထာꩻမာꩻ ယိုသွံချက် မဉ်ႏဗွေစွုမ်ႏနောဝ်ꩻ ဟောဝ်ငါႏသွူ။ ထဲင်းတစွိုးနောဝ်ꩻ နီရပ်နီရာႏတာႏ မဉ်ႏလွိုက်ချာဒျာႏ နီလိုꩻမျိုꩻ၊ နီလိုꩻတန်ယို မဉ်ႏထွာချာဒျာႏ နီလိုꩻမျိုꩻနောဝ်ꩻ အဆင်ႏယိန်းပြေႏပြေႏ၊ ဒေါ့ꩻရီတဲ့ဖြောင်တဲင် ဆꩻကီယိုသွံချက်တွမ်ႏ အချက်ယို မဉ်ႏဗွေစွုမ်ႏနောဝ်ꩻ ယိန်းဟောဝ်ဟောဝ်နောဝ်ꩻသွူ။ မဉ်ႏထွာလိုꩻမျိုꩻလင် မဉ်ႏတွိုႏမွေးအရေꩻ ခမ်းရေꩻထီရေꩻနောဝ်ꩻ မဲ့ꩻအတအုံတောဝ်းနီဖဲ့ꩻ၊ မဲ့ꩻအမာꩻတူႏတေ့ꩻဒါႏထာꩻ နီသွဉ်းသီးရပ်ရာႏအလောင်းကရိုꩻနောဝ်ꩻ ဟောဝ်သတိꩻငါႏနောဝ်ꩻသွူ။ နောဝ်ꩻမꩻ လိတ်ထွားပရိသတ်သီးအနေႏ ရပ်ရာႏဒေႏသ လွိုင်ႏကွိုန်ꩻထင်ႏထိုရေꩻအတာႏ အောဝ်ႏလိုႏလွိုက်ဒါႏဒါႏငါႏ ရပ်ရာႏအွဉ်ငါသားကရိုꩻနောဝ်ꩻ တဲမ်းလိတ်သားအနေႏ ဖေႏသေလွေꩻဗာႏနုဲင်းယိုသွူ။[၁][၂]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. ခွန်ရုဲင်းယံ-ဟိုနမ်း
  2. မောင်းမွူးခံꩻ အမုဲင်(၆၈)၊ မဲ့ငါ(၁၅)