မာꩻယံယံ'ပသောင်းပသာႏ

အဝ်ႏ ဝီခီပီးဒီးယား ကို

"သေစတနသုတ် (မာꩻယံယံတွမ်ႏ မာꩻပသောင်းပသာႏ ကွာႏလို့ဝင်ꩻနုဲင်းမုဲင်ꩻ)"

အွိုးခꩻတလဲင်ႏ နီဗွေႏဘုရာꩻအဝ်ႏအုံ ဗာႏရာႏဏသီႏခမ်း၊ ဣသိပတန-မိဂဒါႏဝုန်ႏ တခြာတန်ကိုအတွင်ꩻ ဗွေႏဘုရာꩻဟော်ꩻဖေႏ ဗွေႏရဟန်ꩻသီးတရာꩻနုဲင်းယို- ရဟန်ꩻသီးဖုံႏဟွေး- အွိုးစခါ ကမဉ်ꩻဒါႏ 'သစေတန'ခွန်အဝ်ႏတပါꩻ၊ ခွန်သစေတနနဝ်ꩻ အထွဉ်ႏလက်သမာꩻ- မာꩻလောရထာꩻရာႏတစွုံႏ၊ ညသူလာယွမ်ꩻသူနီꩻနဝ်ꩻ ထွူလꩻတဖဲ့ꩻတာႏဒျာႏ၊ အရေꩻတန် သံးပေါႏတဲင် ခွန်ရိုꩻ- "ယိုလက်သမာꩻ- နွုတ်ꩻနီꩻမာꩻငါသူꩻနဝ်ꩻ စဲ့ꩻပွယ်ꩻအီႏထွာ၊ ခွေသမ်းအဝ်ႏလိုႏမွိုင်ငါႏလဲဉ်း သေလောရထာꩻရာႏ၊ နာꩻမာꩻနဝ်ꩻ ညပဉ်သူလာယွမ်ꩻသူနီꩻလဲဉ်းနဝ်ꩻ ထွူလဲဉ်းနဲ့" "ထွူလꩻတဖဲ့ꩻတာႏ၊ တဖြုံႏဒျာႏအော်" "အွို- မာꩻဒွုမ်နုဲင်းမုဲင်ꩻနဝ်ꩻ၊ အဝ်ႏတဖဲ့ꩻတာႏ၊ တဖြုံႏနဝ်ꩻ သူနီꩻအကို ရထွူꩻလꩻနေဟောင်း" "သူနီꩻအကို ထွူလꩻဒျာႏဗွေႏအော်"လောဝ်းနုဲင်းနဝ်ꩻသွူ။ ရဟန်ꩻသီးဖုံႏဟွေး- အဝ်ႏကုဲင်တဖဲ့ꩻတာႏ သေလောရာႏတဖြုံႏနဝ်ꩻ မာꩻသူနီဒျာႏထွူလꩻ၊ တွိုႏနဝ်ꩻမꩻ လွေꩻအပ်ခွန်၊ တွိုႏနဝ်ꩻခွန်ရီ- "တွိုႏအရီးတဖြုံႏနဝ်ꩻ ညပဉ်သူလာꩻယွမ်ꩻသူနီꩻ၊ တွိုႏယိုတဖြုံႏနဝ်ꩻ သမ်းညသူနီꩻဒျာႏ၊ အကွာႏလို့ဝင်ꩻနုဲင်းမုဲင်ꩻနဝ်၊ နုဲင်းခွေကထွားနဝ်ꩻ ဗွန်ပီဒျာႏလို့ဝင်ꩻအီ" "ဩဗွေႏ ခွန်မျတ်ဗွေႏဩ- ထူꩻချာꩻချက် အဝ်ႏအာတန်ဗွေႏဩ၊ နီဗွေႏထွားစဲင်းစဲင်းစံꩻသွော့နော"တွိုႏနဝ်ꩻခါ လောရာႏတသာနဝ်ꩻ လက်သမာꩻအွဉ်ႏတကြွီႏနယ်၊ လောရာႏကလွေꩻနဝ်ꩻ လွေꩻခွုံႏခွုံႏခေင်ႏခေင်ႏ၊ လွေꩻပါႏညာꩻတဝ်း၊ ဝꩻတပဉ်ꩻထိုꩻဒျာႏ။ နဝ်ꩻထွူတွော့ꩻ တကြွီႏနယ်တော လောရာႏအဖြုံႏရီးနဝ်ꩻ၊ ကမာꩻညသူလာꩻယွမ်ꩻသူနီꩻနဝ်ꩻ၊ အဖြုံႏဟောဝ်နဝ်နောဝ်ꩻ တကြွီႏလွေꩻစွဉ်ႏတရွဉ်း၊ တကြွီႏလွေꩻညာꩻ၊ တကြွီႏအာႏကထင်ႏလို့တဲ့ တဝꩻထိုꩻတဝ်း၊ အောဝ်ႏဒျာႏတနွောင်းနွောင်း၊ နဝ်ꩻမꩻ ခွန်ရီယင်းတလဲင်ႏ- "လက်သမာꩻဆရာႏ- လောရာႏယိုနီဖြုံႏနဝ်ꩻ ခွေကထွားနဝ်ꩻ တကွာႏတဝ်းလို့ဝင်ꩻတဲ့ ဆရာႏကထွိုင်ႏတကြွီႏနယ်နဝ်ꩻမꩻ သေပသာႏ အကွာႏလို့ဝင်ꩻ၊ သျင်ꩻနယ်စဲင်းစဲင်းဖေႏခွေမွိုင်" အရီးတဖြုံႏနဝ်ꩻ သေင်ႏဟောဝ်၊ သေင်ႏဆွော့ꩻ၊ မာꩻဟောဝ်၊ မာꩻတဲပ်၊ အဆုဲင်ꩻတဖြုံႏနဝ်ꩻ မာꩻနဲစ်၊ မာꩻမွိုင်၊ သေင်ႏသိုႏ၊ သေင်ႏပနဲက်ႏ၊ သေင်ႏဖြင်းနဝ်ꩻမꩻ ထွာအညမ်းစား၊ ထွားတဲက်စဲင်းစဲင်းစံꩻသွော့ ဗွေႏအော်"သျင်ꩻနယ်ချာခွန် နုဲင်းနောဝ်ꩻသွူ။ (ရဟန်ꩻသီးဖုံႏဟွေး- မော့ꩻနဝ်ꩻခါ ကထွာလက်သမာꩻဆရာႏနဝ်ꩻ လိုꩻလင်မွေးတဝ်း ခွေယိုသွူသနယ်၊ ကထွာလက်သမာꩻခါနဝ်ꩻ ကျင်ႏလယ်ႏသေနာႏမွေးစွဉ်ႏသေင်ႏခရာႏ၊ ယိုခါ ခွေထွာဘုရာꩻတဲ့ သေနာႏမွေးစွဉ်ႏ ဖြောင်းနမ်းသꩻခရာႏ၊ နမ်းကျင်ꩻဟောဝ်တဝ်း ကာယဒုစရဲက်၊ ဖြောင်းကျင်ꩻဟောဝ်တဝ်း ဝစီဒုစရဲက်၊ သꩻကျင်ꩻဟောဝ်တဝ်း မနော်ꩻဒုစရဲက်ဖုံႏနဝ်ꩻ တွမ်ႏသေင်ႏသိုႏသေင်ႏညမ်း ဗွန်ပီလို့ဝင်ꩻ၊ ပယ်ႏထိုꩻဗာႏ အကျင်ꩻကုဲင်ဖုံႏနောဝ်ꩻနော) ဗုဒ္ဓေါဘုရာꩻ မိန်းခါꩻနုဲင်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ တိကနိပါတ်၊ သစေတနသုတ်)[၁][၂]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. လိတ်ဗွောင်မဲ့နား(၈၉)
  2. ဗွေႏဗွန်-ကောဝိဒ(သီႏသဲင်ႏ)