မုဲက်ခရိုကွန်ထရိုလာ

တစ်ခုက die ကနေ Intel 8742, an 8-bit microcontroller that includes a CPU ပြေးနေတယ် 12 MHz, 128 bytes of RAM, 2048 bytes of EPROM, နှင့် I/O တူညီသောချစ်ပ်အတွင်း

ATm မုဲက်ခရိုကွန်ထရိုလာ နီဗာႏ

မုဲက်ခရိုကွန်ထရိုလာ (အိန်းကလေတ်: Microcontroller, အဒွေါင်ႏ: MC, uC, or μC; MCU) ကရိုꩻနဝ်ꩻ ထွာဒျာႏ ကွန်ပျူတာခြွိုင်းပေႏတဖြုံႏ ICသားကစ်(Integrated circuit)တဖူꩻလေပ်ရဲဉ်ႏ ကအဝ်ႏပါဒါႏ တဗာႏစားဒျာႏသွူ။ ကွန်ပျူတာယို အခေႏခံႏအဝ်ႏလွေꩻဒျာႏ လော့ဂျစ်ဂိတ် ကဲဉ်းအာအာနဝ်ꩻ တယ်ႏအွဉ်ႏသေခါꩻဒျာႏနုဲင်းနဝ်ꩻသွူ။ ဘူလင်းအွဉ်ႏနယ်ချက်ဖုံႏယို ဒစ်ဂျစ်တယ် နယ်ꩻပညာႏလဲ့ အမွိုင်နုံꩻထိုꩻတွက်ဗျာႏချက်ထွူတဲင် အီထန်ႏနွောင်ꩻဖေႏအဖြေႏနဝ်ꩻသွူ။ နမ်းတဖြာꩻသွုံꩻတာႏ ကွန်ပျူတာဖုံႏယို စီꩻပွာꩻရေꩻထာꩻမာꩻခွင်ႏ အပီနုဲင်းကိရိယာႏသူꩻ မိုက်ခရိုကွန်ထရိုလာယိုလဲ့နဝ်ꩻ စက်မုꩻ ထာꩻမာꩻခွင်ႏ ထွာဒျာႏကိရိယာႏတဗာႏနဝ်ꩻသွူ။ မိုက်ခရိုကွန်ထရိုလာယို ကောင်းထန်ႏဖဲ့ꩻ ကအွဉ်ႏဒပ်ႏခါꩻဒါႏ Detector, Sensor တွမ်ႏ Command ဖေႏကိရိယာႏဖုံႏလဲ့ ကပသာနယ်ဖေႏဒါႏအချက်ဖုံႏ ( signal ) အာဖုံႏယို လက္ခံႏထူႏထွူတဲင်တွော့ꩻ အဝ်ႏနဝ်ꩻထွူ အဖြေႏ ( output )ယို အာအတွိုင်ꩻ "ဝန်"ကရိုꩻ ကွန်ပျူတာ စက်ကို အဝ်ႏမာꩻထာꩻမာꩻပမာဏ ( load ) ဖုံႏယို လွောက့်ꩻနာႏထွူတဲင် အမာꩻလွေꩻဗာႏထာꩻမာꩻသွူ။

မုဲက်ခရိုကွန်ထရိုလာယို ပါဝင်ႏသော့ꩻတယ်ႏအွဉ်ႏသေခါꩻ အီလက်ထရွန်နစ်စနစ်ယို နမ်းတဖြာꩻသွုံꩻတာႏ ကွန်ပျူတာအကို အဝ်ႏပါဝင်ႏသော့ꩻ အဓိက အီလက်ထရွန်နစ် စနစ်အထွာနုဲင်းနဝ်ꩻသွူ။ အဝ်ႏနဝ်ꩻဖုံႏထွူနဝ်ꩻ CPU, Memory တွမ်ႏ I/O unit ယိုလဲ့ ဒစ်ဂျစ်တယ် အီလက်ထရွန်နစ် ထွာလွဒျာႏအခဝ်အကွို့ꩻဖုံႏနဝ်ꩻသွူ။ Program Memory လဲ့ chip ကို ညညတလဲင်ႏ NOR flash မဉ်ႏမွေးတဝ်းလဲ့ OTP ROM ပွုံႏစံႏပါ အဝ်ႏသွူ။ ကွန်ပျူတာတွမ်ႏကွာႏညာꩻချက်ယို ဟမ်းပေါင်းကီပါ အဓိကအီလက်ထရွန်နစ် ထွာလွဒျာႏအခဝ်အကွို့ꩻဖုံႏအာ စီလီကွန် chip တပျာꩻပေႏအဝ်ႏတဗာႏစီꩻအဝ်ႏတဲင် Monolithic သွုံꩻဗာႏနယ်ꩻပညာႏ အွဉ်ႏရွုမ်း တယ်ႏအွဉ်ႏသေꩻခါꩻဗာႏ ထွာနုဲင်းနဝ်ꩻသွူ။ ကွဲးတဲင်ခါ single chip microcontroller တဲ့ အဝ်ႏဟဲ့ꩻလွနုဲင်းနဝ်ꩻသွူ။ ကွန်ပျူတာတဖြုံႏ အစွန်ꩻထီထင်ယိုတဲ့ နုဲင်းခွုမ်စံႏတွက်ချက်နွောင်ꩻမွေး bit အထျꩻအဝ်ႏဒျာႏ အဆေ့ꩻအအာလောင်းနဝ်ꩻသွူ။ ညဟန်ႏနဝ်ꩻ မိုက်ခရိုကွန်ထရိုလာဖုံႏယို အစွန်ꩻထီထင်အဝ်ႏနွောင်ꩻမုꩻလဲ့ 4 bits ယို အခွုမ်မာꩻလွေꩻလွဒျာႏသွူ။ clock rate အလဲင်ႏနွုံꩻယိုနဝ်ꩻ 4KHz အဝ်ႏသွူ။ ပါဝါအသွုံꩻလွေꩻမုꩻနဝ်ꩻ မီလီဝပ် အဆေ့ꩻဖေႏ အဝ်ႏသွူ။ Data information တဗာႏယို Digital 4bitd တဲ့ စံနွုံꩻမာꩻငါ တွက်ဗျာႏချက်ဖေႏနွောင်ꩻအစွန်ꩻ အဝ်ႏသွူ။ ကွန်ပျူတာမုꩻကို 8 bits, 16 bits, 32 bits, 64 bits စတဲင် အခွုမ်မာꩻလွေꩻနွောင်ꩻမုꩻစွန်ꩻထီ တန်ထိုမွေးသွူ။ မိုက်ခရိုကွန်ထရိုလာယို စက်မုꩻယန္တယာႏတန်ဖုံႏတဲင် အဒပ်ႏဖေႏဗာႏ နုဲင်းစက်ယန္တယာႏတန်ဖုံႏ ထာꩻမာꩻခွင်ႏ ဆောင်ႏရွက်မုꩻယို ပေါင်းလွိုပိုႏ စွန်ꩻထီ ဖေႏကထင်လွဉ်ဗာႏသွူ။ နုဲင်းယင်း ခွမ်ꩻလာꩻပသျူႏစက်၊ ဖေႏအလျားစက်၊မိတ္တူႏကူꩻစက် တွမ်ႏ လိုꩻပေႏခွုမ်ပဆိုးခရာႏ စက်ရွုတ်ဖုံႏယို အဝ်ႏလွိုႏကာႏကာႏရုဲင်ꩻတသွိုးနွောင်ꩻသွူ။ ထွꩻခေတ်ဆွုမ်ႏဆံႏရေꩻ ကိရိယာႏဖုံႏ မေႏဘေꩻကာႏကွယ်ႏရေꩻစနစ်ဖုံႏအာယိုနဝ်ꩻလဲ့ ဒပ်ႏခါꩻအသွုံꩻလွေꩻနုဲင်းနဝ်ꩻသွူ။