မေဏ္ဍက
မေဏ္ဍကနဝ်ꩻ ထွာဒျာႏ လိုꩻဘဒ္ဒိယဝေင်ꩻသားနဝ်ꩻသွူ။ မာဖြားနဝ်ꩻ ထွာဒျာႏ စန္ဒပဒုမာ နဝ်ꩻသွူ။ အပိုခိုနဝ်ꩻ ထွာဒျာႏ ဝိသာခါသီးဖါဗွေႏ ဓနဥ္ဇယသဌေꩻနဝ်ꩻသွူ။[၁]
မေဏ္ဍကသဌေꩻ ကုသိုလ်ႏကံႏ
[မွဉ်းဖျင် | မွဉ်းဖျင်အရွီးခိုႏ]မေဏ္ဍကနဝ်ꩻ ထွာဒျာႏ ကရီးခါလိုꩻကုသိုလ်ႏကံႏဟဝ်သားနဝ်ꩻသွူ။ ဆꩻချာဖဲ့ꩻဟံႏလောင်း ဗဲ့ခံꩻရွုတ်ဖုံႏနဝ်ꩻ ငင်းအုံႏဖုံႏအဝ်ႏခွေါင်အဝ်ႏပွတ်စွဥ်ႏဝင်ꩻသွူ။ အဝ်ႏ ဗဲ့ခံꩻရွုတ်တဗာႏသီး အဖြောင်းကိုနဝ်ꩻ ဇမ္ဗူဒိပ်ကျွန်ꩻလိုꩻတာႏ ထန်ႏလွဥ်စွဥ်ႏ ထော်ꩻပတ်၊ နမ်းမန်ꩻ၊ တဝတ်ႏထီ၊ အကွဥ်အကꩻ၊ ခံꩻ၊ ရွဥ် ဖုံႏသွူ။
ဇမ္ဗူဒိပ်ကျွန်ꩻလိုꩻဖုံႏနဝ်ꩻလဲ့ လွဥ်ထေ့သွူသဌေꩻတဲင် ထူႏလွဝင်ꩻဖုံႏသွူ။
မေဏ္ဍကနဝ်ꩻ ထွာဒျာႏ ဘဒ္ဒိယဝေင်ꩻကို လိုꩻဘွုံꩻကံႏတန်ငတ်ꩻဖြာꩻသီး အတန်အကဲႏနဝ်ꩻသွူ။ ဖြိုးကြောင်းသွူ ဗွူသော့ꩻခင်းလမ်း ၁၂၅၀ ယိုတဲင် ပေါꩻထွာထင်ႏသွူ မို့ꩻလောင်းနဝ်ꩻ ဗွူတနျာႏဖုံႏ လော့လင်ꩻစွဥ်ႏသွူ။ မာꩻဗွေစွဥ်ႏ ဗွူခင်းလမ်းကိုသွူ။ ဘဝကရီး ကရော့ꩻဒါႏဖိုꩻဝင်ꩻ မာဖြား၊ ပိုခို၊ ပနံဖုံႏနဝ်ꩻလဲ့ ဘဝယိုခါ သဲင်ꩻထွာချာဒျာႏ မာဖြား၊ ပိုခို၊ ပနံ ဖုံႏနဝ်ꩻသွူ။[၁]
ထွာသောတာပန်
[မွဉ်းဖျင် | မွဉ်းဖျင်အရွီးခိုႏ]ဗွေႏမျတ်ဖရာꩻ သဌေꩻတာႏ ကလွောက်ꩻဒါႏတွမ်ႏ ဝွေꩻစရဲတ်တရာꩻယို ထွိုင်ႏဟော်ꩻထွူ တရာꩻထွိုင်ႏသွတ်ꩻနဝ်ꩻ ထွာ သောတာပန် အရိယာသွူ။ သဌေꩻတန်နဝ်ꩻလဲ့ လူႏတန်စွဥ်ႏထာꩻ အလူႏတန် ၁၅ နီꩻ လွုမ်းလွုမ်းသွူ။