မျန်မာခမ်းထီ ဗော်လုံးအစွိုꩻချုတ်
ခွုမ်ပဆိုးဗော်လွုံးနယ်ꩻယိုနဝ်ꩻ တွိုႏလွဥ်မျန်မာခမ်းထီကို အွိုႏ ၁၈ ရျာꩻဗူႏတွင်ꩻကာႏသွူ။ ကွယ်းတွော့ꩻလဲ့ တတွိုႏလꩻတဝ်း ခွုမ်ပဆိုးသနစ်ယံယံတဲင် သက်အဝ်ႏမွန်ဗာႏလွေꩻကြို့ꩻကြꩻကွိုႏထာꩻနဝ်ꩻသွူ။ ထာꩻခွုမ်ပဆိုးနယ်ꩻယို ဖျော်လွဥ်မုဲင်ꩻခါ အခိင်ႏတဲးတဲးဝါးဝါး တသေဗာႏလတဝ်းလဲ့ အဝ်ႏခမ်းထီလင် ပသာချာငါကွန်ႏသား၊ ပျုသာသနာႏသားသီးထျꩻ တရန်းလွဥ်တဲင် တွိုႏလွဥ်ဗာႏဒျာႏအကျောင်ꩻ ရမ်ꩻဆꩻဗာႏနုဲင်းနဝ်ꩻသွူ။ အစွိုꩻအဗူႏတဗာႏအနေႏ မျန်မာခမ်းဗော်လွုံးအစွို့ꩻချုတ်ကို ထွို့ꩻဗူႏလွေꩻလဲဥ်း အွိုႏ ၁၈၉၅ ဗာႏနေင်ႏ နေးတွမ်ႏ မျန်မာခမ်းဗော်လွုံးအစွို့ꩻချုတ်အမဥ်ꩻနုဲင်းနဝ်ꩻသွူ။
သမဲင်ꩻခြောင်ꩻ
[မွဉ်းဖျင် | မွဉ်းဖျင်အရွီးခိုႏ]အွိုႏ ၁၈၉၅ ခိင်ႏတွင်ꩻ ဗော်လွုံးပွယ်ꩻဖုံႏအွဥ်ငါသားအစွိုꩻ ပေါႏထန်ႏလွဥ်သွူတဲင် အွိုႏဝေင်ꩻရန်ႏတကွုံႏကိုယို အွဥ်ဗွောင်ခန်းဝင်ꩻ ဗော်လွုံးခေႏပြဲင်ႏပွယ်ꩻဖုံႏနဝ်ꩻသွူ။ မဥ်ႏထွူနောဝ်ꩻမꩻ မျန်မာခမ်းဗော်လွုံးအစွို့ꩻချုတ်(The Burma Associated Football League ) ဖန်ပြောင်ꩻသွူအမဥ်ꩻနုဲင်းနဝ်ꩻတဲင် ခေႏပြဲင်ႏသမ်းလွေꩻတငါငါနဝ်ꩻသွူ။ အွိုႏ ဗိတိသျ-အိန္ဒိယ ဟိုတယ်ကို ရန်ႏတကွုံႏဗွော်လွုံးကလပ်အစွိုꩻဖုံႏ စုရွမ်သွူဝင်ꩻတဲင် ထွို့ꩻဗူႏသွူအစွိုꩻဗူႏတွင်ꩻ ဗိတိသျ စဲ့ꩻတပ်အသောင်အရင်ꩻ ပါညီꩻတဝ်း အုံထမ်ဒျာႏပနဝ်ꩻသွူ။ ဂျင်မခါနာကလပ် (Gymkhana Club)နဝ်ꩻ ထွို့ꩻဗူႏစစ ပါညီꩻရိုꩻကီလဲ့ ထွိုင်ႏညတပတ်နဝ်ꩻ ဗဲ့ꩻထန်ႏချာထိုꩻဒျာႏနဝ်ꩻသွူ။ မျန်မာခမ်းဗော်လွုံးအစွို့ꩻချုတ် ဗွောင်မာꩻဆောင်ႏရွက်ရုဲင်ꩻတသွိုး ထွိုင်ႏညသွူသွံနေင်ႏ ဗိတိသျအာႏဏာႏပဲင်ႏဖုံႏ ယံဖေႏနေးဝွေꩻသီး ကဗွောင်ꩻမာꩻလွေꩻ ဗော်လွုံးပွယ်ꩻလွုမ်ꩻမကာႏ ခရစ်ကတ်ခေႏပြဲင်ႏပွယ်ꩻဖုံႏလဲ့ ယံဗွောင်ꩻမာꩻနွောင်ꩻ အွဥ်ႏနယ်အကျောင်ꩻနုဲင်းနဝ်ꩻမꩻ အွဥ်ႏထွဥ်ႏ ဖျတ်ထိုးခန်း မျန်မာခမ်းဗော်လွုံးအစွို့ꩻချုတ်ယိုတဲင် ဗိတိသျအာႏဏာႏပဲင်ႏသား ထွို့ꩻဗူႏဖေႏလွေꩻ မျန်မာခမ်းထီ ထာꩻခွုမ်ပဆိုးအစွိုꩻ(The Burma Athletics Association Athletics Association - BAA) ယို အွိုႏ ၁၈၉၅ ဗာႏနေင်ႏခိင်ႏသွူ။
မျန်မာခမ်းထီ ဗော်လွုံးအစွို့ꩻချုတ် ထွို့ꩻဗူႏရေꩻ
[မွဉ်းဖျင် | မွဉ်းဖျင်အရွီးခိုႏ]မျန်မာခမ်းထီ ဗော်လွုံးအစွို့ꩻချုတ် ထွို့ꩻဗူႏရေꩻ အစီꩻအဝွေꩻယို ဗွောင်မာꩻလွေꩻ ဝေင်ꩻကဲဥ်ခလယ်ႏ အွိုႏ ၁၉၄၇၊ လာမေ ၁၇နီꩻနဝ်ꩻသွူ။
လိုꩻကထင်ႏလွဥ်အစီꩻဝွေꩻဖုံႏနဝ်ꩻ လယိုꩻဖုံႏသွူ။
- မစ္စတာသီဂျေဂက်စ်
- ဖြားဗိုးတော်တာ ဘီဘီအေး ထွားကြပ်ရေꩻသား
- မစ္စတာ အာ ဗိုမန်ဂျီး
- မစ္စတာ ဂျေသီအဲယ်ဖရန်သစ်
- ဖြားထိဥ်ဗွား မျန်မာ အေဂျသ်သီထာꩻမာꩻ
- ဖြားသော်ဝိတ် မျန်မာ ကာယဗလသား
- ဖြားကိုဘမောင်
- မစ္စတာ ဟာသန်အင်မ်ရာအိုသာ
- မစ္စတာ သီအေမက်ဒိုဝဲလ်
- ဖြားသံလိဥ်ႏ
- မစ္စတာ အေအမ်ချောင်း
- ဖြားဗဗွား
- ဖြားလွန်းမောင်
- ဖြားဗညွန်း ရန်ႏတကွုံႏတက္ကသိုလ်ႏ
- ဖြားဗတင်
- ဖြားဟုတ်ဂွမ်
- မစ္မတာ အက်စ်အမ်အရစ်ဖ်
- မစ္စတာ သိန်အလီ ကေားဆော်ႏသား ကဟဲ့ꩻဗာႏ အစီꩻဝွေꩻအကျောင်ꩻခရာႏယို ကေားဆော်ႏသား သိန်အလီ စဲင်းနယ်ဖေႏနဝ်ꩻသွူ။
ဖြားသံလိဥ်းယို ယံဖေႏနေးကဒင်ႏသွော့ သဘာပတိ သိန်အလီဒင်ႏထင်ႏသွူတဲင် ဖြားသော်ဝိတ်တဲ့ ထောက်ခံႏခန်းနဝ်ꩻသွူ။ ခွိုင်ႏကားကအဝ်ႏဖုံႏ စူꩻသွူသဘာပတိဖြားသံလိဥ်းယိုတဲင် ဗွောင်လွေꩻတငါငါလွေꩻခန်း အစီꩻအဝွေꩻနဝ်ꩻသွူ။ ဘဘာပတိ ဒေါ့ꩻဟွိုန်ဖေႏလွေꩻ ငွေါဝ်းတယ်ႏအွဥ်
မစ္စတာ ဘိုမန်းဂျီး အဝ်ႏဝွေꩻကလပ်ဖရင်းယူနီယံ ကအဝ်ႏခွုမ်ပဆိုးယံယံခေႏပြဲင်ႏသင်ꩻပုံႏတွမ်ႏ ခွုမ်ပဆိုးဗော်လွုံး အကျိုꩻအဝ်ႏရာꩻအဝ်ႏရီꩻဖုံႏ လွစ်လွစ်တခြင်ခြင် ကဒင်ႏသွင်ꩻနွောင်ꩻဒါႏ အစွိုꩻအဗူႏအဝ်ႏသင်ꩻငါႏအကျောင်ꩻယို အုံကွုမ်လွေꩻခါꩻနဝ်ꩻသွူ။
ဗီဗီအေ (The Burma Athletics Association - BAA) ဗော်လွုံးကောႏမတီႏဥက္ကဌ ဖြားထိဥ်ဗွား မျန်မာခမ်းထီဗော်လွုံးသမဲင်ꩻ ဟန်ႏနီꩻယို ထူꩻချာꩻငါႏမွူးနီꩻတနီꩻ ရိုꩻနုဲင်းနဝ်ꩻ။ပရိတ်သတ် ယိုခါခါ အဝ်ႏသံသယ ထွာနေက ဗီဗီအေယိုသွူ။ ပီနုဲင်းနေင်ႏကရီႏ ယံဖေႏနေးတွမ်ႏမွော့ꩻမွုန်းတဝ်း ထာꩻသꩻပေႏခရာႏဖုံႏယို ကျိုꩻစာꩻမꩻလꩻသွူ။ ကျိုꩻစာꩻကရိုꩻနဝ်ꩻစားနဝ်ꩻ ခွဲးကျုံႏခွိုꩻခွိုꩻဝင်ꩻမလꩻသွူ။ မျန်မာခမ်းထီ ဗော်လွုံးအစွို့ꩻချုတ် အဝ်ႏယိုအဝ်ႏဗာႏဒျာႏရင်ꩻ ရိုꩻသွူတဲင် အုံကွုမ်လွဝင်ꩻဖုံႏသွူ။
အဝ်ႏအွိုႏတက္ကသိုလ်ႏ ဖြားဗညွန်းနဝ်ꩻလဲ့ အစွိုꩻဖေႏကအဝ်ႏနဝ်ꩻ အရေꩻတန်ငါႏနဝ်ꩻသွူ။ မျန်မာခမ်းထီ ဗော်လွုံးအစွို့ꩻချုတ် ယို ခရုဲင်ႏအရန်း ယံကတွိုႏနွောင်ꩻ လိုႏထွို့ꩻဗူႏငါႏနဝ်ꩻသွူ။ ခရုဲင်ႏတွမ်ႏအစွို့ꩻချုတ် လိုႏသွုပ်ဆွယ်ꩻငါႏဝင်ꩻအကျောင်ꩻ အုံကွုမ်နုဲင်းနဝ်ꩻသွူ။
မျန်မာခမ်းထီ ဗော်လွုံးအစွို့ꩻချုတ် ဟဝ်ထွို့ꩻဗူႏထွိုက်ငါႏအကျောင်ꩻ မစ္စတာ ဗိုဂျီးမန်း ဒင်ႏသွင်ꩻထွူတဲင် ဖြားဗညွန်းလဲ့ ထောက်ခံႏခန်းဒျာႏသွူ။ ခွိုင်ႏကားကအဝ်ႏ လက်ခံစူꩻသွူဝင်ꩻတဲင် ယံကထွို့ꩻဗူႏသွော့တာႏ ဆွုံꩻဖျတ်ခန်းဒျာႏသွူ။
လာမေ ၁၇၊ ၁၉၄၇ ဗာႏနေင်ႏ မျန်မာခမ်းထီ ဗော်လွုံးအစွို့ꩻချုတ် အမှုဆောင်ႏ အစွိုꩻယို ထွို့ꩻဗူႏခါꩻ လꩻယိုအတွိုင်ꩻသွူ။ မျန်မာခမ်းထီ ဗော်လွုံးအစွို့ꩻချုတ် အမုဆောင်ႏဥက္ကဌ ဖြားသံလိဉ်း ဖြားသော်ဝိတ် ဒင်ႏသွင်ꩻ၊ ဖြားဟုတ်ဟွမ် ထောက်ခံႏ။ ဒုဥက္ကဌဖုံႏ ဖြားဗဗွား မစ္စတာသီ မက်ဒေါဝေါ အွဥ်အကိုရေꩻ မစ္စတာ ဂျေသီအဲယ်ဖရန်စစ် ဘဏ္ဍာရေꩻထိန်ꩻသား မစ္စတာ သိန်အလီ မာꩻဖက်အွဥ်အကိုရေꩻ ဖြားကိုဘမောင် နွို့ကောႏမတီႏသားဖုံႏ ဖြားဗညွန်း၊ ဗီသီပေါ၊ ဖြားသော်ဝိဥ်ႏ၊ ဂျွန်မောင်သိန်၊ဖြားဟုတ်ဟွမ်၊ ဖြားဗတိန်း၊ချန်ကင်တိတ်၊ဖြားဗတိဥ်၊ဗိုမန်ဂျီး၊ ဗိုအမ်ဖိုးတိန်း၊ဖြားဦးဂိုင်၊(မျူနီသပယ်)