မျန်မာ နေသျင်နယ် လိဂ်
| ဖုဲင်:မျန်မာ နေသျင်နယ် လိဂ် M League Myanmar logo | |
| Organising body | မန်းခမ်းဗော်လုံးအစွိုꩻချုတ်-MFF |
|---|---|
| Founded | ၁၆ May ၂၀၀၉ |
| First season | ၂၀၀၉ |
| Country | မျန်မာ(မန်း) |
| Confederation | အာသီယံ ဗော်လုံးခေးပြုဲင်ႏပွယ်ꩻ-AFC |
| Number of clubs | ၁၂ |
| Level on pyramid | 1 |
| Relegation to | MNL-2 |
| Domestic cup | MNL League Cup |
| International cup(s) | en:AFC Challenge League en:ASEAN Club Championship |
| Current champions | ဖြဝ်ꩻယူနုဲက်တဲတ် (7th title) (2025-26) |
| Most championships | ဖြဝ်ꩻယူနုဲက်တဲတ် (7 titles) |
| Most appearances | ဒေးဗစ်ထန် (336) |
| Top scorer | Cézar Augusto (118) |
| Broadcaster(s) | MRTV-4 ချန်နယ် 7 Readers Channel Pyone Play Sports |
| Website | themnl.com |
| Current: en:2025–26 Myanmar National League | |
မျန်မာနေသျင်နယ်လိဂ် (အင်္ဂလိပ်: Myanmar National League;အဒွေါင်ႏ MNL)နဝ်ꩻ ထွာဒျာႏ မျန်မာခမ်းထီ တလီꩻလွုံꩻ(ဘောလုံး)အစွိုꩻချုတ်(MNL)သီး အွဥ်ႏသွူအတီႏတဲင် တယ်ႏထောင်ႏခါꩻ အွိုး ၂၀၀၉ဗာႏနေင်ႏ၊ လာမတ် ၄နီꩻခိင်ႏနဝ်ꩻ သုဲင်ꩻလွေꩻ ပရိုသနစ်ဘောလုံးခေႏပြုဲင်ႏပွယ်ꩻနဝ်ꩻသွူ။ နွို့ပါခေႏပြုဲင်ႏလွေꩻညီꩻ ကလပ်အစွိုꩻ ၁၂စွိုꩻထွူတဲင် အဝ်ႏမာꩻလွေꩻညီꩻပါတွမ်ႏ မျန်မာနေသျင်နယ်လိဂ်-၂(MNL)ထင်ႏအတန်ꩻ၊ လင်ꩻအတန်ꩻသနစ်ဖုံႏနဝ်ꩻသွူ။ ပြုဲင်ႏပွယ်ꩻနဝ်ꩻ ပွုံႏမန်ႏ စလွေꩻစ သြဂတ်စ်လာတဲင် အွဥ်ႏထွော့တွိုႏလွေꩻ မေလာကိုနဝ်ꩻမ အစွိုꩻတစွိုꩻယိုနဝ်ꩻ ခေႏပြုဲင်ႏခွုမ်ပဆိုးလွေꩻဗာႏ ပွယ်ꩻစဲဥ်ႏပေါင်ꩻ ၂၂ပွယ်ꩻနဝ်ꩻသွူ။[၁] ခေႏပြုဲင်ႏစ ၂၀၀၉ဗာႏ လာမေတွင်ꩻ အရီးသွတ်ႏ ခေႏပြုဲင်ႏပွယ်ꩻအကို ရတနာပုံ အက်ဖ်သီ အစွိုꩻနဝ်ꩻ ထွို့ꩻလꩻလွေꩻခန်း ချန်ပီယံနဝ်ꩻသွူ။[၂]
မျန်မာနေသျင်နယ်လိဂ်နဝ်ꩻ စလွေꩻစ အစွိုꩻ(၈)စွိုꩻထွူတဲင်[၃] ထွိုင်ႏတွိုႏ ၂၀၁၀ ရာႏသီႏနဝ်ꩻ မာꩻလုဲင်းခြဲ့ꩻထဲင်းခန်း ၁၂စွိုꩻနဝ်ꩻသွူ။ စဝ်းစဝ်းခိင်ႏကာႏလနဝ်ꩻ မာꩻလွေꩻလဲ့ကွို့ꩻ ရန်ႏကွုံႏဝေင်ꩻကိုကထွာဒါႏ အောင်သန်းကွင်ꩻတွမ်ႏ သုဝဏ္ဏကွင်ꩻဖုံႏကို ရိုꩻကီလဲ့ ထွိုင်ႏစလွေꩻသွူ ၂၀၁၀ မာꩻငါနဝ်ꩻ သုင်ꩻလွေꩻခန်း လမ်းကိုကွင်ꩻ၊ အညာꩻကွင်ꩻသနစ်ဖုံႏယိုတဲင် မာꩻစွစ်ႏတိုးပါလွေꩻခန်း နယ်ႏကို ဝေင်ꩻဖုံႏနဝ်ꩻသွူ။ ထွိုင်ႏတွိုႏ ၂၀၁၂နဝ်ꩻမ သုင်ꩻလွေꩻ အတန်ꩻထင်ႏ၊ အတန်ꩻလင်ꩻသနစ်နဝ်ꩻသွူ။ မျန်မာနေသျင်နယ်လိဂ်သီး မူဝါဒအလꩻ ကလပ်စွုမ်ႏစွိုꩻစွိုꩻနဝ်ꩻ ထွို့ꩻဗူႏတဝ်းလꩻတဝ်း ထွို့ꩻဗူႏပါဗာႏတွမ်ႏ လိုꩻပေႏ "ယူ-၁၇၊ ယူ-၂၀" အစွိုꩻဖုံႏနဝ်ꩻသွူ။
သမဲင်ꩻခြောင်ꩻ
[မွဉ်းဖျင် | မွဉ်းဖျင်အရွီးခိုႏ]၂၀၀၉ဗာႏခိင်ႏ တခမ်းလွုမ်း ဒေႏသꩻခမ်းလမ်းတွိုင်ꩻ နမ်းခြောင်ꩻတင်လွေꩻဒါႏ တွမ်ႏပရိုကလပ်အစွိုꩻ၈စွိုꩻနဝ်ꩻ စလွေꩻခန်း မျန်မာပရီမီယာလိဂ်သီး အခမ်းလမ်းအစွိုꩻဖုံႏသွူ။ ၂၀၀၉ဗာႏ လာမေ၁၆ခိင်ႏ အရီးသွတ်ႏပထမလဲင်ႏ ဗွေဗွေလွုမ်းလွုမ်း ကအီႏဗွောင်လွေꩻဒါႏ ခေႏပြုဲင်ႏပွယ်ꩻ ရာႏသီႏအတာႏ ဖျင်ဆင်ꩻထွူတဲင် ဗွောင်စလွေꩻခန်း နေင်ႏလာကညဆွာꩻဒါႏ မျန်မာနေသျင်နယ်လိဂ် ၂၀၀၉(Myanmar National League Cup 2009)နဝ်ꩻသွူ။အီႏခေႏြပြုဲင်ႏလွေꩻစွဥ်ႏ တခမ်းလွုမ်းလွုမ်းရိုꩻကီလဲ့ ဒေႏသယဟန်းနဝ်ꩻ အခေႏခံႏ ခင်ႏလမ်းပဆိုးအီတာႏ လွုမ်းဟဝ်တဝ်းနဝ်ꩻမ ၂၀၀၉ဗာႏ (MNL)ပွယ်ꩻစဲဥ်ႏဖုံႏယို ဗွောင်လွေꩻဗာႏကွို့ꩻဒျာႏ ရန်ႏကွုံႏဝေင်ꩻတန်ကိုကအဝ်ႏဒါႏ အဓိကကွင်ꩻတန်နီကွင်ꩻကိုလွုမ်ꩻသွူ။၂၀၀၉ဗာႏသူလိုင်၅နီꩻခိင်ႏ ကပြုဲင်ႏဒါႏ MNL ဖလား ရွိမ်ပြုဲင်ႏပွယ်ꩻအကို ရတနာပုံ အက်ဖ်သီနဝ်ꩻ နွောင်ꩻလꩻလွေꩻခန်း ရန်ႏကွုံႏယူနိုက်တက် အက်ဖ်သီယိုတဲင် ထွာလွဥ်ခန်းဒျာႏ အရီးသွတ်ႏ MNl ချန်ပီယံနဝ်ꩻသွူ။ ၂၀၁၀ဗွေနေင်ႏ ခေႏပြုဲင်ႏပွယ်ꩻရာႏသီႏနဝ်ꩻ ထဲမ်သွော့ထဲင်းယင်း ကလပ်အစွိုꩻ ၃စွိုꩻတဲင် ထွိုင်ႏတွိုႏ ၂၀၁၁နဝ်ꩻ ထဲင်းယင်းတစွိုꩻ ဖျော်လွဥ်ထဲင်းတဲင် ခြွဥ်းဝင်ꩻ အဝ်ႏလွေꩻခန်း ၁၂နီꩻနဝ်ꩻသွူ။၂၀၁၂၊လာဇန်နဝါရီကို ကထွူလဲဥ်းဒါႏ ရာသီႏခိင်ႏတွင်ꩻ ချင်ꩻခမ်းနယ်ႏတွမ်ႏဖြဝ်ꩻခမ်းနယ်ႏဖုံႏကို နမ်းခြောင်တင်ကထွာဒါႏ အစွိုꩻယိုနီစွိုꩻလဲ့ နွို့ခေႏပြုဲင်ႏသမ်းထဲင်း လွေꩻယင်းနဝ်ꩻသွူ။
အာႏကွိုꩻ
[မွဉ်းဖျင် | မွဉ်းဖျင်အရွီးခိုႏ]- ↑ MNL TO INTRODUCE PROMOTION-RELEGATION SYSTEM BY 2014။ ASEAN Football (7 May 2011)။
- ↑ Han Oo Khin (March 30 – April 5, 2009). "MFF announces May domestic cup competition". The Myanmar Times.
- ↑ Han Oo Khin (March 9–15, 2009). "New era for football". The Myanmar Times.