လောကနတ် ၁
| တာႏဝွန်ႏအမျိုꩻအသာꩻ | ထောင်ထွားဟံႏတလင်ꩻလောင်း |
|---|---|
| အော်ပရေတာ |  မျန်ႏမာႏခမ်းတလီꩻခြောင်ꩻတွမ်ႏအာႏကာႏသပညာႏတက္ကသိုလ်ႏ |
| COSPAR အုဲင်ဒီ | 1998-067SJ |
| အာႏကာႏသစက် အထီအသွီႏဖုံႏ | |
| ဂျိုလ်တုဗပ်သ် | Cygnus NG-15 |
| ထွင်ႏထေသား |  ဟော့ကုဲင်းဒိုး တက္ကသိုလ်ႏတွမ်ႏ မျန်ႏမာႏခမ်းတလီꩻခြောင်ꩻ တွမ်ႏအာႏကာႏသပညာႏတက္ကသိုလ်ႏ |
| အွဉ်ႏစွꩻထင်ႏခိန်ႏ အနမ်းပေႏတန် | ၅၀ ကီလိုဂရမ် (၁၁၀ ပေါင်) |
| စလွေꩻတာႏဝွန်ႏ | |
| အွဉ်ႏစွꩻထင်ႏနီꩻ | ၂၀၂၁ ဖေဖော်ဝါရီ ၂၀ |
| ဒုံးပျံ |  Antares 230 |
| အွဉ်ႏစွꩻထင်ႏခင်ႏလမ်း | MARS LP0A |
| ထွို့ꩻဗူႏခင်ႏလမ်း | ISS |
| ထွို့ꩻဗူႏနီꩻ | မတ် ၂၂၊ ၂၀၂၁[၁] |
| တာႏဝွန်ႏထွူသွတ်ꩻ | |
| အခိန်ႏလို့ | ၂၀၂၃ ဧပီ ၄ |
| တဖူꩻပတ် ပါရာမီတာဖုံႏ | |
| ယီးနယ်စနိစ် | Geocentric |
| အစွိုꩻဗူႏ | Low Earth |
| Periapsis | 416 km[၂] |
| Apoapsis | 421 km[၂] |
| ဖွိုႏလင်ꩻ | 51.6° |
_(cropped).jpg)
လောကနတ်-၁ ဟဲ့ꩻ ပထမရီးသွတ်ꩻ မန်းခမ်းဂြိုဟ်ႏတုအပေႏစား အမုဲင်-၁ (အိန်းကလေတ်: MMSATS-1 / Lawkanat-1) ယို အယာႏခိဉ်ႏနဝ်ꩻအဝ်ႏ ၅၀ ကီလိုဂရမ်၊ ၅၀ × ၅၀ × ၅၀ စင်တီမီတာ အရွယ်ႏပေႏတန်ကအဝ်ႏဒါႏ ထောင်ထွားဟံႏတလင်ꩻလောင်းရေꩻဂြိုဟ်ႏတုတွမ်ႏ မန်းခမ်း ပထမရီးသွတ်ꩻထွာ ဂြိုဟ်ႏတုတဲင် ထွာကွင်ႏအဖွိုႏစားဂြိုဟ်ႏတုပေႏဒျာႏသွူ။ ကရိုꩻဒါႏ ဂြိုဟ်ႏတုယို ဂျပန်ခမ်း ဟော့ကိုင်းဒိုး တက္ကသိုလ်ႏတွမ်ႏ မျန်ႏမာႏခမ်းတလီꩻခြောင်ꩻတွမ်ႏ အာႏကာႏသပညာႏတက္ကသိုလ်ႏ သီး ဖြွမ်းဗူႏတယ်ႏထောင်ႏလွေꩻနဝ်ꩻသွူ။ ၂၀၂၁ ဗာႏ ဖေဖော်ဝါရီလာ ၂၀ နီꩻယို ဂြိုဟ်ႏတုယိုနဝ်ꩻတွမ်ႏ အမေရိကန်ႏဒင်ႏကွန်ႏအာႏကာႏသကွင်ႏ Cygnus NG-15 တရန်းတဲင် ပသာထင်ႏလွေꩻ ခမ်းလင်ဖုံႏလို့လို့စင် အာႏကာႏသ စခန်ꩻ (ISS) ထျꩻသွူ။ ၂၀၂၁ ဗာႏ ဖေဖော်ဝါရီလာကို မန်းခမ်းစဲ့ꩻသိမ်ꩻအာႏဏာႏ သမ်းထွာထိုꩻတဲင် ဂျပန်အာကာႏသ အေဂျင်စီ JAXA တွမ်ႏ ဟော့ကိုင်းဒိုးတက္ကသိုလ်ႏဖုံႏ ဂြိုဟ်ႏတုယို တဖူꩻလေပ်ခူအကို ပသာဖေႏဒွိုန်းတဲင် ရေႏအွဉ်ႏစွူစွူဗော့ꩻ ISS ကရိုꩻနဝ်ꩻ အွဉ်ႏထွော့ရောင်နဝ်ꩻစားသွူ။[၃] ဂြိုဟ်ႏတုယို သဘာႏဝသောင်ရင်ꩻအုံထွားရေꩻတွမ်ႏထောင်ထွုမ်ႏထွားခြောႏအတာႏ တကာႏတဝ်းတဲင် သဘာႏဝဘေꩻတံႏအတာႏထိန်ꩻတီအီတာႏလဲ့ ရေႏရွယ်ႏလွေꩻ ထူႏသွုံꩻအီတာႏရိုꩻလဲ့ စဲ့ꩻဖဲ့ꩻရေꩻရာႏရေႏရွယ်ႏချက်အတာႏ ထူႏသွုံꩻနွောင်ꩻဂြိုဟ်ႏတုတဲင် ကရုဲင်ꩻတသွိုးဒါႏလိုꩻခွင်ꩻရေꩻသားဖုံႏနဝ်ꩻ အဝ်ႏနန်းရောင်လွသွူ။ တွိုႏယင်း ၂၀၂၁ ဗာႏ မတ်လာ ၂၂ နီꩻ ဂြိုဟ်ႏတုယို အာႏကာႏသတဖူꩻလေပ်ခူအကို ပသာဖေႏလွေꩻနဝ်ꩻသွူ။[၄][၅][၁]
ပရောဂျက်အကွို့ꩻအခဝ်တဲင်အရွယ်ႏပေႏတန်ကဗွိုန်ပီဒါႏ ဂြိုဟ်ႏတုအလင်နဝ်ꩻတဲ့ တယ်ႏဆို့ꩻနွောင်ꩻထွူလဲန်းတဲင်တွော့ꩻ အီႏအွဉ်ႏစွꩻကျောင်ႏထင်ႏ ၂၀၂၂ ဗာႏအကို အဝ်ႏစီႏစဲန်ႏခါꩻသွူ။[၆] ဂျပန်ခမ်းကို မျန်ႏမာႏခမ်းတလီꩻခြောင်ꩻဆဲင်ႏရာꩻ အင်ဂျင်နီယာကျောင်ꩻသားဖုံႏယို သွဉ်မာꩻလွေꩻအကျင်ꩻတွမ်ႏအွဉ်ႏစွꩻထင်ႏဂြိုဟ်ႏတု ပရောဂျက်အပါတဗာႏတဲင် ကအီႏလို့ထဲ့သင်ꩻစရိပ်နဝ်ꩻ ဂျပန်ယန်း သန်ꩻ ၁၆၈၀ စွဉ်ႏသွူ။[၇]
ကအွဉ်ႏစွꩻ ဂြိုဟ်ႏတုယို ရေႏမိုးချက်နဝ်ꩻ ထွာဒျာႏ ထောင်ထွားလွေꩻအီ ကမ္ဘာႏဟံႏမဲ့ငါခိုႏလောင်း သဘာႏဝအသောင်အရင်ꩻ၊ လုံးသတ္တု အခေႏနေႏ တွမ်ႏ ထိန်ꩻတီလွေꩻ သဘာႏဝဘေꩻတံႏအတာႏ၊ ထောင်ထွား ရာႏသီႏဥတုအတာႏဒျာႏလဲ့ ယိုခါ မန်းခမ်းကို စဲ့ꩻသမ်းသိမ်ꩻထိုꩻအာႏဏာႏတဲင် ငမ်းရေႏရွယ်ႏလွေꩻ ထူႏသွုံꩻအီပါထိုꩻ စဲ့ꩻဖဲ့ꩻရေꩻရာႏရေႏရွယ်ႏချက် အဝ်ႏနွောင်ꩻဒါႏတဲင် ကရုဲင်ꩻတသွိုးဒါႏ လိုꩻခွင်ꩻရေꩻသားဖုံႏနဝ်ꩻ အဝ်ႏနန်းရောင်လွသွူ။ နဝ်ꩻမꩻ ဂျပန်ခမ်းယို တွမ်ႏမျန်ႏမာႏခမ်းကဆွုပ်သွယ်ႏဖဲ့ꩻဆဲင်ႏရာꩻ အနယ်ꩻပညာႏပြွူႏဖြိုထင်ႏထိုရေꩻအတာႏ စွဲးကမ်းကူႏညီႏကိုဖေႏတဲင်တွော့ꩻ လိုꩻယဟန်ႏဖုံႏနဝ်ꩻ အဝ်ႏဝွေႏဖန်ႏရောင်သွူ။[၆] ဟော့ကိုင်းဒိုးတက္ကသိုလ်ႏကရိုꩻနဝ်ꩻ မျန်ႏမာႏခမ်းကလိုႏအပ်ရာႏကိရိယာႏဖုံႏ သမ်းတအဝ်ႏတဝ်းဒွိုန်းတဲင် အီႏတပန်ႏလေပ်ခူဒွိုန်းက ဂျပန်ခမ်းအကျောင်ꩻနဝ်ꩻသွူ။[၈][၉] ဂြိုဟ်ႏတုယို ၂၀၂၃ ဗာႏ ဧပီလာ ၄ နီꩻအကိုနဝ်ꩻ သဲင်ꩻတွိုႏချာယင်း ကမ္ဘာႏတလီꩻအကိုသွူ။[၁၀]
အာႏကွိုꩻ
[မွဉ်းဖျင် | မွဉ်းဖျင်အရွီးခိုႏ]- 1 2 You must specify title = and url = when using {{cite web}}. (in ja)။ JAXA (23 March 2021)။
- 1 2 Krebs၊ Gunter Dirk။ Lawkanat 1, 2။
- ↑ Myanmar’s first satellite being held in space station by Japan after coup (in en) (12 မတ် 2021)။
- ↑ အာႏကွိုꩻချက်အမာႏ: Invalid
<ref>tag; no text was provided for refs nameddw - ↑ အာႏကွိုꩻချက်အမာႏ: Invalid
<ref>tag; no text was provided for refs namedreuters - 1 2 အာႏကွိုꩻချက်အမာႏ: Invalid
<ref>tag; no text was provided for refs namedspacewatch - ↑ "မျန်ႏမာႏခမ်းပဲင်ႏ ဂြိုဟ်ႏတုအပေႏစား MMSATS-1 “လောကနတ်-၁” တယ်ႏဆို့ꩻလွေꩻထွူ" (in en)၊ burmese.dvb.no၊ ၂၂ အောက်တိုဘာ ၂၀၂၀။
- ↑ အာႏကွိုꩻချက်အမာႏ: Invalid
<ref>tag; no text was provided for refs namedspiegel - ↑ အာႏကွိုꩻချက်အမာႏ: Invalid
<ref>tag; no text was provided for refs namedhokkaido - ↑ MMSATS-1။ N2YO.com (4 April 2023)။