လောသကဇာတ်
"လောသကဇာတ်" ထွားသွဉ်ဟော်ꩻကျပ် လောသကဇာတ်ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ-
၁။ တကေးဝင်ꩻ၊ နာႏလိုႏတဝ်းဝင်ꩻဖုံႏနဝ်ꩻ ထာꩻတဟဝ်တဝ်းအကုသိုလ်ႏတန်ဒျာႏ-အကျောင်ꩻ၊
၂။ ယားထိုꩻဝင်ꩻလာဘ်၊ မာꩻတရတ် ဝင်ꩻတခြိုꩻနဝ်ꩻ အပဲစ်တန် ကေန်ꩻဖြန်ဒုက္ခ အံႏမဗာႏစွုမ်ႏဘဝအကျောင်ꩻ၊
၃။ ပေါႏပဲစ်မာႏ ရဟန္တာႏနောဝ်ꩻ ထဲ့ဗာႏငါးရုဲင်ꩻ၊ တွိုႏဆုဲင်ꩻထွာဗာႏ ဘီလူꩻ၊ ထွာဗာႏ ထွီႏ၊ ထွာဗာႏ တိရစ္ဆာန်ႏအကျောင်ꩻ၊
၄။ လိုꩻအကုသိုလ်ႏအာနောဝ်ꩻ ပေါႏအုံအမျာꩻခြာ အမျာꩻတဲ့ မော့ꩻပါထာꩻဒုက္ခအကျောင်ꩻ၊
၅။ ပေါႏမာꩻအကုသိုလ်ႏတဲ့ အကုသိုလ်ႏအကျိုꩻ ထာꩻဒုက္ခဖဲ့ꩻ ခံႏဗာႏခေါ်ခေါ်ဒျာႏ၊ ပေါႏမာꩻကုသိုလ်ႏတဲ့ ကုသိုလ်ႏအကျိုꩻ ထာꩻချမ်ꩻသာႏဖဲ့ꩻတဲ့ လꩻခေါ်ခေါ်ဒျာႏ၊ ဟောဝ်ကုဲင်နီပါꩻ နမ်းထာꩻမာꩻဒျာႏအကျောင်ꩻ-စတဲင်နုဲင်းနဝ်ꩻဖုံႏသွူ။
"ကပေါတဇာတ်" ထွားသွဉ်ဟော်ꩻဖတ် ကပေါတဇာတ်ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ-
၁။ ဒွစ်ꩻဒဲစ်ꩻလွဉ်ꩻငါႏ ပေါႏရဲင်ꩻတထဲ့ꩻ အဆာႏနဝ်ꩻ မော့ꩻဒါႏထာꩻဒုက္ခအကျောင်ꩻ၊
၂။ ထာꩻတခွန်ꩻ-ကရိုꩻနဝ်ꩻ ဝင်ꩻထီႏတဝ်းတွင်ꩻနဝ်ꩻ ခွꩻသꩻ၊ ပေါႏဝင်ꩻထီႏလꩻနဝ်ꩻ ဒုက္ခဗာႏသွူအကျောင်ꩻ၊
၃။ ဝင်ꩻကဒေါ့ꩻသွဉ်ဖေႏ ငေါဝ်းအကျိုꩻအာ- ငွါအကျိုꩻအဝ်ႏဖုံႏနဝ်ꩻ နေးနာႏဗာႏ၊ ပေါႏတနေးနာႏတဝ်းနဝ်ꩻ မော့ꩻဒါႏထာꩻဒုက္ခ-အကျောင်ꩻ၊
၄။ ပေါႏလꩻသွူ ခင်ႏလမ်းဟောဝ်၊ အခွင်ꩻအရေꩻဟောဝ်နောဝ်ꩻ အုံဟောဝ်ဟောဝ် အဝ်ႏဒါႏဒါႏ၊ ကျိုꩻစာꩻထဲင်းထဲင်းဗာႏ၊ ပေါႏအုံဖွီ အဝ်ႏလွꩻထာꩻနဝ်ꩻ အောဝ်ႏခင်ႏလမ်းဟောဝ် ထဲ့လင်ꩻ၊ အခွင်ꩻအရေꩻဟဝ် သွုမ်ꩻထိုꩻဒါႏ-အကျောင်ꩻ စတဲင်နုဲင်းနဝ်ꩻဖုံႏသွူ။[၁][၂][၃]