ဝိသာႏခါႏစတဲင်သီႏလသားအမူႏစွိုꩻ

အဝ်ႏ ဝီခီပီးဒီးယား ကို

"ဝိသာႏခါႏစတဲင် သီႏလသားအမူႏစွိုꩻဝတ္ထု"

၁၃၅။ ဂါႏထာႏပြန်ႏပအိုဝ်ႏခြေင်ခြေင်- တီဖိုးသားနဝ်ꩻ တွမ်ႏခွဉ်းအောဝ်ႏဝါးလွေꩻ အဖိုးဖုံႏ အွိုးဖိုးတကြက်ꩻသူꩻ၊ အဗွန်ပီနုဲင်းနဝ်ꩻနေနေ ထာꩻဖြားတဲ့နဝ်ꩻ၊ ထာꩻသီတဲ့နဝ်ꩻ အဝ်ႏဝါးလွေꩻ သတ္တဝါႏသီး အသက်ယိုသွူ။

ဟော်ꩻထွားသွဉ်ဗာႏ "ဝိသာႏခါႏစတဲင် သီႏလသားအမူႏစွိုꩻ" ဝတ္ထုယိုတဲင် 'လꩻဗဟုသုတ၊ လꩻသတိꩻနုဲင်းယို"

၁။ နီလိုꩻသီးယို ဆောက်တယ်ႏထာꩻ ဗွန်လို့ဝင်ꩻတဲ့ ထာꩻရေꩻမိုးချက် ပီတဝ်းလို့ဝင်ꩻ-

၂။ နီလိုꩻသီးယို ဆောက်တယ်ႏကီထာꩻတဲ့ မဉ္လꩻဒျာႏ လောကီꩻထာꩻချမ်ꩻသာႏနဝ်ꩻအာ၊ မဉ်လꩻနိဗ္ဗာန်ႏသားနဝ်ꩻဆေ့ꩻ-

၃။ လိုꩻဘဝတဖူꩻစဲဉ်ႏနဝ်ꩻ "ကွုတ်၊ ဖြား၊ ဆာ၊ သီ"-

၄။ ထာꩻဖြား၊ ထာꩻဆာ၊ ဆာသီ အဝ်ႏဝါးလွေꩻနီ အွိုးသင်ႏခဲင်ꩻသူꩻ-စတဲင်နုဲင်းနဝ်ꩻ သေထွꩻ လꩻအီသတိꩻအာတန်သွူ။

"ရူးပိတ္တာႏဝတ္ထု"

၁၃၆။ တရာꩻဂါႏထာႏပြန်ႏပအိုဝ်ႏခြေင်ခြေင်- လိုꩻမွိုက်နဝ်ꩻ ထာꩻယွုတ်ညမ်းဖွိုႏ အကုသိုလ်ႏဖုံႏဘို ကမာꩻတွင်ꩻနဝ်ꩻ အီႏခံႏဗာႏချာ၊ လျားငါဝွဋ်တူႏ တသေယူႏတဝ်း၊ ထာꩻယူႏဆေ့ꩻတွိုက် ပါꩻလိုꩻမွိုက်နဝ်ꩻ ကွပ်အထာꩻမာꩻမာႏဖုံႏနဝ်ꩻတဲင် မေႏခိုးချာဒျာႏ ဝွေꩻသွူရင်ꩻ၊ ငွိုးခြင်ꩻဗာႏဆုဲင်ꩻ အွိုးငါးရုဲင်ꩻသူꩻသွူ။

ဟော်ꩻထွားသွဉ်ဗာႏ "ရူးပိတ္တာႏ"ဝတ္ထုယိုတဲင်တဲင် "လꩻဗဟုသုတ၊ လꩻသတိꩻနုဲင်းယို"

၁။ "လွေꩻတရော့ꩻတောဝ်းတကာ-ဒေါ့ꩻတရော့ꩻတောဝ်းတငွါ"ကရိုꩻနောဝ်ꩻအတွိုင်ꩻ ကွပ်ငေါဝ်းမာႏတငွါတဲင် ထွာအီဒါႏ အန္တရာယ်ႏ-

၂။ လိုꩻသꩻစင်ဗွာနဝ်ꩻ မဉ်ထွာနုဲင်းမုဲင်ꩻထွာ၊ ယူႏဒျာႏ အဟဝ်စား၊ ထွားဒျာႏ အကျိုꩻအဝ်ႏ-

၃။ ဖြော်နီးတွမ်ႏဒေါသနဝ်ꩻ- တခွꩻနွောင်ꩻတဝ်း၊ ခံႏချာထဲင်းဗာႏ ထာꩻမာႏအကျိုꩻ အမျိုꩻမျိုꩻဒုက္ခ-

၄။ ကခံႏဗာႏ ထာꩻမာႏအကျိုꩻနဝ်ꩻ အဗွန်ပီချာ ကမာꩻဝင်ꩻခါနဝ်ꩻအတွိုင်ꩻ စတဲင်နုဲင်းနဝ်ꩻ သေထွꩻ လꩻအီသတိꩻအာတန်သွူ။[၁][၂][၃]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. ပအိုဝ်ႏလိတ်လုဲင်ꩻစွစ်ꩻလီတာႏဗဟိုႏသံဃာႏစွိုꩻ
  2. ဗွေႏဗွန်ကောဝိဒ(ဇဝနာရာမ)
  3. ဓမ္မပဒအမုဲင်(၁၀)