သတ္တမလဲင်ႏကို ပအိုဝ်ႏတမျိုꩻသာꩻလွုမ်း ညီႏလာႏခံႏ

သတ္တမလဲင်ႏကို ပအိုဝ်ႏတမျိုꩻသာꩻလွုမ်း ညီႏလာႏခံႏ လိတ်စေနယ်

၁။ သတ္တမလဲင်ႏ ပအိုဝ်ႏတမျိုꩻသာꩻလွုမ်ႏ ညီႏလာႏခံႏနဝ်ꩻ မာꩻလွေꩻဒျာႏ 2025 တယ်ႏစလွေꩻ တင်ꩻကျွစ်လာ်ဆန်ꩻ ၄ နီꩻ ဗꩻလွေꩻ တင်ꩻကျွတ်လာလောင်း ၅ သွူု။ ကမာꩻလွေꩻဒါႏခင်ႏလမ်းနဝ်ꩻ တောင်ႏကီꩻဝိန်ꩻကို ကအောဝ်ႏဒါႏ ပအိုဝ်ႏအမျိုꩻသာꩻ အဖဲ့ꩻပေါင်ꩻစွုမ်ႏ ထင်ႏထိုရေꩻ ဒဲဉ်သီႏဗွေကွင်ꩻကိုနဝ်ꩻသွူ။

၂။ ကထင်ႏလွဉ်ဒါႏညီႏလာႏခံႏကိုနဝ်ꩻ ပအိုဝ်ႏအမျိုꩻသာꩻပေါင်ꩻစွုမ်ႏ အစွိုꩻပေါင်ꩻစွုမ်ႏ ၊ နယ်ႏပေါင်ꩻစွုမ်ႏ ၊ ဒေႏသꩻပေါင်ꩻစွုမ်ႏ နုဲင်းနဝ်ꩻဖုံႏသွူသြ။ ကထင်ႏလွဉ်ဒါႏညီႏလာႏခံႏ ကိုစလယ်ႏ အဖြာꩻပေါင်ꩻနဝ်ꩻ 600 ရှာꩻ နေတွမ်ႏလိတ်ဖစ်တဲင် ကကြွꩻထင်ႏလွဉ်ဒါႏဗွေႏပုဂ္ဂိုလ်ႏအဖြာꩻပေါင်ꩻနဝ်ꩻ 528 သွူသြ။

၃။ ညီႏလာႏခံႏအကို ပအိုဝ်ႏအမျိုꩻသာအွဉ်ငါ ကခွုမ်ꩻမာꩻထွူလဲဉ်းဒါႏထာꩻမာꩻပေါင်ꩻစွုမ်း နဲင်ႏငံႏရေꩻ စီꩻပွါꩻရေꩻ လိုꩻမူꩻရေꩻ ဖုံႏယို ထေထန်ႏဒင်ႏပျငါလွေꩻ ခမ်းသားမွိုးဖါသီးထျꩻ ၊

၄။ ညီႏလာႏခံႏကိုတယ်ႏုစလွေꩻ ၂၀၂၅ ဗꩻလွေꩻ ၂၀၃၀ ကို လွိုက်ရွေꩻဒင်ႏတသာယင် ဗဟိုႏအမူဆောင်ႏ တွမ်ႏ ဗဟိုႏကောႏမတီႏ စွုမ်ꩻစွိုꩻ ကအီႏခွုမ်စံႏလွေꩻယင်ႏ ထာꩻမာꩻဖုံႏနဝ်ꩻသွူ။

၅။ နဲင်ႏငံႏတော်ႏ အစိုႏရသီး ကအီႏမာꩻလွေꩻထဲင်ႏယင်းဒါႏလွိုက်ရွေꩻပွယ်ꩻယို ပအိုဝ်ႏအမျိုꩻသာꩻစွိုꩻ အီႏနွိုꩻထူႏပြုဲင်ႏယင်း မဲးခင်ႏလမ်း ၂၉ နယ်ႏ တွမ်ႏ နွို့ပြုဲင်ႏခွင်ꩻ ပုဂ္ဂိုလ်ႏ အဖြာꩻပေါင်ꩻ ၅၁ ဖြာꩻ ဖုံႏယို အွဉ်ႏဒင်ႏသွင်ꩻအတီႏ နဲင်းနဝ်ꩻသွူ။

၆။ ညီႏလာႏခံႏအကို ချမတ်သေခါꩻ အနာဂတ်အတာႏ အအီႏမာꩻသွုပ်တသာယင်းဒါႏ ထာꩻမာꩻဆန္ဒ (မူဝါဒ) နဲင်းနဝ်ꩻသွူ။

၁၊ ဒေႏသညိမ်ꩻချမ်ꩻရေꩻ ၊ ပြဲႏထောင်ႏစု ( တခမ်းလွုမ်ႏညိမ်ꩻချမ်ꩻရေꩻ ) ဖက်ဒရယ်စနှစ် ယိုအွဉ်ႏအခေႏခံႏတဲင် ဖေႏကထွာတစုတဗူႏ နဝ်ꩻ အီႏဆောင်ႏရွတ်လွေꩻ ၊

၂၊ လိုꩻမျိုꩻရေꩻ ခွဲꩻခြာꩻတောဝ်းတဲင် လိုꩻသီးစွုမ်ႏဖြာꩻ တွမ်ႏ လိုꩻမျိုꩻအလောင်ႏလင် ဖုံႏဖေႏနေႏ ကအုံညီꩻဗာႏဒျာႏတွမ်ႏ မေတ္တာႏတရာꩻ ညိမ်ꩻချမ်ꩻသာႏယာႏဖေႏကထွာ အီႏကျိုꩻစာꩻသောင်ႏသာလွေꩻ ၊

၃၊ ပြည်ထောင်စု ( ပြဲႏထောင်ႏစု) လုံႏခြုံႏရေꩻ ၊ ကျမ်ႏမာႏရေꩻ ၊ ပညာꩻရေꩻ စီꩻပွါꩻရေꩻ ဖေႏနေးကထင်ႏထိုတဲင် အီႏဆောင်ႏရွတ်ခွုမ်မာꩻလွေꩻ ။

၄၊ လိုꩻပေႏသီႏ အတာႏသင်ꩻရာꩻ ထာꩻမာꩻအခွင်ꩻရေꩻဖေႏကအောဝ်ႏနဝ်ꩻ နေႏတွမ်ႏအနယ်ꩻပညာ သိပ္ပံပညာႏ တဲင် ဖေႏနေးကခွိုက်မွိုင်းတောဝ်း သဘာဝ အသောင်ꩻရင်ꩻတဲင် ကထွာꩻဒါႏစွိုးခွိုအွဉ်ငါ သားစွိုꩻ ( ပီအဲဉ်အို) အီႏခွုမ်စံႏ ဆောင်ႏရွတ်ဖေႏ ၊

၅၊ ပတ်သက်တွမ်ႏဒေႏသကို စီꩻပွါꩻရေꩻဖေႏနေႏကတိုꩻတက်နဝ်ꩻ အတတ်နွိုင်ႏသွတ် အီႏကျိုꩻစာꩻဆောင်ႏရွတ်ဖေႏနဲင်းနဝ်ꩻသွူ ။

၆၊ ကအောဝ်ႏအုံငီꩻဒါႏ ပအိုဝ်ႏခမ်းသား လိုꩻမျိုꩻအလောင်ႏလင်ဖုံႏ စွိုးခွိုꩻ ယိုꩻယာႏ ဒလေ့ထုံꩻစံႏ ၊ သမဲင်ꩻအမွေး တွမ်ႏ အခွင်ꩻရေꩻဖုံႏယို အွဉ်ႏအရေꩻတဲင် အီႏကာႏကွယ်ႏ ထိန်ႏသိမ်ဒျာႏ အကျောင်ꩻ ။

၇၊ နီပအိုဝ်ႏလိုꩻမျိုꩻ ဂုဏ်အင်္ဂါႏအလ ကအောဝ်ႏလိုႏလꩻထွိုက်လꩻသင်ꩻဒါႏ အခွင်ꩻအရေꩻဖုံႏယို နေးတွမ်ႏ ဥပဒေႏအကိုတဲင် အွဉ်ႏအရေꩻ အီႏကျိုꩻစာꩻ ဆောင်ႏရွတ်ဖေႏ ၊