သာကေတဇာတ်
၆၈။ သာကေတဇာတ် ဘုရာꩻအွ်ႏ သာကေတဝီင်ꩻ အဇ္ဇုနအူꩻယီန်ႏကိုခိင်ႏ ထင်ႏကျွꩻတုင်ꩻသွမ်ꩻ တွမ်ႏပုဏ္ဏာꩻဖြားတဖြာꩻ အွ်ႏဝီင်ꩻကိုထန်ႏလွန် ခွဲးလို့ဝင်ꩻ တခါꩻငွါကို ထင်ႏထီႏဘုရာꩻ အိုင်လင်ꩻခင်ႏထျꩻ၊ ခုမ်တိန်ႏခင်ႏမဲ့ထွူ "ပိုခို အွ်ႏလိုႏမာꩻလွူး မွိုးဖြားဖါဖြားမွေးတဝ်းနဲ့ လွေꩻအွ်ႏမျ်ꩻကို လဲင်ꩻတပျꩻဒုမ်နမ်းနွ်ꩻ ခွေနွ်ꩻထီႏဗာႏလဲန်း၊ ဖေႏသီမွိုး ကထီႏဗာႏနျ်းး သဲင်ꩻလွန်ꩻခွေလမ်းယို"။ ဘုရာꩻသဲင်ꩻလွန်ꩻ၊ တွိုႏလမ်း "လွေꩻအိုင်ခိꩻထာꩻမျ်ꩻကို၊ မွိုးဖါမီႏဖြားနွ်ꩻ အွ်ႏလိုꩻမာꩻလွူးမွေးတွ်းနဲ့?"ရိုꩻတဲင် ဟဲ့ꩻလွန်အပိုဖိုင်ႏ၊ "လွန်ဝျ်ႏသီဝေးယို"ရိုꩻတဲင် အွန်ဝျ်ႏထွူမꩻ ကပ်လူႏသင်္ဃာႏသွမ်ꩻ၊ ဘုရာꩻသုင်ꩻထွူ ဟောꩻဖေႏဇရာသုတ်၊ တရာꩻထင်ႏသုတ်ꩻ ပုဏ္ဏာꩻဖြားတမာဝါꩻ တွိုႏအနာႏဂါမ်ႏဖလ၊ ထွူမꩻ ဘုရာꩻကျွꩻသဲင်္ချာ အဇ္ဇုနအူꩻယီန်ႏ။ တရာꩻနာႏခင်ႏလမ်းကို ရဟန်ꩻဖိုင်ႏဒေါ့ꩻ "နီကသေနွ်ꩻ ဘုရာꩻသီးမွိုးဖါယို သုဒ္ဓေါဒနခုန် နင်ꩻမာႏယာႏဒျာႏ၊ ပုဏ္ဏာꩻဖြားတမာဝါꩻယို ဟဲ့ꩻပိုခိုဒျာႏဘုရာꩻ'၊ ဘုရာꩻသမ်းအွ်ႏစူꩻဒျာႏ၊ အွ်ႏဒေါ့ꩻနျ်းနွ်ꩻခိင်ႏ ဘုရာꩻကျွꩻလွန်၊ ဖေႏကသေ အခရာႏ ဘုရာꩻဟောꩻနဲ- "ပုဏ္ဏာꩻဖြား တမာဝါꩻယို ထွာဗာႏဖိုခွေမွိုးဖါ ဘဝငတ်ꩻရျာꩻ၊ ထွာဖါပေႏဘဝငတ်ꩻရျာꩻ၊ ထွာဖါတန်ဘဝငတ်ꩻရျာꩻ၊ ဘဝပေါင်ꩻ တရီင်ငတ်ꩻရျာꩻလိုမ်း ခွေတန်သော့ꩻဗာႏဖို ဝွေꩻသီးစူကိုအကျောင်ꩻ- ၆၈။ ယသ္မိံ မနော နိဝိသတိ၊ စိတ္တဉ္စာပိ ပသီဒတိ။ အဒိဋ္ဌပုဗ္ဗကေ ပေါသေ၊ ကာမံ တသ္မိမ္ပိ ဝိဿသေ။ အဒိဋ္ဌပုဗ္ဗကေ- ဘဝယိုရီးခါ တထီႏဖိုတွ်း၊ ယသ္မိံပေါသေ- လိုꩻယဖြာꩻနွ်ꩻ၊ (အနုဘူတပုဗ္ဗသိနေဟေနေဝ- တွမ်ႏထာꩻရက်ဖို ရီးခါစားတဲင်)၊ တသ္မိမ္ပိပေါသေ- လိုꩻအဖြာꩻနွ်ꩻလောင်း၊ ဝိဿသေ- အွ်ႏဟွုန်မွိုတ်ဒျာႏ၊ မနောနိဝိသတိ- သꩻအွ်ႏတွိုႏဒျာႏ၊ စိတ္တံ ပသီဒတိ တံစာပိ- သꩻဟွုန်ရက်ဒျာႏ၊ ကာမံ-ဗိုန္နျ်းရီးခါ။ နံပါတ်(၆၈) သာကေတဇာတ်ထွူယို။[၁][၂][၃]