သိုလာပျား

သိုလာပျား (အိန်းကလေတ်: Solar Panel) ကရိုꩻနဝ်ꩻ ထွာဒျာႏ တခြိုꩻကိရိယာႏတမျိုꩻ ထူႏသုင်ꩻအီတောမ်ႏ Photovoltaic (PV) သဲလ်(cell)တဲင် အဝ်ႏမွူးရောင်ႏ ကခြုဲင်းပြောင်ꩻလွေꩻဖေႏနွောင်ꩻဒါႏ တျာႏမေႏအာႏ ဒျာႏသွူ။ PV သဲလ်နဝ်ꩻ မာꩻအီဒျာႏတောမ်ႏ တခြိုꩻတမျိုꩻ ဝွေꩻနဝ်ꩻ မိဉ်ႏခွေါင်းဗာႏသွူ မွူးရောင်ႏနဝ်ꩻ အထေဖေႏဒါႏ အီလဲစ်ထရွန်(electron)ဓာတ် နဝ်ꩻသွူ။ အီလဲစ်ထရွန်နဝ်ꩻဖုံႏနဝ်ꩻ ကာႏလွေꩻသွူ မေႏဖြွီꩻတဲင် အထေဖေႏနွောင်ꩻ တျာႏမေႏအစွူ (DC)ဓာတ်အာႏနဝ်ꩻသွူ။ အဝ်ႏတျာႏမေႏအစွူအာႏယိုနဝ်ꩻ သုင်ꩻလွေꩻအီ တခြိုꩻကိရိယာႏ ကသုင်ꩻအီဒါႏ မေႏအာႏအစွိုးစွိုး တောမ်ႏ လောင်ႏသော့ꩻနွောင်ꩻအီမေႏအာႏ ဗဲတ်ထရီဖုံႏကို နဝ်ꩻသွူ။ သိုလာပျားယို ယဟန်ႏတဲ့ အဝ်ႏသေအာ သိုလာသဲလ်တပျာႏ (solar cell panels), သိုလာတျာႏမေႏတပျာႏ (solar electric panels), PV မော်စျူးလ် (PV modules) နုဲင်းနဝ်ꩻသွူ။
သိုလာပျားကရိုꩻနဝ်ꩻ ကဲဉ်းအာ အဝ်ႏရဲဉ်ꩻမာꩻနေးပိဉ်စွုပ်စွုပ် တောမ်ႏ arrays မွေးတဝ်းတဲ့ systems နဝ်ꩻသွူ။ Photovoltaic (PV)စနစ်ကိုနဝ်ꩻ အဝ်ႏပါသော့ꩻ သိုလာပျား တဗာႏ မွေးတဝ်းတဲ့ လွိုထဲင်းနဝ်ꩻ၊ အဝ်ႏDCတျာႏမေႏအာႏအစွူယို ကပြောင်ꩻဖေႏနွောင်ꩻဒါႏ Alternating current (AC) တျာႏမေႏအာႏတစွူတဝ်းတာႏ အိဉ်ဗာတာတဗာႏ၊ ယလဲင်ႏလဲင်ႏ အထိန်ꩻအချုတ်ကိရိယာႏတခြိုꩻဖုံႏ၊ မီတာဖုံႏ၊ ခြေရာခံ ဖုံႏတဲ့ အဝ်ႏပါသော့ꩻနေနေသွူ။

ထူႏသုင်ꩻသိုလာပျားတဲင် ကလꩻဒါႏ အာႏတလာချက်ယဟန်ႏနဝ်ꩻ ထွာဒျာႏ ထူႏသုင်ꩻနွောင်ꩻ ပြန်လည်my:ပြည့်ဖြိုးမြဲစွမ်းအင် တောမ်ႏ ကြောင်းစင်ဒါႏ မေႏအာႏရဲင်ꩻ အရွီးအခိုႏဖုံႏ၊ ထွူတကာႏတဝ်း အမာꩻဆေ့ꩻယောမ်ꩻဖေႏ ထေထန်ႏ ဖန်လုံအိမ်ဓာတ်ငွေ့(တလီꩻကုဲင်တလီꩻဝွေႏဖုံႏ) တောမ်ႏ အမာꩻသက်သာႏဖေႏအီ မေႏမီတာခꩻ ဖုံႏနဝ်ꩻသွူ။ အာႏပေႏချက်ယဟန်ႏနဝ်ꩻတဲ့ ထွာဒျာႏ လွောက်ꩻသွူ ကလꩻနွောင်ꩻဒါႏ မွူးရောင်ႏဆေ့ꩻအာအခေႏနေႏ တောမ်ႏ ရုဲင်းသန်မုꩻ အလောင်းတဲင် အဝ်ႏလိုႏထွားမာꩻဖေႏဗာႏ ထိန်ꩻသိမ်ꩻရေꩻတောမ်ႏ ကြောင်းစင်ရေꩻဖုံႏ၊ ကကောႏတယ်ႏစစခိန်ႏ အငိုꩻစရိပ်လို့အာ နုဲင်းနဝ်ꩻဖုံႏဒျာႏသွူ။[၁] သိုလာပျားယို ရေႏမိုး အဝ်ႏထူႏသုင်ꩻလွေꩻ လိုꩻသီးကအုံ လမ်းကိုဖုံႏတာႏ၊ စီꩻပွာꩻအနေႏကိုဖုံႏ၊ စက်ယုင်ႏထာꩻမာꩻတန်ကိုဖုံႏ စတဲင်တကာႏတဝ်း ပသာလွေꩻသဲင်ချာငါအီ မို့ꩻလောင်းအကာသ ဂျိုလ်တုဖုံႏတာႏလဲ့ အဝ်ႏထူႏသုင်ꩻအီမွေး သိုလာပျား နဝ်ꩻသွူ။ ကဲဉ်းအာ အဝ်ႏထူႏသုင်ꩻငီꩻအာ တောမ်ႏဗဲတ်ထရီဖုံႏ နေနေသွူ။


ထူႏသုင်ꩻနယ်ꩻပုင်ႏ
[မွဉ်းဖျင် | မွဉ်းဖျင်အရွီးခိုႏ]ထူႏသုင်ꩻ သိုလာပျား (ဟဲ့ꩻ) Photovoltaics ဖုံႏတာႏ အသုင်ꩻမွေး အနယ်ꩻအပွိုင်ပုင်ႏစံႏ အဝ်ႏအာတန်သွူ။












- သုင်ꩻအီ ဂျိုလ်တုဖုံႏ တောမ်ႏ မို့ꩻလောင်း အာကာသစခန်ꩻတာႏ


ထေမာꩻသား
[မွဉ်းဖျင် | မွဉ်းဖျင်အရွီးခိုႏ]ထေမာꩻသား | ထေထန်ႏအာႏ ၂၀၁၉ (GW)[၂] |
---|---|
en:Jinko Solar | 14.2 |
en:JA Solar | 10.3 |
en:Trina Solar | 9.7 |
LONGi Solar | 9.0 |
en:Canadian Solar | 8.5 |
en:Hanwha Q Cells | 7.3 |
Risen Energy | 7.0 |
en:First Solar | 5.5 |
GCL System | 4.8 |
en:Shunfeng Photovoltaic | 4.0 |
အာႏကွိုꩻ
[မွဉ်းဖျင် | မွဉ်းဖျင်အရွီးခိုႏ]- ↑ "Are Solar Panels Affected by Weather?" (in en-US)၊ Energy Informative။
- ↑ LONGi: Who Are They And Why Do We Use Them (in en-GB) (2020-08-05)။ 5 March 2021 ကို ဒင်ႏထွူလဲဉ်း မူရင်းမော်ကွန်း။ 23 January 2025 ကို ထွားစဲစ်ချာထွူလဲဉ်း။