ဟဝ်အံႏဖြာႏခရာႏအမျိုꩻတဆီ
"ဒုတိယကထာဝတ္ထုသုတ် (ဟောဝ်အံႏဖြာႏခရာႏ အမျိုꩻတဆီ)" ရဟန်ꩻသီးဖုံႏဟွေး- အံႏဖြာႏခရာႏနဝ်ꩻ အဝ်ႏအမျိုꩻတဆီ၊ တဆီကရိုꩻနဝ်ꩻ- ၁။ သာႏသနာႏတောႏကို ရဟန်ꩻ(တပါꩻ)နဝ်ꩻ အဗွေႏနမ်းတဲ့ ထာꩻမဉ်လꩻဆေ့ꩻ၊ အောဝ်ႏဟော်ꩻအဝ်ႏဒေါ့ꩻသေႏသေႏစွဉ်ႏ ထာꩻမဉ်လꩻဆေ့ꩻအကျောင်ꩻ၊ ကွပ်နဝ်ꩻမꩻ- "ရဟန်ꩻနဝ်ꩻနဝ်ꩻ ထာꩻလိုႏဆေ့ꩻပေႏမွော့နဝ်ꩻ၊ အောဝ်ႏဟော်ꩻအဝ်ႏဒေါ့ꩻသေႏသေႏစွဉ်ႏ ထာꩻလိုႏဆေ့ꩻအကျောင်ꩻမွော့နဝ်ꩻ"ဟောဝ်အံႏဖြာႏနုဲင်းနဝ်ꩻသွူ။ ၂။ ရဟန်ꩻနဝ်ꩻနဝ်ꩻ အဗွေႏနမ်းတဲ့ ကအဝ်ႏရာꩻကွို့ꩻသꩻ၊ ကလꩻရာꩻကေႏနပ်၊ အဝ်ႏဟော်ꩻအောဝ်ႏဒေါ့ꩻသေႏသေႏစွဉ်ႏ အဝ်ႏရာꩻကွို့ꩻသꩻ-လꩻရာꩻကေႏနပ်အကျောင်ꩻ၊ ကွပ်နဝ်ꩻမꩻ-"ရဟန်ꩻနဝ်ꩻနဝ်ꩻ အဝ်ႏရာꩻကွို့ꩻသꩻ-လꩻရာꩻကေႏနပ်ဒါႏမွော့နဝ်၊ အဝ်ႏဟော်ꩻအဝ်ႏဒေါ့ꩻသေႏသေႏ အဝ်ႏရာꩻကွို့ꩻသꩻ-လꩻရာꩻကေႏနပ်အကျောင်ꩻမွော့နဝ်ꩻ"ဟောဝ်အံႏဖြာႏနုဲင်းနဝ်ꩻသွူ။ ၃။ "ရဟန်ꩻနဝ်ꩻနဝ်ꩻ အုံတေ့ꩻဒျာႏတပါꩻလွုမ်ꩻမွော့နဝ်ꩻ၊ အဝ်ႏဟော်ꩻအဝ်ႏဒေါ့ꩻသေႏသေႏစွဉ်ႏ အုံတေ့ꩻထာꩻအကျောင်ꩻမွော့နဝ်ꩻ"ဟောဝ်အံႏဖြာႏနုဲင်းနောဝ်ꩻသွူ။ ၄။ "ရဟန်ꩻနဝ်ꩻနဝ်ꩻ အုံရော်ꩻရော်ꩻရယ်ꩻရယ်ꩻတဝ်းဝင်ꩻမွော့နဝ်၊ အဝ်ႏဟော်ꩻသေႏသေႏ၊ အဝ်ႏဒေါ့ꩻသေႏသေႏစွက်ႏ အုံရော်ꩻအုံရယ်ꩻတဝ်းအကျောင်ꩻမွော့နဝ်"ဟောဝ်အံႏဖြာႏနုဲင်းနောဝ်ꩻသွူ။ ၅။ "ရဟန်ꩻနဝ်ꩻ ကုဲင်းမွေးစွဉ်ႏထာꩻ၊ မာꩻကုသိုလ်ႏကုဲင်းမွေးစွဉ်ႏထာꩻ၊ အားထွုတ်တရာꩻ ကုဲင်းမွေးစွဉ်ႏထာꩻမွော့နဝ်ꩻ၊ အဝ်ႏဟော်ꩻအဝ်ႏဒေါ့ꩻသေႏသေႏစွဉ်ႏ ထာꩻကုဲင်းခရာႏ၊ အဝ်ႏဟော်ꩻအဝ်ႏဒေါ့ꩻသေႏသေႏစွဉ်ႏ အဝ်ႏလိုႏမာꩻကုဲင်ကုဲင်း ကုသိုလ်ႏတရာꩻ၊ အောဝ်ႏဟော်ꩻအဝ်ႏဒေါ့ꩻသေႏသေႏစွဉ်ႏ အဝ်ႏလိုႏအားထွုတ်ကုဲင်းကုဲင်းတရာꩻအကျောင်ꩻမွော့နဝ်ꩻ"ဟောဝ်အံႏဖြာႏနုဲင်းနောဝ်ꩻသွူ။ ၆။ "ရဟန်ꩻနဝ်ꩻနဝ်ꩻ သီႏလဗွေဟဝ်ငါႏ၊ သီႏလစင်ကြောင်းဟောဝ်ငါႏ၊ အဝ်ႏဟော်ꩻအဝ်ႏဒေါ့ꩻသေႏသေႏစွဉ်ႏ သီႏလယံကဗွေခရာႏ၊ အဝ်ႏဟော်ꩻအဝ်ႏဒေါ့ꩻသေႏသေႏစွဉ်ႏ သီႏလယံကဗွေခရာႏ၊ အဝ်ႏဟော်ꩻအဝ်ႏဒေါ့ꩻသေႏသေႏစွဉ်ႏ သီႏလယံကြောင်းစင်အကျောင်ꩻမွော့နဝ်ꩻ"ဟောဝ်အံႏဖြာႏနုဲင်းနောဝ်ꩻသွူ။ ၇။ "ရဟန်ꩻနဝ်ꩻနဝ်ꩻ သမာဓိဟောဝ်ငါႏ၊ အသꩻစွူဟောဝ်ငါႏမွော့နဝ်ꩻ၊ အဝ်ႏဟော်ꩻအဝ်ႏဒေါ့ꩻသေႏသေႏစွဉ်ႏ သမာဓိခရာႏ၊ အဝ်ႏဟော်ꩻအဝ်ႏဒေါ့ꩻသေႏသေႏစွဉ်ႏ သꩻယို အဝ်ႏလိုႏစွူငါႏအကျောင်ꩻမွော့နောဝ်ꩻ"ဟောဝ်အံႏဖြာႏငါႏနုဲင်းနောဝ်ꩻသွူ။ ၈။ "ရဟန်ꩻနဝ်ꩻနဝ်ꩻ အားထွုတ်ဝိပဿနာႏတရာꩻ၊ လꩻဝိပဿနာႏဉာဏ်ႏ၊ ဗွေတွမ်ႏပညာႏမွော့နဝ်၊ အဝ်ႏဟော်ꩻအောဝ်ႏဒေါ့ꩻသေႏသေႏစွဉ်ႏ အဝ်ႏလိုႏအားထွုတ်တရာꩻခရာႏ၊ အဝ်ႏဟော်ꩻအဝ်ႏဒေါ့ꩻသေႏသေႏစွဉ်ႏ ဝိပဿနာႏဉာဏ်ႏအကျောင်ꩻမွော့နဝ်"ဟောဝ်အံႏဖြာႏနုဲင်းနဝ်ꩻသွူ။ ၉။ "ရဟန်ꩻနဝ်ꩻနဝ်ꩻ လꩻအရဟတ္တဖိုလ်ႏ၊ ထွာလဲဉ်းရဟန္တာႏပုဂ္ဂိုလ်ႏမွော့နဝ်ꩻ၊ အဝ်ႏဟော်ꩻအဝ်ႏဒေါ့ꩻသေႏသေႏစွဉ်ႏ အရဟတ္တဖိုလ်ႏအကျောင်ꩻမွော့နဝ်ꩻ"ဟောဝ်အံႏဖြာႏနုဲင်းနောဝ်ꩻသွူ။ ၁၀။ "ရဟန်ꩻနဝ်ꩻနဝ်ꩻ အနမ်းတဲ့ ဆင်ႏချင်ႏဒါႏ အရဟတ္တဖိုလ်ႏ၊ အောဝ်ႏဟော်ꩻအဝ်ႏဒေါ့ꩻသေႏသေႏစွဉ်ႏ ဆင်ႏချင်ႏအရဟတ္တဖိုလ်ႏအကျောင်ꩻမွော့နဝ်"ဟောဝ်အံႏဖြာႏနုဲင်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဒသကနိပါတ်၊ ဒုတိယကထာဝတ္ထုသုတ်)[၁][၂]