အဲ့ဖ်–၁၁၇ နုဲတ်ဟော့ခ်

F-117 Nighthawk
General information
အစွိုးအမျိုꩻ	ရေဒါထာꩻထီႏကွင်ꩻ ပွုံႏယောင်ꩻဟေ့ꩻ တွိုက်ꩻသင်္ဘောꩻကွင်ႏ
ထေမာꩻသား	လော့ခ်ဟိ ကော်ပိုရေးရှင်း လော့ခ်ဟိမာတင်
သမဲင်ꩻ
ဖေႏသေငါꩻစလိုꩻအာနီꩻ	၁၅ အောက်တိုဘာလ ၁၉၈၃

လော့ခ်ဟိ အက်ဖ်-၁၁၇ နိုက်ဟော့ခ်နဝ်ꩻ အမေႏရိကန်ႏတလီꩻစခန်ꩻယိုမꩻ အွိုးအစကသွုံꩻလွေꩻဒါႏ လိုꩻတဖြာꩻထွုမ်း ဒပ်အဲဥ်ဂျင်-၂ဖြုံႏ အဝ်ႏထာꩻထီႏကွင်ꩻယို ဆွမ်ꩻထွားသမ်းယပ်ꩻငါႏတဲင် ရေဒါလဲင်ꩻပွုံႏယောင်ꩻဟေ့ꩻ ဟံႏတလင်ꩻလောင်းတွိုက်ꩻခꩻရေꩻ သင်္ဘောꩻကွင်ႏနဝ်ꩻသွူ။ F117-A နဝ်ꩻ ၁၉၈၁ ဗာႏယို ပထမရီးသွတ်ꩻထွာအလဲင်ႏတာ ကျောင်ႏဝုဲင်းထွူတဲင် ၁၉၈၃ဗာႏ အောက်တိုဘာလာကို အရီးသွတ်ꩻစစ ကသွုံꩻနွောင်ꩻဒါႏအခေႏနေႏ တွိုႏထင်ႏလွေꩻသွူ။ F-117A တယ်ႏထွင်ႏမုယို ၁၉၈၈ နိုဝင်ဘာလာကို ကေႏငျာႏလွေꩻကမ္ဘာႏတန်လောင်းသွူ။

လော့ခ်ဟိ စကန့်ခ် ဝေါ့ခ် (Lockheed Skunk Works) ကထေထန်ႏဒါႏ သင်္ဘောꩻကွင်ႏနဝ်ꩻ အသွုံꩻတွမ်ႏအနယ်ရေဒါလဲင်ꩻအတွိုင်ꩻတဲင် အရီးသွတ်ꩻကသွုံꩻတယ်ႏထွင်ႏခါꩻဒါႏ တွိုက်ꩻတလီꩻကွင်ႏနဝ်ꩻသွူ။ F117-A ယို ၁၉၉၁ဗာႏ ပါရှန်း ပင်ႏလယ်ႏတကောင်ႏစဲ့ꩻပွယ်ꩻ အကို လိုꩻသေအာလွဉ်ကသွုံꩻလွေꩻနဝ်ꩻစားသွူ။အထွာတွိုက်ꩻခꩻအီဟံႏတလင်ꩻလောင်းခန်းလဲ့ ကိဉ်းအာကဟဲ့ꩻရောင်အမိဥ်ꩻနဝ်ꩻ Stealth Fighter ဒျာႏသွူ။

အမေရိကန်ႏတလီꩻစခန်ꩻယို F-117 ကသွုံꩻလွေꩻယိုစားနဝ်ꩻ ၂၀၀၈ ဗာႏ ဧပြီလ ၂၂ နီꩻနဝ်ꩻ အွဥ်ႏဆွိုးထိုꩻသွူ။ အကျောင်ꩻခရာႏနဝ်ꩻ အက်ဖ်-၂၂ ရက်ပ်တာ ယို ကွပ်စငါသွုံꩻစမ်ꩻတဲင် အက်ဖ်-၃၅ လိုက်တနင်း ၂ ယို အီႏသွုံꩻလွေꩻသွူအကျောင်ꩻဒျာႏသွူ။