အာနန္ဒသဌေꩻစေꩻ
"အာနန္ဒသဌေꩻစေꩻဝတ္ထု" ဖေႏအပိုခိုဩဝါဒနုဲင်းယို (၁) ပိုခိုဟွေး- နုဲင်းလယ်ႏကွို့ꩻ တခြိုꩻကုဋေႏလစ်ꩻဆီပေႏယိုနဝ်ꩻ 'အာနာႏလဲဉ်း'ထင်းမွိုန်းနုဲင်းနောဝ်ꩻ၊ (၂) တခြိုꩻအောဝ်ႏသွူစူကိုနုဲင်းယိုနဝ်ꩻ အဝ်ႏလိုႏလူႏတန်ꩻတဝ်း (လူꩻတန်ꩻမွိုန်းတောဝ်း)၊ (၃) ထုမ်ႏရွမ်တိတ်ꩻတိတ်ꩻထဲင်းဗာႏ (၄) ပေါႏမာꩻယွမ်ꩻတဗီႏတဲ့ တဗီႏတာႏ ယွမ်ꩻထိုꩻလဲဉ်း (၅) ထွားရွမ်နုဲင်းဗာႏ ဖီးအွာ၊ တမူ တဝတ်ꩻသူꩻ-ဖေႏဩဝါဒနုဲင်းနောဝ်ꩻ။
၆၂။ ဂါႏထာႏ ပြန်ႏပအိုဝ်ႏခြေင်ခြေင်- ခွေပိုအောဝ်ႏ၊ ခွေတခြိုꩻအောဝ်ႏ၊ လိုꩻမွိုက်နဝ်ꩻ သꩻကိုခံႏထူႏ ယူႏနုဲင်းယိုတဲင် တခြိုꩻတွမ်ႏပို သꩻကိုခံႏထူႏ ကယူႏနုဲင်းယိုတဲ့ အနမ်းသွူမဉ်ႏတဲ့ အီလွေꩻငါသား ဖြားဆားမူႏခို အဲဉ်ထောဝ်းဖိုရင်ꩻရင်ꩻ၊ ပိုထဲင်းဟ အီႏမာꩻနုဲင်းမုဲင်ꩻအီလွေꩻ၊ အီလွေꩻနွောင်ꩻသား စောင်းမားအဝ်ႏနဲ့၊ တခြိုꩻထဲင်းဟ အီႏမာꩻနုဲင်းမုဲင်ꩻအီလွေꩻ၊ အီလွေꩻနွောင်ꩻသား စောင်းမားအောဝ်ႏနဲ့။
"လꩻဗဟုသုတ၊ လꩻအီသတိꩻနုဲင်းယို" ဟော်ꩻထွားသွဉ်လွ အာနန္ဒသဌေꩻစေꩻဝတ္ထုယိုတဲင်-
၁။ သꩻကိုစွယ်ꩻလမ်ꩻ ပိုမာနဝ်ꩻ ဆင်ꩻရယ်ꩻဒုက္ခခြေင်လွုမ်ꩻအကျောင်ꩻ၊
၂။ မဉ်ႏသီတနီꩻခါ ပိုမာဥစ္စာႏ အီလွေꩻပါ တဒါႏတောဝ်းအကျောင်ꩻ၊
၃။ ပေါႏလူႏတဝ်းသားနဝ်ꩻ ဆင်ꩻရယ်ꩻဒုက္ခ အံႏမဒါႏထာꩻအကျောင်ꩻ၊
၄။ ထုမ်ႏတဲ့ထုမ်ႏ၊ ထူႏတဲ့ထူႏ၊ လူႏတဲ့လူႏ၊ ခိုမူႏစွုမ်ႏဖြာꩻ၊ မာꩻသေꩻကုသိုလ်ႏမꩻ ဘဝယို ဘဝငါ ထွာအီထာꩻချမ်ꩻသာႏအကျောင်ꩻ-စတဲင်နုဲင်းနဝ်ꩻ သေထွꩻ လꩻအီသတိꩻအာတန်သွူ။[၁][၂][၃]