အီလက်ထရွန်းနစ် အိဉ်စိဉ်နီယာ
အီလက်ထရွန်းနစ် အိဉ်စိဉ်နီယာပညာႏ (အိန်းကလေတ်: Electronic Engineering) (မန်း: အီလက်ထရွန်းနစ် အင်ဂျင်နီယာပညာရပ်) ကရိုꩻနဝ်ꩻ ထွာဒျာႏ အိဉ်စိဉ်နီယာနယ်ꩻပညာႏတမျိုꩻတဲင် ထူႏသွုံꩻဒါႏ မေႏတျာႏတွမ်ႏသန်လဲက်ဓာတ် နိယာမဖုံႏ ပညာႏတဗာႏဒျာႏသွူ။ အီလက်ထရွန်းနစ်အင်ဂျင်နီယာပညာႏနဝ်ꩻ ဆွိုက်စပ်လွေꩻတွမ်ႏ ထူႏသွုံꩻ ရေဒီယိုလဲင်း၊ ထေမာꩻ အီလက်ထရွန်းနစ်ဆားကစ်ဒီသုဲင်းဖုံႏ၊ ကွန်ပျူတာစနစ် အပွိုင်ပွုံႏဒီသုဲင်းဖုံႏ၊ ထာꩻကျောင်ႏ(သင်ဖော်ꩻကျောင်ႏ) တလိုႏတဝ်းကေားဝါးသား (မောင်းသူမဲ့လေယာဉ်ပျံ)ဖုံႏ၊ တွမ်ႏ Embedded systemစနစ်တဲင် ထိန်ꩻချုတ်ရေꩻစနစ် ထင်ႏထိုရေꩻ စတဲင်ထာꩻမာꩻတန်ဖုံႏ နဝ်ꩻသွူ။ 'အီလက်ထရွန်းနစ် အင်ဂျင်နီယာ' ကရိုꩻဒါႏ ဝေါႏဟာရယို နေင်ႏ ၁၉၅၀ ဗာႏ ထွိုင်ႏဆုဲင်ꩻနဝ်ꩻ တယ်ႏစတွင်ꩻပေါႏပေါက်ထန်ႏလွဉ်လဲဉ်ႏသွူ။ ဒုတိယကမ္ဘာႏစဲ့ꩻ တတွိုႏတဝ်းဒွိုန်းခိန်ႏတွင်ꩻ အီလက်ထရွန်းနစ်အင်ဂျင်နီယာပညာႏဖဲ့ꩻယို လိုꩻကသေအာနဝ်ꩻ ထွာဒျာႏ ရေဒီယိုအင်ဂျင်နီယာပညာႏ နုဲင်းနဝ်ꩻသွူ။ မော့ꩻနဝ်ꩻအခိန်ႏ တက္ကသိုလ်ႏတဗာႏယိုလဲ့ ရူပဗေဒဘွဲ့အတာႏ အဝ်ႏသွဉ်ထူႏ ရေဒီယိုအင်ဂျင်နီယာပညာႏဖဲ့ꩻ နဝ်ꩻသွူ။
ဆုဲင်ꩻနဝ်ꩻသမ်းတယ်ႏထွင်ႏရောင်ယင်း အီလက်ထရွန်နစ် စက်ကိရိယာႏအလင်ဖုံႏတဲင်တွော့ꩻ ရေဒါ၊ ထာꩻရွုတ်မွန်၊ အငဝ်းစနစ်၊ Hi-Fi တွမ်ႏ ကွန်ပျူတာ၊ မုဲက်ခရိုပရိုသဲက်သာ ဖုံႏတဲ့ ပါလွဉ်သွူ။ ၁၉၅၀ ဗာႏနေင်ႏ အထာႏဝတွမ်ႏဆုဲင်ꩻလားအခိန်ႏနဝ် 'ရေဒီယိုအင်ဂျင်နီယာ ကရိုꩻဒါႏကဒေါ့ꩻရောင် 'အီလက်ထရွန်းနစ်အင်ဂျင်နီယာ'ပြောင်ꩻလွေꩻအမဉ်ꩻယွꩻယွꩻသာႏသာႏတဲင် ထွာတေားပညာႏဘွဲ့ခေါခေါတဗာႏသွူ။ အင်ဂျင်နီယာဖုံႏ ရူပဗေဒ တွမ်ႏ သင်္ချာ ပညာႏဖုံႏယို ထောင်ထွားဗာႏထွူမꩻ ဖေႏကသေနာႏဝွေသီးစနစ်တဖဲ့ꩻ တွမ်ႏဖေႏကယံလွဉ်နဝ် ထွာအစွဲးအကမ်းနေနေသွူ။ ခေတ်ဟန်ႏသနီꩻတဲ့ အင်ဂျင်နီယာထာꩻမာကိဉ်းအာနဝ်ꩻ ကွန်ပျူတာ အီလက်ထရွန်းနစ် စနစ်ဖုံႏယို ထေဒီသိုင်းဖုံႏတွမ်ႏ ကွန်ပျူတာအနယ်ꩻပညာႏအစွဲးအကမ်းနေးတဲင် သွုံꩻလွနဝ်ꩻစားသွူ။ အီလက်ထရွန်နစ် အင်ဂျင်နီယာယဟန်ႏနဝ်ꩻ စက်ရုပ်နယ်ႏပညာႏဖဲ့ꩻနဝ်ꩻ မာꩻရောင်ထာꩻမာꩻဖုံႏသွူ။