အုံလမ်းအုံဗာႏချမ်ꩻသာႏလစ်ꩻမျိုꩻ

အဝ်ႏ ဝီခီပီးဒီးယား ကို

"အာနဏျသုတ် (အုံလမ်းအုံပါႏ ချမ်ꩻသာႏလစ်ꩻမျိုꩻ)" နီဗွေႏဘုရာꩻဟော်ꩻဖေႏ အနာႏထပိဏ်ႏသဌေꩻ တရာꩻနုဲင်းယို- ကျောင်ꩻတကာႏဟွေး- အုံလမ်းအုံပါႏ နုဲင်းတကာႏသီးနဝ်ꩻ ထွိုက်ရာꩻခိန်ႏခါႏ ချမ်ꩻသာႏအဝ်ႏလစ်ꩻမျိုꩻ၊ လစ်ꩻမျိုꩻကရိုꩻနဝ်ꩻ- ၁။ အတ္ထိ သုခံ - အောဝ်ႏအာချမ်ꩻသာႏ ၂။ ဘောဂ သုခံ - အံႏအွꩻဗာႏချမ်ꩻသာႏ ၃။ အာနဏျ သုခံ - နီးခန်အဲဉ်ထဝ်းချမ်ꩻသာႏ ၄။ အနဝဇ္ဇ သုခံ - အပဲ့စ်အဲဉ်ထဝ်းချမ်ꩻသာႏ ထွိုက်ရာꩻခိန်ႏခါႏ ချမ်ꩻသာႏအဝ်ႏလစ်ꩻမျိုꩻ နုဲင်းနောဝ်ꩻသွူ။ ကျောင်ꩻတကာႏဟွေး- ၁။ 'အဝ်ႏအာချမ်ꩻသာႏ'ကရိုꩻနဝ်ꩻ နုဲင်းမုဲင်ꩻနဲတဲင်- လောကကိုယို လိုꩻခိုတဖြာꩻနဝ်ꩻ ကွိုꩻဒျာႏစူဗောင်အာႏ၊ တသိုꩻရီႏရာႏမွေးမုဲင်း၊ လိုꩻကုဲင်းလိုꩻရိုꩻသာꩻ၊ နေးထာꩻတရာꩻလꩻလွဉ်၊ ရွဉ်ခံꩻတခြိုꩻ၊ ဝွေꩻရိုꩻ- ခွေကလꩻလွဉ် ရွဉ်ခံꩻတခြိုꩻ အမျိုꩻမျိုꩻယိုနဝ်ꩻ 'ဓမ္မိကာ-နေးတွမ်ႏတရာꩻ၊ ဓမ္မလဒ္ဓါ-လꩻတရာꩻရာꩻဒျာႏ'ဝွေꩻယူႏနုဲင်းနဝ်ꩻတဲင် သꩻချမ်ꩻသာႏ၊ လꩻချမ်ꩻသာႏ၊ သꩻရေꩻ၊ နဝ်ꩻနဝ်ꩻ 'အဝ်ႏအာချမ်ꩻသာႏ'နောဝ်ꩻသွူ။

ကျောင်ꩻတကာႏဟွေး- ၂။ 'အံႏအွꩻဗာႏချမ်ꩻသာႏ'ကရိုꩻနဝ်ꩻ နုဲင်းမုဲင်ꩻနဲတဲင်- လောကကိုယို လိုꩻခိုတဖြာꩻနဝ်ꩻ ကွိုꩻဒျာႏစူဗောင်အာႏ၊ တသိုꩻရီႏရာႏမွေးမုဲင်း၊ လိုꩻကုဲင်းလိုꩻရိုꩻသာꩻ၊ နေးထာꩻတရာꩻလꩻလွဉ်၊ ရွဉ်ခံꩻတခြိုꩻ၊ ဝွေꩻရိုꩻ- ခွေကလꩻလွဉ် ရွဉ်ခံꩻတခြိုꩻ အမျိုꩻမျိုꩻယိုနဝ်ꩻ 'ဓမ္မိကာ-နေးတွမ်ႏတရာꩻ၊ ဓမ္မလဒ္ဓါ-လꩻတရာꩻရာꩻဒျာႏ၊ အံႏအွꩻဗာႏလိုမ်းလိုမ်း၊ လူႏဗာႏတန်ꩻဗာႏ'ဝွေꩻယူႏနုဲင်းနဝ်ꩻတဲင် သꩻချမ်ꩻသာႏ၊ လꩻချမ်ꩻသာႏ၊ သꩻရေꩻ၊ နဝ်ꩻနဝ်ꩻ 'အံႏအွꩻဗာႏချမ်ꩻသာႏ'နောဝ်ꩻသွူ။

ကျောင်ꩻတကာႏဟွေး- ၃။ 'နီးခန်အဲဉ်ထဝ်းချမ်ꩻသာႏ'ကရိုꩻနဝ်ꩻ နုဲင်းမုဲင်ꩻနဲတဲင်- လောကကိုယို လိုꩻခိုတဖြာꩻနဝ်ꩻ ကွပ်လွꩻတဝ်း၊ ပွိုးကုဲင်းငါႏတွော့ꩻ ရွဉ်ခံꩻအဝ်ႏအာ၊ ကွီကူး ကွီငါးဗာႏတဝ်းဝင်ꩻ၊ နီးခန်ကင်ꩻ၊ ဆေ့ꩻဆေ့ꩻတဲ့ယဝ်း၊ အာအာတဲ့ယဝ်း လိုႏဖေႏပါꩻအဲဉ်ထဝ်း 'ပါꩻလွဉ်ကွီခွေနီး-ပါꩻလွဉ်ယီးခွေခန် အဲဉ်ထဝ်းတဖြာꩻဖြာꩻ၊ အဲဉ်ထဝ်းလာꩻလာꩻဟွေး'ဝွေꩻယူႏနုဲင်းနဝ်ꩻ သꩻချမ်ꩻသာႏ၊ လꩻချမ်ꩻသာႏ၊ သꩻရေꩻ၊ နဝ်ꩻနဝ်ꩻ 'နီးခန်အဲဉ်ထဝ်းချမ်ꩻသာႏ'နောဝ်ꩻသွူ။

ကျောင်ꩻတကာႏဟွေး- ၄။ 'အပဲ့စ်အဲဉ်ထဝ်းချမ်ꩻသာႏ'ကရိုꩻနဝ်ꩻ နုဲင်းမုဲင်ꩻနဲတဲင်- လောကကိုယို လိုꩻခိုတဖြာꩻနဝ်ꩻ နမ်းထာꩻမာꩻမာႏ ကာယကံႏ-အပဲ့စ် အဲဉ်ထဝ်း၊ ဖြောင်းဒေါ့ꩻမာႏ ဝစီꩻကံႏ-အပဲ့စ် အဲဉ်ထဝ်း၊ သꩻထာꩻယူႏမာႏ မနော်ꩻကံႏ-အပဲစ် အဲဉ်ထဝ်းတဲင် သꩻချမ်ꩻသာႏ၊ လꩻချမ်ꩻသာႏ၊ သꩻရေꩻ၊ နဝ်ꩻနဝ်ꩻ 'အပဲ့စ်အဲဉ်ထဝ်းချမ်ꩻသာႏ'နောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ အာနဏျသုတ်)[၁][၂]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၁၃၄)