၃၁-ဘွုံႏ

နုဲင်း သြကာသလောႏကကို သတ္တဝါႏသီးဖုံႏကအုံအဝ်ႏဒါႏဘွုံႏဌာႏနနဝ်ꩻ အဝ်ႏ ၃၁ ဘွုံႏသွူ။

အွဉ်ႏနယ် ၃၁ ဘွုံႏပုင်ႏ အိင်းဂလေတ်ဘာႏသာႏ

၃၁-ဘွုံႏ

ငဝ်းဖရာꩻ ကဲဥ်းအာအာအကို တွမ်ႏ ဝွေႏအမျဖုံႏကို ဘွုံႏနဝ်ꩻ အဝ်ႏပါသော့ꩻ ၃၁ ဘွုံႏ ကဲဥ်အာနဝ်ꩻသွူ။ ကွယ်းတဲင်တွော့ꩻ ခွိုင်းဝွို့တွမ်ႏ ၃၁ ဘွုံႏတဲင် ဖလွိုးသေပရီႏပရာႏနေး သေသေႏသေႏချာႏချာႏမꩻ အကျိုꩻပေါင်အာနဝ်ꩻသွူ။ နုဲင်း သြကာသလောႏကကို သတ္တဝါႏဖုံႏသီးကအုံအဝ်ႏဒါႏဘွုံႏဌာနနဝ်ꩻ အဝ်ႏ ၃၁ ဘွုံႏသွူ။ ဗြဟ္မာႏဘွုံႏ နီဆီ၊ လူꩻခမ်း သူဘွုံႏ၊ လိုꩻဘွုံႏ တာ ဘွုံႏ၊ အပါယ်ႏ လစ်ꩻဘွုံႏဖုံႏနဝ်ꩻသွူ။ နုဲင်းသွံဆီပုဲင်တဘွုံႏကရိုꩻဒါႏ သြကာသလောႏကတန်နဝ်ꩻ ထွာဒျာႏ အာသဝေါဖုံႏ ကလို့ကြောင်းဒါႏ ရဟန္တာႏမိဥ်ꩻတထွာဒွိုန်းနဝ်ꩻ ကီကီလလ အီႏကျင်ႏလယ်ႏဗာႏနေက ဘွုံႏဌာနတန်ဒျာႏသွူ။

ယီးနယ်ဗာႏတွမ်ႏ ဗွေႏမျတ်ဖရာꩻ ကဟောꩻခါꩻဒါႏ နခသိခသုတ်ယိုတဲင် အဝ်ႏလိုꩻဘွုံႏ မိဥ်ꩻကုဲင်ထိုꩻတဲင် ကကုဲင်ထိုꩻလဲဥ်းဒါႏလိုꩻဖုံႏအကို ကသဲင်ꩻတွိုႏလွဥ်ချာ လိုꩻခမ်းနဝ်ꩻ အဝ်ႏလဲ့ကွို့ꩻ ဗွေႏမျတ်ဖရာꩻစူမီꩻမော့လွုမ်ꩻတဲင် လိုꩻကထဲ့လင်ꩻဒါႏ အပါယ်ႏလစ်ꩻခမ်းကိုနဝ်ꩻ အဝ်ႏစွဥ်ႏ ဂင်္ဂါခြောင်ꩻဖင်ႏဖဲ့ကအဝ်ႏဒါႏ ဟံႏဖွန်ႏပမာဏနဝ်ꩻသွူ။ အဝ်ႏလိုꩻခမ်း ကုဲင်သီထွူတဲင် သဲင်ꩻထွာချာꩻလိုꩻ ပမာဏတွမ်ႏ ကထဲ့လင်ꩻဒါႏ အပါယ်ႏလစ်ꩻခမ်းသူꩻ ပမာဏနဝ်ꩻ တဲက်တွိုင်ꩻနေးတလꩻဒွုမ်တဲင် ကွာႏညာꩻငါႏနဝ်ꩻသွူ။ လိုꩻသီကုဲင်ထိုꩻတရေင်တဲင် တဖြာꩻဖြာꩻငါ အီႏသဲင်ꩻထွာငါလိုꩻလဲ့ တယိုꩻလꩻတဝ်းသွူ။ ဗျဟ္မာႏဘွုံႏ နီဆီ

ရူပဗျဟ္မာႏဘွုံႏ- ၁၆ဘွုံႏ

ပဌမစျာန်ႏ ၃ ဘွုံႏ

• ၁။ဗြဟ္မာပါရိသဇ္ဇာ
• ၂။ဗြဟ္မပုရောဟိတာ
• ၃။မဟာဗြဟ္မာ

ဒုတိယစျာန်ႏ ၃ဘွုံႏ

• ၁။ပရိတ္တာဘာ၊
• ၂။အပ္ပမာဏာဘာ၊
• ၃။အာဘဿရာ၊

တတိယစျာန်ႏ ၃ ဘွုံႏ

• ၁။ပရိတ္တသုဘာ၊
• ၂။အပ္ပမာဏသုဘာ၊
• ၃။သုဘကိဏှာ

စတုတ္ထစျာန်ႏ ၇ ဘွုံႏ

• ၁။ဝေဟပ္ဖိုလ်၊
• ၂။အသညသတ္တာ၊ (ရူပ အဝ်ႏကွို့ꩻ (ရွုတ်)လွုမ်ꩻတဲင် သညာ(နာမ်ႏ) အဲဥ်ထဝ်း ဗြဟ္မာဘွုံႏ
• ၃။အဝိဟာ၊
• ၄။အတပ္ပါ
• ၅။သုဒဿာ၊
• ၆။သုဒဿီ၊
• ၇။အကနိဌာ။

အရူပ ၄ ဘွုံႏ

• ၁။အာကာသာနဥ္ဇာယတန
• ၂။ဝိဉာနဥ္ဇာယတန
• ၃။အကိဉ္စညာယတန
• ၄။နေဝသညာနာသညာယတန

လူꩻခမ်း သူဘွုံႏ

• ၁။စတုမဟာရာဇ်၊
• ၂။တာဝတိံသာ၊
• ၃။ယာမာ၊
• ၄။တုသိတာ၊
• ၅။နိမ္မာနရတိ၊
• ၆။ပရနိမ္မိတဝသဝတ္တီ။

လိုꩻခမ်း တဘွုံႏ

• လိုꩻခမ်း

အပါယ်ႏ လစ်ꩻဘွုံႏ

• ၁။တိရစ္ဆာန်ႏ
• ၂။ပြိတ္တာႏ
• ၃။အသူႏရာကာယ်ႏ
• ၄။ငရုဲင်ꩻ

အာႏကွိုꩻ

ဗုဒ္ဓဘာႏသာႏ