.COM ဖုဲင်
| COM | |
|---|---|
| ဖုဲင်မိဉ်ꩻအလုဲင်း | .COM |
| အိဉ်တာနဲတ်မီဒီယာ အစွိုးအမျိုꩻ | application/x-dosexec |
| Magic အမုဲင် | None or 4D 5A (MZ in en:ASCII) |
| ဖောမတ်အစွိုးအမျိုꩻ | en:Executable |
| ခြဲ့ꩻလုဲင်းလွေꩻ | en:DOS MZ executable |
COM ဖုဲင် (အိန်းကလေတ်: .COM file) ကရိုꩻနဝ်ꩻ ယိုꩻယိုꩻသျင်ꩻသျင်ꩻပုင်ႏစံႏအဝ်ႏထွူတကာႏတဝ်း အွောန်ႏထွော့ခါဒါႏ ထေင်းထမ်ႏချက် နဝ်ꩻအတွိုင်ꩻ မာꩻနွောင်ꩻဖေႏ ဖုဲင်တမျိုꩻဒျာႏသွူ။ မဲဉ်ရိုꩻဒျာႏ ကွန်ပျုတာစက် တꩻပိဉ်ꩻခူစနေတ်ကို ချꩻဖေႏနွောင်ꩻအမိန်း ဖုဲင်တဗာႏဆချာအကျောင်ꩻဆွိုက် အစူအဗာႏ အခြပ်အရဲဉ်ႏကပါသော့ꩻဒါႏ (ယင်းတမျိုꩻ) အဝ်ႏကွန်ပျူတာစက်တꩻပိဉ်ꩻခူစနေတ်ကို ဟဲ့ꩻထူႏခွုမ်မာꩻအီနွောင်ꩻနဝ်ꩻ သေနာႏဒျာႏ ဖုဲင်တမျိုꩻသွူ။[၁] ပွိုင်းလဲင်ႏခါခေတ်နဝ်ꩻ အဓိကသုင်ꩻအာဒျာႏ en:MS-DOSကိုသွူ။ ထွိုင်ႏတွိုႏလွဉ်ဆုဲင်ꩻခါယို အွဉ်ႏကုဲင် .COM တဲင် သွုံꩻလွဉ်တောႏဒျာႏ .exe နဝ်ꩻသွူ။
မိုက်ခရိုဖ်ဆော့ ဘုဲင်နရီပုင်ႏစံႏ
[မွဉ်းဖျင် | မွဉ်းဖျင်အရွီးခိုႏ]COM ဖုဲင်ယိုနဝ်ꩻ en:CP/M တွမ်ႏ MS-DOS သီးကသွုံꩻဒါႏ ဘုဲင်နရီအစဲဉ်ႏအလꩻထေင်းထမ်ႏ ဖေႏနွောင်ꩻဒျာႏ ဖုဲင်တမျိုꩻသွူ။ နုဲင်းနဝ်ꩻထွူ ထာꩻမာꩻကွိုင်ꩻအကို အွောန်ႏထွော့ခါꩻ အဝ်ႏလိုႏထေင်ႏထမ်ႏဒါႏ ကုဒ်တွမ်ႏအစူအဗာႏလွုမ်ꩻ အဝ်ႏကုဲင်အစူအဗာႏ အလောင်းအလင်ꩻပါသွော့ꩻတဝ်းသွူ။ ဘုဲင်နာရီ စနိတ်နဝ်ꩻ အအာသွတ်ꩻ သုင်ꩻတွိုႏလꩻနွောင်ꩻအီကွို့ꩻ ၆၅၂၈၀(FFooh)တဲင် ကုဒ် တွမ်ႏ အစူအဗာႏ ဖုံႏယို သိမ်ꩻဟောဝ်နွောင်ꩻလွဉ် အွောန်ႏထွော့ꩻခါꩻ အတွိုင်ꩻသွူ။ ကွပ်ပွိုးစွဉ်ႏ ခင်ႏလမ်းလွစ်ခြေင်ဆေ့ꩻ တောမ်ႏ အွောန်ႏချဖေႏဖုဲင်အတာႏ ခင်ႏလမ်းအနယ်ꩻစနိတ် တသာမော့ꩻရီးတဝ်းဒွိုန်းတဲင် အွဉ်ႏပုင်ႏသီဒျာႏ ကအွဉ်ႏထွော့ခါꩻခင်ႏလမ်ႏကိုတွော့ꩻ အောဝ်ႏကွန်ပျူတာစက် တꩻပိန်ꩻခူစနိတ်ကို တယ်ႏထေင်းထမ်ႏစသွူထာမာꩻလဲ့ ဖေႏဟဲ့ꩻထူႏခွုမ်မာꩻအီနွောင်ꩻအတာႏ ရဲဉ်ꩻခြပ်ခါꩻဗာႏနဝ်ꩻသွူ။
ထောက်ကမ်းဖေႏ .COM တွမ်ႏ .COM အန္တရာယ်ႏ
[မွဉ်းဖျင် | မွဉ်းဖျင်အရွီးခိုႏ]ဆုဲင်ꩻယိုခါနဝ်ꩻ .COM ဖုဲင်ယို ခွုမ်မာꩻအီနွောင်ꩻ တွိုႏစွဉ်ႏ en:Window NT မာꩻခင်ႏအိုင် ပလက်ဖေါင်းကိုသွူ။ ကွယ်ႏတဲင်တွော့ꩻ ဆွန်ꩻစူခွုမ်မာꩻအီနွောင်ꩻဒျာႏတွမ်ႏ MS-DOS စနေတ်နဝ်ꩻသွူ။ .COM ကို ကရီးခါ ခွုမ်မာꩻထွူလဲဉ်းဒါႏ ဖုဲင်ယင်ဟန်ႏယို ဖေႏနေႏဟဲ့ꩻထူႏ ခွုမ်မာꩻအီနွောင်ꩻယင်းတလဲင်ႏနဝ်ꩻသွူ။ ကတဲမ်းထွို့ꩻဒါႏ ဗုဲင်းရတ်သ်ပုဂ္ဂိုလ်ႏယင်ဟန်ႏသားနဝ်ꩻ ဝွေꩻသီး ဗုဲင်းရတ်သ်ယို ဝဲက်အဆွိုက်ကထွာဒါႏ ဗွိုန်ပီနုဲင်း .com ယို ထင်းမွိုꩻထင်းမာႏ တွိုက်နက်မုဖေႏကထွာတဲင် အဝ်ႏခွုမ်မာꩻဗာႏဖိုသွူ။ ကွဲးတွော့ꩻယိုခါခါ .COM နဝ်ꩻ နမ်းပဲင်ႏထေင်းထမ်ႏမာꩻနွောင်ꩻ အစွန်ꩻအဝ်ႏတောဝ်းဒွုမ်းတဲင် ဖေႏနွောင်ꩻတဝ်း အန္တရာယ်ႏသွူ။