Lockheed YF-22
| YF-22 | |
|---|---|
 ထီႏဗာႏ အဝ်ႏဝါးစမ်ꩻ YF-22 တဆွိုင်ꩻကျာꩻ | |
| အချက်အလျက်အစွိုးအဒဝ်ႏ | |
| အစွိုးအမျိုꩻ | Stealth fighter prototype Technology demonstrator |
| မူလခမ်းထီ | အမေႏရိကန်ႏ |
| ထေမာꩻသား | en:Lockheed Corporation / Boeing / en:General Dynamics |
| အခေႏနေႏ | အုံပဆားလဲဉ်း (Retired) |
| အဓိကသုင်ꩻသား | အမေႏရိကန်ႏတလီꩻတပ် |
| ထေမာꩻအဆွိုင်ꩻ | 2 |
| သမဲင်ꩻ | |
| ထေမာꩻ | 1989–1990 |
| ထေမာꩻထေ့လွေꩻ | Lockheed Martin F-22 Raptor |
လော့ဟိဒ် YF-22 သင်ဖော်ꩻကျောင်ႏ (အိန်းကလေတ်: Lockheed–Boeing–General Dynamics YF-22) ယိုနဝ်ꩻ ထွာဒျာႏ အမေရိကန်ႏစွိုးခွိုꩻ သုင်ꩻအီတာႏ အွဉ်ႏနယ်အီအနယ်ꩻပညာႏ (Technology Demonstrator) နမူနာႏစမ်းသပ် လေယာဉ်တဆွိုင်ꩻဒျာႏသွူ။ ဝွေꩻယိုနဝ်ꩻ လိုꩻအုံနွောင်ꩻ ခုင်ႏတဖြာꩻစီႏ (Single-seat)၊ အင်ဂျင်အဝ်ႏ နီဗာႏ (Twin-engine) တဲင် ရန်ႏသူႏရေဒါ တထီႏနွောင်ꩻတဝ်းဒါႏ Stealth တွိုက်ꩻခꩻရေꩻသင်ဖော်ꩻကျောင်ႏ (တိုက်လေယာဉ်) အမျိုꩻအသာꩻဒျာႏသွူ။
Lockheed ကထွာအဓိက တာဝွန်ႏခံႏဒါႏ ဒီသုဲင်းအစွိုꩻယိုနဝ်ꩻ အောင်ႏမျင်ႏလွဉ်ꩻ အမေႏရိကန်ႏတလီꩻတပ် (USAF) "အရန်းထို စဲ့ꩻဆင်ရေꩻ (Advanced Tactical Fighter - ATF)" ပြဲင်ႏပွယ်ꩻအကိုတဲင် နမူနာႏသင်ဖော်ꩻကျောင်ႏ နီဗာႏယို စမ်းသပ်စဲစ်ဆေꩻမုꩻအတာႏ တဲႏဆို့ꩻခါꩻဗာႏသွူ။ YF-22 အစွိုꩻယိုနဝ်ꩻ Northrop ကအွဉ်ငါဒါႏ YF-23 အစွိုꩻယို အောင်ႏနွောင်ꩻလွေꩻတဲင် အထွေထွေဒီသုဲင်းယို Lockheed Martin F-22 အနေႏ တိုꩻတက်ဖောႏဆောင်ႏလွေꩻခွင့် လꩻလဲဉ်းနဝ်ꩻသွူ။[၁] YF-22 တွမ်ႏ F-22 ဖုံႏယို လေကြောင်းဒိုင်းနမစ် (Aerodynamic) ပုံႏစံႏတွမ်ႏ အခင်းအကျင်းဖုံႏ ဗွိုန်ပီဝင်ꩻအဝ်ႏရိုꩻကီလဲ့ အနမ်းအပွိုင်ပုံႏစံႏ၊ ဝါးသင်ဖောင်ꩻကျောင်ႏသားခန်ꩻ(Cockpit) အခင်ႏလမ်း၊ အမေးအဒေ့ꩻ (Tail fins) တွမ်ႏ အဒေ့ꩻဒီသုဲင်းဖုံႏ၊ အကိုဖဲ့ꩻ အပွိုင်အဆင်တယ်ႏဆို့ꩻပုင်ႏစနစ်ဖုံႏအကိုနဝ်ꩻ ထူးချာꩻဒါႏ ကွာႏအာချက်ဖုံႏ အဝ်ႏနဝ်ꩻသွူ။
၁၉၈၀ ဗာႏနေင်ႏဖုံႏအကို အမေႏရိကန်ႏတလီꩻတပ် (USAF) နဝ်ꩻ ဖေႏကခေးနွောင်ꩻ သိုဗီယက်သီး ကထေဒါႏ အရန်းထို Su-27 တွမ်ႏ MiG-29 တွိုက်ꩻခꩻရေꩻသင်ဖော်ꩻကျောင်ႏဖုံႏယိုအတာႏ ထွာဒျာႏ အစားထိုးလေယာဉ်အလွုမ်းတဗာႏယို ထုမ်ႏစမ်းလွဉ်ဗာႏသွူ။ ကုမ္ပဏီႏအာတန်အကို Lockheed တွမ်ႏ Northrop သီး အစွိုꩻနီစွိုꩻယို အောင်ႏမျင်ႏလွဉ်တဲင် အအွဉ်ႏနယ်အီစွန်ꩻထီ အရန်းရန်းဖိုင်ႏ (Demonstration/Validation) ထွာလွဉ်ဗာႏသွူ။ Northrop အစွိုꩻနဝ်ꩻ McDonnell Douglas တွမ်ႏ ပေါင်းစပ်တဲင် **YF-23** ယို တဲႏဆို့ꩻခါꩻသွူ။ Lockheed အစွိုꩻ၊ Boeing တွမ်ႏ General Dynamics သီး ပေါင်ꩻစပ်ဝင်ꩻတဲင် တဲႏဆို့ꩻထေလွေꩻ **YF-22** ယိုနဝ်ႏသွူ။ YF-22 နဝ်ꩻ အမွိုင်အာႏ ဆေ့ꩻကယ်ꩻ YF-23 တဲင် ရေဒါထီႏနွောင်ꩻဒါႏ ဧရိယာႏ (Radar cross-section) တန်ကယ်ꩻလဲ့၊ လေယာဉ်အလဲင်ႏအစွန်ꩻ (Agility) ဖဲ့ꩻနဝ်ꩻ ယံကယ်ꩻ YF-23 နဝ်ꩻသွူ။ ၁၉၉၁ ဗာႏနေင်ႏ၊ ဧပီလာ ATF ပြဲင်ႏပွယ်ꩻအကို အမေႏရိကန်ႏတလီꩻတပ်နဝ်ꩻ လွိုက်ရွေꩻလွေꩻ Lockheed အစွိုꩻ အောင်ႏမျင်ႏသားအနေႏ နဝ်ꩻသွူ။
အမေႏရိကန်ႏထီတပ် (U.S. Navy) ကရိုꩻလဲ့ ဖေႏကသုင်ꩻ ATF လေယာဉ်ယို ပင်လယ်ႏဖဲ့ꩻသုင်ꩻအီတာႏ (Naval version) ကျံႏစယ်ႏခါꩻဖိုရိုꩻကီလဲ့၊ အနီꩻအရင်ꩻ (Cost) တန်လွဉ်ꩻငါႏတဲင် ဆုဲင်ꩻနဝ်ꩻ ယားကုဲင်လွေꩻချာဗာႏခန်းဒျာႏ အခြပ်အရဲဉ်ႏနဝ်ꩻသွူ။
အာႏကွိုꩻ
[မွဉ်းဖျင် | မွဉ်းဖျင်အရွီးခိုႏ]- ↑ Lockheed merged with Martin Marietta in 1995 to form Lockheed Martin.