ကာမဂွုဏ်ႏခံႏစာꩻ လိုꩻဆီဖြာꩻ

"ကာမဘောဂီသုတ် (ကာမဂွုဏ်ႏခံႏစာꩻ လိုꩻဆီဖြာꩻ)" အွိုးခꩻတလဲင်ႏ- နီဗွေႏဘုရာꩻအဝ်ႏအုံ သာဝတ္ထိခမ်း ကျောင်ꩻဇေႏတဝွန်ႏကို၊ ကျောင်ꩻတကာႏ အနာႏထိဏ်ႏသဌေꩻ ထင်ႏထေ့နီဗွေႏဘုရာꩻ၊ ဝုဲင်ႏဗွေႏဘုရာꩻထွူခါ အုံချာသင်ꩻရာꩻ ခင်ႏလမ်းတထွောင်းကို၊ နီဗွေႏဘုရာꩻဟော်ꩻဖေႏ ကျောင်ꩻတကာႏတရာꩻနုဲင်းယို- ၁။ ဧကစ္စော ကာမဘောဂီ အဓမ္မေန ဘောဂေ ပရိယေသတိ သာဟသေန- ကျောင်ꩻတကာႏသဌေꩻဟွေး- လောကကိုယို ခံႏစာꩻကာမဂွုဏ်ႏ (ကာမဘောဂီ) သီလိုꩻလမ်းယင်ဟန်ႏနဝ်ꩻ နေးတွမ်ႏထာꩻတရာꩻတဝ်း (အဓမ္မ)တဲင် အံႏနွောင်ꩻဝင်ꩻတွော့ꩻ ထုမ်ႏစေꩻစိန်ႏတခြိုꩻ၊ ထိုမ်ႏနုဲင်းနဝ်ꩻထွူတဲင် မာꩻချမ်ꩻသာႏတောဝ်းအနမ်း၊ မာꩻသꩻရေꩻတဝ်းအနမ်း၊ ဖန်းဗဲင်းတောဝ်းဝင်ꩻ၊ (လူႏတဝ်းထာꩻ) မာꩻတဝ်းကုသိုလ်ႏနောဝ်ꩻသွူ။ ၂။ ဧကစ္စော ကာမဘောဂီ အဓမ္မေန ဘောဂေ ပရိယေသတိ သာဟသေန- ကျောင်ꩻတကာႏသဌေꩻဟွေး- လောကကိုယို ခံႏစာꩻကာမဂွုဏ်ႏ (ကာမဘောဂီ) သီလိုꩻလမ်းယင်ဟန်ႏနဝ်ꩻ နေးတွမ်ႏထာꩻတရာꩻတဝ်း (အဓမ္မ)တဲင် အံႏနွောင်ꩻဝင်ꩻတွော့ꩻ ထုမ်ႏစေꩻစိန်ႏတခြိုꩻ၊ ထိုမ်ႏနုဲင်းနဝ်ꩻထွူတဲင် မာꩻချမ်ꩻသာႏအနမ်း၊ မာꩻသꩻရေꩻအနမ်း၊ ဖန်းဗဲင်းတောဝ်းဝင်ꩻ၊ (လူႏတဝ်းထာꩻ) မာꩻတောဝ်းကုသိုလ်ႏနောဝ်ꩻသွူ။ ၃။ ဧကစ္စော ကာမဘောဂီ အဓမ္မေန ဘောဂေ ပရိယေသတိ သာဟသေန- ကျောင်ꩻတကာႏသဌေꩻဟွေး- လောကကိုယို ခံႏစာꩻကာမဂွုဏ်ႏ (ကာမဘောဂီ) သီလိုꩻလမ်းယင်ဟန်ႏနဝ်ꩻ နေးတွမ်ႏထာꩻတရာꩻတဝ်း (အဓမ္မ)တဲင် အံႏနွောင်ꩻဝင်ꩻတွော့ꩻ ထုမ်ႏစေꩻစိန်ႏတခြိုꩻ၊ ထိုမ်ႏနုဲင်းနောဝ်ꩻထွူတဲင် မာꩻချမ်ꩻသာႏအနမ်း၊ မာꩻသꩻရေꩻအနမ်း၊ ဖန်းဖေႏဗဲင်းဝင်ꩻ၊ (လူႏထာꩻ) မာꩻကုသိုလ်ႏနောဝ်ꩻသွူ။ ၄။ ဧကစ္စော ကာမဘောဂီ ဓမ္မာ ဓမ္မေန ဘောဂေ ပရိယေသတိ- ကျောင်ꩻတကာႏသဌေꩻဟွေး- လောကကိုယို ခံႏစာꩻကာမဂွုဏ်ႏ (ကာမဘောဂီ) သီလိုꩻလမ်းယင်ဟန်ႏနောဝ်ꩻ နေးတွမ်ႏထာꩻတရာꩻ (ဓမ္မ)ယင်၊ နေးတွမ်ႏထာꩻတရာꩻတဝ်း (အဓမ္မ)ယင်တဲင် အံႏနွောင်ꩻတောဝ်းခါႏခါႏဝင်ꩻ၊ အံႏနွောင်ꩻခါႏခါႏဝင်ꩻတွော့ꩻ ထုမ်ႏစေꩻစိန်ႏတခြိုꩻ၊ ထိုမ်ႏနဝ်ꩻထွူတဲင် မာꩻချမ်ꩻသာႏတောဝ်းအနမ်း၊ မာꩻသꩻရေꩻတဝ်းအနမ်း၊ ဖန်းဗဲင်းတောဝ်းဝင်ꩻ၊ (လူႏတဝ်းထာꩻ) မာꩻတောဝ်းကုသိုလ်ႏနောဝ်ꩻသွူ။ ၅။ ဧကစ္စော ကာမဘောဂီ ဓမ္မာ ဓမ္မေန ဘောဂေ ပရိယေသတိ- ကျောင်ꩻတကာႏသဌေꩻဟွေး- လောကကိုယို ခံႏစာꩻကာမဂွုဏ်ႏ (ကာမဘောဂီ) သီလိုꩻလမ်းယင်ဟန်ႏနဝ်ꩻ နေးတွမ်ႏထာꩻတရာꩻ (ဓမ္မ)ယင်၊ နေးတွမ်ႏထာꩻတရာꩻတဝ်း(အဓမ္မ)ယင်တဲင် အံႏနွောင်ꩻတဝ်းခါႏခါႏဝင်ꩻ၊ အံႏနွောင်ꩻခါႏခါႏဝင်ꩻတွော့ꩻ ထုမ်ႏစေꩻစိန်ႏတခြိုꩻ၊ ထိုမ်ႏနုဲင်းနဝ်ꩻထွူတဲင် မာꩻချမ်ꩻသာႏအနမ်း၊ မာꩻသꩻရေꩻအနမ်း၊ ဖန်းဗဲင်းတောဝ်းဝင်ꩻ၊ (လူႏတဝ်းထာꩻ) မာꩻတောဝ်းကုသိုလ်ႏနောဝ်ꩻသွူ။ ၆။ ဧကစ္စော ကာမဘောဂီ ဓမ္မာ ဓမ္မေန ဘောဂေ ပရိယေသတိ- ကျောင်ꩻတကာႏသဌေꩻဟွေး- လောကကိုယို ခံႏစာꩻကာမဂွုဏ်ႏ (ကာမဘောဂီ) သီလိုꩻလမ်းယင်ဟန်ႏနောဝ်ꩻ နေးတွမ်ႏထာꩻတရာꩻ(ဓမ္မ)ယင်၊ နေးတွမ်ႏထာꩻတရာꩻတဝ်း(အဓမ္မ)ယင်တဲင် အံႏနွောင်ꩻတဝ်းခါႏခါႏဝင်ꩻ၊ အံႏနွောင်ꩻခါႏခါႏဝင်ꩻတွော့ꩻ ထုမ်ႏစေꩻစိန်ႏတခြိုꩻ၊ ထိုမ်ႏနုဲင်းနဝ်ꩻထွူတဲင် မာꩻချမ်ꩻသာႏအနမ်း၊ မာꩻသꩻရေꩻအနမ်း၊ ဖန်းဖေႏဗဲင်းဝင်ꩻ၊ (လူႏထာꩻ) မာꩻတဝ်းကုသိုလ်ႏနောဝ်ꩻသွူ။ ၇။ ဧကစ္စော ကာမဘောဂီ အဓမ္မေန ဘောဂေ ပရိယေသတိ အသာဟသေန- လောကကိုယို ခံႏစာꩻကာမဂွုဏ်ႏ (ကာမဘောဂီ) သီလိုꩻလမ်းယင်ဟန်ႏနောဝ်ꩻ နေးတွမ်ႏထာꩻတရာꩻ (ဓမ္မ)တဲင် အံႏနွောင်ꩻတဝ်းဝင်ꩻတွော့ꩻ ထုမ်ႏစေꩻစိန်ႏတခြိုꩻ၊ ထိုမ်ႏနုဲင်းနဝ်ꩻထွူတဲင် မာꩻချမ်ꩻသာႏတဝ်းနမ်း၊ မာꩻသꩻရေꩻတဝ်းနမ်း၊ ဖန်းဗဲင်းတဝ်းဝင်ꩻ၊ (လူႏတဝ်းထာꩻ) မာꩻတောဝ်းကုသိုလ်ႏနောဝ်ꩻသွူ။ ၈။ ဧကစ္စော ကာမဘောဂီ ဓမ္မေန ဘောဂေ ပရိယေသတိ အသာဟသေန- လောကကိုယို ခံႏစာꩻကာမဂွုဏ်ႏ (ကာမဘောဂီ) သီလိုꩻလမ်းယင်ဟန်ႏနောဝ်ꩻ နေးတွမ်ႏထာꩻတရာꩻ (ဓမ္မ)တဲင် အံႏနွောင်ꩻတဝ်းဝင်ꩻတွော့ꩻ ထုမ်ႏစေꩻစိန်ႏတခြိုꩻ၊ ထိုမ်ႏနုဲင်းနဝ်ꩻထွူတဲင် မာꩻချမ်ꩻသာႏနမ်း၊ မာꩻသꩻရေꩻနမ်း၊ ဖန်းဗဲင်းတဝ်းဝင်ꩻ၊ (လူႏတောဝ်းထာꩻ) မာꩻတောဝ်းကုသိုလ်ႏနောဝ်ꩻသွူ။ ၉။ ဧကစ္စော ကာမဘောဂီ ဓမ္မေန ဘောဂေ ပရိယေသတိ အသာဟသေန- လောကကိုယို ခံႏစာꩻကာမဂွုဏ်ႏ (ကာမဘောဂီ) သီလိုꩻလမ်းယင်ဟန်ႏနောဝ်ꩻ နေးတွမ်ႏထာꩻတရာꩻ (ဓမ္မ)တဲင် အံႏနွောင်ꩻတဝ်းဝင်ꩻတွော့ꩻ ထုမ်ႏစေꩻစိန်ႏတခြိုꩻ၊ ထိုမ်ႏနုဲင်းနဝ်ꩻထွူတဲင် မာꩻချမ်ꩻသာႏနမ်း၊ မာꩻသꩻရေꩻနမ်း၊ ဖန်းဖေႏဗဲင်းဝင်ꩻ၊ (လူႏထာꩻ) မာꩻကုသိုလ်ႏ၊ ထီႏတဝ်းအပဲ့စ်၊ တထဲ့ꩻတဝ်စေꩻစိန်ႏ၊ ဉာဏ်ႏအဲဉ်ထဝ်း၊ သွုံꩻဆောင်ႏကြွို့ꩻကြꩻလယ်ႏကွို့ꩻနောဝ်ꩻသွူ။ ၁၀။ ဧကစ္စော ကာမဘောဂီ ဓမ္မေန ဘောဂေ ပရိယေသတိ အသာဟသေန- လောကကိုယို ခံႏစာꩻကာမဂွုဏ်ႏ (ကာမဘောဂီ) သီလိုꩻလမ်းယင်ဟန်ႏနောဝ်ꩻ နေးတွမ်ႏထာꩻတရာꩻ (ဓမ္မ)တဲင် အံႏနွောင်ꩻတဝ်းဝင်ꩻတွော့ꩻ ထုမ်ႏစေꩻစိန်ႏတခြိုꩻ၊ ထိုမ်ႏနုဲင်းနဝ်ꩻထွူတဲင် မာꩻချမ်ꩻသာႏနမ်း၊ မာꩻသꩻရေꩻနမ်း၊ ဖန်းဖေႏဗဲင်းဝင်ꩻ၊ (လူႏထာꩻ) မာꩻကုသိုလ်ႏ၊ ထီႏအပဲ့စ်၊ တထဲ့ꩻတောဝ်းစေꩻစိန်ႏ၊ ဉာဏ်ႏအောဝ်ႏ၊ နေးတွမ်ႏဉာဏ်ႏ ဆင်ႏချင်ႏသွုံꩻဆောင်ႏဒျာႏနောဝ်ꩻသွူ။ အမျိုꩻတဆီအကိုနဝ်ꩻ - (က) အဓမ္မ (တရာꩻတဝ်း)နဝ်ꩻ ပါ (၃)မျိုꩻ (ခ) ဓမ္မ (ထာꩻတရာꩻ)နဝ်ꩻ ပါ(၄)မျိုꩻ (ဂ) ဓမ္မာဓမ္မ (တရာꩻယင်၊ တရာꩻတဝ်းယင်)နဝ်ꩻ ပါ(၃)မျိုꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဒသကနိပါတ်၊ ကာမဘောဂီသုတ်)