နက္ခတ္တဇာတ်
"နက္ခတ္တဇာတ်" သွဉ်ထွားဟော်ꩻကျပ် နက္ခတ္တဇာတ်ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ-
၁။ ယွုမ်းနက္ခတ်စီႏရင်ꩻ၊ ယွုမ်းပေႏတင်ႏခွုမ်မာꩻ၊ ပေါႏယွုမ်းမော်လူꩻ မော်လာꩻနောတ်ꩻ အချိန်ႏလို့ခြေင်၊ သွုမ်ꩻတေင်အကျိုꩻဆꩻ အမျိုꩻအောဝ်ႏလိုႏလꩻသွူတဲ့ လꩻတောဝ်းအကျောင်ꩻ၊
၂။ ပေါႏလိုꩻယွုမ်းယိုꩻထာꩻနောဝ်ꩻ ပါꩻအံႏလဲဉ်လꩻ၊ ပါꩻအံႏခြွꩻခြေင်၊ သွုမ်ꩻတေင်လွဉ်ꩻအီဒါႏအကျောင်ꩻ၊
၃။ လိုꩻပညာႏအဝ်ႏသားနောဝ်ꩻ ထွားဒျာႏ အကျိုꩻဟောဝ်အဝ်ႏရာꩻ၊ ယွုမ်းတမွိုꩻတမာꩻတဝ်း နက္ခတ်၊ မတ်တမွိုꩻ တမာꩻတဝ်း ပေႏတင်ႏ၊ ဒင်ႏတမွိုꩻတမာꩻတဝ်း မော်လူꩻအကျောင်ꩻ-စတဲင်နုဲင်းနောဝ်ꩻသွူ။
"ဒုမ္မေဓဇာတ်" သွဉ်ထွားဟော်ꩻကျပ် ဒုမ္မေဓဇာတ်ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻနုဲင်းနဝ်ꩻ-
၁။ အကျိုꩻတအဲဉ်ထောဝ်း ထွုံꩻစံႏမာႏ စခေါင်ႏစခါဖုံႏနဝ်ꩻ အကျိုꩻအဝ်ႏရာꩻ ဖျင်မာꩻယင်း လꩻဒျာႏ-အကျောင်ꩻ၊
၂။ မဉ်ႏလောက်ꩻနေးတွမ်ႏ ထာꩻသီနောဝ်ꩻ နာꩻနီစွုမ်ႏဖြာꩻ ငမ်းလွပငါပရာꩻ-အကျောင်ꩻ၊
၃။ ငမ်းတဲ့ဖေႏကငမ်း၊ တရာꩻတဲ့ ဖေႏကတရာꩻ မဉ်ႏမာꩻမဉ်ႏအုပ်ချွုတ်နုဲင်းနဝ်ꩻနဝ်ꩻ အောင်ႏမျင်ႏအီတွမ်ႏ အခွꩻအရောင်း အကြောင်းအစင်အကျောင်ꩻ၊
၄။ စွိုင်ကျꩻ တွယ်ႏနက် နိစ္စက်မာꩻဆာ နုဲင်းနဝ်ꩻနဝ်ꩻ နွောင်ꩻဆောင်ႏဆဲႏကွို့ꩻ အနမ်းအထန်ႏလွုမ်ꩻ၊ အသꩻအကိုသူꩻ တနွောင်ꩻတောဝ်းတဲင် "ကကြက်သားနဝ်ꩻ စူလျာတဲ့ ကဆာသားနဝ်ꩻ စူထိုမ်ꩻ"တွော့ꩻ အောင်ႏမျင်ႏအီတွမ်ႏ အခွꩻအရောင်း အကြောင်းအစင်မွေးတဝ်း-အကျောင်ꩻ စတဲင်နုဲင်းနောဝ်ꩻဖုံႏသွူ။[၁][၂][၃]