သီဝလိဝတ္ထု
"သီဝလိဝတ္ထု" ကလꩻအီ ဗဟုသုတ၊ ကလꩻအီသတိꩻဖုံႏနဝ်ꩻ-
၁။ လိုꩻတဖြာꩻယို မာꩻကုသိုလ်ႏ၊ မာꩻအကုသိုလ်ႏနီမျိုꩻတဲ့ ကုသိုလ်ႏအကျိုꩻတာႏ "အံႏဗာႏဒျာႏ"ခေါ်ခေါ်၊ အကုသိုလ်ႏအကျိုꩻတာႏ "ခံႏဗာႏဒျာႏ"ခေါ်ခေါ်။
၂။ ဝွဋ်-ကရိုꩻနဝ်ꩻ လဲ့ꩻတလွစ်တဝ်းခံႏဗာႏ၊
၃။ နီလမ်းအဝ်ႏဒျာႏ၊ နီခမ်းအဝ်ႏဒျာႏ၊ အဝ်ႏလိုႏလွေꩻရိမ်တဝ်းဝင်ꩻလမ်း၊ အဝ်ႏလိုႏလွေꩻတွိုက်ꩻတဝ်း ဝင်ꩻခမ်း၊
၄။ အကုသိုလ်ႏအမျိုꩻကိုနဝ်ꩻ နွို့မာꩻညီꩻမွိုန်း၊ ဒေါ့ꩻသော့ꩻကိုမွိုန်း၊ ဖေႏမွိုးအကျံႏဉာဏ်ႏ၊
၅။ ပေါႏမာꩻညီꩻလို့ဝင်ꩻ အကုသိုလ်ႏတဲ့ ခံႏဗာႏညီꩻလို့ဝင်ꩻ ထာꩻဒုက္ခအကျောင်ꩻ-စတဲင်နုဲင်းနဝ်ꩻ သေထွꩻ လꩻဗဟုသုတ လꩻအီသတိꩻအာတန်သွူ။
"အညတရဣတ္ထိဝတ္ထု"
၉၉။ ဂါႏထာႏပြန်ႏပအိုဝ်ႏခြေင်ခြေင်- တခြာဖုံႏနဝ်ꩻ ပျောႏခရာႏတန်ဒျာႏသွူ၊ တခြာကိုအရပ်မုဲင်ꩻတဲ့ယဝ်း ကထုမ်ႏကလောႏ ထာꩻပျောႏသားနဝ်ꩻ တပျောႏတဝ်းသွူ၊ ရာႏဂကင်ꩻခွါႏ ရဟန္တာႏသီးဖုံႏနဝ်ꩻ မဲ့ꩻအပျောႏလွဒျာႏသွူ၊ ရဟန္တာႏနဝ်ꩻဖုံႏနဝ်ꩻ ထုမ်ႏထာꩻပျောႏမွေးတဝ်းသွူ။
"လꩻဗဟုသုတ၊ လꩻသတိꩻနုဲင်းယို" ဟော်ꩻထွားသွဉ်ဗာႏ 'အညတရဣတ္ထိဝတ္ထု'ယိုတဲင် -
၁။ လိုꩻမူႏအပေါ်ꩻစားနောဝ်ꩻ ယားဒါႏ ဗွေႏသျင်ႏ ဗွေႏစင်ꩻ ဗွေႏဗွန်၊
၂။ ရိုႏသေႏသိက္ခာႏ ယူႏဒါႏဟဝ်ကျင်ꩻ ဗွေႏစင်ꩻ ဗွေႏသျင်ႏ ဗွေႏဗွန်၊
၃။ လိုꩻယွုတ် (လိုꩻမွိုက်)ဖုံႏနဝ်ꩻ ထုမ်ႏဒျာႏကာႏမဂွုဏ်ႏ၊ အာႏရွုံႏထာꩻပျောႏ၊ နုဲင်းထာꩻသား ကလောႏမေႏဖုံႏနဝ်ꩻ၊
၄။ ကသေလိုꩻတံꩻဖိုꩻ၊ လိုꩻဟဝ် သူႏတောႏကောင်ꩻဖုံႏနောဝ်ꩻ ထုမ်ႏဒျာႏတရာꩻ၊ မာꩻဒျာႏကုသိုလ်ႏ၊ လိုႏဒျာႏအဟွမ် နုဲင်းတဝတ်ꩻသီး ကထုမ်ႏတွမ် ကဝ်ႏတုဲင်ဖွန်ႏနဝ်ꩻအကျောင်ꩻ- လꩻဗဟုသုတ လꩻအီသတိꩻအာတန်သွူ။[၁][၂][၃]