သူႏတောႏကောင်ꩻသီးထာꩻလူႏ
"သပ္ပုရိသဒါနသုတ် (သူႏတောႏကောင်ꩻသီး ထာꩻလူႏငတ်ꩻမျိုꩻ)" ရဟန်ꩻသီးဖုံႏဟွေး- သူႏတောႏကောင်ꩻသီး ထာꩻလူႏအဝ်ႏငတ်ꩻမျိုꩻ၊ ငတ်ꩻမျိုꩻကရိုꩻနောဝ်ꩻ- ၁။ သဒ္ဓါယ ဒါနံ ဒေတိ - 'နေးတွမ်ႏသဒ္ဓါႏတရာꩻ လူႏတန်ꩻ'၊ (လူႏသင်္ကန်ꩻ၊ လူႏသွမ်ꩻ၊ လူႏကျောင်ꩻ၊ လူႏတသီႏ-စတဲင်နုဲင်းနောဝ်ꩻသွူ။) ကွပ်နေးတွမ်ႏ သဒ္ဓါႏတရာꩻလူႏတန်ꩻတဲင် ထာꩻလူႏဒါႏနဝ်ꩻ အကျိုꩻဖေႏနုဲင်းယို- ကောကလူႏသားနဝ်ꩻ တွိုႏလွေꩻဘဝမုဲင်ꩻ ဘဝမုဲင်ꩻတဲ့ယဝ်း ခြွေခြာႏ၊ ချမ်ꩻသာႏ၊ တခြိုꩻလွိုင်ႏအာ၊ အသွုံꩻအဆောင်ႏလွိုင်ႏအာ၊ ယောင်ꩻရေꩻမွေးမုဲင်း၊ ဖုဲင်ႏမဲ့၊ ထွားစွယ်ꩻ၊ နမ်းပွုံႏပတ်လက္ခဏာႏ လွောက်ꩻဟောဝ်ငါႏနောဝ်ꩻသွူ။ ရဟန်ꩻသီးဖုံႏဟွေး- ၂။ သက္ကစ္စံ ဒေတိ - 'လူႏတန်ꩻရိုႏရိုႏသေႏသေႏ'၊ ပွိုးစွဉ်ႏလူႏတန်ꩻ ရိုႏရိုႏသေႏသေႏတဲင် ထာꩻလူႏဒါႏနနဝ်ꩻ အကျိုꩻဖေႏနုဲင်းယို- ကောကလူႏသားနဝ်ꩻ တွိုႏလွေꩻဘဝမုဲင်ꩻ ဘဝမုဲင်ꩻတဲ့ယဝ်း ခြွေခြာႏ၊ ချမ်ꩻသာႏ၊ တခြိုꩻလွိုင်ႏအာ၊ အသွုံꩻအဆောင်ႏလွိုင်ႏအာ၊ ယောင်ꩻရေꩻမွေးမုဲင်း၊ ဖုဲင်ႏမဲ့၊ ထွားစွယ်ꩻ၊ နမ်းပွုံႏပတ်လက္ခဏာႏ လွောက်ꩻဟောဝ်ငါႏနောဝ်ꩻသွူ။ ရဟန်ꩻသီးဖုံႏဟွေး- ၃။ ကာလေန ဒါနံ ဒေတိ- 'အခိန်ႏလိုႏအပ်တဲင် လူႏတန်'၊ ကွပ်စွဉ်ႏ အခိန်ႏလိုႏအပ်တွင်ꩻ လူႏတန်ꩻတွော့ꩻ ထာꩻလူႏဒါႏနနဝ်ꩻ အကျိုꩻဖေႏနုဲင်းယို-ကောကလူႏသားနဝ်ꩻ တွိုႏလွေꩻဘဝမုဲင်ꩻ ဘဝမုဲင်ꩻတဲ့ယောဝ်း ခြွေခြာႏ၊ ချမ်ꩻသာႏ၊ တခြိုꩻလွိုင်ႏအာ၊ အသွုံꩻအဆောင်ႏလွိုင်ႏအာ၊ ယောင်ꩻရေꩻမွေးမုဲင်း၊ ဖုဲင်ႏမဲ့၊ ထွားစွယ်ꩻ၊ နမ်းပွုံႏပတ်လက္ခဏာႏ လွောက်ꩻဟောဝ်ငါႏနောဝ်ꩻသွူ။ ရဟန်ꩻသီးဖုံႏဟွေး- ၄။ အနုဂ္ဂဟိတစိတ္တော ဒါနံ ဒေတိ- 'လူႏလဲဉ်းလဲဉ်းဒျာႏ၊ သꩻလောႏကာႏအဲဉ်ထောဝ်း'၊ ပွိုးစွဉ်ႏလူႏတန်ꩻလဲဉ်းလဲဉ်းဒျာႏ၊ သꩻလောႏကာႏအဲဉ်ထဝ်းတဲင် ထာꩻလူႏဒါႏနနဝ်ꩻ အကျိုꩻဖေႏနုဲင်းယို- ကောကလူႏသားနဝ်ꩻ တွိုႏလွေꩻဘဝမုဲင်ꩻ ဘဝမုဲင်ꩻတဲ့ယောဝ်း ခြွေခြာႏ၊ ချမ်ꩻသာႏ၊ တခြိုꩻလွိုင်ႏအ၊ အသွုံꩻအဆောင်ႏလွိုင်ႏအာ၊ ယောင်ꩻရေꩻမွေးမုဲင်း၊ ဖုဲင်ႏမဲ့၊ ထွားစွယ်ꩻ၊ နမ်းပွုံႏပတ်လက္ခဏာႏ လွောက်ꩻဟောဝ်ငါႏနဝ်ꩻသွူ။ ရဟန်ꩻသီးဖုံႏဟွေး- ၅။ အတ္တာနဉ္စ ပရဉ္စ အနုပဟစ္စ ဒါနံ ဒေတိ- 'နီနမ်းတဲ့နဝ်ꩻ ဝင်ꩻနမ်းတဲ့နဝ်ꩻ တခွေါင်းတဝ်း'၊ တဆာတဝ်း လူႏရိုꩻရိုꩻသာꩻသာꩻဒျာႏ၊ နီနမ်းတဲ့ယဝ်း၊ ဝင်ꩻနမ်းတဲ့ယဝ်း တခွေါင်းတဝ်းလာꩻလာꩻ လူႏရိုꩻရိုꩻသာꩻသာꩻဒျာႏတဲင် ထာꩻလူႏဒါႏနနဝ်ꩻ အကျိုꩻဖေႏနုဲင်းယို- တွိုႏလွေꩻဘဝမုဲင်ꩻ ဘဝမုဲင်ꩻတဲ့ယောဝ်း ခြွေခြာႏ၊ ချမ်ꩻသာႏ၊ တခြိုꩻလွိုင်ႏအာ၊ အသွုံꩻအဆောင်ႏလွိုင်ႏအာ၊ ယောင်ꩻရေꩻမွေးမုဲင်း၊ ဖုဲင်ႏမဲ့၊ ထွားစွယ်ꩻ၊ နမ်းပွုံႏပတ်လက္ခဏာႏ လွောက်ꩻဟောဝ်ငါႏနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဉ္စကနိပါတ်၊ သပ္ပုရိသဒါသုတ်)[၁][၂]