သဲ့ꩻသွမ်ꩻထွိုက်-အံႏဖြာႏထွိုက်
"ကာမဘောဂီသုတ် (သဲ့ꩻသွမ်ꩻထွိုက်-အံႏဖြာႏထွိုက်အကျောင်ꩻ)" ကျောင်ꩻတကာႏသဌေꩻဟွေး- (ကာမဘောဂီ) သီလိုꩻလမ်း အမျိုꩻတဆီကိုနဝ်ꩻ- ၁။ နေးတွမ်ႏထာꩻတရာꩻတဝ်းတဲင် အံႏနွောင်ꩻဝင်ꩻတွော့ꩻ ထိုမ်ႏစေꩻစိန်ႏတခြိုꩻထွူခါ မာꩻချမ်ꩻသာႏတဝ်းနမ်း၊ မာꩻသꩻရေꩻတဝ်းနမ်း၊ ဖန်းဗဲင်းတဝ်းဝင်ꩻ၊ မာꩻတဝ်းကုသိုလ်ႏ၊ အမုဲင်(၁) ပဌမပုဂွိုလ်ႏတမျိုꩻနဝ်ꩻ- (က) "နေးတွမ်ႏထာꩻတရာꩻတဝ်းတဲင် အံႏနွောင်ꩻဝင်ꩻ"နဝ်ꩻနဝ်ꩻ သဲ့ꩻသွမ်ꩻထွိုက်၊ (ခ) "မာꩻချမ်ꩻသာႏတဝ်းနမ်း၊ မာꩻသꩻရေꩻတဝ်းနမ်း"နဝ်ꩻနဝ်ꩻတဲ့ သဲ့ꩻသွမ်ꩻထွိုက်နေနေ၊ (ဂ) "ဖန်းဗဲင်းတဝ်းဝင်ꩻ၊ မာꩻတဝ်းကုသိုလ်ႏ"နဝ်ꩻနဝ်ꩻတဲ့ သဲ့ꩻသွမ်ꩻထွိုက်နေနေ၊ အမုဲင်(၁) ပဌမပုဂ္ဂိုလ်ႏယို တမျိုꩻနဝ်ꩻ- သဲ့ꩻသွမ်ꩻထွိုက် အဝ်ႏသွံမျိုꩻနောဝ်ꩻသွူ။ ကျောင်ꩻတကာႏသဌေꩻဟွေး- ၂။ နေးတွမ်ႏထာꩻတရာꩻတဝ်းတဲင် အံႏနွောင်ꩻဝင်ꩻတွော့ꩻ ထိုမ်ႏစေꩻစိန်ႏတခြိုꩻထွူခါ မာꩻချမ်ꩻသာႏနမ်း၊ မာꩻသꩻရေꩻနမ်း၊ ဖန်းဗဲင်းတဝ်းဝင်ꩻ၊ မာꩻတဝ်းကုသိုလ်ႏ၊ အမုဲင်(၂) ဒုတိယပုဂ္ဂိုလ်ႏယိုတမျိုꩻနဝ်ꩻ- (က) "နေးတွမ်ႏထာꩻတရာꩻတဝ်းတဲင် အံႏနွောင်ꩻဝင်ꩻ"နဝ်ꩻနဝ်ꩻ သဲ့ꩻသွမ်ꩻထွိုက်၊ (ခ) "မာꩻချမ်ꩻသာႏနမ်း၊ မာꩻသꩻရေꩻနမ်း"နဝ်ꩻနဝ်ꩻ အံႏဖြာႏထွိုက်၊ (ဂ) "ဖန်းဗဲင်းတဝ်းဝင်ꩻ၊ မာꩻတဝ်းကုသိုလ်ႏ"နဝ်ꩻနဝ်ꩻ သဲ့ꩻသွမ်ꩻထွိုက်၊ အမုဲင်(၂) ဒုတိယပုဂ္ဂိုလ်ႏယိုတမျိုꩻနဝ်ꩻ သဲ့ꩻသွမ်ꩻထွိုက် အဝ်ႏနီမျိုꩻ၊ အံႏဖြာႏထွိုက် အောဝ်ႏတမျိုꩻနောဝ်ꩻသွူ။ ကျောင်ꩻတကာႏသဌေꩻဟွေး- ၃။ နေးတွမ်ႏထာꩻတရာꩻတဝ်းတဲင် အံႏနွောင်ꩻဝင်ꩻတွော့ꩻ ထိုမ်ႏစေꩻစိန်ႏတခြိုꩻထွူခါ မာꩻချမ်ꩻသာႏနမ်း၊ မာꩻသꩻရေꩻနမ်း၊ ဖေႏဗဲင်းဝင်ꩻ မာꩻကုသိုလ်ႏ၊ အမုဲင်(၃) တတိယပုဂ္ဂိုလ်ႏယိုတမျိုꩻနဝ်ꩻ- (က) "နေးတွမ်ႏထာꩻတရာꩻတဝ်းတဲင် အံႏနွောင်ꩻဝင်ꩻ" နဝ်ꩻနဝ်ꩻ သဲ့ꩻသွမ်ꩻထွိုက်၊ (ခ) "မာꩻချမ်ꩻသာႏနမ်း၊ မာꩻသꩻရေꩻနမ်း"နဝ်ꩻနဝ်ꩻ အံႏဖြာႏထွိုက်၊ (ဂ) "ဖေႏဖန်းဗဲင်းဝင်ꩻ၊ မာꩻကုသိုလ်ႏ"နဝ်ꩻနဝ်ꩻတဲ့ အံႏဖြာႏထွိုက်နေနေ၊ အမုဲင်(၃)တတိယပုဂ္ဂိုလ်ႏယိုတမျိုꩻနဝ်ꩻ သဲ့ꩻသွမ်ꩻထွိုက်အဝ်ႏတမျိုꩻ၊ အံႏဖြာႏထွိုက် အောဝ်ႏနီမျိုꩻနောဝ်ꩻသွူ။ ကျောင်ꩻတကာႏသဌေꩻဟွေး- ၄။ နေးတွမ်ႏထာꩻတရာꩻယင်၊ နေးတွမ်ႏထာꩻတရာꩻတဝ်းယင် အံႏနွောင်ꩻတဝ်းခါႏခါႏဝင်ꩻ၊ အံႏနွောင်ꩻခါꩻခါႏဝင်ꩻတွော့ꩻ ထိုမ်ႏစေꩻစိန်ႏတခြိုꩻဥစ္စာႏထွူခါ မာꩻချမ်ꩻသာႏတဝ်းအနမ်း၊ မာꩻသꩻရေꩻတဝ်းအနမ်း၊ ဖန်းဗဲင်းတဝ်းဝင်၊ မာꩻတောဝ်းကုသိုလ်ႏ၊ အမုဲင်(၄) စတုတ္ထပုဂ္ဂိုလ်ႏယိုတမျိုꩻနဝ်ꩻ- (က) "နေးတွမ်ႏ ထာꩻတရာꩻတဲင် အံႏနွောင်ꩻတဝ်းဝင်ꩻ"နဝ်ꩻနဝ်ꩻ အံႏဖြာႏထွိုက်၊ (ခ) "နေးတွမ်ႏထာꩻတရာꩻတဝ်းတဲင် အံႏနွောင်ꩻဝင်ꩻ"နဝ်ꩻနဝ်ꩻ သဲ့ꩻသွမ်ꩻထွိုက်၊ (ဂ) "မာꩻချမ်ꩻသာႏတဝ်းအနမ်း၊ မာꩻသꩻရေꩻတဝ်းအနမ်း" နဝ်ꩻနဝ်ꩻတဲ့ သဲ့ꩻသွမ်ꩻထွိုက်နေနေ၊ (ဃ) "ဖန်းဗဲင်းတဝ်းဝင်ꩻ၊ မာꩻတဝ်းကုသိုလ်ႏ"နဝ်ꩻနဝ်ꩻတဲ့ သဲ့ꩻသွမ်ꩻထွိုက်နေနေ၊ အမုဲင်(၄) စတုတ္ထိပုဂ္ဂိုလ်ႏယိုနဝ်ꩻ- အံႏဖြာႏထွိုက် အဝ်ႏတမျိုꩻ၊ သဲ့ꩻသွမ်ꩻထွိုက် အဝ်ႏသွံမျိုꩻနဝ်ꩻသွူ။ ကျောင်ꩻတကာႏသဌေꩻဟွေး- ၅။ နေးတွမ်ႏထာꩻတရာꩻယင်၊ နေးတွမ်ႏထာꩻတရာꩻတဝ်းယင်၊ အံႏနွောင်ꩻတဝ်းခါႏခါႏယင်၊ အံႏနွောင်ꩻခါႏခါႏဝင်ꩻတွော့ꩻ ထိုမ်ႏစေꩻစိန်ႏတခြိုꩻထွူခါ မာꩻချမ်ꩻသာႏအနမ်း၊ မာꩻသꩻရေꩻအနမ်း၊ ဖန်းဗဲင်းတဝ်းဝင်ꩻ၊ မာꩻတောဝ်းကုသိုလ်ႏ၊ အမုဲင်(၅) ပဉ္စမပုဂ္ဂိုလ်ႏယိုတမျိုꩻနဝ်ꩻ- (က) "နေးတွမ်ႏထာꩻတရာꩻတဲင် အံႏနွောင်ꩻတဝ်းဝင်ꩻ"နဝ်ꩻနဝ်ꩻ အံႏဖြာႏထွိုက်၊ (ခ) "မာꩻချမ်ꩻသာႏနဝ်ꩻ၊ မာꩻသꩻရေꩻအနမ်း"နဝ်ꩻနဝ်ꩻတဲ့ အံႏဖြာႏထွိုက်ထွိုက်နေနေ၊ (ဂ) "နေးတွမ်ႏထာꩻတရာꩻတဝ်းတဲ့ အံႏနွောင်ꩻဝင်ꩻ"နဝ်ꩻနဝ်ꩻတဲ့ သဲ့ꩻသွမ်ꩻထွိုက်၊ (ဃ) "ဖန်းဗဲင်းတဝ်းဝင်ꩻ၊ မာꩻတဝ်းကုသိုလ်ႏ"နဝ်ꩻနဝ်ꩻတဲ့ သဲ့ꩻသွမ်ꩻထွိုက်နေနေ၊ အမုဲင်(၅) ပဉ္စမပုဂ္ဂိုလ်ႏယိုနဝ်ꩻ- အံႏဖြာႏထွိုက် အဝ်ႏနီမျိုꩻ၊ သဲ့ꩻသွမ်ꩻထွိုက် အနီႏနီမျိုꩻနဝ်ꩻသွူ။ ကျောင်ꩻတကာႏသဌေꩻဟွေး- ၆။ နေးတွမ်ႏထာꩻတရာꩻယင်၊ နေးတွမ်ႏထာꩻတရာꩻတဝ်းယင် အံႏနွောင်ꩻတဝ်းခါႏခါႏဝင်ꩻ၊ အံႏနွောင်ꩻခါႏခါႏဝင်ꩻတွော့ꩻ ထိုမ်ႏစေꩻစိန်ႏတခြိုꩻထွူခါ မာꩻချမ်ꩻသာႏနမ်း၊ မာꩻသꩻရေꩻနမ်း၊ ဖန်းဖေႏဗဲင်းဝင်ꩻ၊ မာꩻကုသိုလ်ႏ၊ အမုဲင်(၆) ဆဋ္ဌပုဂ္ဂိုလ်ႏယိုတမျိုꩻနဝ်ꩻ- (က) "နေးတွမ်ႏထာꩻတရာꩻတဲင် အံႏနွောင်ꩻတဝ်းဝင်ꩻ"နဝ်ꩻနဝ်ꩻ အံႏဖြာႏထွိုက်၊ (ခ) "မာꩻချမ်ꩻသာႏနမ်း၊ မာꩻသꩻရေꩻနမ်း"နဝ်ꩻနဝ်ꩻတဲ့ အံႏဖြာႏထွိုက်နေနေ၊ (ဂ) "ဖန်းဖေႏဗဲင်းဝင်ꩻ၊ မာꩻကုသိုလ်ႏ"နဝ်ꩻနဝ်ꩻတဲ့ အံႏဖြာႏထွိုက်နေနေ၊ (ဃ) "နေးတွမ်ႏထာꩻတရာꩻတဝ်း၊ အံႏနွောင်ꩻဝင်ꩻ"နဝ်ꩻနဝ်ꩻ သဲ့ꩻသွမ်ꩻထွိုက်၊ အမုဲင်(၆) ဆဋ္ဌပုဂ္ဂိုလ်ႏယိုနဝ်ꩻ- အံႏဖြာႏထွိုက် အဝ်ႏသွံမျိုꩻ၊ သဲ့ꩻသွမ်ꩻထွိုက် အဝ်ႏတမျိုꩻနဝ်ꩻသွူ။ ကျောင်ꩻတကာႏသဌေꩻဟွေး- ၇။ နေးတွမ်ႏထာꩻတရာꩻတဲင် အံႏနွောင်ꩻတဝ်းဝင်ꩻတွော့ꩻ ထိုမ်ႏစေꩻစိန်ႏတခြိုꩻထွူတဲင် မာꩻချမ်ꩻသာႏနမ်ႏ၊ မာꩻသꩻရေꩻနမ်း၊ ဖန်းဗဲင်းတဝ်းဝင်ꩻ၊ မာꩻတောဝ်းကုသိုလ်ႏ၊ အမုဲင်(၇) သတ္တမပုဂ္ဂိုလ်ႏယိုတမျိုꩻနဝ်ꩻ- (က) "နေးတွမ်ႏထာꩻတရာꩻတဲင် အံႏနွောင်ꩻတဝ်းဝင်ꩻ"နဝ်ꩻနဝ်ꩻ အံႏဖြာႏထွိုက်၊ (ခ) "မာꩻချမ်ꩻသာႏတဝ်းနမ်း၊ မာꩻသꩻရေꩻတဝ်းနမ်း"နဝ်ꩻနဝ်ꩻ သဲ့ꩻသွမ်ꩻထွိုက်၊ (ဃ) "ဖန်းဗဲင်းတဝ်းဝင်ꩻ၊ မာꩻတဝ်းကုသိုလ်ႏ"နဝ်ꩻနဝ်ꩻတဲ့ သဲ့ꩻသွမ်ꩻထွိုက်နေနေ၊ အမုဲင်(၇) သတ္တမပုဂ္ဂိုလ်ႏယိုနဝ်ꩻ- အံႏဖြာႏထွိုက် အဝ်ႏတမျိုꩻ၊ သဲ့ꩻသွမ်ꩻထွိုက် အဝ်ႏနီမျိုꩻနဝ်ꩻသွူ။ ၈။ နေးတွမ်ႏထာꩻတရာꩻတဲင် အံႏနွောင်ꩻတဝ်းဝင်ꩻတွော့ꩻ ထိုမ်ႏစေꩻစိန်ႏတခြိုꩻထွူခါ မာꩻချမ်ꩻသာႏနမ်း၊ မာꩻသꩻရေꩻနမ်း၊ ဖန်းဗဲင်းတဝ်းဝင်ꩻ၊ မာꩻတောဝ်းကုသိုလ်ႏ၊ အမုဲင်(၈) အဌမပုဂ္ဂိုလ်ႏယိုတမျိုꩻနဝ်ꩻ- (က) "နေးတွမ်ႏထာꩻတရေꩻတဲင် အံႏနွောင်ꩻတဝ်းဝင်ꩻ"နဝ်ꩻနဝ်ꩻ အံႏဖြာႏထွိုက်၊ (ခ) "မာꩻချမ်ꩻသာႏနမ်း၊ မာꩻသꩻရေꩻနမ်း"နဝ်ꩻနဝ်ꩻတဲ့ အံႏဖြာႏထွိုက်နေနေ၊ (ဂ) "ဖန်းဗဲင်းတဝ်းဝင်ꩻ၊ မာꩻတဝ်းကုသိုလ်ႏ"နဝ်ꩻနဝ်ꩻ သဲ့ꩻသွမ်ꩻထွိုက်၊ အမုဲင်(၈) အဋ္ဌမပုဂ္ဂိုလ်ႏယိုနဝ်ꩻ အံႏဖြာႏထွိုက် အဝ်ႏနီမျိုꩻ၊ သဲ့ꩻသွမ်ꩻထွိုက် အဝ်ႏတမျိုꩻနဝ်ꩻသွူ။ ၉။ နေးတွမ်ႏထာꩻတရာꩻတဲင် အံႏနွောင်ꩻတဝ်းဝင်ꩻတွော့ꩻ ထိုမ်ႏစေꩻစိန်ႏတခြိုꩻထွူခါ မာꩻချမ်ꩻသာႏနမ်း၊ မာꩻသꩻရေꩻနမ်း၊ ဖန်းဖေႏဗဲင်းဝင်ꩻ၊ မာꩻကုသိုလ်ႏ၊ ထီႏတဝ်းအပဲ့စ်၊ တထဲ့ꩻစေꩻစိန်ႏ၊ ဉာဏ်ႏအဲဉ်ထဝ်း၊ သွုံꩻဆောင်ႏကြွို့ꩻကြꩻ၊ အမုဲင်(၉) နဝမပုဂ္ဂိုလ်ႏယိုတမျိုꩻနဝ်ꩻ- (က) "နေးတွမ်ႏထာꩻတရာꩻတဲင် အံႏနွောင်ꩻတဝ်းဝင်ꩻ"နဝ်ꩻနဝ်ꩻ အံႏဖြာႏထွိုက်၊ (ခ) "မာꩻချမ်ꩻသာႏနမ်း၊ မာꩻသꩻရေꩻနမ်း"နဝ်ꩻနဝ်ꩻတဲ့ အံႏဖြာႏထွိုက်နေနေ၊ (ဂ) "ဖန်းဖေႏဗဲင်းဝင်ꩻ၊ မာꩻကုသိုလ်ႏ"နဝ်ꩻနဝ်ꩻတဲ့ အံႏဖြာႏထွိုက်နေနေ၊ (ဃ) "ထီႏတဝ်းအပဲ့စ်၊ တထဲ့ꩻတဝ်းစေꩻစိန်ႏ၊ ဉာဏ်ႏအဲဉ်ထဝ်း၊ သွုံꩻဆောင်ႏကြွို့ꩻကြꩻ"နဝ်ꩻနဝ်ꩻ သဲ့ꩻသွမ်ꩻထွိုက်၊ အမုဲင်(၉) နဝမပုဂ္ဂိုလ်ႏယိုနဝ်ꩻ - အံႏဖြာႏထွိုက် အဝ်ႏသွံမျိုꩻ၊ သဲ့ꩻသွမ်ꩻထွိုက် အဝ်ႏတမျိုꩻနဝ်ꩻသွူ။ ၁၀။ (က) နေးတွမ်ႏထာꩻတရာꩻတဲင် အံႏနွောင်ꩻတဝ်းဝင်ꩻ ထိုမ်ႏတခြိုꩻထွူခါ (ခ) မာꩻချမ်ꩻသာႏနမ်း၊ မာꩻသꩻရေꩻနမ်း၊ (ဂ) ဖန်းဖေႏဗဲင်းဝင်ꩻ၊ မာꩻကုသိုလ်ႏ၊ (ဃ) ထီႏအပဲ့စ်၊ တထဲ့ꩻတဝ်း စေꩻစိန်ႏတခြိုꩻ၊ နေးတွမ်ႏဉာဏ်ႏသွုံꩻဆောင်ႏ။ အမုဲင်(၁၀) ဒသမပုဂ္ဂိုလ်ႏယိုတမျိုꩻနဝ်ꩻ- အံႏဖြာႏထွိုက်လို့ လစ်ꩻမျိုꩻလိုမ်းနောဝ်ꩻသွူ။ လိုꩻအမျိုꩻတဆီကိုနဝ်ꩻ- အမုဲင်(၁) ပုဂ္ဂိုလ်ႏတမျိုꩻနဝ်ꩻ သဲ့ꩻသွမ်ꩻထွိုက် သွံမျိုꩻလိုမ်း၊ အညမ်းသွတ်ꩻ၊ အမုဲင်(၁၀) ပုဂ္ဂိုလ်ႏတမျိုꩻနဝ်ꩻ အံႏဖြာႏထွိုက် လစ်ꩻမျိုꩻလိုမ်း၊ အယံသွတ်ꩻ၊ အဝ်ႏကုဲင်ပုဂ္ဂိုလ်ႏ သွစ်ꩻမျိုꩻနဝ်ꩻ သဲ့ꩻသွမ်ꩻထွိုက်၊ အံႏဖြာႏထွိုက် အဝ်ႏနီမျိုꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဒသကနိပါတ်၊ ကာမဘောဂီသုတ်)[၁][၂]