အဝ်ႏဝွို့ည
"ယောဂသုတ် (အဝ်ႏဝွို့ညတရာꩻလစ်ꩻပါꩻတဲင် လꩻတဝ်းနိဗ္ဗာန်ႏ)" ရဟန်ꩻသီးဖုံႏဟွေး- ကအဝ်ႏဝွို့ဝွဋ်ဒုက္ခ၊ ယောဂအဝ်ႏလစ်ꩻပါꩻ၊ လစ်ꩻပါꩻကရိုꩻနောဝ်ꩻ- ၁။ ကာမယောဂေါ- အဝ်ႏဝွို့ကာမ ၂။ ဘဝယောဂေါ- အဝ်ႏဝွို့ဘဝ ၃။ ဒိဋ္ဌိယောဂေါ- အဝ်ႏဝွို့ဒိဋ္ဌိ ၄။ အဝိဇ္ဇာယောဂေါ- အဝ်ႏဝွို့အဝိဇ္ဇာႏ ယောဂအောဝ်ႏလစ်ꩻဗာႏနုဲင်းနောဝ်ꩻသွူ။ ရဟန်ꩻသီးဖုံႏဟွေး- ၁။ ပဉ္စကာမဂုဏိကော ရာဂေါ ကာမယောဂေါ- ကအဝ်ႏတထဲ့ꩻ ကအဝ်ႏဝွို့ဒါႏ ကာႏမဂွုဏ်ႏငတ်ꩻပါꩻနဝ်ꩻ ဟဲ့ꩻ'ကာမယောဂ'နောဝ်ꩻသွူ။ ၂။ ရူပါရူပဘဝေသု ဆန္ဒရာဂေါ ဘဝယောဂေါ- ကမဉ်တွိုႏဒါႏ ရူပဘဝ အရူပဘဝနဝ်ꩻ ဟဲ့ꩻ'ဘဝယောဂ'နောဝ်ꩻသွူ။ ၃။ ရာဂေါ ဒွါသဋ္ဌိ ဒိဋ္ဌိယောဂေါ- ကစွယ်ꩻတထဲ့ꩻဒါႏ ဒိဋ္ဌိ (၆၂)ပါꩻနဝ်ꩻ ဟဲ့ꩻ'ဒိဋ္ဌိယောဂ'နောဝ်ꩻသွူ။ ၄။ စတူသု သစ္စေသု အညာဏံ အဝိဇ္ဇာယောဂေါ- တသေတဝ်း သစ္စာႏတရာꩻလစ်ꩻပါꩻနဝ်ꩻ ဟဲ့ꩻ'အဝိဇ္ဇာယောဂ'နောဝ်ꩻသွူ။ ရဟန်ꩻသီးဖုံႏဟွေး- သေတဝ်းကာႏမဂွုဏ်ႏအပဲ့စ်၊ ကာႏမဂွုဏ်ႏနဝ်ꩻ ထွာအီဝွဋ်ဒုက္ခနုဲင်းနဝ်ꩻတဲ့ သေတဝ်း၊ သေတောဝ်း ကာႏမဂွုဏ်ႏခရာႏတဲင် တဏှာႏရာႏဂ၊ အဝ်ႏဝွို့ည ကာႏမဂွုဏ်ႏတွော့ꩻ လꩻနွောင်ꩻတဝ်းနိဗ္ဗာန်ႏ၊ ထန်ႏနွောင်ꩻတဝ်း ဝွဋ်ဒုက္ခနောဝ်ꩻသွူ။ ရဟန်ꩻသီးဖုံႏဟွေး- သေတဝ်းဘဝအပဲ့စ်၊ ဘဝနဝ်ꩻ ထွာအီဝွဋ်ဒုက္ခနုဲင်းနဝ်ꩻတဲ့ သေတဝ်း၊ သေတဝ်းဘဝခရာႏတဲင် ဆန္ဒရာႏဂအလိုႏ အဝ်ႏမဉ်တွိုႏထင်ႏ ရူပဘဝ-အရူပဘဝ(ဗျဟ္မာႏဘဝ)၊ အဝ်ႏဝွို့ည ဘွုံႏဘဝနဝ်ꩻတွော့ꩻ လꩻနွောင်ꩻတဝ်းနိဗ္ဗာန်ႏ၊ ထန်ႏနွောင်ꩻတဝ်း ဝွဋ်ဒုက္ခနောဝ်ꩻသွူ။ ရဟန်ꩻသီးဖုံႏဟွေး- သေတဝ်း (မိစ္ဆာ)ဒိဋ္ဌိအပဲ့စ်၊ မိစ္ဆာဒိဋ္ဌိနဝ်ꩻ ထွာအီဝွဋ်ဒုက္ခနုဲင်းနဝ်ꩻတဲ့ သေတဝ်း၊ သေတဝ်းဒိဋ္ဌိခရာႏတဲင် 'ခန္ဓာႏဘိုနဝ်ꩻ နိစ္စဒျာႏ၊ သုခဒျာႏ၊ အတ္တဒျာႏ' တဏှာႏရာႏဂ အဝ်ႏဝွို့ည (မိစ္ဆာ)ဒိဋ္ဌိနဝ်ꩻတွော့ꩻ လꩻနွောင်ꩻတဝ်းနိဗ္ဗာန်ႏ၊ ထန်ႏနွောင်ꩻတဝ်း ဝွဋ်ဒုက္ခနောဝ်ꩻသွူ။ ရဟန်ꩻသီးဖုံႏဟွေး- သေတဝ်း အဝိဇ္ဇာႏအပဲ့စ်၊ အဝိဇ္ဇာႏနဝ်ꩻ ထွာအီဒါႏ ဝွဋ်ဒုက္ခနုဲင်းနဝ်ꩻတဲ့ သေတဝ်း၊ သေတဝ်းအဝိဇ္ဇာႏခရာႏတဲင် ခွေါင်းရွသာႏယာႏမု-စတဲင်နဝ်ꩻနဝ်ꩻ ထင်းဒျာႏထာꩻချမ်ꩻသာႏ၊ သေတဝ်းသစ္စာႏဒုက္ခ၊ အဝ်ႏဝွို့ည အဝိဇ္ဇာႏနဝ်ꩻတွော့ꩻ လꩻနွောင်ꩻတဝ်းနိဗ္ဗာန်ႏ၊ ထန်ႏနွောင်ꩻတဝ်း ဝွဋ်ဒုက္ခနောဝ်ꩻသွူ။(သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ ယောဂသုတ်)[၁][၂]