ရဟန်ꩻထဉ်ႏငတ်ꩻရျာꩻ
"ရဟန်ꩻထဉ်ႏငတ်ꩻရျာꩻ"
၈၈။ ဂါႏထာႏပြန်ႏပအိုဝ်ႏခြေင်ခြေင်- ပညာႏသားနဝ်ꩻ ပယ်ႏထိုꩻကာႏမဂွုဏ်ႏထွူတဲင် နန်းခီမွိုန်းထမုဲင်ꩻမုဲင်ꩻတွော့ꩻ နိဗ္ဗာန်ႏဟဲ့ꩻလွ ငိမ်ꩻခွꩻရျူႏရောင်း ဝိဝေကလောင်းနဝ်ꩻနဝ်ꩻ ချမ်ꩻသာႏရေႏထင်ႏ အဝ်ႏလိုႏပျောႏဒင်ႏငါႏ မရေႏမရာႏသွူ၊ ရုပ်နာမ်ႏနီဗာႏ နီခန္ဓာႏယို အဝ်ႏလိုႏမာꩻစင်စင်ထိုꩻ စတဲင်လောဘ နီဝရဏဖုံႏနဝ်ꩻသွူ။
၈၉။ ဂါႏထာႏပြန်ႏပအိုဝ်ႏခြေင်ခြေင်- ပါꩻမုဲင်ꩻရိုꩻတဝ်း ဟောဝ်ဟဝ်ဒါႏဒါႏ နေးဒျာႏနယ်ꩻမဲဉ်ႏမဲဉ်ႏတဲင် သမ္ဗောဓိတရာꩻဖုံႏအလောင်းနဝ်ꩻ အဝ်ႏလိုႏဖြယ်ဒင်ႏအာအာ သꩻစင်ဗွာနဝ်ꩻသွူ၊ လောဘ ဒိဋ္ဌိ မောဟ အာသဝကလို့ထိုꩻဒါႏ အရဟတ္တမဂ်ရောင်ႏ ကလေတောင်ႏဒါႏ ပုဂ္ဂိုလ်ႏနဝ်ꩻစားဖုံႏနဝ်ꩻ ကူꩻထွူထန်ႏလꩻစွဉ်ႏ ဝဋ်ဒုက္ခ လောကယိုငခါသွူ။
"လꩻဗဟုသုတ၊ လꩻအီသတိꩻနုဲင်းယို" ဟော်ꩻထွားသွဉ်ဗာႏ ရဟန်ꩻထဉ်ႏငတ်ꩻရျာꩻဝတ္ထုယိုတဲင်-
၁။ ဘုရာꩻစိုးစခါ ပေါႏထန်ႏသွူဝါႏနဝ်ꩻ ကျွꩻလွဉ်ဝုဲင်ႏ နီဗွေႏဘုရာꩻအကျောင်ꩻ၊
၂။ ပေါႏဟော်ꩻတရာꩻနဝ်ꩻ ထွားဗာႏနာႏတရာꩻသားစရဲက် ယံကကဲက်ညီႏ ယံကထီႏတရာꩻနဝ်ꩻ ထွားဟော်ꩻဖေႏဗာႏအကျောင်ꩻ၊
၃။ အဝ်ႏလိုႏမာꩻတဝ်း အကုသိုလ်ႏ၊ အောဝ်ႏလိုႏထုမ်ႏဒျာႏတရာꩻ၊ အဝ်ႏလိုႏမာꩻဒျာႏ ကုသိုလ်ႏအကျောင်ꩻ-စတဲင်နုဲင်းနဝ်ꩻ သေထွꩻ လꩻအီသတိꩻအာတန်သွူ။[၁][၂][၃]