ကုလာဝကဇာတ်

အဝ်ႏ ဝီခီပီးဒီးယား ကို

"ကုလာဝကဇာတ်" ထွားသွဉ်ဟော်ꩻကျပ် ကုလာဝကဇာတ်ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ-

၁။ ဟဝ်မာꩻယူႏပက်တဝ်းဝင်ꩻ၊ ဟဝ်မာꩻသီတဝ်းဝင်ꩻအကျောင်ꩻ၊

၂။ ဖြွမ်းဖြွမ်းဗူႏဗူႏလို့ဝင်ꩻတဲင် ဒုံကိုရပ်ရာႏ လွိုင်ႏကွုန်ꩻသာႏယာႏရေꩻအတွက် ဆောင်ႏရွက်မာꩻဗာႏအကျောင်ꩻ၊

၃။ လိုꩻတကေးဒါႏဝင်ꩻ၊ လိုꩻကျမ်ႏတကုဲင်ဒါႏဝင်ꩻ၊ လိုꩻအံႏစာယားတရေႏဝင်ꩻနောဝ်ꩻ တညတောဝ်းအခိန်ႏခါႏ ဝဋ်ချာႏဝွေꩻဟ မော့ꩻဗာႏထာꩻဒုက္ခအကျောင်ꩻ၊

၄။ မာꩻတဝ်းကုသိုလ်ႏနဝ်ꩻ ထွာဒါႏတိရစ္ဆာန်ႏ၊ မာꩻကုသိုလ်ႏမꩻ တွိုႏထင်ႏလꩻ လူꩻခမ်းအကျောင်ꩻ၊

၅။ ဇာတ်ကရီးခါ မီႏရက်ဗာႏဖိုလို့ဝင်ꩻနဝ်ꩻ ဘဝယိုတဲ့ သꩻရက်မေတ္တာႏ ပေါႏလွဉ်ဒျာႏအကျောင်ꩻ-စတဲင်နုဲင်းနဝ်ꩻဖုံႏသွူ။

"နစ္စဇာတ်" ထွားသွဉ်ဟော်ꩻကျပ် နစ္စဇာတ်ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ-

၁။ ရဟန်ꩻသီးဖုံႏ ရွမ်ပြုံႏအွဉ်ႏအာတခြိုꩻနဝ်ꩻ နီဗွေႏဘုရာꩻကျွိုက်တောဝ်း၊ ဟောဝ်အွဉ်ႏတဝ်း တခြိုꩻအကျောင်ꩻ၊

၂။ ထေမာန်ႏ သꩻလျားထာꩻ အမျာꩻငါနဝ်ꩻ ထွာထာꩻသွမ်ꩻသဲ့ꩻ၊ အမျာꩻကဲ့ꩻရဲ့ꩻဒါႏအကျောင်ꩻ၊

၃။ လꩻသွူ ရတနာႏတဲ့ယောဝ်း ပေါႏထာꩻဝင်ꩻသꩻ၊ ထာꩻငမ်းအဲဉ်ထောဝ်းနောဝ်ꩻ သွုမ်ꩻချာထိုꩻယင်းဒျာႏအကျောင်ꩻ၊

၄။ ထာꩻဝင်ꩻသꩻ(ဟိရီ)၊ ထာꩻငမ်း(ဩတ္တပ္ပ) လောကပါလ (တရာꩻထိန်ꩻမူႏခို) ယိုနီပါꩻနဝ်ꩻ စွုမ်ႏဖြာꩻတန်ပေႏ လိုႏအွဉ်ႏသေႏသေႏအကျောင်ꩻ-စတဲင်နုဲင်းနဝ်ꩻဖုံႏသွူ။[၁][၂][၃]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. ပအိုဝ်ႏလိတ်လုဲင်ꩻစွစ်ꩻလီတာႏအစွိုꩻ
  2. ဗွေႏဗွန်ကောဝိဒ(ဇဝနာရာမ)
  3. ဇာတ်ဝတ္ထု(၅၅၀) အမုဲင်(၄)