ခမ်းကို ကထေထာꩻခြိုꩻ ခြွောန်းဗူႏ၊ GDP

ဒေသ ရပ်ရာႏတထွောင်းတာႏ ခမ်းကို ကထေဒါႏ ထာꩻခြိုꩻခြွောန်းဗူႏ (Gross Domestic Product) ကရိုꩻနောဝ်ꩻ ထွာ တဲက်ခိန်ႏလွေꩻ အရပ်နောဝ်ꩻဗာႏ ထာꩻဖြေꩻစာ ကထွာဆေ့ꩻအာသွူ။ ခမ်းတခမ်း စီဒီပီ ကရိုꩻနောဝ်ꩻ ထွာ ကအွောန်ႏထော့ꩻခါꩻဒါႏ အခိန်ႏတဗာႏကို ကထေမာꩻထွူလꩻဒါႏ ထာꩻခြိုꩻတွမ်ႏ မာꩻဖေႏဝင်ꩻထာꩻမာꩻ အငိုꩻလို့လို့ ကအောဝ်ႏထာꩻဖြေꩻစာတုင်းကိုသွူ။

အတဲမ်းနယ်ယိုꩻယိုꩻဝင်ꩻ ပီနုဲင်း လယိုစား-

စီဒီပီ = အမ်ႏအွꩻစုဲင်ႏဖြေꩻအီထာꩻ + သော့ꩻချာထာꩻမာꩻကို + အစိုးရ ကမာꩻအီ စရိပ် + (ထာꩻခြိုꩻပသာထန်ႏ - ထာꩻခြိုꩻနွို့လွောန်ခမ်းကို)

ထာꩻခြိုꩻခြွောန်းကိုနောဝ်ꩻ သော့ꩻခါꩻပါတောဝ်း ကထေခါꩻရီးလဲန်းဒါႏ ထာꩻမာꩻတာႏ ထာꩻခြိုင်းခြိုꩻ အငိုꩻယောမ်ꩻ။ မဉ်ႏဗဲ့ꩻခါꩻပါ အငိုꩻယောမ်နောဝ်ꩻ ထွာ အနမ်းကအောဝ်ႏကုဲင်ဒါႏ ထာꩻခြိုꩻခြွောန်း ကထေခမ်းကို (GNP) သွူ။ ယဖြာꩻဖြာꩻနောဝ်ꩻ အမ်ႏအွꩻမာꩻအီတာႏ အဖခါꩻ နီခေါဝ်- ပုဂ္ဂလိက အမ်းအွꩻ မာꩻအီထာꩻတွမ်ႏ အစိုးရ အမ်ႏအွꩻမာꩻအီထိုꩻထာꩻ။ မဲက်ခရိုꩻ စီꩻပွာꩻရေꩻဖဲ့ꩻနောဝ်ꩻ အဖခါꩻနေး ကီယိုစားသွူ။ ထာꩻဖြေꩻစာ ပြွူႏဖြိုတန်တာႏ ပုဂ္ဂလိက ဖြေꩻလုဲင်ႏယွဲးထာꩻယို ထွာ အဓိက စီꩻပွာꩻရေꩻ ယန္တယား။