ခမ်းထီဖေႏကလꩻတဲ့နဝ်ꩻ

အဝ်ႏ ဝီခီပီးဒီးယား ကို

"ခမ်းထီဖေႏကလꩻတဲ့နောဝ်ꩻ၊ ကလꩻထွူလဲဉ်းခမ်းထီ ဖေႏကတဉ်ႏခွေါင်တဲ့နောဝ်ꩻ" ပအိုဝ်ႏစွိုးခွိုနုဲင်းယိုခါ တခွိုꩻလွုမ်းကအောဝ်ႏထောင် နဲင်ႏငံႏရေꩻတဖူꩻနောဝ်ꩻ စငါအီႏတွိုႏဗ၊ တထာႏဝကိုတဲင် အောဝ်ႏလိုႏသွုပ်ငါနောဝ်ꩻ အောဝ်ႏအာနေက တဖူꩻဆွာꩻနေက လိုꩻသေလိုꩻဒါႏ အောဝ်ႏလိုႏအာနေက လိုꩻကျလိုꩻယံ လိုꩻရုဲင်းထင်ဖုံႏ၊ လိုꩻစွန်ꩻထီဗွေဖုံႏနောဝ်ꩻသွူ။ ခွိုꩻပအိုဝ်ႏဖုံႏဟွေး- နီပအိုဝ်ႏဘဝ ထင်ႏထိုတာႏ အောဝ်ႏခွုမ်မာꩻတွင်ꩻ ပါꩻမုဲင်ꩻမဲဉ်ယားယား ခံႏမွိုန်းအပꩻလီ ခံႏမွိုန်းအကုဲင်ပြင်ꩻ ခွန်နင်ꩻသီးယိုတအာႏ ဖေႏကလွစ်ဗာႏမဲ့ငါပေႏ၊ တရေꩻလင်ꩻနောဝ်ꩻ အောဝ်ႏလိုႏစွစွူဒျာႏ နီရဲင်ꩻအာႏ၊ အောဝ်ႏလိုႏထဲင်းထဲင်းဒျာႏ နီလွောင်ႏဗူႏရေꩻ၊ ယိုမာꩻငါ ကောဝ်ႏထွန်ႏထျꩻ ဖေႏကတွိုႏဗꩻ နီပအိုဝ်ႏကမဲဉ်လꩻ နမ်းပဲင်ႏခမ်းထီ၊ နီတွမ်ႏနီသောင်ႏသာ ထွိုင်ႏကျိုꩻစာꩻ နေးအမဲဉ်ႏတရာꩻ မဉ်ႏထောင်စွဉ်ႏစွဉ်ႏ အွဉ်ငါခေါင်ဆောင်တန်ဖုံႏ ကအွဉ်ႏနယ်အတွိုင်ꩻနောဝ်ꩻ မုဲင်ꩻခါခန်းဝယောဝ်း အဲဉ်ထောဝ်းအထဲ့သွုမ်ꩻနောဝ်ꩻသွူ။ ကွပ်ပွိုးနောဝ်ꩻမꩻ ပညာႏရှိလိုꩻဒါႏ ဟောဝ်သေထွိုက်ငါႏ နယ်ꩻအစားစား လိတ်စောင်ႏကို ဖေႏကလꩻဗာႏနေႏရာႏခင်ႏလံး (ခမ်းထီ)နောဝ်ꩻ အကျောင်ꩻတရာꩻ အောဝ်ႏသွစ်ꩻပါꩻတဲင် ခွိုꩻပအိုဝ်ႏခွန်နင်ꩻ ဖေႏကသေထွꩻနွောင်ꩻအီဝင်ꩻအတာႏ မဉ်ႏတဲမ်းထန်ႏနယ်ဗာႏနောဝ်ꩻ- (၁) စဲ့ꩻကတူႏ အွဉ်ႏငါပိုလ်ႏလဲ့ပါ လွောင်ႏဗူႏဝင်ꩻ၊ ဖြွမ်းဗူႏဗာႏဝင်ꩻလဲ့တပါꩻ၊ (၂) စဲ့ꩻမဲ့စဲ့ꩻနား ကထွားထိန်ꩻနာႏခံႏဒါႏ သတင်ꩻအမျိုꩻမျိုꩻ လိုꩻဟောဝ်သစ္စာႏမဲဉ်ႏသား လွိုင်ႏအာဗာႏလဲ့တပါꩻ။ (၃) စဲ့ꩻမဲ့စဲ့ꩻနား ပြဲ့ꩻစွုမ်ႏတွမ်ႏထာႏရုဲင်းလွိုင်ႏအာ ပြဲ့ꩻစွုမ်ႏငီႏညွတ်ဟောဝ်ငါႏလဲ့တပါꩻ။ (၄) လိုꩻသေလိုꩻဒါႏ လိုꩻပညာႏသား လိုꩻလက်ꩻလဲဉ်၊ လိန်ႏလဲဉ်နွောင်ꩻချာ ရန်ႏသူႏမဲ့ငါ ပြဲ့ꩻစွုမ်ႏလွိုင်ႏအာဗာႏနောဝ်ꩻလဲ့တပါꩻ။ (၅) စဲ့ꩻတပ်အစွယ်ႏ ကဟဲ့ꩻထွိုက်ဒါႏ လိုꩻလိမ္မာႏအမတ်တန် လွိုင်ႏအာစွုမ်ႏလင်ႏ လွောင်ႏဗူႏဝင်ꩻနောဝ်ꩻလဲ့တပါꩻ။ (၆) စဲ့ꩻတပ်စွုမ်ꩻတန်ကို ကလိုႏအောဝ်ႏထွိုက်ဒါႏ လော၊ ကာꩻ၊ သင်္ဘောꩻကျောင်ႏ၊ သေ၊ ဆင်စွုမ်ႏလင်ႏဗာႏနောဝ်ꩻပါꩻ။ (၇) စဲ့ꩻအင်္ဂါႏ လက်နက်စွုန်ꩻ၊ အမြောက်၊ ဗုံး လွိုင်ႏအာဗာႏလဲ့တပါꩻ။ (၈) စဲ့ꩻတပ်မဟာႏ တွမ်ႏထာႏငီႏညွတ်၊ တွမ်ႏထာႏရဲးကာႏကွယ်ႏဟောဝ် စွုမ်ႏလင်ႏဗာႏလဲ့ တပါꩻနောဝ်ꩻသွူ။ ခမ်းထီဖေႏကလုဲင်း၊ ဖေႏကအာ ဖေႏကထင်ႏထိုနောဝ်ꩻ အကျောင်ꩻတꩻသွံတွံပါꩻ ဆꩻကီယို အောဝ်ႏဗာႏ၊ မဉ်ႏတအောဝ်ႏတောဝ်းနောဝ်ꩻ အောဝ်ႏစွဉ်ႏခမ်းထီလဲ့ ပါꩻလꩻထိုꩻဒျာႏ၊ အောဝ်ႏစွဉ်ႏရွဉ်ခံꩻလဲ့ အောဝ်ႏစွဉ်ႏဟံႏယာႏလဲ့ ထွာလိုꩻပါဟံႏယာႏ ထွာပဒါႏပအိုဝ်ႏသံဃာႏ ကိစ္စလီစွိုꩻအစွိုꩻဆဲင်ႏရာꩻ။ [၁][၂]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. တောင်ꩻတဝ်းမဉ်ꩻ
  2. မောင်းမွူးခံꩻ-အမုဲင်(၃၄)