ငေါꩻလဖွိုႏ/ ငေါꩻလထို ခရာႏ
ငေါ်ꩻလဖွိုႏ/ ငေါ်ꩻလထိုခရာႏ
"လိတ် လုဲꩻ ခရာႏ ယို ပေါႏ နီ သေ ထွꩻ လဲဉ်း အ မဲဉ်ႏ အ မာႏ ထွူ ပေါႏ နီ တ ဖေႏ သေ တဝ်း တ ဖန်း ဖြယ် တဝ်း ခွိုꩻ ပ အိုဝ်ႏ နဝ်ꩻ ထွာ သဲင်ꩻ ပ အိုဝ်ႏ လိုꩻ ခွိုꩻ တ ဖြာꩻ တာႏ ဝိုန်ႏ တ ကေႏ တဝ်း" ပုဂ္ဂိုလ်ႏ တန် တ ပါꩻ ဒေါ့ꩻ ဖေႏ ငဝ်း ယို အ လꩻ
ပွိုး ဝွို့ꩻ တောမ်ႏ အ ကျောင်ꩻ ကိ စ္စ ကီ ယို တဲင် တဲမ်း ဖန်း ဖြယ် နယ် ဗာႏ ဟောꩻ လိတ် သား ဗွေႏ ခူန် နင်ꩻ သီး နုဲး ငါ ယို အ တွိုင်ꩻ သွူ။
က တွဲႏ နျꩻ ထန်ႏ ထွူ ထွူ လဲဉ်း ဒါႏ
"ပ အိုဝ်ႏ လိတ် မွူး စောင်ႏ"ကို နဝ်ꩻ အဝ်ႏ ဒျာႏ " မှောက် ချ - ငေါ်ꩻ လ ဖွိုႏ - ကာ ကီ ထင်ႏ/ ဝှိုက် ချ - ငေါ်ꩻ လ ထို - ခါဂါငါဒါပါဖါဝါ" နုဲး နဝ်ꩻ သွူ။
"ပ အိုဝ်ႏ လိတ် မွူး စောင်ႏ"ကို က ပါ ဒါႏ "မှောက် ချ - ငေါ်ꩻ လ ဖွိုႏ - ကာ ကီ ထင်ႏ/ ဝှိုက် ချ -
ငေါ်ꩻ လ ထို - ခါဂါငါဒါပါဖါဝါ"ယို မဉ်ႏ တဲက် ထွား လွေꩻ တောမ်ႏ ဖူး ဝေး မန်း သီး က ဖျင် ထိုꩻ လဲဉ်း ဒါႏ ဝွေꩻ သီး" မြန်မာစာသင်ပုန်းကြီးများ"ကို သူꩻ နဝ်ꩻ ထွာ ဒျာႏ အ မာႏ နဝ်ꩻ သွူ။
"ဦးမြတ်ကျော် (မြန်မာစာအဖွဲ့) 'မြန်မာစာအက္ခရာ ရေးသားနည်းစနစ်'လိတ် စောင်ႏ 'မြန်မာသင်ပုန်းကြီးဝေါဟာရများ'ခန်ꩻ"ကို နဝ်ꩻ လဲ့ အဝ်ႏ ဒျာႏ "ဝှိုက်ချ-ာ/ မှောက်ချ-ါ" နုဲး နဝ်ꩻ နေ နေ သွူ။
ကောပ် နဝ်ꩻ မꩻ မဉ်ႏ တဲက် ထွား တောမ်ႏ ဖူး ဝေး မန်း သီး "မြန်မာစာသင်ပုန်းကြီး"ကို နဝ်ꩻ " ပ အိုဝ်ႏ လိတ် မွူး စောင်ႏ" ကို သူꩻ နဝ်ꩻ မွဉ်း ဖျင် စွို့ꩻ လွေꩻ ဗာႏ " ဝှိုက်ချ - ငေါ်ꩻ လ ဖွိုႏ/ မှောက် ချ - ငေါ်ꩻ လ ထို" နုဲး နဝ်ꩻ မꩻ အီႏ မဲဉ်ႏ အီႏ စွို့ꩻ နဝ်ꩻ သွူ။
ပွိုင်း ဝွို့ တောမ်ႏ "ငေါ်ꩻ လ ဖွိုႏ/ ငေါ်ꩻ လ ထို" ကိ စ္စ ယို အွိုး က လဲဉ်း ခိုႏ ချာ နေင်ႏ ၁၃၈၀/၁-ဗာႏ၊ (၂၀၁၉)ရပ်နဝ်ꩻ လိတ် လုဲꩻ တာႏ ဝိုန်ႏ တောမ်ႏ အာႏ ဏာႏ က အဝ်ႏ သား က ထွာ ဒါႏ
၁။ ပအိုဝ်ႏ လိတ် လုဲꩻ စွစ်ꩻ လီ တာႏ ဗ ဟိုႏ သံႏ ဃာႏ စွိုꩻ၊ ၂။ လိတ် လုဲꩻ ယေန်ႏ ငဲး ရေꩻ သား စွိုꩻ၊ ၃။ ဆ ရာႏ ခို/ ဆ ရာႏ မူႏ စွိုꩻ၊ ၄။ တ က္က သိုလ်ႏ ပါ မော က္ခ သား စွိုꩻ၊ ၅။ တ က္က သိုလ်ႏ ကျောင်ꩻ သား စွိုꩻ ဖုံႏ နဝ်ꩻ အုံ ကိုမ် လွေꩻ ဝင်ꩻ ဒဲဉ် သီႏ လာ ဗွေ ကွင်ꩻ၊ ဟော် တန် ကို ထွူ
၁။ "ဝှိုက် ချ" နဝ်ꩻ ငေါ်ꩻ လ ဖွိုႏ၊
၂။ "မှောက်ချ"နဝ်ꩻ ငေါ်ꩻ လ ထို-အကျောင်ꩻ
အုံ ကိုမ် အွဉ်ႏ ထွော့ ( အွဉ်ႏ တီႏ) လွေꩻ ထွူ ဖေႏ အပ် ပါ နေ က လိတ် ထူႏ ဂုဏ်ႏ ဖုံႏ အ ကျောင်ꩻ အဝ်ႏ သေ ထွꩻ လွဉ်ꩻ ဗာႏ နဝ်ꩻ သွူ။
သေ ထွꩻ ဗာႏ ကီ က အွဉ်ႏ ထွော့ (အွဉ်ႏ တီႏ) လဲဉ်း အ ကျောင်ꩻ ယို လဲ့ က တွဲႏ နျꩻ ခါꩻ ထွူ ထိုꩻ လဲဉ်း ဒါႏ " ပ အိုဝ်ႏ လိတ် မွူး စောင်ႏ" ကို ယို ဝွေꩻ သီး တ မွဉ်း ဖျင် စွို့ꩻ ဖေႏ ပါ တဝ်း။ အွဉ်ႏ ထွော့ လဲဉ်း ( အွဉ်ႏ တီႏလဲဉ်း )အ ကျောင်ꩻ ယို လဲ့ ဝွေꩻ သီး တအွဉ်ႏ စွꩻ ဖေႏ ပါ တဝ်း လိတ် လွီး လယ်ႏ ( သ တင်ꩻ) လိတ် စေး လာႏ နဝ်ꩻ သွူ။
အွဉ်ႏ ထွော့ (အွဉ်ႏ တီႏ)လဲဉ်း ရိုꩻ ကီ လဲ့ ကောပ် ပွိုး တ အွဉ်ႏ စွꩻ တဝ်း လိတ် လွီး လယ်ႏ( သ တင်ꩻ)၊ လိတ် စေး လာႏ နဝ်ꩻ မꩻ ကေား က သေ ထွꩻ သား နဝ်ꩻ သွဉ် လွေꩻ ဖေႏ (ဝှိုက်ချ-ငေါ်ꩻ လ ဖွိုႏ/ မှောက်ချ - ငေါ်ꩻ လ ထို) အ မဲဉ်ႏ နုဲး နဝ်ꩻ၊ ကေား တ သေ ထွꩻ တဝ်း သား နဝ်ꩻ သွဉ် ဖေႏ စွူ စွူ ဒျာႏ က တွဲႏ နျꩻ ထန်ႏ ခါꩻ ဒါႏ " ပ အိုဝ်ႏ လိတ် မွူး စောင်ႏ" ကို က ပါ ဒါႏ အ တွိုင်ꩻ တဲင် က ထွိုင်ႏ မာꩻ လွေꩻ " လိတ် ပ အိုဝ်ႏ ပွယ်ꩻ တန် ရီ လိတ်" နဝ်ꩻ ထွာ လွဉ် အီ မော့ꩻ လွဉ် အီ အ စေ( အ ဖြေႏ) ယပ်ꩻ ခုဲႏ မုꩻ ဖုံႏ နဝ်ꩻ သွူ။
ကောပ် နဝ်ꩻ မꩻ က အွဉ်ႏ ထွော့ (အွဉ်ႏ တီႏ) လဲဉ်း ဒါႏ " ဝှိုက် ချ - ငေါ်ꩻ လ ဖွိုႏ/ မှောက် ချ - ငေါ်ꩻ လ ထို" ကိ စ္စ ယို တာႏ ဝိုန်ႏ တောမ်ႏ အာႏ ဏာႏ က အဝ်ႏ သား ဖုံႏ နဝ်ꩻ အဝ်ႏ လိုႏ အွဉ်ႏ စွꩻ ဖေႏ ငါႏ လိတ် လွီး လယ်ႏ အကျောင်ꩻ တောမ်ႏ မေ တ္တာႏ ငဝ်း ထီ ထွူႏ ထွူႏ တွုမ် တွုမ် တဲမ်း ဖေႏ သေ အွဉ်ႏ ဟွုန် ဗာႏ နုဲး ယို နဝ်ꩻ သွူ။
တောင်ꩻ သေꩻ - "ဝှိုက်ချ - ငေါ်ꩻ လ ဖွိုႏ (ာ)/ မှောက်ချ - ငေါ်ꩻ လ ထို (ါ)" ယို က အွဉ်ႏ ထွော့ အွဉ်ႏ တီႏ လဲဉ်း အ ကျောင်ꩻ ခ ရာႏ မွေး တမွေး တဝ်း နဝ်ꩻ ရီ စောႏ တ နာႏ ထေ့ လွေꩻ သွော့ ဝင်ꩻ တာႏ ဝိုန်ႏ တောမ်ႏ အာႏ ဏာႏ က အဝ်ႏ သား ထျꩻ သူꩻ ပ ငါ ပ ရာꩻ အ ကျောင်ꩻ ဖေႏ သေ ဗာႏ သွူ။ ဖူးဝေးမန်းသီး "မြန်မာစာသင်ပုန်းကြီးစာအုပ်များ"ကိုသူꩻလဲ့ ထိုမ်ႏလွူꩻထွားပါသွော့ဝင်ꩻအကျောင်ꩻ ဖေႏသေဗာႏသွူ။
<ref>သထူႏင်ပေႏ ခူန်သာ<ref>